14/07/2023
Financial News Nepal
वित्तीय समाचारको लागि भरपर्दो माध्यम
खोजि गर्नुहोस्
Toggle navigation
सहकारीको ऋण चुक्ता गर्नु अन्यथा ऋणी जायजेथाबाट असुल उपर गरिनेछ : बागमती प्रदेश सहकारी मन्त्राल
Financial News Nepal२०८० असार २८ १२:२६
हेटौंडा । सहकारी संस्थाका ऋणी सदस्यहरुलाई ऋण चुक्ता गर्नु बागमती प्रदेश सहकारी मन्त्रालयको अनुरोध गरेको छ । पर्यटन, उद्योग तथा सहकारी मन्त्रालय, हेटौंडा, मकवानपुरले आज असार २८ गते एक सुचना प्रकाशित गर्दै कर्जा चुक्ता गर्न अनुरोध गरेको हो । प्रकाशित सुचनामा भनिएको छ, सहकारी संस्थाबाट सदस्यहरुको बचत रकम नै कर्जाको रुपमा प्रवाह हुने र ऋणी सदस्यहरुले समयमा नै आफुले भुक्तान गर्नुपर्ने सावाँ तथा ब्याज विभिन्न बहानाबाजी एवं केही पक्षको सहकारी संस्थाको ऋण तिर्नु नपर्ने भन्ने जस्ता भ्रामक र गैरजिम्मेवारीपुर्ण अभिव्यत्तिको आधारमा ऋण चुक्ता नगर्ने परिपाटीले सदस्यहरुको बचत फिर्ता गर्न असहज परिस्थिति सृजना भएको भन्ने गुनासो प्राप्त भएकोले सहकारी संस्थाहरुबाट ऋण लिएका ऋणीहरुले तोकिएको समय भित्र ऋणको सावाँ तथा ब्याज चुक्ता नगर्दा केहि संस्थाहरुमा तरलताको समस्या भई सदस्यहरुको बचत फिर्ता गर्न नसकेको समेत पाईएको छ।
तसर्थ ऋणी सदस्यले समयमा नै ऋण भुक्तान नगरे सहकारी संस्थाको ऋण असुली सम्बन्धमा बागमती प्रदेश सहकारी ऐन २०७६, को दफा ६५ र ६६ बमोजिम ऋणी सदस्यहरुको खाता, जायजेथाको स्वामित्व हस्तान्तरण, नामसारी वा बिक्रि गर्न नपाउने गरी रोक्का राख्न सम्बन्धित निकायमा लेखी पठाउन सकिने व्यबस्था समेत रहेको हुँदा प्रचलित सहकारी ऐन, नियमावली, निर्देशिका एवं मापदण्डको वर्खिलाप नहुने गरी जुन सम्झौता वा शर्त बमोजिम ऋण लिएको हो सोहि बमोजिम ऋणको सावाँ र ब्याज सम्बन्धित सहकारी संस्थामा समयमा नै भुक्तान गरी सहकारीमा देखिएको समस्यालाई समाधान गर्न सहयोग गरीदिनु हुन सम्पूर्ण सहकारी संस्थाका ऋणी सदस्यहरुमा अनुरोध गरेको छ ।
000000
Post navigation
सहकारी समस्या समाधान सम्बन्धी कार्यदलले सरकारलाई बुझायो प्रतिवेदन (पुरा पढ्नुहोस्)
ताजा अपडेट
सहकारीको ऋण चुक्ता गर्नु अन्यथा ऋणी जायजेथाबाट असुल उपर गरिनेछ : बागमती प्रदेश सहकारी मन्त्राल
सहकारी समस्या समाधान सम्बन्धी कार्यदलले सरकारलाई बुझायो प्रतिवेदन (पुरा पढ्नुहोस्)
