04/09/2020
ပြည်သူ့အကျိုးစီးပွားအတွက် မြန်မာ့မီးရထား၏ ရန်ကုန် - မန္တလေးလမ်းပိုင်း အဆင့်မြှင့်တင်ရေးစီမံကိန်း (သို့မဟုတ်)
ရန်ကုန်-မန္တလေးလမ်းပိုင်းအဆင့်မြှင့်တင်ရေးစီမံကိန်းကို အကောင်အထည်ဖော်ဆောင်ရွက်လျက်ရှိသည့်မြန်မာ့မီးရထား
=========================================
မြန်မာ့မီးရထား
မြန်မာ့မီးရထားသက်တမ်း ၁၄၃ နှစ် ပြည့်ခဲ့ပြီဖြစ်သည်။ ၁၈၇၇ ခုနှစ် မေလ ၁ ရက်နေ့တွင် ၁၆၁ မိုင်ရှည်လျားသည့် ရန်ကုန် - ပြည် ရထားလမ်းပိုင်း စတင်ဖွင့်လှစ်ပြေးဆွဲခဲ့ ခြင်းဖြစ်သည်။
နောက်ရှစ်နှစ်အကြာ ၁၈၈၅ ခုနှစ်တွင် ရန်ကုန်-တောင်ငူ ရထားလမ်းပိုင်း ၁၆၆ မိုင်နှင့် ၁၈၈၉ ခုနှစ်တွင် တောင်ငူ - မန္တလေးလမ်းပိုင်း ၂၁၉ မိုင်တို့ကို ထပ်မံ ဖွင့်လှစ်ခဲ့သည်။ ခေတ်အဆက်ဆက်ရထားလမ်း တစ်လမ်းသွားစနစ်မှ နှစ်လမ်းသွားအဖြစ်တိုးချဲ့ခဲ့ပြီး ရန်ကုန် - မန္တလေးခရီးအစအဆုံး နှစ်လမ်းသွားရထားလမ်း အဖြစ် ၂၀၀၇ ခုနှစ်တွင် ပြီးစီးခဲ့သည်။
ရထားလမ်း နှစ်ကြာမြင့်နေသကဲ့သို့ လမ်း၊ တံတား၊ ဘူတာနှင့် အချက်ပြစနစ်များအပြင် အသုံးပြုနေသည့် စက်ခေါင်း/တွဲများ၏ အရည်အသွေးမကောင်းတော့ခြင်း တို့ကြောင့် ရထားပြေးဆွဲမှုမိုင်နှုန်းကို သိသာစွာလျှော့ချ ထားရသည့်အခြေအနေသို့ ရောက်ရှိလာခဲ့သည်။ ယင်း အခြေအနေများကြောင့် ရထားစီးခရီးသည်များက ပိုမို မြန်ဆန်ပြီးဝန်ဆောင်မှုကောင်းသည့် အဝေးပြေး မော်တော်ယာဉ်ပို့ဆောင်ရေးကို ရွေးချယ်သွားရာ ရထား ပို့ဆောင်ရေး၏ စွမ်းဆောင်ရေးအခြေအနေမှာ နှစ်စဉ် ကျဆင်းလာခဲ့ခြင်း ဖြစ်သည်။
ရထားပို့ဆောင်ရေးလုပ်ငန်း စွမ်းဆောင်နိုင်ရည် ပြန်လည်ဦးမော့လာစေရန် ရထားအခြေခံအဆောက် အအုံနှင့်တကွ အသုံးပြုနေသည့်စနစ်များ၊ အထောက် အကူပစ္စည်းများ ခေတ်မီဖွံ့ဖြိုးတိုးတက်လာရေး ရည်မှန်း ချက်ထားပြီး မြန်မာနိုင်ငံရထားကွန်ရက်၏ အဓိက ပင်မသွေးကြောဖြစ်သည့် ရန်ကုန်-မန္တလေး ရထားလမ်းမ ကြီး အဆင့်မြှင့်တင်ရေးစီမံကိန်းကို ဂျပန်နိုင်ငံမှ ODA ချေးငွေရယူပြီး အကောင်အထည်ဖော်ရခြင်းဖြစ်သည်။
