United Investment Partners

13/03/2017

ЗАХ ЗЭЭЛИЙН ТОВЧ МЭДЭЭ:

- Дэлхийн хөрөнгийн зах зээлийн 1.3 хувийг эзэмшдэг Норвегийн Баялгийн сангийн мэдээлснээр "Дэлхийд хоёрхон улс буюу БНХАУ, АНУ-ын улс төрийн нөхцөл байдал олон улсад санхүүгийн эрсдэл бий болгож байна" гэсэн байна. 900 тэрбум ам.долларын хөрөнгөтэй Норвегийн Төрийн өмчит Баялгийн сангийн Гүйцэтгэх захирал Ингве Слингстад хэвлэлийнхэнд ярилцлага өгөх үедээ "2016 он болон өмнөх жилүүдийг харвал, дэлхийн эдийн засагт ердөө хоёр улс маш том, онцгой байр суурийг эзэлж ирсэн. Улс төрийн орчин нь дэлхийн санхүүгийн зах зээл бүхэлд нь бодит нөлөө үзүүлж байгаа орнуудаар АНУ болон БНХАУ-ыг нэрлэж болно" гэж мэдэгджээ.

- Банк бус санхүүгийн байгууллагуудын хувь нийлүүлсэн хөрөнгийн доод хэмжээг 2.5 тэрбум төгрөгөөр шинэчлэн тогтоосны хүрээнд тусгай зөвшөөрлүүд үргэлжлүүлэн олгогдож байна. Энэ удаад Санхүүгийн Зохицуулах Хороо ээлжит хурлаараа шаардлага хангасан ”Хан Алтайн нуруу”, “Гоулд Капитал Инвест”, “Дарь Финанс” гэсэн гурван компанид Банк бус санхүүгийн зээлийн үйл ажиллагаа эрхлэх тусгай зөвшөөрөл олгожээ. Хувь нийлүүлсэн хөрөнгийн доод хэмжээ 2.5 тэрбумын босгыг эхний ээлжид зөвхөн Улаанбаатар хотод үйл ажиллагаа явуулах шинэ байгууллагуудад мөрдүүлж байгаа аж.

- Монгол Улс уул уурхайн салбарт 20 сая ам.долларын хөрөнгө оруулалт татах боломжийг нээж, санамж бичиг байгуулсан талаар Уул Уурхай, Хүнд
Үйлдвэрийн яамнаас мэдээллээ. Оттавад болсон Монгол-Канадын дугуй ширээний уулзалт болон уул уурхайн салбарт хөрөнгө оруулагчдын чуулган PDAC- ийн үеэр Монголын талаар хэлэлцүүлэг хийсэн нь дээрх үр дүнд хүрлээ. Пүрэв гарагт болсон Монгол- Канадын дугуй ширээний VII уулзалтад хоёр улсын Гадаад харилцааны сайд нараас гадна Уул Уурхай,
Хүнд Үйлдвэрийн сайд болон Канадын Азийн бүс нутаг хариуцсан сайд нар багтсан байна. Энэхүү уулзалт нь хоёр улсын улс төр, эдийн засаг, хөрөнгө
оруулалт, худалдаа, уул уурхай, барилга, дэд бүтэц, хөдөө аж ахуй, боловсрол, соёл зэрэг бүхий л салбарт хамтын ажиллагаагаа өргөжүүлэхэд чиглэсэн Засгийн газар хоорондын нүүрс тулсан уулзалт болжээ.

- БНХАУ-ын макро эдийн засгийн үзүүлэлтүүд 2017 оны эхээр тогтворжсон талаар тус улсын Үндэсний Статистикийн товчооны дарга Нин Жизе мэдэгдлээ. Тухайлбал, БНХАУ-ын аж үйлдвэрийн гарц оны эхний хоёр сард зургаан хувиар өссөн бол үйлдвэрлэлийн салбарын үзүүлэлт найман хувиар өсжээ.

Эх сурвалж: bloombergtv.mn; mba.mn

20/01/2017

ЗАХ ЗЭЭЛИЙН ТОВЧ МЭДЭЭ:

- Ирэх жилүүдэд Монголоос БНХАУ-д экспортлох
нүүрсний нийлүүлэлт нэмэгдэхгүй байх төлөвтэй
байгаа талаар “Bloomberg”-ийн нүүрсний шинжээч
Мишель Лун онцоллоо. Үүнд Монголын нүүрс
олборлогч компаниудын идэвх суларч, санхүүгийн
хувьд алдагдалтай нөхцөл байдал үүссэн. Төмөр
замын бүтээн байгуулалт удааширч саатсан, мөн
дотоодын эрчим хүчний эрэлт өсөн нэмэгдэж байгаа
зэргээс ихээхэн хамаарч байна гэж үзжээ. 2016-2020
онд Монголын дотоодын нүүрсний эрэлт жилд
ойролцоогоор 15.9 хувиар өсөж, 17.5 сая тонн болно
гэж Ашигт Малтмал, Газрын Тосны Газраас
мэдээллээ.

