05/06/2022
यूनियन लाइफ इन्स्योरेन्स कम्पनी लिमिटेड द्वारा १० लाख ४७ हजार रुपैयाँ मृत्यु दाबी भुक्तानी
स्याङ्जा, यूनियन लाइफ इन्स्योरेन्स कम्पनी लिमिटेडको पुतलीबजार शाखाले मृतक बीमितको परिवारलाई १० लाख ४७ हजार रुपैयाँ मृत्यु दाबी भुक्तानी गरेको छ।
यस कम्पनीका पुतलीबजार शाखा प्रमुख प्रसाद थापा, सिनियर एजेन्सी म्यानेजर ज्ञानेन्द्र ढुंगाना, टि एस थापा मगर, रीता थापा, किरण केसी र अभिकर्तासाथीहरुको संयुक्त उपस्थितिमा उक्त रकम बराबरको चेक हस्तान्तरण गरेका हुन्।
बिरुवा गाउँपालिका वडा नं ३ राङ्भाङ्का मृतक बीमित पवित्रा थापाको हकवाला छोरा अमर आलेलाई चेक रकम हस्तान्तरण गरिएको हो।
२०७७ असोज १३ मा १५ बर्षको लागि बीमाङ्क १० लाखको सावधिक तथा आजिवन जीवन बीमा योजना खरिद गरेका पवित्रा थापाको आकस्मिक हृदयघाटका कारणले गण्डकी मेडिकल कलेज शिक्षण अस्पताल पोखरामा उपचार को क्रममा निधन भएको थियो। १ किस्ता वापतको रकम ९९ हजार ८ सय २८ रुपैयाँ मात्र बुझाएका पवित्रा थापाको मृत्यु दाबी रकमको चेक बीमितको परिवारलाई हस्तान्तरण कार्यक्रम सम्पन्न गरियो।