“ရန်ကုန် - မန္တလေးလမ်းပိုင်း အဆင့်မြှင့်တင်ရေး စီမံကိန်းကို ရန်ကုန်-တောင်ငူလမ်းပိုင်းနှင့် တောင်ငူ-မန္တလေးလမ်းပိုင်းဟူ၍ အဆင့်နှစ်ဆင့်ခွဲပြီး ဆောင်ရွက် လျက်ရှိသည်။ စီမံကိန်းကြီးတစ်ခုလုံးအတွက် သုံးစွဲ ကုန်ကျမည့် ငွေပမာဏမှာ ၂ ဒသမ ၄၉၈ ဘီလီယံ အမေရိကန်ဒေါ်လာနှင့်ညီမျှသည့် ဂျပန်ယန်း ၂၇၂ ဒသမ ၉၆၀ ဘီလီယံ ဖြစ်သည်။
၂၀၁၇ ခုနှစ်မှ စတင်ပြီး Detail Design ဆောင်ရွက် ခြင်း၊ Consultant ရွေးချယ်ခြင်းနှင့် လုပ်ငန်းများ တင်ဒါ ခေါ်ယူခြင်းများ ဆောင်ရွက်ခဲ့ပြီး ၂၀၁၉ ခုနှစ် အောက်တိုဘာလ ၁ ရက်နေ့တွင် စီမံကိန်းအပိုင်း (၁) ဖြစ်သည့် ရန်ကုန်-တောင်ငူလမ်းပိုင်း ရထားလမ်းအဆင့် မြှင့်တင်တည်ဆောက်ရေးလုပ်ငန်းကို စတင်ဆောင် ရွက်လျက်ရှိပါသည်။ ရန်ကုန် - တောင်ငူကြား ဒွေးလမ်း (နှစ်လမ်းသွား) လမ်းတွင် တစ်လမ်းတည်း၌သာ အစုန်/အဆန်ရထားများ သွားလာစေသည့်စနစ်အသုံးပြု၍ ကျန်တစ်လမ်းကိုပိတ်ပြီး လမ်းအဆင့်မြှင့်တင်ပြုပြင်နေခြင်းဖြစ်သည်။
ရန်ကုန် - မန္တလေးလမ်းပိုင်းတစ်ခုလုံး၌ လက်ရှိ ပြေးဆွဲချိန် ၁၆ နာရီရှိနေခြင်းကို ၈ နာရီအောက်သို့ လျှော့ချနိုင်ရေး ရည်မှန်းချက်ထားရှိပြီး DEMU တွဲများ အသုံးပြု၍ တစ်နာရီ ၆၀ ကီလိုမီတာနှုန်းမှနေပြီး ၁၀၀ ကီလိုမီတာနှုန်းသို့ တိုးမြှင့်ပြေးဆွဲနိုင်မည်ဖြစ်သည်။
ဝင်ရိုးဝန်ချိန် ၁၂ ဒသမ ၅ တန် ရှိရာမှ တန် ၂၀ အထိ တိုးမြှင့်နိုင်မည်ဖြစ်သောကြောင့် ယခင် ရှစ်ဘီးတွဲ ကုန်တွဲ တစ်တွဲ ၃၆ တန်တင်ရာမှ တန် ၆၀ အထိ တင်နိုင်မည် ဖြစ်ပြီး စီးပွားရေးတွက်ခြေကိုက်သည့် ကုန်ရထား သွားလာမှု ရရှိလာမည်ဖြစ်သည်။
ခရီးသည်ပို့ဆောင်ရေးအသုံးပြုမည့် ရထားတွဲဆိုင်း များမှာ DEMU တွဲဆိုင်း အသစ်များဖြစ်သည်။ ထို့ကြောင့် ရထားများပို၍ လုံခြုံစိတ်ချစွာသွားလာနိုင်ပြီး အချိန် မှန်ကန်မှုတိုးတက်လာမည်။ ငြိမ့်ညောင်းစွာ ခုတ်မောင်း သွားလာနိုင်မည်ဖြစ်သည်။ ထို့အပြင် ရထားသွားလာ ပြေးဆွဲမှုကို ဗဟိုမှထိန်းချုပ်သည့် OCC စနစ်ဖြင့် တပ်ဆင် မည်ဖြစ်သည်။ ခေတ်မီလက်မှတ်ရောင်းစနစ်ကိုလည်း ပြုပြင်ပြောင်းလဲတပ်ဆင်နိုင်ရေး စီမံချက်ရေးဆွဲ ဆောင်ရွက်လျက်ရှိသည်။
