13/07/2026
Maha Agriculture Private Co., Ltd. သည် မိမိတို့ကုမ္ပဏီ၏ နှစ်စဉ်ပြုလုပ်နေကျ အစီအစဉ်တခုဖြစ်သော သစ်ပင်စိုက်ပျိုးခြင်းအား ယခုနှစ်တွင် ရှမ်းတောင်တန်း အင်လေးရေဝေဒေသ အင်းတိမ်အရပ်ရှိ ဆရာတော် ဦးအာလောက ဦးစီးသော Dhammaloka Education Academy (DEA) (https://www.facebook.com/share/14UKV8TWXPa/) ကျောင်းပိုင် ဧက (၂၀) သစ်တောခြံတွင် မဟာ CEO နှင့် MD ကိုယ်တိုင်ဦးစီးကာ ရှမ်းပြည်နယ်(တောင်ပိုင်း)ရုံးခွဲရှိ ဝန်ထမ်းများ၏ စုပေါင်းအင်အားဖြင့် ၎င်းသစ်တောဧရိယာ (၄) ဧကတွင် အပင်ပေါင်း (၂,၀၀၀) ကျော် စိုက်ပျိုးပေးနိုင်ခဲ့သည်။
သဘာဝသစ်တောများရှိ တောရိုင်းသစ်ပင်များ သီးပင်စားပင်များအား မိမိတို့လူသားများ၏ စည်းကမ်းမဲ့ ခုတ်ထွင်းမှုများနှင့် သဘာဝကပ်ဘေးများကြောင့် သစ်တောဧက (၂၄.၇) သန်းခန့် နှစ်စဉ်ပြုန်းတီးလျက်ရှိ သည်။ (UN FAO ၏ 2015–2020 ခုနှစ်အတွင်း ကောက်ခံသော အချက်အလက်များအရ)
ယခုကဲ့သို့ သစ်တောပြုန်းတီးမှုများကြောင့် ဖန်လုံအိမ်ဓါတ်ငွေ့မြင့်မားလာခြင်းနှင့်အတူ အပူချိန်မြင့်မား ခြင်း၊ ရေကြီးခြင်းနှင့် မိုးခေါင်ရေရှားခြင်းစသည့် သဘာဝကပ်ဘေးများလည်း ကမ္ဘာနှင့် အဝန်း နှစ်စဉ်ကြုံတွေ့လာနေရသည်။ ရာသီဥတုများ တဖြေးဖြေးပူနွေးလာခြင်းကို လူသားများ လက်တွေ့ခံစားနေရသည့် ရာသီဥတုပြောင်းလဲခြင်းအား အချက်ပေးသော ခေါင်းလောင်းသံဖြစ်ပါသည်။ မြန်မာနိုင်ငံသည်လည်း သစ်တောပြုန်းတီးမှုများကြောင့် ရာသီဥတုပြောင်းလဲမှုနှင့် သဘာဝကပ်ဘေး များကို ဆိုးရွားစွာ ခံစားနေရပြီး မကြာသေးသော ကာလများတွင် မိုးကြီး၍ ရေကြီးရေလျှံမှုများ မြေပြိုမှုများ ကြုံတွေ့နေရပါသည်။ သဘာဝဘေးကြောင့် အများဆုံးထိခိုက်သည်မှာ နိုင်ငံ့စီးပွားရေး၏ ကျောရိုးဖြစ်သည့် စိုက်ပျိုးရေးကဏ္ဍပင်ဖြစ်ပါသည်။ ရှမ်းပြည်နယ်ရှိ အင်းလေးဒေသသည်လည်း ယင်းအကျိုးဆက်ကို ဆိုးရွားစွာခံစားနေရသော ဒေသများထဲမှ ဒေသတစ်ခုဖြစ်ပါသည်။
သစ်တောပြုန်းတီးမှုများကို ချက်ချင်းလက်ငင်းကုစားရန် မလွယ်ကူသော်ငြားလည်း မဟာသည် မိမိတို့ တတ်နိုင်သည့်ဖက်မှ တပိုင်တနိုင်ပါဝင်ဆောင်ရွက်လျက်ရှိပါသည်။ မိမိတို့ အသေးစားငွေရေးကြေးရေး ကဏ္ဍ၏ ဆောင်ပုဒ်တစ်ခုဖြစ်သည့် "နှမ်းတစေ့နှင့် ဆီမဖြစ်နိုင်သော်လည်း နှမ်းစေ့များလျှင် တနေ့ ဆီ ဖြစ်လာနိုင်သည်"ကို မဟာအနေဖြင့် ကောင်းစွာသဘောပေါက်နားလည်ထားပါသည်။ ဤကဲ့သို့ ဝိုင်းဝန်းကြိုးစားမှသာ ကျွန်တော်တို့ မြန်မာနိုင်ငံသည် နောင်တချိန်တွင် သစ်တောများဖြင့် စိမ်းလန်းစိုပြေလာနိုင်မည် မဟုတ်ပါလား။
ကျွန်ုပ်တို့ မဟာသည် သဘာဝပတ်ဝန်းကျင် စိမ်းလန်းစိုပြေရေးနှင့် ရေရှည်တည်တံ့ခိုင်မြဲရေးအတွက် ပတ်ဝန်းကျင်ကောင်းတခုဖန်တီးနိုင်စေရန် အမြဲမပြတ် ကြိုးစားအားထုတ်လျက်ရှိပြီး ကုမ္ပဏီ၏ Environmental, Social and Governance ပေါ်လစီတွင် သစ်ပင်စိုက်ပျိုးခြင်းများအပြင် Cleaning Initiatives များ၊ လုပ်ငန်းခွင်တွင်း No single used plastics ပေါ်လစီနှင့် Energy Saving ပေါ်လစီများ အကောင်အထည်ဖော်ကာ ရေရှည်တည်တံ့ခိုင်မြဲသော သဘာဝပတ်ဝန်းကျင်ကောင်းတခု ဖန်တီးပေါ်ပေါက်နိုင်စေရန် တဖက်တလမ်းမှ ကြိုးစားဆောင်ရွက်လျက်ရှိပါသည်။
