30/07/2026
📢 OPISYAL NGA PAHIBALO
Sa tanan namong mga miyembro,
Palihug timan-i nga sumala sa among gi-implementar nga protocol ug polisiya, dili mahimong makadugang og hulam ang bisan kinsa nga adunay existing nga utang nga wala pa mabayri. Kinahanglan una nga mahuman ug mabayran ang kasamtangang obligasyon sa dili pa mahimong maka-avail og bag-ong hulam.
Kini nga polisiya dili mahimong usbon o adunay eksepsyon, tungod kay kini gibutang aron mapanalipdan ang duha ka panig ang nanghulam ug ang nagpahulam. Ang paghatag og dugang nga hulam bisan naa pay wala mabayri mahimong mosangpot sa mas dako nga utang ug kalisod sa pagbayad.
Busa, kung dili pa ninyo mabayri ang inyong kasamtangang utang, ayaw na paghangyo og dugang nga hulam. Ang among protocol ug polisiya ipatuman sa patas ug parehas nga paagi sa tanan.
Kung dili kamo mouyon sa among polisiya, gitamod namo ang inyong desisyon nga mangita og laing kahulaman nga mas angay sa inyong panginahanglan. Apan, sa among serbisyo, ang pagsunod sa among protocol ug polisiya dili mahimong ilabay o balewalain.
Salamat sa inyong pagsabot, kooperasyon, ug pagrespeto sa among mga polisiya.
