OCHUN Investments, Altan joloo tower, SBD/3 khoroo, Ulaanbaatar (2026)

Q: What is the address?

Altan Joloo Tower, SBD/3 Khoroo

12/06/2026

🌍 𝐌𝐚𝐫𝐤𝐞𝐭 𝐈𝐧𝐬𝐢𝐠𝐡𝐭
SpaceX түүхэн дэх хамгийн том IPO 2026 оны 06-р сарын 12-нд хийхээр байна.

➡️ Юу болов?
SpaceX нэгж хувьцаагаа 135 ам.доллараар үнэлж, нийт 555.6 сая ширхэг хувьцааг хөрөнгө оруулагчдад санал болгож байна. Ингэснээр компани нийт 75 тэрбум ам.доллар татан төвлөрүүлэхээр байгаа бөгөөд SpaceX-ийн нийт үнэлгээ ойролцоогоор 1.75 их наяд ам.долларт хүрч байна.

➡️ Эрэлт
SpaceX нийт санал болгож буй хувьцааныхаа 30 хүртэлх хувийг жижиг хөрөнгө оруулагчдад зориулахаар төлөвлөсөн. Энэ нь ойролцоогоор 166.7 сая ширхэг хувьцаа буюу 22.5 тэрбум ам.долларын хэмжээ юм. Гэвч жижиг хөрөнгө оруулагчдын захиалга 100 тэрбум ам.доллар давсан гэж мэдээлэгдсэн. Харин нийт хөрөнгө оруулагчдын захиалга 250 тэрбум ам.доллар давсан гэх мэдээлэлтэй байна.

➡️ Яагаад нэгж хувьцаа 135 ам.доллараар үнэлэгдэв?
Энэ үнэ нь зөвхөн өнөөдрийн ашиг орлогоос бус, ирээдүйн өсөлтийн хүлээлтээс хамаарч тогтсон.
Хөрөнгө оруулагчид SpaceX-ийг зөвхөн пуужин хөөргөдөг компани гэж харахгүй байна. Харин Starlink интернэт үйлчилгээ, хиймэл оюуны дэд бүтэц, сансрын тээвэр, ирээдүйн дата төв зэрэг олон чиглэлд өсөх боломжтой компани гэж үнэлж байна.
Starlink нь SpaceX-ийн орлогын гол эх үүсвэр болсон бол Starship болон хиймэл оюуны дэд бүтцийн төсөл нь ирээдүйн том өсөлтийн суурь гэж харагдаж байна.

➡️ Энэ үнэ өндөр үү?
Тийм, өндөр үнэлгээтэй IPO гэж үзэж болно.
SpaceX 2025 онд 18.7 тэрбум ам.долларын орлого олсон ч 4.9 тэрбум ам.долларын алдагдалтай ажилласан. Гэсэн ч зах зээл компаниас ирээдүйд маш өндөр өсөлт хүлээж байгаа тул ийм өндөр үнэлгээ өгч байна.
Өмнөх хувийн зах зээлийн үнэлгээтэй харьцуулахад SpaceX-ийн үнэлгээ огцом өссөн. 2025 оны сүүлээр тус компани ойролцоогоор 800 тэрбум ам.доллараар үнэлэгдэж байсан бол одоо IPO дээр 1.75 их наяд ам.доллар болж байна.

➡️ Зах зээлд яагаад чухал вэ?
SpaceX-ийн IPO нь хөрөнгө оруулагчид өндөр өсөлттэй технологийн компаниудад одоо ч хүчтэй сонирхолтой байгаа эсэхийг шалгах том сорил болно.
Хэрэв арилжаа амжилттай эхэлбэл хиймэл оюун ухаан, сансар, интернэт дэд бүтэцтэй холбоотой бусад компаниудын үнэлгээнд эерэг нөлөө үзүүлж магадгүй.
Гэхдээ алдагдал, өндөр зардал, ирээдүйн ашгийн тодорхойгүй байдал нь гол эрсдэл хэвээр байна.

💡 𝐎𝐜𝐡𝐮𝐧 𝐕𝐢𝐞𝐰:
SpaceX-ийн IPO нь зах зээл ирээдүйн өсөлтөд хэр өндөр үнэ төлөхөд бэлэн байгааг харуулж байна.
Гэхдээ хөрөнгө оруулагчдын хувьд хамгийн чухал асуулт бол IPO-ийн хэмжээ биш. Харин SpaceX үнэхээр тогтвортой ашигтай ажиллаж, энэ өндөр үнэлгээг ирээдүйд баталж чадах эсэх юм.

