Astrology & Energy

16/11/2024

- " အောင်မြင်မှုအတွက် Energy "

လူတော့လူပဲ....
ဖြစ်ချင်သော ရည်ရွယ်ချက် တူညီနေပေမယ့်
စီတ်ထား တူညီမှ
လူချင်း တူသော်လည်း စိတ်ထားတူမှ ဘယ်လိုပြောပြော

" စိတ်" က ......အဓီကဘဲ..??.

မှန်ကန်သော အောင်မြင်မှုရရှိဖို့ စိတ်ထားကောင်းကောင်းထား ခြင်းဖြင့် မိမိတို၏ Energy ကို မွှေးမြူရန် အထူးလိုအပ်ပါသည်။
Energy သည် မိမိတို့ လုပ်ဆောင်မှု နှင့် စိတ်ထားမှု ၊ အကျင့်
စရိုက်နှင့် ကိုယ်ကျင့်တရား တို့အပေါ်လိုက်၍ ရရှိ/ပြောင်းလဲတတ်ကြောင်း ပညာရှင်/ပါရမီ ရှင်များက မိန့်ဆိုထားပါသည်။
ဦးစွာ စိတ်ထားကောင်းကောင်းထားလိုက်ပါ......။

15/11/2024

- - Spiritual & Mental Power
- လူအများက ဘယ်လိုခေါ်ခေါ် အဓိကလိုအပ်ချက်ကတော့ mind power & energy & စိတ်တည်ငြိမ်မှု ၊ စွမ်းအင် သမာဓိ ရရှိမှအောင်မြင်မှာ ဖြစ်ပါတယ် ရရှိရန် စုဆောင်းရမယ် စုဆောင်းတဲ့နေရာမှာ မိမိကိုယ်တိုင်ကျင့်ကြံရမယ် ၊ ရွတ်ဖတ်ပူဇော်ရမယ် ပြုမူ​ရမယ်နော် ....။
- ရုပ်ဝတ္တုပစ္စည်းတွေလို ရော့အင့် ယူ ဆိုပြီးပေးလို့မရတာ မိတ်ဆွေတို့သတိပြုပါ သတိချပ်ပါလို့အထူးပြောချင်ပါတယ်။
နည်းလမ်းညွှန်ခြင်း/ပေးခြင်းကနေ လက်ခံ/နာယူ၍ မိမိကိုယ်တိုင်ကျင့်ကြံရမည်ဖြစ်ပါတယ်။
- အရှေ့တိုင်းနည်းလား....? ၊ အနောက်တိုင်းနည်းလား...? နည်းလမ်းများစွာ ရှိသော်လည်း စိတ်တည်ငြိမ်မှုက အဓိကဖြစ်ကြောင်း လေ့လာမိကြမယ်လို စာရေးသူ ယူဆပါတယ်။
- ဆရာသမား လူကြီးများကတော့ ရွှေတီဂုံစေတီရင်ပြင်ပေါ်သို့ ဘယ်မုဒ်ဦးကတက်တက် ရင်ပြင်ပေါ်ရောက်ဖို့ကအဓိကလို့ ဥပမာပေးလေ့ရှိပါတယ်.....။ ဒါကြောင့်နည်းလမ်းဘယ်လောက်များများ အဓိက စိတ်တည်ငြိမ်မှု သမာဓိ ရရှိရေးကအဓိကဖြစ်ပါတယ်...။ ယူဆပါတယ်....။
