Tios mongolia

10/01/2021

🎬 Дэлхийн анхны крипто вальютын тухай цуврал кино 🎥

Түүхэндэх хамгийн өндөр үнийг тогтоож байгаа крипто валют Биткойныг дэлхийн эдийн засгаар тогтохгүй энтертэйнмэнтийн салбарынхан анхаарлаа хандуулж эхэлжээ. 2020 оны 12-р сарын 26-ны өдөр анхны крипто валютын тухай кино “Pumping Time” хийгдэх болсныг зарлажээ.

Кино зохиолыг бидний сайн мэдэх Жү мүн /joo mong/, Iris, Бүгдийг нь /all in/ киноны зохиолч Choi Wan-kyu бичихээр болсон бөгөөд энэ бол крипто валютын тухай гаргах дэлхийн анхны цуврал болж байгаа юм.

Уг киног бүтээхэд крипто валютаар мэргэшсэн Солонгосын контент үйлдвэрлэгч компани болох “K-Play Contents” хөрөнгө оруулж төсөл, удирдлага дээр ажиллан киног Хятад, Америкийн компаниудаар хийлгэх төлөвтэй байна. Уг кино нь нийт 10 улирал тус бүр 30 минутын 20 ангитай байхаар байна.

Уг киногоор дамжуулан энгийн хүмүүст крипто валютын талаар мэдээлэл олгох дан ганц уран сайхны кино биш гэдгийг ойлгуулах Edu+tainment зорилготой ажээ. Киноны агуулгад биткойн болон бусад валют, блокчейн систем, засгийн газруудын гаргахаар төлөвлөж байгаа дижитал валют зэргийг нарийн харуулах төлөвлөгөөтэй байна.
https://www.kplay.net/

28/12/2020

ОХУ-ын Ерөнхийлөгч Путины баталсан шинэ хуулиар ОХУ-ын бүх төрийн албан хаагчид эзэмшиж буй криптовальютаа хөрөнгө оруулгын мэдүүлэгтээ мэдэгдэхийг үүрэг болгосон байна.
Нарийн тайлбарлавал одоо алба хашиж буй эсвэл хүлээлгийн жагсаалтад байгаа төрийн алба хашихыг хүсэгчид мөн тэдний гэр бүлийн хамтаар эзэмшиж буй криптовальют, дижитал үнэт цаас, токен, дижитал хөрөнгө зэрэг нэр бүхий хөрөнгийг 2021 оны 6-р сарын 31-ний өдөр хүртэл засгийн газартаа мэдэгдэх үүрэг хүлээсэн байна.
Энэ нь төрийн албанд үүссэн авилга, хахуультай тэмцэх арга хэмжээний нэг бөгөөд ирэх оны 1 сараас эхлэн ОХУ-д дижитал хөрөнгийг албан ёсоор хувь хүний хөрөнгө гэж үзэхээр болсонтой бас холбоотой юм.

27/12/2020

💰💰 1BTC=50,000$ хүрэх ч боломжтой ‼️‼️
Баян аав, Ядуу аавын зохиолч Robert Kiyosaki 1BTC=50,000$ гэх өндөр үнэд хүрч магадгүй гэж өөрийн Твиттер хуудаснаа жиргэжээ. Роберт урьд нь хэд хэдэн удаа Биткойны үнийн өөрчлөлтийг таамаглаж байсан. Тэрээр хэлэхдээ 20,000 ам доллараас бага үнэтэй байгаа үед нь худалдаж авахыг зөвлөж байгаа юм. Учир нь 2021 онд зохион байгуулалттай хөрөнгө оруулагчид зах зээлд хөрөнгө оруулна. Хэрвээ биткойн худалдаж авч амжаагүй бол цэвэр мөнгө худалдаж ав. Green New Deal-ийн дагуу худалдан авалт ихсэж мөнгөний үнэ цэнэ нэмэгдэх учиртай гэж таамагласан байна.
2020 оны 5 сард Роберт мөн адил 3 жилийн дотор биткойны үнэ өсч 75,000 ам.долларт хүрнэ гэж таамаглал дэвшүүлж байжээ.