ရန်ကုန် - မန္တလေး မီးရထားလမ်းအဆင့်မြှင့်တင်ခြင်း အတွက် ဆောင်ရွက်သွားမည့်လုပ်ငန်းများမှာ -
(က) ရထားလမ်းတာပေါင်နှင့် ၃၈၅ မိုင်၊
ရထားလမ်းပြုပြင်ခြင်း
(ခ) ရထားလမ်းတံတားများ ၈၁၃ စင်း၊
ပြုပြင်တည်ဆောက်ခြင်း
(ဂ) ရထားလမ်းဘူတာများအသစ် ၁၀ ဘူတာ
ပြန်လည်တည်ဆောက်ခြင်း၊
(ဃ) ရထားတွဲ DEMU (Diesel ၂၀၄ တွဲ၊
Electric Multiple Unit)
(င ) DEMU Workshop and ၂ ရုံ၊
Depot တည်ဆောက်ခြင်း
( စ ) ကွန်ပျူတာဖြင့်ရထားထိန်း ၉၆ ဘူတာ၊
စနစ်တပ်ဆင်ခြင်း
(ဆ) ဘူတာများတွင်လျှပ်စစ်မီး ၉၆ ဘူတာ
တပ်ဆင်ခြင်းတို့ဖြစ်သည်။
ရန်ကုန် - တောင်ငူရထားလမ်းပိုင်းတွင် ပဲခူး၊ ညောင်လေးပင်၊ ဖြူးဘူတာတို့ဖြစ်ပြီး ပဲခူးဘူတာနှင့် ညောင်လေးပင်ဘူတာတို့မှာ နှစ် ၁၀၀ ကျော် ဘူတာဖြစ် ၍ ရှေးမူမပျက် ပြန်လည်ပြုပြင်တည်ဆောက်သွားမည် ဖြစ်သည်။
တောင်ငူ-မန္တလေးရထားလမ်းပိုင်းတွင် တောင်ငူ၊ ရေတာရှည်၊ ပျဉ်းမနား၊ ရမည်းသင်း၊ သာစည်၊ ကျောက်ဆည်၊ မြို့ဟောင်းဘူတာတို့ကို အသစ်ပြန်လည် တည်ဆောက်သွားမည်ဖြစ်သည်။ ကျန်ဘူတာ ၈၆ လုံးကိုလည်း မြန်မာ့မီးရထားအစီအစဉ်ဖြင့် အဆင့်ဆင့် ပြုပြင်ခြင်း၊ အသစ်တည်ဆောက်ခြင်းများကို ဆက်လက် ဆောင်ရွက်သွားမည်ဖြစ်သည်။
ဘူတာပတ်ဝန်းကျင် နယ်နိမိတ်များတွင် အုတ် ခြံစည်းရိုး ကာရံခြင်းများနှင့်ဘူတာအဝင်လမ်း ကောင်းမွန် ရေးတို့အတွက် ဆက်လက်ဆောင်ရွက်သွားမည်။ ပတ်ဝန်းကျင်ရှိ ကားလမ်းကူး၊ လူလမ်းကူး များကိုလည်း တိုင်းဒေသကြီးများနှင့်ညှိနှိုင်းပြီး ကားလမ်းကူးခုံးကျော် တံတားတည်ဆောက်ခြင်းများကို ညှိနှိုင်းဆောင်ရွက် သွားမည်။
ရန်ကုန်-မန္တလေးရထားလမ်း
အဆင့်မြှင့်တင်ရေးစီမံကိန်း
ရန်ကုန်-မန္တလေးလမ်းအဆင့်မြှင့်တင်ရေးစီမံကိန်း ၃၈၅ မိုင်ကို အဆင့် (၂) ဆင့်ခွဲ၍ ဆောင်ရွက်လျက် ရှိရာ အဆင့် (၁) ဖြစ်သည့် ရန်ကုန် - တောင်ငူ ၁၆၆ မိုင် နှင့် အဆင့် (၂) တောင်ငူ-မန္တလေး ၂၁၉ မိုင် သတ်မှတ်၍ ဆောင်ရွက်လျက်ရှိသည်။
စီမံကိန်းအဆင့်(၁) ရန်ကုန်-တောင်ငူရထားလမ်းပိုင်း အဆင့်မြှင့်တင်ရေးစီမံကိန်းကို အကောင်အထည် ဖော်ခြင်း