- ဒီ စာစုလေးကို ဥုံ အ​ကြောင်းရေးတင်ထားတဲ့ post လေးဖတ်ရပြီး ဧာရေးချင်စိတ်ဖြစ်လာချိန် ကျန်းမာရေးကြောင့် နားချိန်လေးတိုက်ဆိုင်မိတော့လေ ရေးမိတယ်ပေါ့......။
- ဥုံ ကို ဆရာကြီးမင်းသိင်္ခ ရေးသားထားတဲ့စာအုပ်တစ်အုပ်မှာဖတ်ဖူးတာက အကျဉ်းထောင်အတွင်း အကျဉ်းကျနေချိန် ၌ ၊ " ဥုံ " (၁၀၀၀၀ လား ၈၀၀၀၀ လားမမှတ်မိ)အကြိမ် ယုံကြည်စွာ စိတ်ထဲစူးနစ် ရွတ်ဖတ်တာ အကျဥ်းမှလွတ်လာခဲ့တယ်လို့ ဖော်ပြထားတယ်။
- " ဥုံ " မှာ energy ရှိ​ကြောင်းတွေ့ရသလို ကြိမ်ဖန်များစွာ
ယုံကြည်စွာ ရွတ်ဖတ်ခြင်းသည် မြန်မာလိုတော့ "ထုံ" လာတယ်ပေါ့့"ထုံ "တယ်ဆိုတာ စွဲမြဲလာတာ ခိုင်မြဲလာတာ နဲ့အမျှ သမာဓိ စိတ်တည်ငြိမ်မှုက ကပ်ပါလာပြီ.......စွဲမြဲ၊ ခိုင်မြဲမှုများ ကနေ ကြာရှည်စုဆောင်းသိုမှီလာလေတော့ .energy ဝင်လာပြီပေါ့.။အစွမ်းရှိလာတာပေါ့ "will power "မြင့်လာပြီပေါ့။
- ကြိမ်ဖန်များစွာ ထုံနေအောင် စွဲမြဲနေအောင် ဆိုတဲ့စကားလုံးကို ဘဝင်မကျ ဖြစ်နေလား ဥပမာ ...ကျောင်းသားတစ်ယောက်စာကျက်တာ တစ်ခါတည်း ဖတ်လိုက့်ရုံဖြင့်( ပါရမီရှင်မှလွဲလို့)
မရနိုင်ပါ ထပ်ကာတလဲလဲ ကျက်မှသာ မှတ်မိလာမယ် ရလာမယ်ဆိုတာ မျက်မြင်ပါ မိတ်ဆွေ......။
- အာစရီယဝါဒကတော့ ဥုံ အစက ဝုန်း တဲ့ ဝုန်းက ဘယ် လိုယူဆချက်ကြောင့် ဘယ်လိုပေါ်ပေါက်လာတာ.ဘယ်လို power
ရှိတာ ဘယ်လို energy ဘယ်နေရာ/ဘယ်လိုကိစ္စမှာ ဥုံ ကိုသုံး ၊ ဘယ်နေရာ/ဘယ်ကိစ္စမှာ ဝုန်း ကိုသုံးရတယ် လို့ဆိုပြီး ဆရာနာဂရာဆွာမိ ၊ ဆရာထောင် တို့က ဝုန်း နဲ့ ဥုံ အကြောင်း စိတ်ရှည်လက်ရှည်ရှင်းပြခဲ့သင်ပြခဲ့မှုအပေါ် စာရေးသူစိတ်၌
အမြဲလေးစားဂါဝရပြု ဦးခိုတ်မိပါတယ်...။

