Үнэт Цаасны Төвлөрсөн Хадгаламжийн Төв ХХК

01/06/2026

Олон улсын хүүхдийн эрхийг хамгаалах өдрийн мэнд хүргэе.

30/05/2026

30/05/2026

НЭЭЛТТЭЙ ӨДӨРЛӨГТ УРЬЖ БАЙНА

Сүхбаатарын талбайд 05/30, 05/31-ний өдрүүдэд "Эрдэнэс тавантолгой"ХК-ийн 1072ширхэг хувьцаа болон ногдол ашгийг өвлүүлэхтэй холбоотой нэгдсэн мэдээлэл өгөх нээлттэй өдөрлөг зохион байгуулагдаж байна.

“Эрдэнэс Тавантолгой” ХК, "Үнэт цаасны төвлөрсөн хадгаламжийн төв"ХХК, Монголын Нотариатчдын танхим,
Нийслэлийн Засаг даргын тамгын газар, Улсын бүртгэлийн ерөнхий газар,
"Монголын Үнэт цаасны арилжаа эрхлэгчдийн холбоо" байгууллагууд хамтран иргэдэд нэгдсэн мэдээлэл өгч ажиллаж байна.

Нас барсан иргэдийн хувьцаа болон ногдол ашгийг 2026 оны 6 дугаар сарын 1-ний өдрөөс эхлэн хууль ёсны өвлөгчдөд нь өвлүүлж эхэлнэ. Үүнтэй холбогдуулан хувьцааг хэрхэн өвлүүлэх, иргэд ямар бичиг баримт бүрдүүлэх талаар нэгдсэн мэдээлэл, зөвлөгөө өгөх НЭЭЛТТЭЙ ӨДӨРЛӨГ-т таныг урьж байна.

Өдөрлөгийн хүрээнд иргэд дараах мэдээллийг авах боломжтой
📍 Хууль ёсны өвлөгч мөн эсэхийг шалгах
📍 Өвлөх хувьцаа болон ногдол ашгийн хэмжээг тодорхойлох
📍 Бүрдүүлэх шаардлагатай баримт бичгийн жагсаалт, зааварчилгаа
📍Үнэт цаасны данс нээлгэсэн эсэхээ шалгах болон хувьцаа өвлүүлэхтэй холбоотой бусад дэлгэрэнгүй мэдээлэл авах боломжтой.

30/05/2026

“ХӨРӨНГИЙН ЗАХ ЗЭЭЛ БА 1072 ХУВЬЦАА” ҮНЭТ ЦААСНЫ ЗАХ ЗЭЭЛИЙН НЭЭЛТТЭЙ ӨДӨРЛӨГ ӨВӨРХАНГАЙ АЙМАГ, БАЯНХОНГОР АЙМГУУДАД ЗОХИОН БАЙГУУЛАГДЛАА.

(2026.05.26) Өвөрхангай аймаг
(2026.05.28) Баянхонгор аймаг

"Монголын хөрөнгийн бирж” ХК, "Үнэт цаасны төвлөрсөн хадгаламжийн төв" (ҮЦТХТ) ХХК болон "Монголын үнэт цаасны арилжаа эрхлэгчдийн холбоо" (МҮЦАЭХ) биржийн гишүүн Үнэт цаасны компаниуд хамтран олон нийтийн санхүүгийн боловсрол, хөрөнгийн зах зээлийн талаарх мэдлэг, мэдээллийг нэмэгдүүлэх зорилгоор “Хөрөнгийн зах зээл ба 1072 хувьцаа” үнэт цаасны зах зээлийн нээлттэй өдөрлөгийг хөдөө орон нутгуудад зохион байгуулж ажиллаа.

Тус өдөрдөг "Үнэт цаасны төвлөрсөн хадгаламжийн төв" ХХК орон нутгийн иргэдэд үнэт цаасны дансны дэлгэрэнгүй мэдээлэл, Монгол Улсын Засгийн газрын шийдвэрээр 1991 онд иргэдэд өмч хувьчлалын эрхийн бичиг хэлбэрээр олгогдсон цэнхэр, ягаан тасалбартай холбоотой мэдээлэл; "Эрдэнэс тавантолгой" ХК 1072ширхэг хувьцааны үлдэгдэл, ногдол ашиг орсон мэдээлэл, хувьцааны өв залгамжлалын талаар дэлгэрэнгүй мэдээлэл зөвлөгөө өгч ажиллаа.