19/11/2020

АНУ дахь PayPal-ийн данс эзэмшигчид крипто валютыг худалдаж авах, хадгалах болон зарах боломжтой болсныг тус компаниас өнгөрөгч Пүрэв гарагт зарлалаа. PayPal Холдинг-с аравдугаар сарын 21-нд зарласан крипто валютын төлөвлөгөөгөө баталснаар салбар даяар том цочрол авчраад байгаа билээ.
Энэ оны 11-р сарын 2-нд болсон компанийн гуравдугаар улирлын тайлангийн онлайн хурлынхаа үеэр тус компанийн гүйцэтгэх захирал Дан Шулман АНУ дахь PayPal үйлчлүүлэгчдийн зөвхөн 10% нь крипто үйлчилгээ авах боломжтой байсныг дурдаж байсан билээ. Зах зээлийн өндөр эрэлтийн улмаас долоо хоногт крипто валютын худалдан авах боломжит хязгаарыг тухайн үед 10,000-аас 15,000 доллар хүртэл өсгөсөн бөгөөд АНУ-ын үлдсэн үйлчлүүлэгчид ойрын 2-3 долоо хоногт крипто валютын арилжаанд оролцох боломжтой болно хэмээн тэрээр мэдэгдэж байсан юм. PayPal-ийн зүгээс уг эрэлтийн өсөлтийн хариуд шаламгай ажиллаж, худалдан авалтын хязгаарыг дахин өсгөсөн учир криптовалютын салбар халуун дулаанаар хүлээж авах нь лавтай.
“Үйлчлүүлэгчдийнхээ эрэлт хэрэгцээнээс шалтгаалан бид долоо хоногийн криптовалютын худалдан авах хязгаарыг 10,000 доллараас 20,000 доллар болгон нэмэгдүүлсэн. Мөн бидний 2021 оны эхний хагаст Vinmo болон олон улсын үйлчлүүлэгчдэд крипто үйлчилгээг хүргэх төлөвлөгөө өөрчлөгдөөгүй хэмээн PayPal-ийн төлөөлөгч Аарон Гоулд Пүрэв гарагт мэдэгдлээ. PayPal нь Нью-Йоркт төвтэй финтекийн фирм болох Paxos компанитай хийсэн хамтын ажиллагааныхаа үндсэн дээр крипто хадгалалтын асуудлыг шийдэж буй юм байна.

PayPal-ийн крипто үйлчилгээ нь анхлан гарахдаа биткойны үнийг 4.53 хувиар, эфириумийг 3.79 хувиар, биткойн кэш 2.22 хувиар, литкоинийг 9.42 хувиар тус тус өсөхөд нөлөөлсөн хэмээн үзэж буй аж. Харин арван нэгдүгээр сарын 11-ний өдрийн байдлаар 10-р сарын 21-нээс хойш биткоины үнэ 32.54 хувиар өссөн үзүүлэлттэй байгааг CoinDesk сайт мэдээлж байна.

01/09/2020

Холбооны санхүүгийн зохицуулах хороо BAFIN Герман улсын дотоодод байгаа биткойн ATM-ийг хурааж авч эхэлсэн тухайгаа мэдэгдлээ. Тус байгууллагаас мэдээлэхдээ шаардлагад нийцээгүй, тусгай зөвшөөрөл аваагүй Польшийн S**tcoins Club-н Германд суурилуулсан АТМ-ийг хурааж аван тус компаниар дамжуулан биткойн арилжаа хийхийг бүр мөсөн хориглох шийдвэр гаргажээ. Уг мэдэгдлийг Холбооны санхүүгийн зохицуулах хороо өөрсдийн вебсайтдаа мэдээлсэн боловч S**t Coins-ын АТМ ердийн горимоор ажиллаж байсан бөгөөд Берлинд гэхэд 4 гаруй АТМ одоог хүртэл хэвийн ажиллаж байжээ.

21/08/2020

КАЗАХСТАН УЛС КРИПТО МАЙНИНГ ТАТВАРАА 15% БОЛГОЛОО
Казахстаны засгийн газраас крипто майнинг хийж байгаа хүмүүсээс 15%-ийн татвар авахаар болж байгаа гэдгийг тус улсын хэвлэл мэдээлэл мэдээлэлжээ. Уг татварыг цар тахлын эсрэг хэрэгтэй эд зүйлс, тоног төхөөрөмж авахад мөн эмнэлгийн дэд бүтэц сайжруулахад ашиглахад зориулна гэж мэдээлэлжээ.

12/08/2020

🇰🇷СОЛОНГОС УЛСЫН "Kookmin" БАНКНЫ ОРОЛЦОО🇰🇷

Солонгос улсын Kookmin банк крипто валютын хяналтын үйлчилгээг нэвтрүүлэхээр болжээ. Уг банк нь дотооддоо 250 тэрбум гаруй долларын хөрөнгө эргэлдүүлдэг томоохон банкнуудын нэг бөгөөд Blockchain сан, крипто валютын үйлчилгээ эрхэлдэг "Cumberland Korea"-тай хамтран цахим хөрөнгийн хяналт хамгаалалтын үйлчилгээг нэвтрүүлэхээр болжээ. Kookmin банк энэ оны 7 сард туршилтаар уг үйлчилгээг хөрөнгө оруулагч нарт нэвтрүүлсэн байна.