ရိုးရှင်းစွာEnergy မွေးမြူခြငိး.....။
- အပိုင်း(1) ကျေးဇူးတင်စိတ် မွေးမြူခြင်း ။
- အပိုင်း(2) စိတ်ကောင်းမွေးမြူခြင်း ။
- အပိုင်း(3) ကိုယ်ချင်းစာနာစိတ် မွေးမြူခြင်း ။
- အပိုင်း(4) မေတ္တာ စိတ်မွေးမြူခြင်း ။
(1) စိတ် ကိုနိုင်အောင်ထိန်းဖို့ရာ မလွယ်ကူတာတော့အမှန်ပါ မိမိတို့ သတိမမူ/ကျေးဇူးမတင်တတ်သည်မှာ အသားကျ/ အရိုးစွဲအောင်နေထိုင်လာခဲ့၍ ယခုမှ စိတ်ကောင်းမွှေးမြူ၍ အရာရာတိုင်းကို ကျေးဇူးတင်လေ့ တင်ထရှိအောင် သတိပြု လေ့ကျင့်
ရတာ အကျင့်မရသေးလျှင် စိတ်ပင်ပန်းပါတယ် သည်းခံလေ့ကျင့်ကြပါ အသားကျသွားလျှင် လွယ်ကူသွားမယ်။
(2) ကျေးဇူးတင်ခြင်းပြီးသွားလျှင် အတ္တစိတ်ကိုသတိထား
ရမည်၊ မိမိတောင် ဒီအစားအစာကြိုက်လျှင်သူလည်းကြိုက်မှာဘဲလို့တွေးဘူးသလား mindsét နော်.....။
(3) ကိုယ်နှင့်နိုင်းယှဉ်ကိုယ်ချင်းစာမိခဲ့ဘူးပါသလား..စိတ်နော် . blockဖြစ်နေလျှင် မိမိမှမိမိ ကိုယ်အတွက်ဆိုတဲ့။ အတ္တ ဟာ
ကြီးစိုးနေဆဲ နေလတ္တံဘဲ........။
(4) မေတ္တာ စိတ်မွေးမြူခြင်း ။မေတ္တာတရားနှင့်ပါတ်သက်၍ မည်သည့် ဘာသာ၌မဆိုအလေး ထားဖော်ပြလေ့ရှိပါသည်။
- ဖော်ပြခဲ့သလို ကျေးဇူးတင်စိတ်မွေးပြီး စိတ်ကောင်းထား ကိုယ်ချင်းစာတရားနဲ့ဆက်ဆံသောအခါ ကိုယ်စေတနာ‌ ကိုစော်ကားခံရတာတွေ လူတုံးကြီးလို့ထင်သူတွေ ရှိလာ တွေ့လာသဖြင့် ဒေါသထွက်ရခြင်း စိတ်ဆိုးရခြင်းဖြင့် မေတ္တာစိတ်နဲ့ဝေးနေပြန်ပါတယ် ။
- Energy & power & စိတ်တန်ခိုး & သိဒ္ဓိ စသည်များက
ဝေးနေသေးတယ် သူတို့က ထွက်မပြေးပါဘူး မိမိတို့ကရောက်အောင် မသွားနိုင်တာပါ ရောက်ရမည်ဟု နှလုံးသွင်း စိတ်ထားရပါမည်။
- နေမင်း ဟာ ပူတဲ့ဓာတ်သဘောရှိတယ် ဒါကိုငြင်းပါယ်လို့
မရအောင် လက်တွေ့စမ်းသပ်လို့ရတယ် နီးလေပိုပူလေဖြစ်သော သဘောရှိသော်လည်း မြေပြင်မှာပူပြီးတောင်ထိပ် ပေါ်မှာအေးနေတာ စဉ်းစားမိလား တွေးဘူးလား ....?။
- ဒီလို လိုက်မမီသော စင်္ကြာဝဠာ၏ ဆန်းကျယ်မှု လျှို့ဝှက်မှူများကို Spiritual အနေနှင့်၎င်း Astrology ဖြင့်၎င်းအမျိုးမျိုးလေ့လာ၍ဖော်ထုတ်မျှဝေကြသော်လည်း မပြည့်စုံဘူးလို့ ရေးသာပြောဆိုခဲ့သောပညာရှင်များရှိလေ၏။
- ဒါကြောင့် ဘာမှမဖြစ်သေးခင် စိတ်မညစ်နဲ့ ဆက်လက်လုပ် ဆောင်သွားပါ ဘာမှလည်း စိတ်ပျက်စရာမလိုပါ အဓိက မိမိတို့ စိတ်တခုတည်းပေါ် မူတည်တယ် ၊ရပ်တည်ကြည့်ပါ,..၊ ယုံကြည်ကြည့်ပါ....အောင်မြင်လာပါမည်။