Эх сурвалж: Reuters
☎️ 7533 6677
🌐 www.OCHUN.mn

09/06/2026

🌍 𝐌𝐚𝐫𝐤𝐞𝐭 𝐈𝐧𝐬𝐢𝐠𝐡𝐭
Монгол Улсын гадаад худалдааны нийт бараа эргэлт 2026 оны эхний 5 сарын дүнгээр 13.38 тэрбум ам.долларт хүрч, өмнөх оны мөн үеэс 34.2% өсөв. Экспортын өсөлт импортын өсөлтөөс мэдэгдэхүйц давснаар гадаад худалдааны тэнцэл 3.57 тэрбум ам.долларын ашигтай гарлаа.

➡️ Юу болов?
• Экспорт 8.47 тэрбум ам.долларт хүрч, өмнөх оны мөн үеэс 56.1% өссөн бол импорт 4.91 тэрбум ам.доллар болж, 8.0% нэмэгдэв.
• Экспорт импортын дүнгээс 3.57 тэрбум ам.доллараар давж, импортыг экспортоор нөхөх харьцаа 172.7%-д хүрлээ.

➡️ Яагаад өсөв?
• Экспортын өсөлтийг эрдэс бүтээгдэхүүний экспорт голлон дэмжив. Эрдэс бүтээгдэхүүний экспорт 7.79 тэрбум ам.долларт хүрч, нийт экспортын 92.0%-ийг бүрдүүлсэн байна. Тухайлбал зэсийн хүдрийн экспорт 51.3 хувь, чулуун нүүрсний экспорт 31.3 хувиар тус тус өссөн үзүүлэлттэй байна.
• Монгол Улсын экспортын төвлөрөл өндөр хэвээр байна. Нийт экспортын 93.5% нь БНХАУ-д, 3.9% нь Швейцарт, 0.9% нь АНУ-д ногдож, эдгээр гурван улс нийт экспортын 98.3%-ийг бүрдүүлжээ.

➡️ Зах зээлд хэрхэн нөлөөлөв?
• Гадаад худалдааны ашиг өндөр түвшинд хадгалагдаж байгаа нь валютын орох урсгал, төлбөрийн тэнцэл болон төгрөгийн ханшид эерэг нөлөө үзүүлэх боломжтой.

💡 𝐎𝐜𝐡𝐮𝐧 𝐕𝐢𝐞𝐰:
Гадаад худалдааны ашиг өссөн нь Монголын гадаад валютын орох урсгалд эерэг дохио болж байна. Гэхдээ энэхүү өсөлт нь өргөн суурьтай бус, голчлон эрдэс бүтээгдэхүүний экспорт болон БНХАУ-ын эрэлтээс хамаарч байгаа тул цаашид нүүрс, зэсийн үнэ, Хятадын гангийн үйлдвэрлэл, үл хөдлөх хөрөнгийн салбарын идэвхжил худалдааны тэнцлийн чиглэлийг тодорхойлох гол хүчин зүйл хэвээр байх болно.

Эх сурвалж: Гаалийн ерөнхий газар
☎️ 7533 6677
🌐 www.OCHUN.mn

08/06/2026

Монгол Улсын инфляц 2026 оны 5 дугаар сард 11.2%-д хүрч, өмнөх оны мөн үеэс 2.9 нэгж хувиар нэмэгдлээ. Мөн хэрэглээний бараа, үйлчилгээний үнэ өмнөх сараас 1.2% өссөн байна.

• Инфляцыг өсгөхөд хамгийн их нөлөөлсөн хүчин зүйл нь хүнсний бүтээгдэхүүний үнэ байв. Хүнсний бараа, ундаа, усны бүлэг нийт инфляцын 6.4 нэгж хувь буюу 57.3%-ийг бүрдүүлсэн. Тухайлбал, мах, махан бүтээгдэхүүний үнэ 46.7%-иар өсөж, үхрийн мах 54.6%, хонь, ямааны мах 53.4%-иар нэмэгдсэн байна.

• Монгол Улсын хэрэглээний сагсны 55.3% нь импортын бараа байгаа тул импортын үнийн өсөлт инфляцад хүчтэй нөлөөлсөн хэвээр байна. 5 дугаар сард импортын барааны үнийн өсөлт нийт инфляцын 2.8 нэгж хувь буюу 25.3%-ийг бүрдүүлжээ.