- Европын Төв банкны бодлогын зөвлөл бонд
худалдан авах хөтөлбөрөө хэвээр үлдээхээр
шийдвэрлэлээ. Учир нь инфляц өсөлтөө тогтвортой
хадгалах эсэхийг цаашид ажиглах шаардлагатай гэж
бодлого боловсруулагчид үзсэн байна. Удирдах
зөвлөл өнгөрсөн сард "Дөрөвдүгээр сараас эхэлж
үнэт цаас, бонд худалдан авах хэмжээг сарын 60
тэрбум евро болгож бууруулна" гэсэн шийдвэр
гаргаж байсан бөгөөд энэхүү шийдвэрээ ийнхүү
баталгаажууллаа. Одоогоор сарын 80 тэрбум
еврогийн худалдан авалт хийгдэж байгаа юм. Үүнээс
гадна Европын Төв банк “Bloomberg”-ээс таамаглаж
байсанчлан бодлогын хүүгээ 0 хувьд хэвээр
үлдээсэн байна. Европын Төв банкны тэргүүн Марио
Драги Франкфурт хотноо хийсэн хэвлэлийн бага
хурлын үеэр "Суурь инфляц цаашид өсөх магадлал
бага, эдийн засагт эрсдэл байсаар байна" гэж
онцолжээ.

- Засгийн газраас "Алт-2” үндэсний хөтөлбөр
хэрэгжүүлэх тогтоол батлахаар болов. Хөтөлбөрийн
хэрэгжилтийг улсын хэмжээнд зохион байгуулах
үүрэг бүхий Ажлын албыг Уул уурхай, хүнд
үйлдвэрийн сайдаар ахлуулан байгуулах юм.
Засгийн газрын 2016-2020 оны үйл ажиллагааны
хөтөлбөрийг хэрэгжүүлэх, эдийн засгийг сэргээх
зорилгоор “Алт-2” хөтөлбөрийг хоёр үе шаттайгаар
2020 он хүртэл хэрэгжүүлнэ. Хөтөлбөрийн үр дүнд
жилд олборлох алтны хэмжээг 2-3 тонноор
тогтвортой нэмэгдүүлж, 2020 онд 25 тоннд хүргэх
боломжтой юм. Хөтөлбөрийг хэрэгжүүлснээр ашигт
малтмалын нөөц ашигласны төлбөр хэлбэрээр жилд
дунджаар 33-59 тэрбум төгрөгийг улсын төсөвт
оруулж, геологийн эрэл хайгуулын ажлын үр дүнд
Монгол Улсын алтны бэлтгэгдсэн нөөцийг 100-150
тонноор нэмэгдүүлэх боломжтой гэж Засгийн газар
үзэж байна.

Source: mba.mn; bloomberg.mn

11/01/2017

ЗАХ ЗЭЭЛИЙН ТОВЧ МЭДЭЭ:
- Дэлхийн банк Монгол Улсын 2017 оны эдийн засгийн
өсөлтийн төлөвөө 0.7 хувиар бууруулж, хоёр хувь
болголоо. Мөн 2016 оны өсөлтийн төлөвийг 0.6
хувиар бууруулсан байна. Өөрөөр хэлбэл Монгол
Улсын эдийн засаг өнгөрсөн онд 0.1 хувиар өссөн гэж
тооцоолжээ. Үндэсний Статистикийн Хорооноос
танилцуулснаар Монгол Улсын дотоодын нийт
бүтээгдэхүүн өнгөрсөн оны эхний есөн сард жилийн
өмнөхөөс 1.6 хувиар агшсан байна. Дэлхийн банк
2016 оны есдүгээр сард танилцуулсан тоймдоо
“Засгийн газар шаардлагатай арга хэмжээ авахгүй
тохиолдолд 2016 оны эцэст төсвийн алдагдал
дотоодын нийт бүтээгдэхүүний 18 хувийг давахаар
байгааг” анхааруулж байлаа. Харин бодит
гүйцэтгэлийг харвал өнгөрсөн оны эхний 11 сард
төсвийн алдагдал хоёр их наяд, 677 тэрбум төгрөгт
хүрсэн юм.

- Дэлхийн банк АНУ-ын эдийн засаг энэ онд 2.2 хувь,
ирэх онд 2.1 хувиар өснө гэсэн таамгаа хэвээр
үлдээжээ. "Дональд Трамп худалдааны ямар
бодлого баримтлах нь тодорхойгүй байгаа нь
эрсдэлийг нэмэгдүүлж байна. Хэдий тийм боловч
тэрбээр татвар бууруулж, зарцуулалтыг нэмэх
төлөвлөгөөгөө хэрэгжүүлбэл АНУ-ын эдийн засгийн
өсөлт эрчимжиж, улмаар дэлхийн эдийн засагт
түлхэц болно" гэж Дэлхийн банк тайландаа
онцоллоо. Харин Дональд Трампын захиргаа
эсрэгээр нь худалдааны шинэ хориг саад тавьж, үүнд
бусад улс орнууд хариу үйлдэл үзүүлэхээр болбол
төсвийн бодлогоор АНУ-ын эдийн засгийн өсөлтийг
дэмжих нь талаар болж магадгүй гэж Дэлхийн банк
үзжээ.