- စာရေးသူသည် ကမ္ဘာ့ဗုဒ္ဓ စာကြည့်တိုက်က အာနာပါန ကျင့်စဥ် စာတမ်းတစ်စောင်ဖတ်မိချိန်လေး၌ စိတ်ထဲတွင် ပြီးပြည့်စုံသလို ခံစားမိရပါတယ်။ ဒါကြောင့် မိတ်ဆွေတို့၏စိတ်ဆန္ဒအရ အနောက်တိုင်းနည်း /အရှေ့တိုင်း နည်း - စသည့်မည်သည့်နည်းလမ်းကိုမဆို မိတ်ဆွေတို့ လုပ်ဆောင်ကျင့်ကြံမှု အပြီး အိပ်ယာ ဝင်ချိန် တစ်နေ့ ၅ မိနသ် & ၁၀ မိနစ် လောက် ဝင်လေ / ထွက်လေကို အာနာပါန နည်းဖြင့် ကျင့်ကြည့်ပါလို့ အကြံပြုချင်ပါတယ်....၊ ထူးခြားမူ ရလာ/အောင်မြင်မည်ဟုယုံကြည်ပါတယ်။

- သက်ရှည်ကျန်းမာ ၊ စိတ်ချမ်းသာ
- လိုအင်ဆန္ဒပြည့်ပါစေ၊ ဘဝအပြုံးလှပါစေ။
- ဆရာ ကျော်သူ ( သု - ဝေဒ)
- Ph : 09 420715875
- 09 761531875

ပစ္စုပ္ပန်တည့်တည့် ရှုဆိုတာ ဒီလိုပါ၊161တရားရှာ ကိုယ်မှာတွေ့၊တစ်ဘဝနဲ့ ကိစ္စပြီးတဲ့တရား၊သောတာပန်တည်အောင် စိ....

14/11/2024

- အကြားအမြင် ထို ဗေဒင်
- တနင်္ဂနွေ - နေလည်အချီန်၌ ပန်းတိမ်လုပ်ငန်း လုပ်ကိုင်နေသော မိတ်ဆွေတစ်ဦး ဖုန်းဆက် လာ၍ ဖုန်းကိုင်ပြီး နားထောင်လိုက်ရာ " ဆရာ ကျောက်ပစ္စည်း အထည်လေး တစ်ခု ပျောက်သွားလို အကူအညီ ပေးပါအုံး "ဟု ဖုန်းဆက်လာ၍ နာရီကြည်လိုက်မိတော့ နေလည် 1:45 ရှိနေပြီး ၅တေး ဂုရုအချိန် တီုင် ဖြစ်နေပါသည်။
- ပျောက်ဆုံးပစ္စည်းနံက အချိန်တိုင်၏ အပေါ်သုံးလုံးမှာ ရှိနေပြီး နေ့တိုင်က ၁နွေတိုင်ဆိုတော့ "ပစ္စည်းက မပျောက်ပါ အထားမှားခြင်း ဖြစ်နေမယ် ပြန်ရှာကြည့်ပါလို့..."ဖြေခဲ့ပါတယ်။-
- ၂ရက်ဆက်တိုက် ၊ မည်သို့ရှာရှာ မတွေရတော့ စိတ်ပျက်လာချိန်၊ ၎င်း မိတ်ဆွေတို့၏ကားပေါ်မှာတော့ စီတ်သောက ပေးနေသော ကျောက်ပစ္စည်း အထည်လေး ပြန်တွေ့ရ၍ပျော်ရွှင်ကြည်နူးစိတ်လေးဖြင့် " ဆရာရေ ပြန်တွေ့ပြီ " တဲ့လေ.....။
- ကြားရတဲ့စကား နားဝင်ချို ပညာပီတိ ဂွမ်းဆီထိမိလေ၏ ၊ဪ.....အကြားအမြင်ရသလို အထားမှားနေ၍ ပြန်ရှာကြည့်ဖို့ဆုံးဖြတ်နိုင်ရန် အတွေးအခေါ် နှင့် ပညာပေးခဲ့သော...သင်ဆရာ ၊မြင်ဆရာ ကြားဆရာ၊ ဆရာ, ဆရာကြီးများ အားလုံးကို ဦးခိုက်ရှီခိုးပါ၏.....။
( ယူဆပုံ တွက်ချက်မှုများကို စာများသွားမည် စိုး၍ စာရေးသူ
မဖော်ပြတော့ပါ.....လိုအပ်၍ သိလိုမူ Call me ပေါ့.....။)

- သက်ရှည်ကျန်းမာ ၊ စိတ်ချမ်းသာ၊
- လိုအင်ဆန္ဒပြည့်ပါစေ၊ ဘဝအပြုံးလှပါစေ။
- ဆရာ ကျော်သူ (သု - ဝေဒ )
- Ph : 09 420715875
- 09 761531875