• Үйлчилгээний болон бусад бүлгийн үнэ ч инфляцын дарамтыг хадгаллаа. Боловсролын үйлчилгээ 12.8%, даатгал, санхүүгийн үйлчилгээ 17.0%, зочид буудал, нийтийн хоол, дотуур байрны үйлчилгээ 11.0%-иар өссөн байна.

💡 Ochun View: Инфляц хоёр оронтой түвшинд хадгалагдаж байгаа нь хүнсний, ялангуяа махны үнийн нийлүүлэлтийн шок давамгайлж буйг харуулж байна. Үүн дээр импортын барааны үнийн нөлөө нэмэгдсэнээр инфляцын дарамт өргөн хүрээтэй хэвээр байна. Ийм орчинд Монголбанк бодлогын хүүг бууруулах орон зай хязгаарлагдмал байх магадлалтай.

Эх сурвалж: Үндэсний статистикийн хороо
☎️ 7533 6677
🌐 www.OCHUN.mn
ndraa

05/06/2026

🌍 𝐌𝐚𝐫𝐤𝐞𝐭 𝐈𝐧𝐬𝐢𝐠𝐡𝐭
Broadcom /AVGO/-ийн санхүүгийн 2026 оны 2-р улирал 2026 оны 5-р сарын 3-нд дуусаж, компани тайлангаа танилцуулсны дараа хувьцаа нь огцом унав. AI чипийн орлого өндөр өсөлттэй байсан ч компани 2027 оны AI орлогын урт хугацааны төсөөллөө нэмэгдүүлээгүй нь хөрөнгө оруулагчдын хүлээлтэд хүрсэнгүй.

➡️ Юу болов?
• Broadcom-ийн AI чипийн орлого 10.8 тэрбум ам.доллар болж, өмнөх оны мөн үеэс 143% өссөн.
• Гэсэн ч хувьцаа нь 12.6% унаж, зах зээлийн үнэлгээнээс 286 тэрбум ам.доллар арчигдав.

➡️ Яагаад хувьцаа унав?
• Broadcom дараагийн улиралд AI чипийн орлого 16.0 тэрбум ам.доллар хүрнэ гэж таамагласан. Энэ нь өндөр өсөлт боловч зах зээлийн хүлээлтэд хангалтгүй гэж үнэлэгдлээ.
• Мөн компани 2027 оны AI орлогын 100 тэрбум ам.доллароос дээш гэсэн урт хугацааны төсөөллөө нэмэгдүүлээгүй нь хөрөнгө оруулагчдын анхаарлыг машид татав.

➡️ Зах зээлд хэрхэн нөлөөлөв?
• Broadcom-ийн уналтын дараа чип үйлдвэрлэгчдийн хувьцаа дагаж суларч, Micron 7.7%, AMD 3.6%, Intel 0.8% буурсан бол PHLX Semiconductor Index 2.2% унав.
• Энэ нь AI чипийн салбарт хөрөнгө оруулагчид зөвхөн өсөлт бус, хүлээлтээс давсан ирээдүйн төсөөлөл шаардаж эхэлснийг харуулж байна.

💡 𝐎𝐜𝐡𝐮𝐧 𝐕𝐢𝐞𝐰:
Broadcom-ийн уналт нь AI мөчлөг дуусаж байна гэсэн дохио биш. Харин AI-тэй холбоотой хувьцаануудад зах зээл илүү өндөр шалгуур тавьж байгааг харууллаа. AI чипийн орлого 143% өссөн ч 2027 оны төсөөлөл нэмэгдээгүй нь богино хугацаанд хөрөнгө оруулагчдын итгэлийг сулруулсан гол хүчин зүйл болов.

Эх сурвалж: Bloomberg
☎️ 7533 6677
🌐 www.OCHUN.mn

03/06/2026

🌍 𝐌𝐚𝐜𝐫𝐨 𝐈𝐧𝐬𝐢𝐠𝐡𝐭

Монгол Улсын гадаад валютын улсын нөөц /ГВУН/2026 оны 5-р сарын байдлаар 7.73 тэрбум ам.долларт хүрч, түүхэн дээд түвшнээ шинэчиллээ. Энэ нь 4-р сарын 7.33 тэрбум ам.доллароос ойролцоогоор 406 сая ам.доллароор буюу 5.5%-иар өссөн үзүүлэлт юм.

