29/10/2024
#အာမခံကိုယ်စားလှယ်အလုပ်က_ဝင်ငွေဘယ်လိုရတာလဲ (Insurance Agent Career)
📌 အာမခံကိုယ်စားလှယ်တွေရဲ့ ဝင်ငွေလမ်းကြောင်းကတော့ အကျိုးဆောင်ခ ကော်မရှင် (ရာခိုင်နှုန်း) % နဲ့ ဖြစ်ပါတယ်။
လခစားဝန်ထမ်းတွေ မဟုတ်ကြပါ။
📌 အာမခံထားရှိသူ Customer သွင်းရတဲ့ အာမခံပရီမီယံကြေး အပေါ်မှာ သတ်မှတ်ထားတဲ့ ရာခိုင်နှုန်း % နဲ့ ခံစားခွင့် ရကြပါတယ်။
အာမခံပေါ်လစီအမျိုးအစားပေါ် မူတည်ပြီး မတူညီတဲ့ ကော်မရှင်နဲ့ ခံစားခွင့်တွေ ရပါတယ်။ အာမခံကုမ္ပဏီပေါ် မူတည်ပြီးဖြစ်ဖြစ်၊ အာမခံအမျိုးအစားပေါ် မူတည်ပြီးဖြစ်ဖြစ် ရရှိတဲ့ ကော်မရှင်ခံစားခွင့်က ကွဲပြားကြပါတယ်။
မီးအာမခံ၊ ကားအာမခံ၊ Cargo Insurance စတဲ့ အထွေထွေအာမခံတွေမှာ Case ရှာပေးနိုင်သလောက် ဝင်ငွေအကန့်အသတ်မရှိ ရနိုင်ပါတယ်။
စက်ရုံ/အလုပ်ရုံနဲ့ လုပ်ငန်း အကြီးစားတွေဆိုရင်
ကျပ် ဘီလျံ နဲ့ချီ မီးအာမခံထားကြပါပြီး ပရီမီယံကြေးကလည်း သိန်း ရာချီ/ထောင်ချီ သွင်းရတာမျိုးရှိပါတယ်။ ဒီလို Case မျိုးဆို အာမခံကိုယ်စားလှယ်အနေနဲ့ ကော်မရှင် ခံစားခွင့်တွေ များစွာ ရကြပါတယ်။
အသက်အာမခံ ဘက်မှာဆိုရင်လည်း ..
📌 Term Life (One Year Period) တွေနဲ့ နှစ်ရှည်ထားရတဲ့ Endowment Life အသက်အာမခံအမျိုးအစားတွေမှာ ပေါ်လစီအမျိုးအစားအလိုက် ... ကော်မရှင်ခံစားခွင့်တွေ အသီးသီး ကွဲပြားကြပါတယ်။
📌 ဒါ့အပြင် Renewal Income, Quarterly & Yearly Performance ခံစားခွင့်တွေ ရှိပါတယ်။
📌 Awards & Local/Global Recognition တွေပါ ရရှိနိုင်တဲ့ အခွင့်အလမ်းတွေထိ ရှိပါတယ်။
✅ အာမခံကိုယ်စားလှယ်တစ်ယောက် အဖြစ် စတင်လုပ်ကိုင်ဖို့ အရင်းအနှီးအနေနဲ့ ဘာတွေလိုအပ်လဲ။
အာမခံကိုယ်စားလှယ်တစ်ယောက်အနေနဲ့ အသက်မွေးဝမ်းကြောင်းပြုဖို့အတွက် ငွေကြေးအရင်းအနှီး မလိုအပ်ပါဘူး။ ပညာအရည်အချင်းအနေနဲ့ တက္ကသိုလ်ဝင်တန်းအောင်မြင်ပြီးသူ မည်သူမဆို လုပ်ကိုင်နိုင်ပါတယ်။