14/11/2024

မနက်ဖြန် တန်ဆောင်းမုန်း လပြည့်နေ့ ၌ ရွှေပေါ်ကျွန်း ဆရာတော်ဘုရားကြီး၏ ဂမ္ဘီရ နည်းလမ်းဖြစ်သည့် ကမ္ဘာစောင့် နတ်မင်း ၁၅ ပါးကို မေတ္တာပို့လမ်းစဥ်၏ နောက်ဆုံးရက်ဖြစ်ပါသည်။
နောက်ဆုံးရက်တွင် မာန်နတ်မင်း နှင့်အဆက်အနွယ်အခြွေအရံ
အပေါင်းအပါ တို့ကို မေတ္တာပို့ခြင်းဖြင့် မိမိတို့၏ အနှောက်အယှက် အဟန့်အတားများကို ပါယ်ရှားစေလိုခြင်္ငး၊ပျောက်ကွယ်စေခြင်းကြောင့် မေတ္တာပို့ရသည်ဟု အကြမ်းဖျင်းနားလည်ထားပေးပါ နတ်မင်း ၁၅ ပါးစလုံးအား မေတ္တာပို့ ရမည့်နေ့ရက်များကို နောက်ရက်များတွင် ဆက်လက် မျှဝေပေးပါ့မည်။

- သက်ရှည်ကျန်းမာ ၊ စိတ်ချမ်းသာ၊
- လိုအင်ဆန္ဒပြည့်ပါစေ၊ ဘဝ အစစ လှပါစေ။
- ဆရာ ကျော်သူ (သု - ဝေဒ )
- Ph : 09 420715875
09 761531875

05/11/2024

မြန်မာနိုင်ငံ ဝေဒသုတေသနအဖွဲ့ နာယက ဒေါက်တာကံညွှန့်
(ဘကြီးကံ ) ရေးသား ဟူးရား အပိုင်း(၁)ကို သင်ယူမျှဝေပါသည်။

မှတ်ချက်။ ။ ဟူးရားနက္ခတ္တဗေဒပညာရပ်များကို လေ့လာသင်ကြား တတ်မြောက်လိုသူများသာ။

ဒေါက်တာကံညွန့်
မြန်မာနိုင်ငံဝေဒသုတေသနအဖွဲ့

ဟူးရားနက်ခတ်တ ဗဒေပညာ (၁)
(Horary Astrology)
============

မေးမြန်းချိန်တွင် ဖွဲ့ဆိုထားသော ပြဿနာအခါဇာတာအရ လေ့လာဆုံးဖြတ် ဟောပြောသော နည်းစနစ်သည် ဟူးရားနက္ခတ္တဗေဒနည်းစနစ် ဖြစ်သည်။ ပြဿနာမေးခွန်းများကို ဖြေဆိုရာတွင် မူလဇာတာထက် ပို၍ အရေးပါ လိမ့်မည်။

နေ့စဉ်နှင့်အမျှ ကြုံတွေ့နေရသော ပြဿနာအဝဝတို့ကို ဟူးရားနက္ခတ္တဗေဒပညာရပ်၏ အကူအညီနှင့် ကောင်းစွာ ဖြေရှင်းနိုင်ပါသည်။ ရာသီ၊ ဘာဝ၊ ဂြိုဟ်၊ နက္ခတ်တို့၏ အကြောင်းခြင်းရာ သဘာဝမှာ ပြဿနာအခါဇာတာနှင့် မူလဇာတာတို့အကြား၊ ကွဲပြားခြားနားမှု ရှိလိမ့်မည် မဟုတ်ပေ။ မူလဇာတာနှင့် လာရောက်၍ ပြဿနာကို မေးမြန်းခဲ့လျှင်၊ မေးမြန်းချိန်အရ ဖွဲ့ဆိုထားသော ပြဿနာအခါဇာတာနှင့် တွဲဖက်၍ လေ့လာဆုံးဖြတ်လျှင် ပို၍ပင် တိကျ မှန်ကန်စရာအကြောင်း ရှိလိမ့်မည်။ မေးမြန်းချိန်အရ ဖွဲ့ဆိုထားသော ပြဿနာအခါဇာတာသည် မွေးချိန်အရ ဖွဲ့ဆိုထားသော မူလဇာတာထက် အချိန်ကာလ ပိုမိုတိကျရန် ရှိသည်။

