05/03/2026
🙏🙏🙏❤️❤️❤️
Sa bawat patak ng sakripisyo, may pusong nabubuhay.
Sa bawat pisong inilalaan, may pag-asang sumisibol.
Ngayong Kuwaresma, ialay natin ang “Sakri-piso” bilang tanda ng ating pagdarasal, pag-aayuno, at taos-pusong pagbibigay-limos. Ang isasakripisyo na ito ay maaaring maging pagkain ng nagugutom, gamot ng may karamdaman, at liwanag ng mga pusong pinanghihinaan.
Sa pagpasok natin sa Panahon ng Kuwaresma, maaari na po tayong kumuha ng Sakri-Piso jars sa ating Parish Office sa ganap na 8AM-5PM araw-araw o kaya naman po sa ating Sakri-piso Booth tuwing Linggo sa ating simbahan. Ang mga ito ay iaalay naman sa Huwebes Santo sa darating na mga Mahal na Araw.
Huwag nating maliitin ang maliit—sapagkat sa kamay ng Diyos, ang munting handog ay nagiging malaking himala.
