14/07/2026
सम्पदा लघुवित्त वित्तीय सँस्था लिमिटेडको ९ औं बर्ष पुरा गरि दशाैँ बर्षमा प्रवेश गरेको अवसरमा यस संस्थाको शाखा कार्यालय केरावारि,मोरङको आयोजनामा मिति २०८३/०३/३० गते विपन्न तथा जेहेन्दार विध्यार्थीलाई सहयोग गर्ने उद्देश्यले त्यस शाखामा आवद्ध सदस्यहरुको छोराछोरी पढ्ने केरबारी ०५ स्थित श्री जन्मभुमि आधारभुत बिद्यालयमा संस्थागत सामाजिक उत्तरदायित्व अन्तर्गत रहेर स्कुल ब्याग तथा इस्टेशनरी सामान वितरण कार्यक्रम स्कुलका प्रधानाध्यापक तथा शिक्षकहरु, अभिभावकहरु, शाखाका कर्मचारीहरुको उपस्थितिमा सम्पन्न भयो ।स्कुलका प्रधानाध्यापकले आफ्नो मन्तब्य राख्दै संस्थाले गरेको सहयोगप्रती आभार प्रकट गर्नुका साथै बिध्यार्थीहरुलाइ यो सहयोगको सदुपयोग गरि असल बन्न र अभिभावकहरुलाई कर्जाको सदुपयोग गरेर उद्यमि बन्न र केही दु:ख गरेर बचाएको रकम बचत गर्न प्रोत्साहन गर्नुभयो ।
शाखा प्रमुख रिता वांनियाले संस्थाको सेवाबारे प्रकाश पार्दै संस्थाले सदाझैँ यस बर्षपनि स्थापना दिवसको दिन विभिन्न ठाउँमा रक्तदान कार्यक्रम , जेहेन्दार बिध्यार्थीहरुलाई झोला तथा स्टेशनरी सामान सहयोग , अनाथ आश्रममा खाध्यान्न सहयोग , फलफूल बिरुवा वितरण , प्रहरी चौकी तथा मन्दिरमा पंखा वितरण आदिजस्ता सेवामुलक कार्यहरुसमेत गरेको जानकारी गराउनुभयो ।