ဟူးရားနက္ခတ္တဗေဒပညာရပ်နှင့် ပတ်သက်၍ သိသင့်သိထိုက်သော အချက်အလက်၊ အကြောင်းအရာများကို တိုတိုနှင့် ရှင်းရှင်း၊ လိုရင်းကိုသာ ရေးသား ဖော်ပြပါမည်။

ပထမပိုင်းတွင် ဂြိုဟ်တို့၏ အားရှိ/အားမဲ့ အခြင်းအရာများကို နားလည် သဘောပေါက်စေရန်၊ ယေဘုယျ စည်းမျဉ်းဥပဒေသများ၊ ထိုမှ အကြောင်းအကျိုး၊ အကောင်းအဆိုးတို့ကို ဝေဖန်နိုင်ရန် ရေးသား ဖော်ပြပါမည်။

ဒုတိယအပိုင်းတွင် မျက်မှောက်ကာလ တွေ့ကြုံရတတ်သော အရေးကြီးသော ပြဿနာရပ်များနှင့် သက်ဆိုင်ရာ ရာသီ၊ ဘာဝ၊ ဂြိုဟ်၊ နက္ခတ်တို့၏ အရပ်အတည်၊ အပူးအယှဉ်၊ အမြင်အညှပ် သမ္ဗန္ဓဆက်စပ်မှု ယောဂ စသော အကြောင်းအရာများကို ရေးသားဖော်ပြပါမည်။

တဂျကစနစ်၊ ဣဋ္ဌသလ၊ အိသရဖ စသော ယောဂများနှင့် ပတ်သက်၍ ဗဟုသုတအလို့ငှာ ထည့်သွင်း ရေးသားထားပါသည်။

ဂြိုဟ်တို့၏ စရိုက်လက္ခဏာများကို အကျဉ်းချုပ် ကဗျာစာစီ၍ ရေးသားပါမည်။ မိမိတို့ဉာဏ်အရ အကျယ်ကို လေ့လာသိရှိရန် ဖြစ်ပါသည်။

(က) လိင်
---------
၁၃၅ ကျား၊ ၂၆၈ မဖြစ်၊ ၄၀၉ နပုန်းမျိုး။

(ခ) အရောင်
-----------
ကြေးနီ၊ ပန်းရောင်၊ အဖြူရောင်၊ အနီရင့်၊ အစိမ်းမှာ အဝါဆင့်၊ အပြာနှင့် ရောနှော၊ မည်းနက် နက်သော အရောင်များကို ဂြိုဟ်တို့က စိုးမိုးထား။

(ဂ) အရပ်ဒေသ
-------------
အသင့်စီရင် တခွင်လုံးမှောင်၊ အရှေ့အရပ်က စရအောင်။ (လက်ယာရစ်)

(ဃ) ဖွဲ့စည်းမှု
----------
၂၃၀၈ = ဓာတု၊ ၁၆ = မူလ၊ ၄၅ = ဇီဝ။

(င) အသက်အရွယ်
--------------
၁နွေ ၅၀နှစ်၊ ၂င်္လာ ၇၀နှစ်၊ ၃င်္ဂါ ၁၆နှစ်၊ ၄ဟူး ၂၁နှစ်၊ ၅တေး ၃၀နှစ်၊ ၆ကြာ ၇နှစ်၊ ဝနေ ၁၀၀နှစ်၊ ရာဟုဂြိုဟ် ၁၀၀နှစ်။

(စ) ကာရကများ
-------------
၁နွေဂြိုဟ် =
မင်း၊ သမ္မတ၊ ဥက္ကဋ္ဌကြီး၊ ဝန်ကြီးချုပ်၊ အစိုးရအဖွဲ့ဝင်များ၊ မင်းမှုထမ်းများ၊ အကြီးအကဲ၊ ဂုဏ်သိက္ခာရှိသူ၊ ရိုသေလေးစားထိုက်သူ၊ အသက်ရှင်သန်မှုစွမ်းရည်၊ နာမည်ကြီးမှု၊ ထင်ပေါ်ကျော်ကြားမှု၊ နှလုံး၊ ရွှေ၊ ဂျုံ။