- Экспортод гаргаж байгаа уул уурхайн
бүтээгдэхүүний олон улсын зах зээлийн 12 дугаар
сарын дундаж жишиг үнийг Сангийн яам
танилцууллаа. Үүнд Лондоны Металлын биржийн
ханшаар нэг тонн зэсийг 5665 орчим ам.доллар
байхаар тооцсон байна. Өнгөрсөн 12 дугаар сард
зэсийн гол экспортлогч “Оюу Толгой” компани Ганц
модны боомтод гарсан өөрчлөлттэй холбоотойгоор
тээвэрлэлтээ долоо хоног зогсоосон юм. Энэ
хооронд ойролцоогоор 20 сая ам.долларын зэсийн
баяжмалын борлуулалт зогсож, улсад төлөх ёстой
1.3 сая ам.долларын татварын орлого тасалджээ.

- Энэ сарын 17-нд эхлэх Давосын эдийн засгийн
чуулганд БНХАУ-ын Ерөнхийлөгч Ши Жиньпин
оролцож, нээлтийн үйл ажиллагаанд үг хэлэхээр
болжээ. Түүний хувьд, тус чуулганд үг хэлэх Хятадын
анхны Төрийн тэргүүн болж байна.

Эх сурвалж: bloombergtv.mn; mba.mn

10/01/2017

ЗАХ ЗЭЭЛИЙН ТОВЧ МЭДЭЭ:

- “Эрдэнэс Таван Толгой” компанийн нүүрсний экспорт
2016 онд 1.8 дахин нэмэгдсэн байна. Тус компани
2016 онд нийт 7.65 сая тонн нүүрс экспортолсон
бөгөөд энэ нь 2015 онд 4.2 сая тонныг
экспортолсонтой харьцуулахад 1.8 дахин нэмэгдсэн
дүн болжээ. “Эрдэнэс Таван Толгой” компани II
улиралд нэг тонн нүүрсийг уурхайн аман дээрээс
24.4 ам.доллар, III улиралд 27 ам.доллар, IV улиралд
33 ам.доллараар борлуулж байсан бол “TTJVCo”
компанитай дахин хэлэлцээ хийсний дүнд 12 дугаар
сараас эхлэн нэг тонн нүүрснийхээ үнийг 50
ам.доллар болгожээ. Харин 2017 он гарсаар
нэгдүгээр сарын 9-ны байдлаар тус компани 180
мянга 400 тонн нүүрс экспортлоод байна

- Энэ долоо хоногт УИХ-аар хэлэлцэх Хөдөлмөрийн
тухай хуульд нэмэлт өөрчлөлт оруулах тухай
хуулийн төсөл ажил олгогчдын анхаарлыг татаж
байна. Учир нь "Цагийн ажил", "туршилтын хугацаа"
гэхчлэн шинэ заалтуудыг оруулж, ажил олгогчийн
хүлээх зарим хариуцлагыг нэмэгдүүлжээ. Монгол
Улсад Хөдөлмөрийн тухай хууль болон
Хөдөлмөрийн тухай бусад хууль тогтоомжоор
"цагийн ажил" гэсэн ухагдахуун зохицуулагдаагүй
байгаа юм. Тийм учраас "цагаар ажиллах" гэсэн
шинэ зүйл шинээр нэмэхээр хуулийн төсөлд
тусгажээ.

- Казахстаны Төв банк бодлогын хүүгээ хэвээр
хадгалж, мөнгөний зөөлөн бодлогыг цаашид
үргэлжлүүлж магадгүй талаар мэдэгдлээ.
Тухайлбал, тус банк өнгөрсөн тавдугаар сараас хойш
анх удаа бодлогын хүүг таван нэгж хувиар бууруулж,
12 хувьд хүргэснээ даваа гарагт мэдэгдсэн байна.
Түүнчлэн ирэх хоёрдугаар сард бодлогын хүүг
бууруулах шийдвэр гаргах өндөр магадлалтай
талаар Казахстаны Төв банкны Ерөнхийлөгч Данияр
Акишев сэтгүүлчдэд хандан мэдэгджээ.

- БНХАУ-ын тэрбумтан, "Alibaba" группийг үүсгэн
байгуулагч Жак Ма даваа гарагт АНУ-ын
Ерөнхийлөгчөөр сонгогдоод байгаа Дональд
Трамптай уулзсан байна. Уулзалтын үеэр "Alibaba"
групп АНУ-д шинээр ажлын байр бий болгох
асуудлаар голчлон хэлэлцжээ. БНХАУ-ын онлайн
худалдааны тэргүүлэгч компани АНУ-ын нэг сая
гаруй жижиг, дунд бизнес эрхлэгчдийг өөрийн
бизнесийн үйл ажиллагаандаа хамруулах
боломжтой гэж мэдэгдсэн байна. Үүний дүнд бизнес
эрхлэгч бүр шинэ ажлын байр бий болгох боломжтой
талаар Жак Ма тооцоолжээ.