➡️Юу болж байна?

• ГВУН 2026 оны 5-р сард 7,733.05 сая ам.долларт хүрч, төгрөгийн ханшийн тогтвортой байдалд чухал дэмжлэг болж байна.

• 2026 оны I улирлын эцэст нөөц нь валютын төлбөртэй барааны импортын 8.4 сар, бараа, үйлчилгээний импортын 5.6 сарын хэрэгцээг хангах түвшинд байсан.

• Энэ нь Монгол Улсын гадаад төлбөрийн чадвар болон гадаад шок даах хамгаалалт сайжирч байгааг харуулж байна.

➡️ГВУН хэрхэн нэмэгдэв?

• Экспортын орлого, ялангуяа уул уурхайн бүтээгдэхүүний валютын орох урсгал нөөц өсөх гол суурь болж байна.

• 2026 оны эхний 4 сарын байдлаар экспорт 6.81 тэрбум ам.доллар, импорт 3.67 тэрбум ам.доллар болж, гадаад худалдааны тэнцэл ашигтай хадгалагдлаа.

• Мөн Монголбанк 5-р сард 758.5 кг, оны эхнээс нийт 5.0 тонн үнэт металл худалдан авсан нь валютын нөөц бүрдэлтэд эерэг нөлөө үзүүлж байна.

➡️Монгол иргэдэд хэрхэн нөлөөлөх вэ?

• Валютын нөөц өндөр байх нь ам.долларын ханшийн огцом савлагааг бууруулах хамгаалалт болдог.

• Ханш тогтвортой байвал шатахуун, хүнс, эм, техник төхөөрөмж зэрэг импортын барааны үнийн дарамт харьцангуй зөөлөрнө.

• Гадаадад сурах, аялах, импортын төлбөр хийх иргэд болон бизнесүүдийн хувьд валютын хүртээмж, ханшийн хүлээлт илүү тогтвортой байх боломжтой.

• Гэхдээ нөөц өссөн нь үнэ шууд буурна гэсэн үг биш; харин ханшийн эрсдэлийг зөөлрүүлэх bufferнэмэгдэж байна гэсэн дохио юм.

💡 𝐎𝐜𝐡𝐮𝐧 𝐕𝐢𝐞𝐰:

ГВУН 7.73 тэрбум ам.долларт хүрсэн нь Монголын макро тогтвортой байдлын хувьд эерэг дохио юм. Нөөцийн өсөлт нь экспортын орлого, худалдааны ашиг, үнэт металлын худалдан авалтаар дэмжигдэж байгаа бөгөөд төгрөгийн ханшид ирэх богино хугацааны дарамтыг бууруулах боломжтой. Гэвч цаашдын тогтвортой байдал нь нүүрс, зэсийн экспортын хэмжээ, түүхий эдийн үнэ, импортын өсөлт болон төсвийн зардлын сахилга батаас шууд хамаарна.

Эх сурвалж: Монголбанк
☎️ 7533 6677
🌐 www.OCHUN.mn

03/06/2026

𝐌𝐚𝐜𝐫𝐨 𝐈𝐧𝐬𝐢𝐠𝐡𝐭
2026 оны 5-р сарын 22-ны орой Хятадын Шаньси мужид байрлах хувийн өмчийн Люшэньюй нүүрсний уурхайд хийн дэлбэрэлт гарч, 82 уурхайчин амь эрсэдсэн нь тус улсад 2009 оноос хойш гарсан хамгийн ноцтой уурхайн осол боллоо. Ослын дараа Шаньси мужийн эрх баригчид уурхайн аюулгүй байдлын шалгалтыг эрчимжүүлж, нийт 109 уурхайн үйл ажиллагааг түр зогсоосон байна.

➡️ Юу болж байна?
~ Уурхайн аюулгүй байдлын шалгалт чангарснаар Шаньси мужийн өдөр тутмын нүүрсний олборлолтын 10 орчим хувь буюу 122 сая тонн орчим жилийн хүчин чадалтай олборлолт түр хугацаанд зах зээлээс хасагдаад байна.

➡️ Зах зээлд хэрхэн нөлөөлөв?
~ Далянь таваарын биржийн хамгийн идэвхтэй коксжих нүүрсний фьючерс гэрээ өдрийн дээд хязгаартаа хүрч, үнэ 7.97 хувиар өсөн тонн тутамд 1,266.5 юань буюу ойролцоогоор 187 ам.долларт хүрлээ.