- အဓိကအနေနဲ့ အာမခံကိုယ်စားလှယ်လိုင်စင် ရရှိဖို့သာ လိုပါတယ်။ ဒီအတွက် အာမခံကိုယ်စားလှယ်လိုင်စင်သင်တန်း တက်၊ အရည်အချင်းစစ်စာမေးပွဲ Exam ဖြေပြီး အောင်ရင် လိုင်စင်ရပါတယ်။ (Exam နဲ့ License fees - သောင်းဂဏန်းလောက် ပေးသွင်းရပါတယ်။)
ပြီးရင် အာမခံကုမ္ပဏီတွေနဲ့ ချိတ်ဆက်ပြီး လုပ်ငန်းစတင်လို့ ရပါပြီ။
- သက်ဆိုင်ရာ အာမခံကုမ္ပဏီတွေက ပို့ချတဲ့ Product Training တွေမှာ လေ့လာသင်ယူပြီး လိုအပ်တဲ့ Knowledge and Skills တွေ ပုံမှန်ဖြည့်ဆည်းသွားရပါမယ်။ ကျွမ်းကျင်တဲ့ အရည်အချင်းရှိတဲ့ အာမခံကိုယ်စားလှယ် တစ်ယောက်ဖြစ်ဖို့ပါ။
✅ လိုင်စင်ရပြီးသွားရင် အာမခံကုမ္ပဏီတွေနဲ့ ဘယ်လိုချိတ်ဆက်လုပ်ကိုင်နိုင်သလဲ။
လိုင်စင်က နှစ်မျိုး ရှိပါတယ်။
- General (အထွေထွေအာမခံ) လိုင်စင်
- Life (အသက်အာမခံ) လိုင်စင်
(အာမခံကုမ္ပဏီတွေမှာလည်း အဲဒီလို လုပ်ကိုင်ခွင့် လိုင်စင်နှစ်ခု ခွဲထားပါတယ်။)
ကားအာမခံ၊ မီးအာမခံ၊ ကုန်စည်ပို့ဆောင်ရေးအာမခံ တို့လို Property Insurance အမျိုးအစားတွေ ရောင်းချင်တယ်ဆိုရင် General License ယူရပါမယ်။
အသက်အာမခံ၊ ကျန်းမာရေးအာမခံ၊ ပညာရေးအသက်အာမခံ အမျိုးအစားတွေ အတွက်ဆိုရင် Life License ယူရပါမယ်။
(နှစ်မျိုးစလုံး ယူချင်လည်း ရပါတယ်။)
▪️General လိုင်စင်ဆိုရင် အထွေထွေအာမခံကုမ္ပဏီ အများဆုံး (၃) ခု နဲ့ တရားဝင်ချိတ်ဆက်လုပ်ကိုင်ခွင့် ရှိပါတယ်။
▪️Life လိုင်စင်ဆိုရင် အသက်အာမခံကုမ္ပဏီ အများဆုံး (၂)ခု နဲ့ ချိတ်ဆက်လုပ်ကိုင်ခွင့် ရှိပါတယ်။
▪️ကုမ္ပဏီရဲ့ ကမ်းလှမ်းမှုနဲ့ ကိုယ့်ရဲ့ရွေးချယ်မှု သဘောတူညီချက်အရ အာမခံကုမ္ပဏီ တစ်ခုတည်းနဲ့သာ ရွေးချယ်လုပ်ကိုင်တဲ့ Tied Agent ပုံစံလည်း ရှိပါတယ်။ အဆိုပါ စည်းနှောင်ကိုယ်စားလှယ် (Tied Agent) တွေကတော့ ကိုယ်ချိတ်ဆက်ထားတဲ့ အာမခံကုမ္ပဏီ တစ်ခုတည်းနဲ့ ချိတ်ဆက်လုပ်ကိုင်ရမှာ ဖြစ်ပါတယ်။
✅ အနာဂတ်အတွက် အခွင့်အလမ်း