11/08/2020

ХЯТАДЫН BLOCKCHAIN КОРОНА ВИРУСТ ЯЛАГДАХГҮЙ

Судалгааны компани болох Longhash энэ сарын 8-ны өдөр гаргасан тайландаа Корона вирусийн хөл хорионоос үүдэн Blockchain салбарт ямар нэг уналт гараагүй гэж зарлажээ.
Хятад улсад 2020 онд 10,000 гаруй компаниуд шинээр байгуулагдсан бөгөөд энэ нь 2019 оны үзүүлэлтийг давах эрчимтэй байгаа гэж үзсэн байна. БНХАУ-ын засгийн газраас хэрэгжүүлж байгаа "Дэвшилт 2025" төслийн хэмжээнд улсаас дэмжлэг аван уг төслийг хэрэгжүүлж байгаа нь уналтгүйгээр хөгжүүлэх том шалтгаан болж байгаа гэж үзэж байгаа юм.

08/07/2020

ВЕНЕСУЭЛИЙН ЦАГААЧЛАЛЫН АЛБА БИТКОЙНООР ТӨЛБӨР ТӨЛӨХ БОЛОМЖТОЙ БОЛСОН УУ?

Венесуэл улсын засгийн газар паспортын хураамжаа биткойноор төлөхийг зөвшөөрөх магадлалтай гэж албан ёсоор мэдээллээ. Венесуэлийн цагаачлалын алба (SAIME)-ын вебсайт дээр Биткойноор хураамжаа төлөх шинэ сонголт гарч ирсэн байсан. Гэвч энэ нь Венесуэлийн иргэдэд хамааралгүй зөвхөн гадны иргэдэд хамааралтай бөгөөд албан ёсны мэдээлэл ямар агуулгатай байх талаар хүлээлт өндөр байна.

Мөн энэ зураг, текст 2 хоорондоо хамааралгүй. Зүгээр л харуулмаар байсын. Венесуэлийн талаар бидний хамгийн сайн мэдэх зүйл бол "Халтар царайт" юм.

08/07/2020

📨 E- MAIL ашиглан Bitcoin Cash-ыг шилжүүлж болох үйлчилгээг нэвтэржээ 📨

Хувь хүний цахим шуудан хаягаар дамжуулан Bitcoin Cash-ыг шилжүүлж болох үйлчилгээг Bitcoin.com албан ёсоор нэвтрүүллээ. Веб сайтаас дамжуулан и-мэйлээр шилжүүлэхдээ шилжүүлэгч нь албан ёсоор баталгаажсан валютыг хүлээн авагчын и-мэйл мэдээллийг оруулан SEND товчыг даран сүүлд нь дэлгэц дээр QR Code гарч ирэн уг кодыг уншуулан валютаа шилжүүлэх боломжтой болсон юм. Уг валют дотор зөвхөн криптогоор тогтохгүй олон улсын валютууд багтаж байна.

Digital money that’s instant, private, and free from bank fees. Download our official wallet app and start using Bitcoin today. Read news, start mining, and buy BTC or B*H.

29/06/2020

💰ТӨВ БАНКУУДЫН ДИЖИТАЛ МӨНГӨ💰

Дэлхий даяар багаар бодоход 18 төв банк дижитал мөнгө гаргасан гэх мэдээлэл гарсан байна. Доорх хүснэгтэд The Block судалгааны компани нийт 60 улсын төв банкуудаас хийсэн судалгаа бөгөөд уг жагсаалтад дижитал мөнгөний хөгжүүлэлт эсвэл гаргахаар ажиллаж байгаа банкууд ороогүй болно.

17/06/2020

Дижитал мөнгөн тэмдэгт

Өнгөрсөн 6 сард Фэйсбүүк "Либра" хэмээн нэрлэсэн дижитал мөнгөн тэмдэгтээ дэлхий дахинд зарласан. Гэвч хүмүүс таатай хүлээж аваагүй ба Либра анхны хувилбараараа огт ашиглалтад орохгүй байж мэдэх юм. Гэсэн ч Хятадын Иргэний Банк өөрсдийн бүтээсэн дижитал мөнгөн тэмдэгтээрээ хариу барина гэдгээ зарласан. Одоогийн байдлаар Хятад улс дижитал валют ашиглах анхны том эдийн засаг болох төлөвтэй байгаа ба ердийн бэлэн мөнгийг орлохоор зэхэж байна.

Дэлхийн нөөц валют америк доллар учраас Америкчууд Либраг ашиглан дэлхийн эдийн засгийн ноёрхлоо улам бэхжүүлэх зорилготой гэж Хятадын удирдагчид харж байгаа аж. Түүнчлэн шинжээчид Хятад улс өөрийн дижитал валютаа ашиглан дэлхийн эдийн засагт эзлэх байр сууриа тэлэх санаатай гэж үзэж байна.

Өнгөрсөн 10 сард Фэйсбүүкийн ерөнхий захирал Марк Закерберг АНУ-ын засгийн газарт Либраг ашиглан Америкийн эдийн засгийн ноёрхлыг тэлэх, мөн ардчиллыг дэлгэрүүлнэ гэдгээ мэдэгдсэн байна. Ийнхүү дижитал валютын дайн эхэлжээ.