20/05/2026

Санхүүгийн зах зээлийн үндэсний зөвлөлөөс бэлтгэн хүргэж буй FINTALK PODCAST -д "Үнэт цаасны төвлөрсөн хадгаламжийн төв" ХХК-ийн Захиргаа, хүний нөөц, хууль эрх зүйн газрын захирал Ж.Амарсайхан , Үнэт цаасны бүртгэл хадгаламжийн газрын захирал Г.Ариунтуяа нар оролцож 2026.06.01-ний өдрөөс эхлэн Монгол улсын иргэдэд эзэмшүүлсэн "Эрдэнэс тавантолгой" ХК-ийн 1072ширхэг хувьцаа болон хувьцааны ногдол ашгийн өв залгамжлал хэрхэн хийгдэх тухай мөн хувьцааны үлдэгдлийн талаар дэлгэрэнгүй мэдээлэл өгч оролцлоо...

20/05/2026

"Үнэт цаасны төвлөрсөн хадгаламжийн төв" ХХК-ийн гүйцэтгэх захирал М.Энхсайхан "ХӨДӨЛМӨРИЙН ГАВЬЯАНЫ УЛААН ТУГИЙН ОДОН",
"Үнэт цаасны төвлөрсөн хадгаламжийн төв"ХХК-ийн ЗХНХЭЗГ-н хүний нөөцийн мэргэжилтэн Э.Хоролсүрэн "ХӨДӨЛМӨРИЙН ХҮНДЭТ МЕДАЛЬ"-р тус тус шагнууллаа...

🇲🇳Монгол улсын Ерөнхийлөгч У.Хүрэлсүх санхүүгийн салбарын төлөөлөлтэй уулзалт(2026.05.18) хийлээ.

Уулзалтад Сангийн яам, гааль, татвар, даатгал, Хөрөнгийн бирж, Хилийн боомт, Санхүүгийн мэдээллийн технологийн төв, Үнэт цаасны төвлөрсөн хадгаламжийн төв, Төрийн банк болон холбогдох бусад байгууллагын төлөөлөл оролцлоо.

Арга хэмжээг нээн Сангийн сайд З.Мэндсайхан хэлсэн үгэндээ дотоод, гадаад олон сорилт тулгарч байгаа ч макро эдийн засгийн тогтвортой байдлаа хадгалан, инфляц буурч, төсвийн тэнцэл эерэг гарсан нь төсөв, санхүүгийн сахилга баттай бодлогын үр дүн гэдгийг тодотголоо. Тэрбээр, цаашид төсөв, санхүүгийн сахилга батыг бэхжүүлж, төсвийн тэнцвэр, өрийн тогтвортой байдлыг хангах, төсвийн зарлагын үр ашгийг нэмэгдүүлэх, хувийн хэвшлийн хөрөнгө оруулалтыг дэмжих, эдийн засгийн баазыг өргөжүүлэх, татварын орлогын тогтвортой эх үүсвэрээ бэхжүүлэхэд анхаарна гэв. Түүнчлэн Ерөнхийлөгчийн санаачлан хэрэгжүүлж байгаа үндэсний хэмжээний хөдөлгөөн, хөтөлбөрүүд нь зөвхөн нийгмийн бодлого бус, эдийн засгийн стратегийн хөрөнгө оруулалт гэдгийг тэрбээр онцоллоо.

Ерөнхийлөгч, эдийн засгийн тогтвортой өсөлт, төсвийн сахилга бат, хөрөнгө оруулалтын орчныг сайжруулах чиглэлээр хүчин зүтгэж буй санхүүгийн салбарын үе үеийн ажилтан, албан хаагчдад талархал илэрхийлж, амжилт хүслээ.
Эдийн засаг 6.8 хувиар өсөн, нэг хүнд ногдох Дотоодын нийт бүтээгдэхүүн 7,000 ам.доллар болж, худалдаа, хөрөнгө оруулалт нэмэгдэн, гадаад валютын нөөц 7 тэрбум ам.доллар давж, Зээлжих зэрэглэл түүхэн дээд түвшинд хүрэхэд санхүүгийн салбарынхны оруулсан хувь нэмэр их гэдгийг хэллээ.

Тэрбээр төрийн тэргүүнээр сонгогдсоноосоо хойш хийсэн ажил, үндэсний хэмжээнд өрнүүлж байгаа хөдөлгөөн, хөтөлбөрүүдийн хэрэгжилт, гадаад харилцаа, нийгэм, эдийн засгийн байдал зэргийн талаар товч танилцууллаа.

19/05/2026

01/05/2026

Та аль үнэт цаасны компани дээр данстай эсэхээ мэдэхгүй байна уу?