~ Энэ нь Хятадын нүүрсний зах зээлд аюулгүй байдлын шалгалт болон нийлүүлэлтийн эрсдэл үнийн шинэ дэмжлэг болж байгааг харуулж байна.

➡️ Монголын нүүрсний экспортод үзүүлэх боломжит нөлөө

~ Ойрх Дорнодын геополитикийн эрсдэл, эрчим хүчний зах зээлийн савлагаатай зэрэгцэн нүүрсний үнэ өсөх суурь орчин бүрдэж, 2026 оны 3, 4-р саруудад Монголын коксжих нүүрсний үнэ 2.2 хувиар, эрчим хүчний нүүрсний үнэ 9.9 орчим хувиар өссөн.

~ 2026 оны эхний дөрвөн сарын байдлаар Монгол Улсаас Хятад руу нийлүүлсэн нүүрсний хэмжээ 39.37 сая тоннд хүрч, өмнөх оны мөн үеэс 61 хувиар өссөн байна.

~ Шаньси мужийн нийлүүлэлт түр хумигдсан нь Монголын нүүрсний экспортын хэмжээ, экспортын орлого, гадаад валютын орох урсгал болон төсвийн орлогод эерэг нөлөө үзүүлэх боломжтой.

💡 𝐎𝐜𝐡𝐮𝐧 𝐕𝐢𝐞𝐰: Хятадын Шаньси мужийн осол нь зөвхөн орон нутгийн аюулгүй байдлын асуудал бус, бүс нутгийн нийлүүлэлтийн богино хугацааны шок болж байна. Олборлолтын 10 орчим хувьд нөлөөлсөн хүчин чадлын зогсолт коксжих нүүрсний үнийг дэмжиж, Монголын экспортод эерэг нөхцөл бүрдүүлж байна. Цаашдын гүйцэтгэл Шаньсийн сэргэлтийн хугацаа, Хятадын гангийн эрэлт, үнийн тогтвортой байдлаас хамаарна.

Эх сурвалж: Bloomberg
☎️ 7533 6677
🌐 www.OCHUN.mn

#Уулуурхай #ЭдийнЗасаг #днб

20/05/2026

🇲🇳 Дотоодын нийт бүтээгдэхүүн (урьдчилсан гүйцэтгэлээр, оны үнээр) 2026 оны эхний улиралд 22.9 их наяд төгрөгт хүрч, зэрэгцүүлэх үнээр өмнөх оны мөн үеэс 7.9 хувиар өссөн байна.

• Салбараар нь авч үзвэл уул уурхай, олборлолтын салбарын нэмэгдэл өртөг 33.6 хувиар огцом өссөн нь ДНБ-ий нийт өсөлтийн 5.0 нэгж хувийг дангаараа бүрдүүлж, энэхүү өсөлтийн гол хөдөлгүүр болжээ. Үүний зэрэгцээ худалдаа, тээвэр, холбооны үйлчилгээний салбар 4.1 хувиар өсөж, өсөлтийг 2.2 нэгж хувиар нэмэгдүүлсэн бол хөдөө аж ахуй, барилга, үйлдвэрлэлийн салбаруудын нөлөө маш сул байв.

• Эцсийн ашиглалтын талаас шинжилбэл уул уурхайн түүхий эдийн борлуулалт сайн байсантай холбоотойгоор бараа, үйлчилгээний экспорт 44.8 хувиар өсөж, ДНБ-ий өсөлтөд 16.6 нэгж хувийн асар том дэмжлэг үзүүлсэн. Дотооддоо өрхийн эцсийн хэрэглээ 6.1 хувиар нэмэгдэж эдийн засгийг дэмжсэн боловч нөгөө талдаа үндсэн хөрөнгийн хуримтлал буюу нийт хөрөнгө оруулалт 34.2 хувиар огцом буурч, өсөлтийг -15.0 нэгж хувиар хойш татсан сөрөг үзүүлэлттэй гарлаа.

💡Түүхий эдийн экспорт ба өрхийн хэрэглээ тогтвортой байгаа нь сайн хэрэг боловч дотоодын хөрөнгө оруулалт хумигдаж, уул уурхайн бус салбарууд зогсонги байгаа нь Монгол Улсын эдийн засаг урт хугацааны тогтворгүй бүтэцтэй хэвээр байгааг харуулж байна.

