13/01/2026
महर्षि मेही कृषि सहकारी संस्थाको १३ औं बार्षिक साधारण सभा भाव्यताका साथ सम्पन्न ।।
२०८२ साल गत्ते २८ गते सोमबार
"आजको आवश्कता सहकारीमा अवद्धता" भन्नेे मुल भावका साथ महर्षि मेही कृृृषि सहकारी संस्थाको ऐतिहासिक १३ औं वार्षिक साधारण सभा सम्पन्न भएको छ ।
मोरङ जिल्लाकै उत्कृष्ट संस्थाको रुपमा सम्मानित यस महर्षी मेही सहकारी संस्थालेे आफ्नैै खाद्यान्न अनाज भवनको प्राङ्गणमा उक्त कार्यक्रम गरिएको थियो । साधारण सभामा आर्थिक बर्ष २०८१/८२ को वार्षिक प्रतिवेदन अनुसार संस्थाले कुल ४ करोड ३३ लाख ३६ हजार चार ४ सय ६१ करोड रुपैया लगानी गरेकाे छ । संस्थाले १ करोड १६ लाख ४१ हजार ७ सय ८३ रुपैयाँ २९ पैसा कुल आम्दानी गरी १ करोड ११ लाख ६४ हजार ८५ रुपैया ९६ पैसा खर्च गरेको छ । संस्थाले ४ लाख ७७ हजार ६ सय ९७ रुपैया ३३ पैसा शुद्ध मुनाफा समेत गरेको छ ।
संस्थाको आगामी आर्थक वर्ष २०८२/ ८३ मा रू १ करोड ३७ लाख २१ हजार ५ सय रुपैयाँ आम्दानी गर्ने गरी लक्ष्य तथा योजना लिएको छ । त्यसैगरी संस्थाले वित्तीय कारोबार सँगै स्थानीय कृषि क्षेत्रमा रहेका बिभिन्न समस्याहरु लाई सहजीकरण सँगै व्यवसायिकरण गर्ने गरी कृषकहरूले कृषि कार्य गर्दा लाग्ने सम्पूर्ण लागत तथा प्राविधिक सहयोग उपलब्ध गराउँदै हाल कृषकहरूले उत्पादन गरेका खाद्यान्न अनाजलाई कृषि मण्डी बजारको अवधारणा अनुसार खाद्यान्न खरिद बिक्री एबम् भण्डारण समेत गर्दै आएका छन् ।
संस्थाको बार्षिक प्रतिवेदन तथा प्रस्तावित कार्ययोजना संस्था का अध्यक्ष- श्री अशेश्वर प्रसाद साह ले प्रस्तुत गरेका थिए । संस्थाका धितो मूल्याङ्कन संयोजक रामनारायण मण्डलले स्वागत मन्तव्य दिएका थिए ।
उक्त संस्थाकाे ६ सय ८० जना शेयर सदस्य रहेको छ । सदस्य र समाजमा समर्पित संस्थाले सामाजिक उत्तरदायित्व निर्बाह गर्दै विभिन्न सामाजिक कार्यक्रमहरु गर्दै आएको छ । संस्थाले शेयर सदस्यलाई ऋणी मात्र नबनाई धनी बनाउने उद्देश्य लिई रङ्गेली नगरपालिका, सुनवर्सि नगरपालिका लगायत धनपालथान गाउँपालिका मा कृषि तथा व्यवसायिक क्षेत्रमा कारोवार गर्दे आइरहेको छ । उक्त भव्य समारोहका बिच दोसल्ला ओढाएर अबिर माला पुरस्कार सहित सस्थाले ७ जना जेष्ठ नागरिक सदस्य, ५ जना उत्कृष्ट बचतकर्ता, ५ जना उत्कृष्ट ऋणी, २ जना उत्कृष्ट बाल बचतकर्ता र ८ जना कर्मचारीहरुलाई समेत सम्मान गरिएको थियो । साथै १ जना युवा कृषि उद्यमी लाई सम्मान पत्र सहित दोसल्ला ओडाएर सम्मान गरेको थियो !
प्रमुख अतिथिमा राष्ट्रिय सहकारी बैंक लिमिटेड, कोशी प्रदेश प्रमुख चिरञ्जीवी तिम्सिना ज्यूले पानसमा दियो बालेर महर्षी मेही को तस्बिरमा माल्यार्पन गर्दै साधारण सभाको उद्धाटन गर्नु भएको थियो । बिशिस्ट अतिथिहरुमा जिल्ला कृषि सहकारी सङ्घ लिमिटेड, बेलबारी का उपाध्यक्ष सोवित पौडेल नेपाल, त्यसैगरी रङ्गेली नगरपालिका कृषि विभागका प्रमुख वीरेन्द्र मण्डल सहीत अतिथिहरुमा भिन्न वित्तीय संघ संस्था तथा कार्यालयका प्रतिनिधिहरु जगरनाथ मण्डल, गौराङ देव दास, फेकन कामत, अरविन्द कुमार शाह, विश्वर सिंह राई, विनोद कुमार यादव, राधे श्याम साह, कमलेश मण्डल, शत्रुधन रजक, राम नरेश झा, प्रमाेद चक्रवति, सरोज साह, लगायतकाे उपस्थिति रहेको थियोे ।
कार्यक्रम संचालन संस्थाका सचिव अमित कुमार यादवले गरेका थिए भने साधारण सभाको संयोजन कन्हैया लाल साहले गरेका थिए । संस्थाका अध्यक्ष - अशेश्वर प्रसाद साहको सभापतित्वमा साधारण सभा सम्पन्न भएको थियोे ।