Эх сурвалж: bloombergtv.mn; mba.mn

09/01/2017

ЗАХ ЗЭЭЛИЙН ТОВЧ МЭДЭЭ:
- Монгол, Японы Эдийн засгийн түншлэлийн
хэлэлцээр хүчин төгөлдөр болж, хэрэгжиж эхлээд
долоон сарын хугацаа өнгөрөөд байна. Энэ
хугацаанд Монголоос Японд гаргах экспортын
хэмжээ буурсан боловч импорт нэмэгджээ.
Тухайлбал, Үндэсний Статистикийн Хорооноос
мэдээлснээр 2016 оны эхний зургаан сард Японд
гаргасан экспорт жилийн өмнөхөөс 31.5 хувиар
буурсан бол харин импорт 311 сая ам.доллар болж,
29 хувиар өссөн байна. Монгол, Японы Эдийн
засгийн түншлэлийн хэлэлцээрийн дүн хоёр улсын
гадаад худалдаанд тодорхой хугацааны дараа
мэдэгдэхүйц өөрчлөлт харуулна гэдгийг Гадаад
харилцааны сайд асан, Ерөнхийлөгчийн Гадаад
бодлогын зөвлөх Л.Пүрэвсүрэн онцоллоо. Үүнээс
гадна Гадаад харилцааны сайд Ц.Мөнх-Оргил
өнгөрсөн долоо хоногт Япон улсаас Монгол Улсад
суух Элчин сайдаар шинээр томилогдоод байгаа
Масато Такаокаг хүлээн авч уулзсан байна.
Уулзалтын үеэр "Хоёр улсын стратегийн түншлэлийн
харилцааг өргөжүүлэхэд анхаарч ажиллана" гэдгийг
хоёр тал онцолжээ.
- Монгол Улс эхний улиралд төлөх 580 сая
aм.долларын өрийг саадгүй, эдийн засагтаа дарамт
болохгүйгээр төлөх гарц шийдлээ олсон,
хугацаандаа төлнө гэж Ерөнхий сайд Ж.Эрдэнэбат
мэдэгдлээ. Мөн "Таван Толгой"-н ордын тухайд
Монгол Улс, Монголчууддаа ашигтай байх боломжит
хувилбар бүхий төслийг удахгүй УИХ-д өргөн барьж,
нээлттэй хэлэлцүүлнэ гэж өнөөдөр Аймаг,
нийслэлийн ИТХ-ын дарга, засаг дарга нарын
семинарын үеэр Засгийн газрын тэргүүн хэлсэн
үгэндээ онцолсон юм.
- Их Британийн технологийн салбарт хийгдсэн
хэлцлийн тоо 2016 онд түүхэн дээд хэмжээнд хүрч
өслөө. Өнгөрсөн онд нийт 4009 хэлцэл хийгдсэн нь
2015 онтой харьцуулахад мянга гаруйгаар нэмэгдсэн
дүн болж байгаа юм. Хэдий тийм боловч жилийг
бүхэлд нь хоёр хувааж авч үзэх хэрэгтэй нь статистик
үзүүлэлтээс харагдаж байна. Тухайлбал,
зургаадугаар сарын 23 буюу BREXIT-ийн санал
асуулгаас өмнө нийт 2400 хэлцэл хийгдсэн бол санал
асуулгаас хойш технологийн салбар дахь
санхүүжилтийн хэмжээ буурсаар IV улиралд
хэлцлийн тоо 710-тай тэнцэж ирсэн аж.
Эх сурвалж: bloombergtv.mn; mba.mn

