30/07/2026
📈လူကြီးမင်းတို့ရဲ့စာရင်းကိုင်ဌာနက တင်ပြလာတဲ့ Financial report တွေက လုပ်ငန်းရဲ့ အရေးကြီးတဲ့ Financial decision making အတွက်တကယ်လုံလောက်ရဲ့လား???
လုပ်ငန်းရှင်တွေအများစုဟာလကုန်တိုင်း စာရင်းကိုင်ဌာနက တင်ပြလာတဲ့ Financial report တွေကို ကြည့်ပြီး ခေါင်းခဲတတ်ကြပါတယ်။ ကိန်းဂဏန်းတွေ၊ အချက်အလက်တွေများစွာ ပြည့်နေသော်လည်း တကယ် Financial decision making လုပ်ဖို့လိုအပ်တဲ့အခါ "ငါတို့ကုမ္ပဏီ တကယ်ရော အခြေအနေကောင်းရဲ့လား၊ ရှေ့ဆက်ဘာလုပ်သင့်လဲ" ဆိုတဲ့ အဖြေကို ရှာမရတာမျိုး ကြုံဖူးပါသလား???
အမှန်တကယ်တော့ လုပ်ငန်းရှင်တစ်ယောက်အနေနဲ့ စာရင်းနဲ့ပတ်သတ်လို့အသေးစိတ်လုပ်ငန်းစဉ်တွေကို သိဖို့မလိုအပ်ပါဘူး။ ဒါပေမယ့် ကိန်းဂဏန်းတွေရဲ့ နောက်ကွယ်က Process logic ကိုတော့ မဖြစ်မနေ ဖတ်တတ်ဖို့ လိုအပ်ပါတယ်။ ဒါမှသာ မိမိလုပ်ငန်းအတွက် ခိုင်မာတဲ့ 𝗙𝗶𝗻𝗮𝗻𝗰𝗶𝗮𝗹 𝗣𝗹𝗮𝗻 တွေကို အတိအကျ ချမှတ်နိုင်မှာပါ။
ဆုံးဖြတ်ချက်တွေ မှန်ကန်ဖို့အတွက် မဖြစ်မနေ နားလည်ထားရမယ့် ဘဏ္ဍာရေးအစီရင်ခံစာ (၅) မျိုး ရှိပါတယ်။
၁။ 𝗦𝘁𝗮𝘁𝗲𝗺𝗲𝗻𝘁 𝗼𝗳 𝗣𝗿𝗼𝗳𝗶𝘁 𝗼𝗿 𝗟𝗼𝘀𝘀 (𝗜𝗻𝗰𝗼𝗺𝗲 𝗦𝘁𝗮𝘁𝗲𝗺𝗲𝗻𝘁)
လုပ်ငန်းရဲ့ သတ်မှတ်ကာလတစ်ခုအတွင်း စွမ်းဆောင်ရည် (Performance) ကို ပြတဲ့ Report ဖြစ်ပါတယ်။
· 📌Process logic: Sales တွေ ကသတ်မှတ်ကာလအတွင်းရတဲ့ Sales ဖြစ်ရဲ့လား။ Sales တက်နေရုံနဲ့မရပါဘူး။ ဝင်ငွေ (Revenue) ထဲကနေ Direct Expenses တွေကိုနှုတ်လိုက်ရင်ကျန်တဲ့ Gross profit ကဘယ်လောက် %ကျန်လဲ၊ တစ်ခါ Operating expenses ဖြစ်တဲ့ Selling & marketing, Staff related, Administration စတဲ့စရိတ် (Expenses) တွေကို နုတ်လိုက်တဲ့အခါ တကယ်ရော အမြတ် (Net Profit) ကျန်ရဲ့လား။ ဘယ်နေရာတွေမှာ စရိတ်တွေ မလိုအပ်ဘဲ များနေလဲ ဆိုတာကို သုံးသပ်နိုင်ဖို့ ဖြစ်ပါတယ်။
၂။ 𝗦𝘁𝗮𝘁𝗲𝗺𝗲𝗻𝘁 𝗼𝗳 𝗙𝗶𝗻𝗮𝗻𝗰𝗶𝗮𝗹 𝗣𝗼𝘀𝗶𝘁𝗶𝗼𝗻 (𝗕𝗮𝗹𝗮𝗻𝗰𝗲 𝗦𝗵𝗲𝗲𝘁)
လုပ်ငန်းတစ်ခုလုံးရဲ့ ကျန်းမာရေးမှတ်တမ်း ဖြစ်ပါတယ်။ အဓိကအားဖြင့် အပိုင်း (၃) ပိုင်း ပါဝင်ပါတယ်။
· Assets (ပိုင်ဆိုင်မှုများ): လုပ်ငန်းမှာ လက်ရှိပိုင်ဆိုင်ထားတဲ့ ငွေ၊ရရန်ရှိ၊ ကုန်ပစ္စည်း၊ စက်ပစ္စည်းအစရှိသဖြင့်ပေါ့။
· Liabilities (ပေးရန်တာဝန်များ): ကုန်ပစ္စည်းတွေအကြွေးဝယ်ထားတာတွေ၊ သူများဆီကနေ ယူထားတဲ့ အကြွေးတွေ၊ ပေးဖို့ကျန်နေတဲ့ စရိတ်တွေ။
· Equity (ပိုင်ရှင်၏ ရင်းနှီးမြှုပ်နှံမှု): ပိုင်ဆိုင်မှုများထဲကနေ ပေးရန်ရှိအကြွေးများကိုနုတ်လိုက်ရင် အသားတင်ကျန်တဲ့ လုပ်ငန်းရဲ့တန်ဖိုး။
