03/09/2022
2021 онд ийм юм бичиж бсан бна… Яг л болдог юм болдогоороо л
Гэрийн хорионд байх үедээ CLUBHOUSE орж үзлээ. Ярьж бас үзлээ. Залуучууд маш сайхан хүсэл эрмэлзэлтэй, юмыг мэдэх тачаалаар дүүрэн байна. Ямар нэгэн ТОМ юманд бэлдээд байгаа мэт. ГЭХДЭЭ асуудлыг голдуу дотоодоос хайгаад байх шиг санагдлаа. Манайд болж байгаа үйл явдал ЗӨВХӨН Монголд өөрнөөд байгаа мэт...
Иймд юмыг илүү ТОМоор харж байгаасай гэсэн утгаар Та Бүхний эрэгцүүлэлд дахин шэйрлэв.
Ээжийн асуултын хариу буюу Даяаршлын төгсгөл...?
Ээж минь телевиз үзэж суунгаа уртаар санаа алдав. Юу болсныг асуутал энэ дэлхий ертөнц юу л болоод байна даа, энд тэндгүй л дайн дажин, үймээн, тахал зовлон гэсээр босов. Магад энэ нь миний саяхан уншсан сэдэв байсан тул үймээн гэдэг үгийг сонсоод миний тархинд Déjà vu болов. Би нэгэнт л “Corona Mode”-д байгаа тул унших, эргэцүүлэх цаг хангалттай байгаагаа ашиглаад ээжтэйгээ тухтай гэгч нь ярьж суунгаа дээрх асуудлын учрыг тайлбарлах гэж оролдов... За, ээж ээ, ийм юм аа. (Та бүхэнд ч бас хандаж байгаа юм шүү).
Яг үнэндээ, одоо биднийг нүүр номоо эргүүлж байх энэ мөчид дэлхий дээр 120 гаруй зэвсэгт мөргөлдөөн гарч байна. Арай л их тоо байна уу. Харамсалтай нь ҮНЭН.
Яагаад ийм юм болоод байна вэ. Үүнийг хүн болгон өөрийнхөө өнцгөөс тайлбарлах байх. Ж нь: Зайран бол тэнгэрийн гэсгээл, улс төрч бол үзэл бодлын зөрчилдөөн гэх мэтээр. Харин би эдийн засагчийн нүдээр тайлбарлахыг оролдъё.
Эдийн засагчид 70-аад оны сүүл буюу 80-аад оны эхээс 2 дахь даяаршлын үе эхэлсэн гэж үздэг. Харин эхний даяаршил 1880-аад оноос 1930 оны Их Хямрал хүртэл үргэлжилсэн. Эхний даяаршлын дараа буюу ИХ ХЯМРАЛ-ын дараа хэт үндсэрхэг үзэл газар авч, улмаар түүнийг хэсэг бүлэг хүмүүс өөрийнхөө ашиг, сонирхолд ашиглах гэж байгаад ГАЛ алддаг. Энэ нь энд тэндгүй бөөн үймээн үүсгэж, эцэст нь Дэлхийн 2-р дайнаар дууссан. Хүмүүс бид үүнээс сургамж авсан эсэхийг Та нар өөрсдөө эргэцүүлнэ биз ээ.
Дайны дараа нэгэнт алдсан итгэлцлийг дахин бий болгох гэсээр (алдсан итгэлцлийг дахин бий болгох маш хэцүү)дэлхийн эдийн засаг 40 гаруй жил хаалттай явав (бараг “4 жаран” 😜 😜 😜 ) 70-аад оны сүүлээр хамгийн үндсэрхэг үзэлтэй Япон, Хятад хүртэл (манай Монгол ч мөн адил) эдийн засгаа нээхээс өөр аргагүй болов. За ингээд бараг 30 жилийн турш дэлхийн улсуудын эдийн засаг даяаршлын амтыг мэдэрч, хамгийн хурдтайгаар хөгжсөөр 2008 онд дахин нэг ИХ ХЯМРАЛ-тай золголоо. Энэ удаа өөр байх болов уу? Харамсалтай нь өөр биш гэдгийг түрүүний тэр зэвсэгт мөргөлдөөний статистик харуулж байна. Учир нь дахиад л нөгөө үндсэрхэг үзэл (Популизм) эргэн сэргэж, энд тэндгүй (Зөвхөн Монголд биш) баахан БИ БИ БИ гэсэн улсууд өөрсдийгөө дөвийлгөн бодож, баахан салан тусгаарлалтууд, үр дүнд нь зэвсэгт мөргөлдөөнүүд гарч байна.
ТҮҮХ давтагдана гэдэг нь энэ л болж таарах нь ээ, ЭЭЖ минь.
Доорх графикийг Та бүхний эргэцүүлэлд үлдээе.