စီမံကိန်းအဆင့်(၁) ဖြစ်သည့် ရန်ကုန် - တောင်ငူ ရထားလမ်းပိုင်းကို အပိုင်းသုံးပိုင်းခွဲ၍ ဆောင်ရွက် လျက်ရှိသည်-
(က) ရန်ကုန်-ပဲခူးလမ်းပိုင်း (CP-101) ရထားလမ်း အဆင့်မြှင့်တင်ခြင်းနှင့် အချက်ပြ/ဆက်သွယ် ရေးစနစ် တပ်ဆင်ခြင်းလုပ်ငန်းကို ဂျပန် နိုင်ငံ FNS-JV Co.,Ltd. နှင့် ဆောင်ရွက်လျက်ရှိ ပြီး ၂၀.၁၂% ပြီးစီးနေပြီဖြစ်သည်။
(ခ ) ပဲခူး-ညောင်လေးပင်လမ်းပိုင်း (CP-102) ရထားလမ်းအဆင့်မြှင့်တင်ခြင်းနှင့် အချက်ပြ/ ဆက်သွယ်ရေးစနစ် တပ်ဆင်ခြင်းလုပ်ငန်း အား ဂျပန်နိုင်ငံ TEKKEN-RN JV Co.,Ltd. နှင့် ဆောင်ရွက်လျက်ရှိပြီး ၃၂.၇၀% ပြီးစီးနေ ပြီ ဖြစ်သည်။
(ဂ ) ညောင်လေးပင်-တောင်ငူလမ်းပိုင်း (CP-103) ရထားလမ်းအဆင့်မြှင့်တင်ခြင်းနှင့် အချက်ပြ/ဆက်သွယ်ရေးစနစ် တပ်ဆင်ခြင်းလုပ်ငန်း အား ဂျပန်နိုင်ငံ TOKYU Co.,Ltd. နှင့် ဆောင် ရွက်လျက်ရှိပြီး ၃၂.၉၇% ပြီးစီးနေပြီဖြစ်သည်။
(ဃ) DEMU ခေတ်မီ ရထားတွဲသစ် ၂၄ တွဲ ဝယ်ယူ ခြင်း (CP-104) အတွက် ရရှိရေးဆောင်ရွက် လျက်ရှိသည်။
(င ) DEMU Workshop and Depot ရထားတွဲ တည်ဆောက်ရန် အလုပ်ရုံ(ရွာသာကြီး) တည် ဆောက်ခြင်း (CP-105) ကိုလည်း ဆောင်ရွက် လျက်ရှိပါသည်။
(စ ) ရထားသွားလာမှုထိန်းချုပ်ရေးစနစ်တပ်ဆင် ခြင်းလုပ်ငန်း (CP-106) အတွက် ဆောင်ရွက် လျက်ရှိပါသည်။
(ဆ) FD Clip ကွန်ကရစ်ဇလီဖား Mould နှင့် ဇလီ ဖားတွဲနှောင်ပစ္စည်း (FD Clip) ဝယ်ယူခြင်း လုပ်ငန်း(CP-107) အား ဆောင်ရွက်ပြီးစီးခဲ့ပြီ ဖြစ်ပါသည်။
(ဇ) လျှပ်စစ်လုပ်ငန်းများ (CP-108) ကိုလည်း အကောင်အထည်ဖော် ဆောင်ရွက်လျက်ရှိ ပါသည်။
ရန်ကုန်-တောင်ငူရထားလမ်း အဆင့်မြှင့်တင်ရေး စီမံကိန်းကို နိုင်ငံတော်ဘတ်ဂျက်ဖြင့် ကွန်ကရစ်ဇလီ ဖား ထုတ်လုပ်ခြင်းလုပ်ငန်း၊ လမ်းခင်းကျောက်ဝယ်ယူ စုဆောင်းခြင်းလုပ်ငန်း၊ ခြံစည်းရိုးကာရံခြင်းလုပ်ငန်း နှင့် အဆောက်အအုံဆောက်လုပ်ခြင်းလုပ်ငန်းများကို ဆောင်ရွက်လျက်ရှိသည်။ ဂျပန်နိုင်ငံ ODA ချေးငွေဖြင့် ရထားလမ်းအဆင့်မြှင့်တင်ခြင်းနှင့် အချက်ပြ/ဆက်သွယ် ရေးစနစ်တပ်ဆင်ခြင်းလုပ်ငန်း၊ တံတားတည်ဆောက်ခြင်း လုပ်ငန်းနှင့် DEMU ခေတ်မီရထားတွဲသစ် (၂၄) တွဲ ဝယ်ယူခြင်းလုပ်ငန်းတို့ ဖြစ်သည်။
