02/09/2026
ဆယ်ကျော်သက်အရွယ်မှာ ဂီတအဖွဲ့တည်ထောင်ရာကနေ အောင်မြင်လာတဲ့ ကျိုက်ထိုမြို့က Life Exit Music Band
ဆိုရှယ်မီဒီယာပေါ်မှာ မဟာသီချင်းကို သီဆိုပြီး အောင်မြင်လာတဲ့ ကျောင်းသူကျောင်းသားအဖွဲ့က လူကြိုက်များနေပြီး သူတို့ရဲ့အဖွဲ့လေးက "Life Exit Music Band" ပဖြစ်ပါတယ်။ ဒီအဖွဲ့လေးက ပရော်ဖက်ရှင်နယ် ဂီတသမားတွေ စုဖွဲ့ထားတာ မဟုတ်ဘဲ ဂီတကို ရူးသွပ်မြတ်နိုးတဲ့ ဆယ်ကျော်သက် အရွယ် ကျောင်းသား၊ ကျောင်းသူ လူငယ်လေးတွေ ကိုယ်တိုင် စုစည်း တည်ထောင်ထားတာပါ။
ife Exit Music Band က မွန်ပြည်နယ်၊ ကျိုက်ထိုမြို့၊ အထက ၁ ကျိုက်ထိုက ကျောင်းသူကျောင်းသားတွေ စုပေါင်းပြီးတော့ ဖွဲ့ထားတဲ့အဖွဲ့ဖြစ်ပြီး မဟာသီချင်းကို သီဆိုရင်းနဲ့ သူတို့ကိုယ်တိုင်တောင် မထင်မှတ်ထားလောက်အောင်ကို ကြည့်ရှုသူတွေ အများအပြားရရှိပြီး ရုတ်တရက် အောင်မြင်သွားခဲ့ပါတယ်။
အဖွဲ့မှာ ပါဝင်သီဆိုသူတွေက ငယ်ငယ်တည်းက ဂီတကို ဝါသနာပါပြီး ၃ တန်း၊ ၄ တန်း အရွယ်လောက်ကတည်းက အကပြိုင်ပွဲတွေ၊ အဆိုပြိုင်ပွဲတွေမှာ ဝင်ရောက် ယှဉ်ပြိုင်ခဲ့ကြပါတယ်။ မွန်ပြည်နယ် ကိုယ်စားပြုအနေနဲ့တောင် ပြိုင်ပွဲတွေ ဝင်ပြိုင်ပြီး ပထမဆုတွေ ရရှိခဲ့ဖူးတဲ့ ပါရမီရှင်လေး ဖြစ်ပါတယ်။ ငယ်ငယ်တုန်းကတော့ အကဘက်ကို ပိုပြီး ဝါသနာပါခဲ့ပေမယ့် ၅ တန်း ၆ တန်း အရွယ် ရောက်လာတဲ့အခါ သီချင်းဆိုတဲ့ဘက်ကို ပိုပြီး စိတ်ဝင်စားလာကာ သီချင်းတွေကို သေချာလေ့လာ သီဆိုလာခဲ့ပါတယ်။ ယ်စဉ်ကတည်းက ပြုစုပျိုးထောင်လာခဲ့တဲ့ အနုပညာအခြေခံကောင်းတွေက အခုလို Band အဖွဲ့လေးနဲ့ သီဆိုတဲ့အခါမှာ အများကြီးအထောက်အကူ ဖြစ်စေခဲ့တာပါ။
အခုဆိုရင်တော့ Life Exit Music Band လေးဟာ ဆယ်ကျော်သက် လူငယ်တွေကြားမှာသာမက လူမှုကွန်ရက် သုံးစွဲသူတွေ ကြားမှာပါ အောင်မြင်တဲ့ ဂီတအဖွဲ့လေး တစ်ဖွဲ့အဖြစ် အခိုင်အမာ ရပ်တည်လာနိုင်ပြီ ဖြစ်ပါတယ်။ ဂီတာ၊ ကီးဘုတ်၊ ဒရမ် စတဲ့ တူရိယာတွေကို ကိုယ်တိုင် ကျွမ်းကျင်စွာ တီးခတ်ပြီး တစ်ယောက်နဲ့ တစ်ယောက် အချိတ်အဆက်မိမိ တင်ဆက်နိုင်တဲ့ သူတို့ရဲ့ ကြိုးစားမှုကို ဘယ်လိုမြင်မိပါသလဲ။
#ကျိုက်ထိုမြို့
exit music band
