27/08/2026
Paanyaya para sa paghahain ng Direct nomination
Ang sinumang limang (5) kasapi na may mabuting katayuan sa Kooperatiba ay maaari nang maghain ng nominasyon para sa napili nilang kandidato bilang Board of Directors, Audit Committee o Election Committee para sa 2027 General Election. Tiyakin lamang na ang inyong i-e-endorso ay personal ninyong kakilala at nagtataglay ng mga sumusunod na kwalipikasyon:
1. Kinakailangang may hindi bababa sa P50,000.00 na Share
Capital sa nakalipas na dalawang (2) taon;
2. May edad na 25 subalit hindi hihigit sa 63 taong gulang;
3. Aktibong miyembro ng Kooperatiba sa loob ng dalawang (2) taon o higit pa;
4. Napanatili ang pagiging CLASS A BORROWER sa loob ng isang (1) taon;
5. College graduate;.
6. Hindi halal na opisyal pang-barangay, pambayan,
panlalawigan o nasyonal;
7. Siya at ang kanyang magulang, kapatid, asawa at anak ay hindi nagtataglay ng anumang posisyon bilang kawani o opisyal sa ibang kooperatiba, bangko, microfinance institution,
bahay-sanglaan at mga kahalintulad na institusyon;
8. Hindi kamag-anak ng sinumang kawani ng St. Martin Coop at kasalukuyang nanunungkulan sa Kooperatiba hanggang second degree of affinity and consanguinity ;
9. May malusog at maayos na pag-iisip, pag-uugali, at
pangangatawan; at
10. Hindi naging dating kawani o empleyado ng SMTCDC.
Ipasa ang selyadong envelope ng nominasyon ng inyong napiling kandidato sa Membership Services Department hanggang sa ika-11 ng October, 2026.
