14/08/2026
ရေကြီးရေလျှံမှုနှင့် ဝမ်းပျက်ဝမ်းလျှောရောဂါများဆိုင်ရာ ကြိုတင်ကာကွယ်ရေး အသိပေးနှိုးဆော်ချက်
မိုးရာသီ ရေကြီးရေလျှံမှုများနှင့်အတူ နောက်ဆက်တွဲဖြစ်ပွားတတ်သော ဝမ်းပျက်ဝမ်းလျှောနှင့် ရေမှတစ်ဆင့် ကူးစက်တတ်သော ရောဂါများမှ ကာကွယ်နိုင်ရန် မိဘပြည်သူများနှင့် ဝန်ထမ်းများအားလုံး အောက်ပါအချက်များကို အထူးဂရုပြု လိုက်နာကြပါရန် အသိပေးနှိုးဆော်အပ်ပါသည်။
၁။ သောက်သုံးရေ သန့်ရှင်းရေး
ရေကို ကျိုချက်သောက်သုံးပါ။ သောက်သုံးရေကို အနည်းဆုံး (၁) မိနစ်ခန့် ပွက်ပွက်ဆူအောင် ကျိုချက်ပြီးမှ သောက်သုံးပါ။
ရေသန့်ဆေးပြား သုံးစွဲပါ။ ကျိုချက်ရန် မဖြစ်နိုင်ပါက သတ်မှတ်ထားသော ပမာဏအတိုင်း ရေသန့်ဆေးပြား (သို့မဟုတ်) ကလိုရင်း ဆေးပြား ခတ်ပြီးမှ အသုံးပြုပါ။
သန့်ရှင်းသော ခွက်ဖြင့် ခတ်ယူပါ။ ရေသိမ်းဆည်းထားသော အိုး/ပုံးများကို အဖုံးသေချာဖုံးအုပ်ထားပြီး ရေခပ်ရာတွင် သန့်ရှင်းသော လက်ကိုင်ပါခွက်ကို သုံးပါ။
၂။ အစားအစာ သန့်ရှင်းရေး
ပူပူနွေးနွေး စားသုံးပါ။ အစားအစာများကို စနစ်တကျ ကျက်အောင် ချက်ပြုတ်ပြီး ပူပူနွေးနွေး စားသုံးပါ။
ယင်မနားအောင် ဖုံးအုပ်ပါ။ အစားအစာများကို ယင်ကောင်၊ ကြွက်နှင့် အင်းဆက်ပိုးမွှားများ မနားနိုင်စေရန် သေချာစွာ ဖုံးအုပ်ထားပါ။
မသန့်ရှင်းသော အစားအစာများ ရှောင်ကြဉ်ပါ။ရေကြီးရေလျှံနေစဉ် ရေစိုစွတ်သွားသော သို့မဟုတ် မသန့်ရှင်းသော ရေနှင့် ထိတွေ့ထားသည့် အစားအစာများကို လုံးဝ မစားသုံးပါနှင့်။
၃။ တစ်ကိုယ်ရေ သန့်ရှင်းရေး
လက်ကို မကြာခဏ ဆေးကြောပါ။ အစားမစားမီ၊ အစားအစာ မပြင်ဆင်မီ၊ အိမ်သာတက်ပြီးချိန်နှင့် ရေဆိုး/အမှိုက်များ ကိုင်တွယ်ပြီးတိုင်း လက်ကို ဆပ်ပြာနှင့် အနည်းဆုံး စက္ကန့် ၂၀ ကြာ အောင်စနစ်တကျ ဆေးကြောပါ။
အိမ်သာကို သန့်ရှင်းစွာ သုံးစွဲပါ။ အိမ်သာများ ရေလျှံပါက ပိုးသတ်ဆေးဖျန်းခြင်း၊ သန့်ရှင်းရေး စနစ်တကျ လုပ်ဆောင်ခြင်းများ ပြုလုပ်ပါ။
၄။ ဘေးအန္တရာယ်ကင်းရှင်းရေးနှင့် ကျန်းမာရေး
လျှပ်စစ်အန္တရာယ် သတိပြုပါ။ အိမ်တွင်း ရေဝင်ရောက်ပါက လျှပ်စစ်မိန်းခလုတ်များကို ချက်ချင်း ပိတ်ထားပါ၊ ရေစိုနေသော လျှပ်စစ်ပစ္စည်းများကို ကိုင်တွယ်ခြင်း မပြုပါနဲ့။
ဓာတ်ဆားရည် အဆင်သင့်ထားပါ။ ဝမ်းလျှောခြင်း ဖြစ်ပွားပါက ရေဓာတ်ခမ်းခြောက်မှု မရှိစေရန် ဓာတ်ဆားရည် (ORS) ကို တတ်နိုင်သမျှ မြန်မြန် သောက်သုံးပါ။
ကျန်းမာရေးဌာနသို့ ဆက်သွယ်ပါ။ ပြင်းထန်စွာ ဝမ်းလျှောခြင်း၊ အော့အန်ခြင်း သို့မဟုတ် ဖျားနာခြင်းများ ဖြစ်ပွားပါက နီးစပ်ရာ ကျန်းမာရေးဌာန/ဆေးရုံ/ဆေးခန်းသို့ ချက်ချင်း သွားရောက်ပြသပါ။
မိဘပြည်သူများ၊ မိတ်ဆွေများနှင့် ဝန်ထမ်းများအားလုံး ဘေးအန္တရာယ်ကင်းရှင်းစွာဖြင့် ကျန်းမာချမ်းသာကြပါစေ။
Myanma Golden Rock International Co., Ltd. မှ စေတနာအပြည့်ဖြင့် သတိပေးနှိုးဆော်အပ်ပါသည်။
Glory product များနဲ့ပက်သက်ပြီးစုံစမ်းမေးမြန်းလိုပါက page messenger သို့လာရောက်ဆက်သွယ်နိုင်ပါတယ်ခင်ဗျ။
Ph-09986542617
#ငွေအတုအစစ်ခွဲစက် #ငွေရေစက်