Эх сурвалж: ҮСХ
☎️ 7533 6677
🌐 www.OCHUN.mn
#уулуурхай #ЭдийнЗасаг #днб

14/05/2026

🇨🇳 🇺🇸 Ши Жиньпин Доналд Трамптай Бээжинд хийсэн уулзалтын үеэр Тайванийн асуудлыг “АНУ–Хятадын хамгийн чухал асуудал” хэмээн онцолж, үүнээс шалтгаалан “мөргөлдөөн” үүсэх боломжтойг анхааруулав. Хоёр тал худалдааны хэлэлцээр, тарифын бууруулалт болон эдийн засгийн хамтын ажиллагааг үргэлжлүүлэх сонирхлоо илэрхийлсэн нь зах зээлд эерэг дохио өглөө.

➡️ Юу болж байна?

~ АНУ, Хятад нь $30 тэрбумын бараанд тарифын хөнгөлөлт хэлэлцэж эхэлснээр зах зээлийн “risk sentiment” сайжрав

~ АНУ-н бизнесүүдийг Хятадад нэвтрүүлэх мөн Хятадын АНУ-н зах зээл дэх хөрөнгө оруулалтыг нэмэгдүүлэх талаар хэлэлцэв

~ АНУ болон БНХАУ хоёул Hormuz-н хоолойг нээхийг хүсэж байгаа ба аль аль талууд Ираны "Цөмийн хөтөлбөр" дээр эсрэг байр суурьтай байна

~ Ши Жиньпин АНУ-с газрын тос болон хөдөө аж ахуйн тоног төхөөрөмж импортлох хүсэлтэй байгаагаа илэрхийлэв

~ Ши Жиньпин Тайванийн асуудал буруу тал руу эргэвэл АНУ–Хятад мөргөлдөөнд хүрч болзошгүйг дурдан, АНУ-г сайтар бодолцохыг анхааруулав

~ АНУ Тайваньд үзүүлэх цэргийн дэмжлэгээ бууруулах эсэх нь тодорхойгүй хэвээр

~ Юань 2023 оноос хойших дээд түвшинд хүрсэн ч Хятадын хувьцааны зах зээлд богино хугацааны "profit-taking" дарамт нэмэгдэв

~ Semiconductor, AI дэд бүтэц болон үүнтэй холбогдох нийлүүлэлтийн сүлжээний урт хугацааны эрсдэл дахин анхаарлын төвд оров

☎️ 7533 6677
🌐www.OCHUN.mn

12/05/2026

Монгол Улсын инфляц 2026 оны 4 дүгээр сард 10.1%-д хүрч, өмнөх оны мөн үеэс 1.5 нэгж хувиар нэмэгдлээ.

• Инфляцыг өсгөхөд хамгийн их нөлөөлсөн хүчин зүйл нь хүнсний бүтээгдэхүүний үнийн өсөлт байсан. Тухайлбал мах, махан бүтээгдэхүүний үнэ 36.5%-р өсөж, үхрийн мах 42.9%, хонь ямааны мах 41.5%-р нэмэгдсэн нь өрхийн өдөр тутмын хэрэглээний зардлыг хүчтэй өсгөсөн. Үүний зэрэгцээ гурил, гоймон зэрэг бусад өргөн хэрэглээний хүнсний бүтээгдэхүүний үнэ өссөн нь хүнсний инфляцыг улам нэмэгдүүлсэн байна.

• Монгол Улсын хэрэглээний сагсны талаас илүү хувь нь импортын бараа байдаг тул ам.долларын ханш, дэлхийн зах зээлийн үнэ, тээврийн зардлын өсөлт нь дотоодын үнэд шууд нөлөөлдөг ба импортын барааны үнийн өсөлт нийт инфляцын 2.9 (28.9%) нэгж хувийг бүрдүүлсэн.

• Тээврийн үйлчилгээ, боловсрол, даатгал, санхүүгийн үйлчилгээний үнэ тус тус өссөнтэй холбогдон үйлчилгээний инфляц ч нэмэгдэв. Тухайлбал, боловсролын үйлчилгээний үнэ 12.8%, даатгал, санхүүгийн үйлчилгээ 17.0%-р өсжээ. Үүнээс гадна бензин, түлшний үнэ өссөн нь тээвэр болон бараа бүтээгдэхүүний нийлүүлэлтийн өртгийг нэмэгдүүлж, олон төрлийн бараа үйлчилгээний үнэд дам нөлөө үзүүлсэн байна.