· 📌 "Process Logic: "ငါတို့လုပ်ငန်းမှာ ပိုင်ဆိုင်မှုနဲ့ အကြွေး ဘယ်လိုအချိုးအစားတွေရှိနေလဲ။ ရေရှည်မှာ အကြွေးဆပ်နိုင်တဲ့ အင်အားရှိရဲ့လား" ဆိုတာကို အကဲဖြတ်ဖို့ ဖြစ်ပါတယ်။
၃။ 𝗦𝘁𝗮𝘁𝗲𝗺𝗲𝗻𝘁 𝗼𝗳 𝗖𝗮𝘀𝗵 𝗙𝗹𝗼𝘄𝘀 (ငွေသားစီးဆင်းမှုအစီရင်ခံစာ)
Income Statement မှာ အမြတ်ပြနေပေမယ့် လက်ထဲမှာ ငွေသားမရှိဘူးဆိုရင် လုပ်ငန်းက ရှေ့ဆက်လည်ပတ်ဖို့ ခက်ခဲသွားပါပြီ။
· 📌Process Logic: လုပ်ငန်းလည်ပတ်ခြင်း (Operating)၊ ရင်းနှီးမြှုပ်နှံခြင်း (Investing) နဲ့ ငွေကြေးရှာဖွေခြင်း (Financing) စတဲ့ လမ်းကြောင်းတွေကနေ ငွေဘယ်လောက် ဝင်လာပြီး ဘယ်လောက် ပြန်ထွက်သွားလဲဆိုတာကို ခြေရာခံပြီး လုပ်ငန်းရဲ့ ငွေကြေးလည်ပတ်နိုင်စွမ်း (Liquidity) ကို ဆုံးဖြတ်ဖို့ပါ။
၄။ 𝗦𝘁𝗮𝘁𝗲𝗺𝗲𝗻𝘁 𝗼𝗳 𝗖𝗵𝗮𝗻𝗴𝗲𝘀 𝗶𝗻 𝗘𝗾𝘂𝗶𝘁𝘆 (ပိုင်ဆိုင်မှုပြောင်းလဲခြင်းအစီရင်ခံစာ)
ရှယ်ယာရှင်တွေရဲ့ ရင်းနှီးမြှုပ်နှံမှုတန်ဖိုး အတက်အကျကို ပြသပါတယ်။
· 📌 Process Logic: ရလာတဲ့ အမြတ်ငွေတွေကို ရှယ်ယာရှင်တွေဆီ အမြတ်ဝေစု (Dividends) အနေနဲ့ ဘယ်လောက်ခွဲဝေပေးလိုက်လဲ။ လုပ်ငန်းပိုမိုကြီးထွားဖို့အတွက် ဘယ်လောက် ပြန်လည်ရင်းနှီးမြှုပ်နှံ ထားလဲ ဆိုတာကို ဆုံးဖြတ်ဖို့ပါ။
၅။ 𝗡𝗼𝘁𝗲𝘀 𝘁𝗼 𝗙𝗶𝗻𝗮𝗻𝗰𝗶𝗮𝗹 𝗦𝘁𝗮𝘁𝗲𝗺𝗲𝗻𝘁𝘀 (အသေးစိတ်ရှင်းလင်းချက်များ)
အပေါ်က Report တွေမှာ ကိန်းဂဏန်းတွေပဲ ပါဝင်ပြီး ဒီကိန်းဂဏန်းတွေ ဘယ်ကနေ ဘယ်လိုတွက်ချက်လာသလဲ ဆိုတဲ့ ရှင်းလင်းချက်တွေ ပါဝင်တဲ့ အပိုင်းဖြစ်ပါတယ်။
· Process Logic: တချို့သော စာရင်းရေးဆွဲတဲ့ မူဝါဒတွေ၊ လုပ်ငန်းအပေါ် သက်ရောက်နိုင်တဲ့ အမှုအခင်းကိစ္စရပ်တွေ စတဲ့ စာရင်းဇယားမှာ တိုက်ရိုက်မပေါ်တဲ့ အရေးကြီး အချက်အလက်တွေကို သိရှိဖို့ ဖြစ်ပါတယ်။
👉 လုပ်ငန်းရှင် များအတွက် အထူးသတိပြုရန် (Process logic approach)
စာရင်းကိုင်တွေက ဂဏန်းတွေ မှန်ကန်အောင် တွက်ချက်ပေးဖို့ တာဝန်ရှိေသာ်ငြားလည်း အဲ့ဒီကိန်းဂဏန်းတွေအပေါ် မူတည်၍ "Insight" ထုတ်ယူဖို့က လုပ်ငန်းရှင်တွေရဲ့ တာဝန်ဖြစ်ပါတယ်။
Financial report တစ်ခုချင်းစီမှာ ပါဝင်တဲ့ Element တွေရဲ့ အနှစ်သာရနဲ့ အပြန်အလှန် ချိတ်ဆက်နေမှု ကို ကောင်းကောင်းနားလည်ထားမှသာလျှင် လက်ရှိလူကြီးမင်းတို့ရဲ့လုပ်ငန်းအခြေအနေကို မှန်မှန်ကန်ကန် သုံးသပ်နိုင်မှာဖြစ်ပြီး ကြီးထွားမှုအတွက် လိုအပ်တဲ့ 𝗙𝗶𝗻𝗮𝗻𝗰𝗶𝗮𝗹 𝗦𝘁𝗿𝗮𝘁𝗲𝗴𝘆 တွေကို ယုံကြည်ချက်ရှိရှိ ပုံဖော်နိုင်မှာ ဖြစ်ပါတယ်။