21/10/2016

ЗАХ ЗЭЭЛИЙН ТОВЧ МЭДЭЭ: /2016.10.20/
- Санхүүгийн Зохицуулах Хорооноос шинээр
байгуулагдах Банк бус санхүүгийн байгууллагуудын
хувь нийлүүлсэн хөрөнгийн доод хэмжээг 2.5 тэрбум
төгрөг болгон нэмэгдүүлэх шийдвэр гаргалаа. Эдийн
засаг, санхүүгийн хүндрэлтэй байдлыг даван туулах,
санхүүгийн салбарт бий болсон эрсдэлийг бууруулах,
тогтвортой байдлыг хангах үүднээс энэхүү арга
хэмжээг авч байгаа аж. Энэ шийдвэр нь одоо үйл
ажиллагаа явуулж байгаа эсвэл явуулах тусгай
зөвшөөрлөө авсан Банк бус санхүүгийн
байгууллагуудад хамаарахгүй.
- “Оюу Толгой”-ийн хүдрийн олборлолт өнгөрсөн
улиралд тус компанийн түүхэн дэх дээд хэмжээ болох
25.7 сая тоннд хүрч өссөн байна. Хэдий тийм боловч
хүдэр дэх агуулга багассан учраас зэс болон алтны
үйлдвэрлэл буурсан дүнтэй гарчээ. Хэдийгээр
үйлдвэрлэл буурсан ч энэ оны эцэст зорилтод
түвшиндээ хүрч чадна гэдэгт итгэлтэй байгаагаа тус
компанийн ТУЗ-ийн дарга илэрхийлсэн байна.
- Засгийн газар ОУВС-ийн хөтөлбөрт хамрагдахаар
хүчин чармайлт гаргаж байгаа нь томоохон хөрөнгө
оруулагчдад эерэг хүлээлт бий болгож байна.
Тухайлбал, "Morgan Stanley" банк Монгол Улсын
Хөгжлийн банкны бондыг хоёрдогч зах зээлээс
худалдаж авсан тухайгаа мэдээллээ. "ОУВС-ийн
хөтөлбөрт хамрагдсанаар Монгол Улсын төсвийн
нөхцөл байдал тогтворжих сайн талтай" гэж тус
банкны хөгжиж буй зах зээлийн Зээлийн хөрөнгө
оруулалт хариуцсан шинжээч Варрен Мар онцолсон
байна.
- Катар улс "SoftBank Vision Fund" технологийн санд
хөрөнгө оруулах сонирхолтой байгаагаа илэрхийлжээ.
Катарын хувьд эдийн засгаа төрөлжүүлж, газрын
тосноос хараат байдлаа бууруулах зорилгоор энэ
арга хэмжээг авна гэж эх сурвалж мэдээлсэн байна.
"SoftBank"-ны зүгээс өнгөрсөн долоо хоногт Арабын
улс орнуудтай хамтран "SoftBank Vision Fund" нэртэй
100 тэрбум ам.долларын хөрөнгө бүхий технологийн
салбарыг дэмжих сан байгуулна гэдгээ мэдэгдсэн юм.
- Монгол Улсын хэмжээнд жилд дунджаар 10 сая гаруй
арьс, ширэн түүхий эд бэлтгэгдэж байна. Үүнээс 26
хувийг нь дотооддоо боловсруулж, 120 орчим тэрбум
төгрөгийн савхи, нэхий үйлдвэрлэж байгаа талаар
Монголын Арьс Ширний Үйлдвэрлэлийн холбооноос
мэдээллээ.
Эх сурвалж: bloombergtv.mn, ikon.mn; mba.mn

20/10/2016

ЗАХ ЗЭЭЛИЙН ТОВЧ МЭДЭЭ:

- 2016 оны есдүгээр сарын байдлаар орон сууцны үнийн индекс өнгөрсөн оны мөн үеэс 7.3 хувиар буурсан байна. Орон сууцны үнийн индексийг харвал шинэ орон сууцны үнэ өссөн ч хуучин орон сууцны үнэ бага зэрэг буурчээ. Шинэ орон сууц буюу байрны гэрчилгээ нь гараагүй орон сууцны нэг ам метрийн дундаж үнэ есдүгээр сарын байдлаар хоёр сая 36 мянган төгрөг байна. Энэ нь өмнөх сараас 0.3 хувиар өссөн боловч жилийн дүнгээр хагас хувиар буурсан үзүүлэлт болж байгаа юм.
- Дэлхийн томоохон Төв банкуудын хөрөнгийн хэмжээ 21 их наяд ам.долларт хүрч өссөн байна. Энэ нь дэлхийн нийт эдийн засгийн 29 хувьтай тэнцэх хэмжээний их хөрөнгө юм. Ийнхүү Төв банкууд эдийн засгаа дэмжихийн тулд үнэт цаасны худалдан авалтаа нэмэгдүүлснээр хөрөнгийн хэмжээ 2011 оноос хойш хамгийн өндөр хурдаар өсчээ. Тухайлбал Япон болон Европын Төв банкны хөрөнгийн хэмжээ өнгөрсөн оны 12 дугаар сараас хойш 2.1 их наяд ам.доллараар нэмэгдсэн байна. Үүнээс гадна дэлхийн Төв банкуудын нийт хөрөнгийн 75 хувийг БНХАУ, АНУ, Япон болон Европын Төв банкууд дангаараа эзэмшиж байгаа аж.
- БНХАУ-ын Хорио цээрийн газар болон Хөдөө аж ахуйн яамны төлөөллүүд Монгол Улсад ирэх үеэр БНХАУ-д үргэлжлүүлэн мах экспортлох асуудлыг хөндсөн байна. Түүнчлэн "Бүх төрлийн хэлэлцээ хийж байна" гэж ХХААХҮ-ийн сайд Б.Сэргэлэн мэдээллээ. Яриа хэлэлцээ ажил хэрэг болбол малын гаралтай бүтээгдэхүүний үнэ өсөх бололцоотой ажээ.
- Европын Холбооноос гарах түүхэн шийдвэрт хүрсэн Их Британи сүүлийн долоон жилд анх удаа хөрөнгө оруулахад таатай орнуудын тэргүүн таван байрт багтсангүй. BREXIT-ийн дараах тодорхойгүй байдал хөрөнгө оруулагчдын сонирхол буурахад голлон нөлөөлсөн байна. “Ernst & Young”-ийн явуулсан судалгаагаар эдийн засгийн ач холбогдлоороо Европын Холбоонд Их Британийн байр суурийг эзлэх төлөвтэй байгаа Франц улс тус улсын өмнө бичигджээ.
- Олон улсын банк санхүүгийн томоохон байгууллагуудын III улиралд шинжээчдийн таамгаас давсан ашигтай ажилласан байна. Тухайлбал “JPMorgan”-ийн нэгж хувьцаанд ногдох ашиг төдийгүй нийт ашиг III улиралд нэмэгдэж 24.67 тэрбум ам.долларын орлого олжээ.
Эх сурвалж: bloombergtv.mn; mba.mn