💡Инфляц хоёр оронтой тоонд шилжсэн нь нийлүүлэлтээс хамааралтай шок (хүнс, махны үнэ) давамгайлсан шинжтэй байгаа боловч, Монголбанк бодлогын хүүгээр дамжуулан үнийн ерөнхий түвшний тогтвортой байдлыг хангах зайлшгүй шаардлагатай тулгарч байна.

☎️ 7533 6677
🌐 www.OCHUN.mn
#Монголбанк

04/05/2026

🌍 𝐌𝐚𝐜𝐫𝐨 𝐈𝐧𝐬𝐢𝐠𝐡𝐭
Доналд Трамп Иран улсаас АНУ-д илгээсэн 14 зүйл бүхий энхийн саналаас татгалзсан ч Ираны тал АНУ-с ирүүлсэн хариутай танилцаж байгаа гэдгээ мэдээлсэн. Үүнтэй зэрэгцэн Доналд Трамп “Project Freedom” гэх ажиллагаа эхлүүлэхээ зарласан. Энэхүү ажиллагаа нь Hormuz-д гацсан усан онгоцнуудыг гаргах зорилготой ба АНУ геополитикийн суурь эрсдэлийг хэсэгчлэн тогтворжуулахаар зорьж буйг харууллаа.

➡️ Юу болж байна?
~ Hormuz-ын хоолой дахь хөдөлгөөний саатал үргэлжилж, бүрэн хэвийн урсгал сэргээгүй
~ АНУ “Project freedom” ажиллагааг эхлүүлэхээр болсон ч цэргийн дагалдах хамгаалалтын бүтцийг албан ёсоор зарлаагүй
~ Брент газрын тос ~$100+ түвшинд тогтворжиж, огцом савлагааны дараах өндөр суурь үнэ хадгалагдаж байна
~ АНУ-д шатахууны үнэ инфляцын дарамтыг дахин идэвхжүүлж эхэлсэн

➡️ Яагаад зах зээлд нөлөөлөв?
~ Шууд дайны эрсдэл буурсан нь эрсдэлтэй хөрөнгийн (risk-on) өсөлтийг тодорхой хэмжээнд нэмэгдүүллээ
~ Компаниудын орлогын тайлангууд хүлээлтээс давж, зах зээлийг дэмжиж байна
~ Газрын тосны үнэ өндөр түвшинд үлдсэн нь “далд инфляцын шок”-н эрсдэлийг нэмэгдүүлсээр байна
~ Зах зээл хоёр хүчний дунд байна: өсөлтийн хүлээлт болон эрчим хүчнээс үүдэлтэй инфляцын дарамт

➡️ Геополитикийн эрсдэл
~ Ираны Хувьсгалт Хамгаалагчдын Корпус “бүслэлт цуцлагдахгүй бол хэлэлцээ урагшлахгүй” гэх байр сууриа хадгалсаар байна
~ АНУ стратегийн хувьд далайн тээврийн урсгалыг хамгаалах зорилготой ч хурцадмал байдлыг нэмэгдүүлэхээс зайлсхийх чиглэлтэй байна
~ Израил–Ойрх Дорнодын өргөн хүрээний хурцадмал байдал бүрэн буураагүй

💡 𝐎𝐜𝐡𝐮𝐧 𝐕𝐢𝐞𝐰: Одоогийн зах зээлийн зураглал нь “эрсдэлд дуртай” үе бус “давхар горимтой зах зээл” гэж ажиглагдаж байна. Нэг талд хиймэл оюун ухаанд суурилсан орлогын мөчлөг болон технологийн хөрөнгө оруулалтын өсөлт нь зах зээлийг дээш түлхэж байгаа бол нөгөө талд эрчим хүчний өндөр үнэ, Hormuz-ын тодорхойгүй байдал нь макро инфляцын суурь дарамтыг хадгалж байна.
Энэ орчинд өсөлт үргэлжилж болох ч үнэлгээ буурах эрсдэл өндөр хэвээр байх болно.

☎️ 7533 6677
🌐www.OCHUN.mn

OCHUN Investments

12/06/2026

09/06/2026

08/06/2026

05/06/2026

03/06/2026

03/06/2026

20/05/2026

14/05/2026

12/05/2026

04/05/2026

Address

Telephone

Website

Alerts

Contact The Business

Shortcuts

Share

Category