📌 မြန်မာနိုင်ငံရဲ့ အာမခံနယ်ပယ်မှာ အာမခံဝန်ဆောင်မှုတွေ ကျယ်ကျယ်ပြန့်ပြန့် ပေးနိုင်ဖို့အတွက် အာမခံကိုယ်စားလှယ်ဦးရေ များစွာ လိုအပ်နေပါတယ်။
အာမခံကုမ္ပဏီတွေကိုယ်တိုင်မှာလည်း ကိုယ်စားလှယ်တွေ လိုအပ်နေချိန်မလို့ အာမခံကုမ္ပဏီတွေကိုယ်စီက Insurance Agent အနေနဲ့ စတင်လုပ်ကိုင်ချင်သူတွေအတွက် အာမခံကိုယ်စားလှယ် လိုင်စင်သင်တန်းတွေ ဖွင့်ပေးပြီး ကူညီဆောင်ရွက်ပေးနေကြပါတယ်။
ခုချိန်ဟာ အာမခံကိုယ်စားလှယ် လုပ်မယ်ဆိုရင်လည်း အင်မတန် လုပ်သင့်တဲ့အချိန်အခါလည်း ဖြစ်ပါတယ်။
အာမခံကုမ္ပဏီအကြောင်းနဲ့ သူတို့ ရောင်းချပေးနေတဲ့ အာမခံအမျိုးအစားတွေကို သေချာလေ့လာပြီး Join ဖို့ပါပဲ။
📣 ကိုယ့်ဘက်က လိုင်စင်ရဖို့နဲ့ ရှိသင့်တဲ့ Knowledge နဲ့ ကျွမ်းကျင်မှုတွေ ရရှိအောင် လေ့လာသင်ယူမှု လုပ်သွားဖို့ပဲ လိုတာပါ။ ကိုယ့်အတွက် Zero Risk ပါ (ဆုံးရှုံးစရာ မရှိပါ)
📣 လူတွေကို ကူညီလိုတဲ့စိတ်ရှိတယ်။ လူအများနဲ့ ဆွေးနွေးမျှဝေပေးရတာကို နှစ်သက်တယ် ဆိုရင် ဒီအလုပ်ကနေ ရလာဒ်ကောင်းတွေ ရရှိပါလိမ့်မယ်။
📣 တဖက်မှာ အလုပ်တခု ရှိနေပြီးသားဆိုရင် ပိုပြီးတောင် လုပ်လို့ သင့်တော်ပါတယ်။
📣 Freelance လုပ်ကိုင်ရတာဖြစ်ပြီး အလုပ်ချိန် ကိုယ်တိုင်စီမံနိုင်တာကြောင့် ဒီအလုပ်လုပ်ရင်း အခြားအလုပ်တွေလည်း တွဲဖက်လုပ်ကိုင်လို့ ရပါတယ်။
📣 ကုမ္ပဏီဝန်ထမ်းတွေလည်း တစ်ဖက်တစ်လမ်းကနေ ဝင်ငွေလမ်းကြောင်းတိုးအောင် လုပ်ကိုင်လို့ရပါတယ်။ (လုပ်ကိုင်နေသူတွေလည်း ရှိကြပါတယ်)
သမ္မာအာဇီဝကျတဲ့ အလုပ်၊ လူအများနဲ့ မိသားစုတွေကို အနာဂတ် ငွေကြေးအကာအကွယ် ရရှိစေအောင် အကြံပေး ကူညီပေးရတဲ့ Professional Career မျိုး ဖြစ်ပါတယ်။
*️⃣ Insurance Agent အာမခံကိုယ်စားလှယ် တစ်ယောက်အနေနဲ့ ခြေလှမ်းစတင်ချင်တယ်
*️⃣ ဝင်ငွေလမ်းကြောင်းတစ်ခု တည်ဆောက်ထားချင်တယ်
*️⃣ စိန်ခေါ်မှုအသစ်တွေနဲ့ အခွင့်အလမ်းသစ်တွေနဲ့ လုပ်ကိုင်ရတာ နှစ်သက်တယ် ဆိုရင်
သိချင်တာရှိတာများကို
📱 09 5390430 ကိုအချိန်မရွေး ဖုန်းဆက် မေးမြန်းဆေးနွေးနိုင်ပါတယ်။