18/10/2016

ЗАХ ЗЭЭЛИЙН ТОВЧ МЭДЭЭ:
- BRICS-ийн орнуудын найм дахь удаагийн дээд
хэмжээний уулзалтыг Энэтхэг улс өнгөрсөн амралтын
өдрүүдэд амжилттай зохион байгууллаа. Дэлхийн
эдийн засгийн хэтийн төлөвт тодорхойгүй байдал
"ноёрхож" байгаа ч BRICS-ийн гишүүн орнуудын урт
хугацааны төлөв эерэг байгаа гэж гишүүд дүгнэжээ.
Тиймээс Энэтхэгийн Ерөнхий сайд Нарендра Моди
2020 он хүртэл гишүүн орнуудын хоорондын
худалдааг хоёр дахин нэмж, 500 тэрбум ам.долларт
хүргэх уриалга гаргасан байна. Үүнээс гадна
уулзалтын үеэр ОХУ-ын "Rosneft" тэргүүтэй хөрөнгө
оруулагчид Энэтхэгийн "Essar Oil" компанийг
худалдан авах хэлцэлд хүрчээ. Хөрөнгө мөнгөний
бэрхшээлд ороод байсан Энэтхэгийн "Essar"
компанийг "Rosneft" тэргүүтэй хөрөнгө оруулагчид 13
тэрбум ам.доллараар худалдаж авахаар тохиролцсон
байна.
- Шуудан, харилцаа, холбооны салбарын компаниуд
энэ оны эхний гурван улиралд 572 тэрбум төгрөгийн
орлоготой ажиллажээ. Он гарсаар дээрх салбарын
орлого улирал бүр өссөн үзүүлэлттэй байсан байна.
Зөвхөн сүүлийн улиралд л гэхэд нийт орлого нь 208.6
тэрбум төгрөг байсан нь 36 хувийг бүрдүүлж байгаа
юм. Энэ нь өмнөх улирлаасаа 7.4 хувиар, өмнөх оны
мөн үеэс 6.6 хувиар өссөн үзүүлэлт болжээ.
- Аравдугаар сарын 11-ний байдлаар улсын хэмжээнд
401.6 мянган тонн үр тариа хурааж аваад байна.
Үүнээс 393.6 мянган тонн нь улаанбуудай, 140.7
мянган тонн төмс, 81.8 мянган тонн хүнсний ногоо
хураан авчээ. Үр тарианы хураалт 80 хувьтай,
улаанбуудайн хураалт 82 орчим хувьтай байгаа бол
төмсний хураалт 80.5 хувьтай, хүнсний ногооны
хураалт 70 орчим хувьтай байгаа аж. Үүнээс гадна
шинэ ургацаас нийт 135 мянган тонн буудайг
борлуулаад байгаа бөгөөд 27 орчим хувийг нь буюу 36
мянган тонныг Тариалан эрхлэлтийг дэмжих санд
авсан талаар ХХААХҮЯ-наас мэдээллээ.
- Монголын хөрөнгийн бирж энэ сарын 10-нaaс 14-ны
өдрүүдэд таван удаагийн үнэт цаасны арилжаа
зохион байгуулжээ. Нийт 10 тэрбум 931 сая төгрөгийн
арилжаа хийж, өдөрт дунджаар 2.2 тэрбум төгрөгийн
гүйлгээ хийсэн байна. Нийт 35 компанийн 120,470
ширхэг хувьцааг 44,202,598 төгрөгөөр арилжсан
байна.
Эх сурвалж: bloombergtv.mn, ikon.mn; mba.mn

12/10/2016

ЗАХ ЗЭЭЛИЙН ТОВЧ МЭДЭЭ:

