16/09/2026
ကျန်းမာရေးအာမခံ ဝယ်ယူတော့မယ်ဆိုရင် သေချာစစ်ဆေးဖို့ အရေးအကြီးဆုံးနဲ့ ပြဿနာအဖြစ်ရဆုံး ပထမအချက်ကတော့ မိမိမှာ ရှိပြီးသား ရောဂါအခံတွေနဲ့ ပတ်သက်တဲ့ စည်းကမ်းချက်ပဲ ဖြစ်ပါတယ်။
အာမခံမဝယ်ခင် သွေးတိုး၊ ဆီးချို၊ နှလုံး ဒါမှမဟုတ် အစာအိမ်စတဲ့ ရောဂါအခံတွေ ရှိမရှိကို အာမခံကုမ္ပဏီက အကာအကွယ်ပေး၊ မပေး သေချာစစ်ဆေးဖို့ လိုအပ်ပါတယ်။
ဒီလိုရောဂါအခံတွေကို ဖုံးကွယ်ပြီး ဝယ်ယူမိရင် လျော်ကြေးတောင်းတဲ့အခါ ငြင်းပယ်ခံရတာမျိုးတွေ ဖြစ်နိုင်သလို စာချုပ်ပါ ပျက်ပယ်သွားနိုင်တဲ့အတွက် ကုမ္ပဏီရဲ့ ကင်းလွတ်ခွင့်ပေးတဲ့ စည်းကမ်းချက်တွေ သို့မဟုတ် သတ်မှတ်ကာလတစ်ခုကြာမှ အကာအကွယ်ပေးမယ့် အခြေအနေတွေကို ကြိုတင်မေးမြန်းထားဖို့ အလွန်အရေးကြီးပါတယ်။
ဒါ့အပြင် အာမခံဝယ်လိုက်တာနဲ့ ရောဂါအားလုံးအတွက် ချက်ချင်းလျှော်ကြေးရတာမျိုး မဟုတ်ဘဲ စောင့်ဆိုင်းကာလ စည်းကမ်းချက်တွေကိုလည်း အထူးသတိပြု စစ်ဆေးသင့်ပါတယ်။
ပုံမှန်အားဖြင့် အထွေထွေရောဂါတွေအတွက် ၁လလောက် စောင့်ဆိုင်းရလေ့ရှိပြီး သိုင်းရွိုက်၊ ကျောက်ကပ်၊ ကင်ဆာ၊ သားအိမ်ခွဲစိတ်မှုစတဲ့ ခွဲစိတ်မှုနဲ့ ပြင်းထန်ရောဂါတွေအတွက်ဆိုရင် ရက် ၉၀ ကနေ ၁ နှစ်အထိ စောင့်ဆိုင်းရတတ်ပါတယ်။ ဒါပေမဲ့ မတော်တဆ ထိခိုက်မှုတွေအတွက်တော့ စာချုပ်စတင်တဲ့ရက်ကစပြီး ချက်ချင်း အကာအကွယ် ရရှိနိုင်တာကြောင့် ဒီကာလခြားနားချက်တွေကို နားလည်ထားဖို့ လိုပါတယ်။
နောက်ဆုံးအနေနဲ့ အာမခံပေါ်လစီက ဘာတွေကို တာဝန်ယူပေးသလဲဆိုတာထက် ဘာတွေကို တာဝန်မယူဘူးဆိုတဲ့ မရရှိနိုင်တဲ့ အကျိုးခံစားခွင့်တွေကိုပါ သေချာစစ်ဆေးဖို့ လိုအပ်ပါတယ်။
အလှအပဆိုင်ရာ ခွဲစိတ်မှုတွေ၊ သီးသန့်မပါဝင်တဲ့ သွားနဲ့မျက်မှန်ဆိုင်ရာ ကုသမှုတွေ၊ အရက်နဲ့ မူးယစ်ဆေးကြောင့် ဖြစ်တဲ့ ထိခိုက်မှုတွေ ဒါမှမဟုတ် မွေးရာပါရောဂါတွေ ပါဝင်ခြင်းရှိမရှိကို သတိထားစစ်ဆေးရပါမယ်။
ဒါ့အပြင် တစ်နှစ်တာအတွက် အများဆုံးထုတ်ယူခွင့်ရှိတဲ့ လျော်ကြေးပမာဏနဲ့ ဆေးရုံတက်တာ၊ ခွဲစိတ်တာတွေအလိုက် သီးသန့်သတ်မှတ်ထားတဲ့ အကန့်အသတ်တွေ ရှိမရှိကိုပါ အသေးစိတ်ဖတ်ရှု နားလည်ထားမှသာ နောင်တစ်ချိန်မှာ လိုအပ်တဲ့ အကျိုးခံစားခွင့်တွေကို အပြည့်အဝ ရရှိနိုင်မှာ ဖြစ်ပါတယ်။
မိတ်ဆွေတို့အတွက် အသင့်တော်ဆုံး ကျန်းမာရေးအာမခံ အစီအစဉ်များကို ရွေးချယ်နိုင်ရန်နှင့် လိုအပ်သည့် အချက်အလက်များကို အသေးစိတ် တိုင်ပင်ဆွေးနွေးလိုပါက ယန်းအာမခံကို အခုပဲ ဆက်သွယ်လိုက်ပါ။
“ယန်းအာမခံ ” နဲ့ ပတ်သက်ပြီး အသေးစိတ်သိရှိလိုပါက "ယန်းအာမခံ" ရဲ့ Claims Hotline ဖုန်း 09-448883300, 09-448883311 တို့ကို ဆက်သွယ်မေးမြန်းနိုင်သလို ယန်းအာမရဲ့ Sales Hotline ဖုန်းနံပါတ်တွေဖြစ်တဲ့ 09457741280, 09-457741363, 09-880915239, 09-880915219 တို့ကိုလည်း ဆက်သွယ်မေးမြန်းစုံစမ်းနိုင်ပါတယ်။
“The Best Insurance You Can Trust”
Address: No (886/888), Pyay Road, 9 Mile, Mayangone Township, Yangon, Myanmar.
Email: [email protected]
Website: www.younglifemm.com
