01/06/2026
इमानमा किञ्चित् शंका छैन,
शब्दविन्यासमा थाेरै त्रुटि-कमजोरी भएकै हाे |
"नेपालले पनि धेरै ठाउँमा भारतको जग्गा मिचेको (भारतीय पक्षको दावी !) प्रधानमन्त्री भएपछि थाहा पाएँ | अर्थात् उनीहरू पनि यसाे भनिरहेका छन् | यी सबै कुराहरू वार्ताको टेबुलमा बसेर समाधान गरिनेछ |"
याेभन्दा बढी बुझ्नु भनेको बकबक गर्नलाई मात्रै हाे |
प्रधानमन्त्री बालेनले नेपालको सीमासमस्या हल गर्ने सन्दर्भमा वार्तामा इङ्गल्याण्डसमेत (तत्कालीन इष्टईन्डिया कम्पनी) लाई सहभागी गराउन प्रयत्न भइरहेको कुरा गरेका छन् |
अब वार्ता कहिले गर्ने ? भनेर घच्घच्याउने हाे !
वार्ता छिटाे गर भनेर घच्घच्याउने हाे !
र, सीमा समस्या सधैंका निम्ति अन्त्य गर्नेगरी कामकुरा गर भनेर घच्घच्याउने हाे |
राष्ट्रियता भज्याउने विषय हाेइन |
महाकाली सन्धीका कारणी र मतियारहरूले बुझ- मातृभूमिप्रति तिमीहरूले गरेका कुकर्म र पापाचारहरूकाे प्रायश्चित्त तिमाैर्काे सातजन्मसम्म पनि हुने छैन | कालापानी-लिम्पियाधुरा-लिपुलेककाे समस्या त्यहीँबाट झनै बल्झिएकाे हाे |
नाेयडामा बसेर नेपालमा हिंसा, हत्या र विध्वंश मच्चाउने र सुरुङयुद्धकाे नाैटंकी प्रदर्शन गर्ने खान्तिकारीहरूले त झन् राष्ट्रियताका कुरा नगरेकै बेस ! पुराना खलक सबैले दूताबासमा ढुकेरै चारदशक बितायाै ! अहिले बाख्राका बड्किम्ला उफ्रेझैँ उफ्रिनुकाे केही अर्थ छैन | गाेडापन्ध्रेक भैंसी उपहार पाउनेबाहेक अर्को उपलब्धि के भाे त नि !?
राजनीतिमा मुद्दाविहीन भएपछि त्यसै पनि बड्बडाउनुपर्ने हुनेरहेछ | भनिन्छ- अन्धाे कुकुर हावा चले पनि भुक्छ...!
जे हुन्छ अब हुन्छ,🤨
अब जे हुन्छ, असल हुन्छ !!🌺
✍️: शेषकान्त गौतम
(facebook timeline)
゚