- Өнгөрсөн долоо хоногт Төв банк зургаан удаа Засгийн
газрын үнэт цаас худалдааллаа. Уг арилжааны үр
дүнд Засгийн газар буюу Сангийн яам нийт 179.5
тэрбум төгрөгийг зах зээлээс татан төвлөрүүлжээ. Энэ
эх үүсвэрийг төрийн албан хаагчдын цалин, тэтгэвэр,
улсын төсвийн зардалд зарцуулах юм байна.
- Үндэсний статистикийн хороо /ҮСХ/-ноос сар тутам
гаргадаг Монгол Улсын нийгэм, эдийн засгийн
байдлын есдүгээр сарын мэдээллийг өнөөдөр
/2016.10.11/ сэтгүүлчдэд танилцууллаа. Улсын
хэмжээнд 2016 оны есдүгээр сарын байдлаар
хэрэглээний бараа, үйлчилгээний үнэ /инфляци/
өмнөх сарынхаас 0,6 хувь, өмнөх оны мөн үеийнхээс
0,1 хувиар буурсан бол өмнөх оны жилийн эцсээс 0,6
хувиар өссөн үзүүлэлттэй гарчээ. Жилийн эцсийн
байдлаас 0,6 хувиар инфляци өсөхөд хүнсний
бараа, ундаа усны үнэ 2,7 хувиар өссөн нь голчлон
нөлөөлсөн байх юм.
- Засгийн газар Монгол Улсын 2017 оны төсвийн
хуулийн төслийг боловсруулахдаа хөдөө аж ахуйн
салбарт зориулж 54 тэрбум төгрөгийг урамшуулал
хэлбэрээр суулгажээ. Тодруулбал, хүнсний улаан
буудайн урамшуулалд 16 тэрбум, ноосны
урамшуулалд 22.3 тэрбум, арьс ширний урамшуулалд
15.7 тэрбум төгрөг тус бүр суулгасан юм байна.
Урамшууллыг үндэсний аж ахуйн нэгжид ноос
ноолуур, улаан буудайгаа тушаасан компаниудад
олгоно.
- ХХААХҮ-ийн сайд П.Сэргэлэн ОХУ-д ажлын айлчлал
хийж байгаа бөгөөд энэ хүрээнд махны экспортыг
нэмэгдүүлэх санал тавьж байна. Үүний зэрэгцээ
БНХАУ-ын мал эмнэлгийн газрын төлөөлөгчид махны
экспортод тавьсан хоригтой холбоотой асуудлаар
хэлэлцэхээр Монгол Улсад хүрэлцэн ирлээ. Махны
экспортын ханшийн хувьд, ОХУ руу экспортолж
байгаа махны үнэ кг тутамдаа ойролцоогоор 1.7
ам.доллар байгаа бол Хятад руу 2.4 ам.доллар байгаа
талаар "Завхан" групп мэдээлсэн.
- Грек улс 2.8 тэрбум еврогийн зээл авахад
шаардлагатай 15 гол шаардлагыг биелүүлсэн тул
эхний ээлжинд 1.1 тэрбум еврог Европын Холбоо
олгохоор болсон байна. Зээлийн хоёр дахь хэсэг
болох 1.7 тэрбум еврог Грекийн эдийн засгийн
есдүгээр сарын үзүүлэлтийг бэлэн болохоор
аравдугаар сарын сүүлээр олгохоор шийдвэрлэжээ.
Эх сурвалж: ikon.mn, gogo.mn; mba.mn

11/10/2016

ЗГ: 2017 оны нийт зарлагыг тодотголоос 13.2 хувиар бууруулж тооцсон

...

04/10/2016

ЗАХ ЗЭЭЛИЙН ТОВЧ МЭДЭЭ:

- УИХ-ын намрын ээлжит чуулган өчигдөр эхэллээ.
Чуулганы нээлтийн дараа УИХ дахь МАН-ын бүлэг
хуралдан, дараах шийдвэрийг гаргажээ. Өчигдрийн
хуралдаанаар Монгол Улсын 2017 оны төсвийн төсөл
болон Аж ахуйн нэгжийн орлогын албан татварын
тухай хуульд нэмэлт, өөрчлөлт оруулах тухай хуулийн
төслийг хэлэлцэж, хоёр ажлын хэсэг байгуулсан
талаар бүлгийн дарга Д.Хаянхярваа, дэд дарга
Я.Содбаатар нар мэдээлэл хийлээ.
- Монголбанкнаас мэдээлснээр төлбөрийн тэнцлийн
урсгал тэнцэл наймдугаар сард урьдчилсан байдлаар
31.5 сая ам.долларын алдагдалтай гарсан байна. Энэ
нь өнгөрсөн онтой харьцуулахад 85 хувиар буюу 181.1
сая ам.доллараар буурсан дүн аж. Үзүүлэлт буурахад
орлогын дансны алдагдал 37 хувиар буюу 249.3 сая
ам.доллараар буурсан нь гол нөлөөтэй байжээ.
Хөрөнгө ба санхүүгийн дансны хувьд 195.2 сая
ам.долларын ашигтай гарсан нь өнгөрсөн оны мөн
үеэс 65 хувь буюу 356.1 сая ам.доллараар буурсан
үзүүлэлт юм. Энэ нь багцын хөрөнгө оруулалт болон
бэлэн мөнгө, харилцах дансны санхүүжилт
багассантай холбоотой аж.
- Ирэх жилүүдэд манай улсын төсөв ямар байхаар
төсөөлсөн хуулийн төслүүдийг Сангийн сайд
Б.Чойжилсүрэн өргөн мэдүүлэв. Монгол Улсын
нэгдсэн төсвийн 2017 оны төсвийн хүрээний мэдэгдэл,
2018-2019 оны төсвийн төсөөллийг тооцохдоо
гадаадын зээл, тусламжийн үр ашгийг нэмэгдүүлэх,
эдийн засгийн үр ашигтай төслүүдэд санхүүжилт хийж
эдийн засгийн өсөлтийг дэмжих, өрийн удирдлагын
оновчтой байдлыг хэрэгжүүлэх замаар хүүгийн
зардлыг дунд хугацаанд бууруулах зарчмуудыг
баримталсан байна. Мөн уул уурхайн бүтээгдэхүүний
үнэ ойрын жилүүдэд төдийлөн өсөхөөргүй байдал
ажиглагдаж байгаа тул богино болон дунд хугацаанд
төсвийн орлого огцом нэмэгдэхээргүй байгааг
дурдсан байна.
- Монгол Улсын 2017 оны нэгдсэн төсвийн
тэнцвэржүүлсэн орлого 5,974.8 тэрбум төгрөг буюу
ДНБ-ий 22.8 хувь, нэгдсэн төсвийн нийт зарлага
8,564.0 тэрбум төгрөг буюу ДНБ-ий 32.7 хувь, нэгдсэн
төсвийн нийт алдагдал 2,589.2 тэрбум төгрөг буюу
ДНБ-ий 9.9 хувь болохоор байгаа талаар төслийн
танилцуулгад дурджээ
Эх сурвалж: bloombergtv.mn; ikon.mn; mba.mn