၂င်္လာဂြိုဟ် =
မိခင်၊ နွားနို့၊ အဖြူရောင်ထွက်ပစ္စည်းများ၊ စိတ်မနော၊ ရေ၊ မိုးရေ၊ ရေနေသတ္တဝါများ၊ ဘော်ငွေ၊ ဆန်စပါး။

၃င်္ဂါ‌ဂြိုဟ် =
ညီအစ်ကိုသားချင်းများ၊ စစ်သား၊ ရန်သူ၊ သူခိုး၊ အစိုးရအမှုထမ်းများ၊ စစ်ပွဲများ၊ ငယ်ရွယ်နုပျိုခြင်း၊ မတော်တဆထိခိုက်မှုများ၊ သွေး၊ ချဉ်ဆီ၊ ခွဲစိတ်ခြင်း၊ ရက်စက်ကြမ်းကြုတ်မှု၊ ရဲစွမ်းသတ္တိ၊ မြေယာ၊ အုတ်ခဲ။

၄ဟူးဂြိုဟ် =
စကား၊ ပညာ၊ အသိဉာဏ်၊ ကဗျာ၊ စာပေ၊ တေးဂီတ၊ အနုပညာ၊ သင်္ချာ၊ ကူးသန်းရောင်းဝယ်ရေး၊ စာသင်ကျောင်းများ၊ စာအုပ်စာပေများ။

၅တေးဂြိုဟ် =
သားသမီး၊ ပစ္စည်းဥစ္စာ၊ ဘဏ္ဍာရေး၊ အဝါရောင်ပစ္စည်းများ၊ ကျယ်ပြန့်ကြီးထွားခြင်း၊ ခမ်းနားကြီးကျယ်ခြင်း၊ ကောင်းမွန်ခြင်း၊ ခင်ပွန်းလင်ယောကျ်ား၏ ကောင်းကျိုးချမ်းသာ၊ နန်းတော်၏ အမှတ်လက္ခဏာများ၊ နက္ခတ္တဗေဒပညာ။

၆ကြာဂြိုဟ် =
ဇနီးကြင်ယာ၊ အမျိုးသမီးများ၊ ပစ္စည်းဥစ္စာ၊ ယာဉ်ကား၊ အဝတ်အထည်များ၊ လက်ဝတ်ရတနာများ၊ ဘော်ငွေ၊ တေးဂီတ၊ အကအခုန်၊ ရုပ်ရှင်၊ ပြဇာတ်၊ အားကစား၊ ဟော်တယ်၊ လိင်မှုရေးရာများ။

ဝနေဂြိုဟ် =
ဆင်းရဲသား၊ အလုပ်သမား၊ သံနှင့်သံမဏိ၊ ရေနံနှင့်ရေနံထွက်ပစ္စည်းများ၊ ဆီနှင့်ဆီထွက်သီးနှံများ၊ ဆင်းရဲသားများ၊ ကျေးကျွန်များ၊ အစေခံများ။

ရာဟုဂြိုဟ် =
ကွန်ပျူတာ၊ လျှပ်စစ်နှင့်သက်ဆိုင်ရာ၊ လျှပ်စစ်သံလိုက်လှိုင်းများ၊ သုတေသနလုပ်ငန်း၊ မကောင်းဆိုးဝါးများ၊ ကြိုတင်ခန့်မှန်းရန် ခက်ခဲသောအရာများ။

ကိတ်ဂြိုဟ် =
မှော်၊ သိဒ္ဓိ၊ ဂန္ဓာရီပညာ၊ တန္တရ၊ မောက္ခ။

မှတ်ချက်။ ။ ဟူးရားနက္ခတ္တဗေဒပညာရပ်များကို လေ့လာသင်ကြား တတ်မြောက်လိုသူများသာ။

ဒေါက်တာကံညွန့်
မြန်မာနိုင်ငံဝေဒသုတေသနအဖွဲ့