26/09/2016

ЗАХ ЗЭЭЛИЙН ТОВЧ МЭДЭЭ:
- Монголбанкнаас энэ оны эхний найман сарын гадаад
худалдааны дүн мэдээг гаргажээ. Тайлант хугацааны
гүйцэтгэлээр гадаад худалдааны нийт бараа
эргэлтийн хэмжээ өнгөрсөн оны мөн үеэс 10.9 хувиар
буюу сая ам.доллараар буурч, 5166.8 сая ам.долларт
хүрсэн байна. Энэ үзүүлэлтэд экспорт 258.2 сая
ам.доллараар, импорт 373.3 сая ам.доллараар тус,
тус буурсан нь нөлөөлсөн гэж Монголбанк тайландаа
тэмдэглэжээ. Мөн энэ хугацаанд экспортын дүн
импортынхоос 819.9 сая ам. доллараар давж гадаад
худалдааны тэнцэл ашигтай гарсан нь өнгөрсөн оны
мөн үеэс сая ам.доллараар өссөн үзүүлэлт юм. Харин
валютын төлбөртэй худалдааны тэнцэл сая
ам.долларын ашигтай гарч, өнгөрсөн оны мөн үеэс
59.3 сая ам.доллараар буурсан аж.

- Жижиг, дунд үйлдвэрлэл (ЖДҮ)-ийг хөгжүүлэх
зорилгоор энэ онд 742.6 тэрбум төгрөгийн зээлийг
7800 гаруй төсөлд олгосноос зээлийн эргэн төлөлт
одоогоор 93 хувьтай гарчээ.

- Япон улсын Ерөнхий сайд Шинзо Абэ НҮБ-ын Ерөнхий
Ассамблейн чуулганд үг хэлснийхээ дараа Куба улсад
айлчилсан байна. Японы Ерөнхий сайд Кубад улсад
айлчилж байгаа нь анхны албан ёсны айлчлал болж
байгаа юм. Шинзо Абэ айлчлалынхаа үеэр хоёр орны
харилцаа хамтын ажиллагааг бэхжүүлэх арга зам,
Японы компаниудын Кубын аж үйлдвэрийн салбарт
хөрөнгө оруулах боломжийн талаар хэлэлцжээ. Мөн
Куба улс Япон улсад 1.6 тэрбум ам.долларын өртэй
байгаагаас 1.2 тэрбум ам.долларыг нь чөлөөлөх
шийдвэрийг Шинзо Абэ айлчлалынхаа үеэр гаргажээ.

- 2016 оны 9 дүгээр сарын 22-ний өдөр Хятадын
Гаалийн Ерөнхий газар өнгөрсөн наймдугаар сарын
экспорт, импортын мэдээллээ гаргажээ. Уг мэдээлэлд
дурдсанаар Хятадад нүүрс экспортлогч улсуудын
нүүрсний нийлүүлэлт өнгөрсөн наймдугаар сард
жилийн өмнөх мөн үеэс бүгд өссөн дүнтэй гарсан
байна. Тухайлбал наймдугаар сард Хятадад
экспортлосон нүүрсний хэмжээг өмнөх оны мөн үетэй
харьцуулбал Монгол улс 142 хувь, Австрали 35.2 хувь,
Индонези 55.8 хувь, Хойд Солонгос 35 хувь тус тус
өсчээ.

- Монгол Улсаас БНХАУ-д гаргаж байсан үхэр, хонины
махны экспортыг зогсоохоор шийдвэрлээд байна.
Махны экспортод малын өвчлөл гол бэрхшээл болж
байгаа гэж салбарынхан онцоллоо.
Эх сурвалж: bloombergtv.mn; ikon.mn; mba.mn