စီမံကိန်းအဆင့်(၂) တောင်ငူ-မန္တလေးရထားလမ်းပိုင်း အဆင့်မြှင့်တင်ရေးစီမံကိန်းအား အကောင်အထည် ဖော်ခြင်း
စီမံကိန်းအဆင့်(၂)ဖြစ်သည့် တောင်ငူ-မန္တလေး လမ်းပိုင်း ၂၁၉ မိုင်ကို လုပ်ငန်းများအဆင်ပြေစေရန် အပိုင်းလေးပိုင်းခွဲ၍ ဆောင်ရွက်ရန်စီမံဆောင်ရွက်လျက် ရှိပါသည်-
(က) တောင်ငူ - ရွာတော်လမ်းပိုင်း (၆၄) မိုင် (CP-2101)၊
(ခ) ရွာတော် - အင်ကြင်းကန်လမ်းပိုင်း (၄၉) မိုင် (CP-2102)၊
(ဂ) အင်ကြင်းကန် - ကူမဲလမ်းပိုင်း (၆၃) မိုင် (CP-2103)၊
(ဃ) ကူမဲ-မန္တလေးလမ်းပိုင်း (၄၃) မိုင် (CP-2104)။
Design အရ စီမံကိန်းအဆင့် (၂) အတွက် တင်ဒါ ၁၀ ခုကို ခေါ်ယူမည်ဖြစ်ပါသည်။ ဆောင်ရွက်လျက် ရှိသည့်လုပ်ငန်းများမှာ-
(က) CP-2101, 2102, 2103, 2104 ရထားလမ်း အဆင့်မြှင့်တင်ခြင်းနှင့် အချက်ပြ/ ဆက်သွယ် ရေးစနစ်များတပ်ဆင်ခြင်းလုပ်ငန်း၊
(ခ ) CP-2105 ခေတ်မီရထားတွဲ DEMU ၁၈၀ တွဲဝယ်ယူခြင်းလုပ်ငန်း၊
(ဂ ) CP-2106 ရထားသွားလာမှုထိန်းချုပ်ရေးစနစ် တပ်ဆင်ခြင်းလုပ်ငန်း၊
(ဃ) CP-2107 FD Clip ကွန်ကရစ်ဇလီဖား Mould နှင့် ဇလီဖားတွဲနှောင်ပစ္စည်း (FD Clip) ဝယ်ယူခြင်းလုပ်ငန်း၊
(င ) CP-2108 လျှပ်စစ်လုပ်ငန်း၊
(စ ) CP-2109 ခရီးသည် ဝန်ဆောင်မှုလုပ်ငန်းများ (အလိုအလျောက်လက်မှတ်ရောင်းစနစ်)၊
(ဆ) CP-2110 လမ်းမြှောက် ကျောက်ပက်ကင်ရိုက် စက်နှင့် ရထားလမ်း စစ်ဆေးရေးယာဉ် ဝယ်ယူခြင်းလုပ်ငန်း။
စီမံကိန်းနယ်မြေအတွင်းမှာ ဘူတာအကြီးအသေး ၅၅ ဘူတာခန့်ပါဝင်သည်။ ရန်ကုန်-တောင်ငူ စီမံကိန်း အပိုင်း(၁)နယ်မြေအတွင်းတွင် ပဲခူးဘူတာတစ်ခုသာ လမ်းဆုံဘူတာအဖြစ်ရှိပြီး တောင်ငူ-မန္တလေး စီမံကိန်း အပိုင်း (၂) နယ်မြေအတွင်းမှာ လမ်းဆုံဘူတာအဖြစ် အောက်ပါအတိုင်းပါဝင်နေခြင်းက ထူးခြားမှုဖြစ်သည်-
- ပျဉ်းမနားဘူတာ - ပဲခူးရိုးမဖြတ်ကျော်ပြီး တောင်တွင်းကြီး၊ ချောက်၊ ကျောက်ပန်း တောင်း၊ ပုဂံ သို့သွားသည့်ရထားလမ်းမွှာနှင့် ချိတ်ဆက်နေသည်။
- ပျော်ဘွယ်ဘူတာ - ရွာတော်၊နတ်မောက်ဒေသ နှင့် ချိတ်ဆက်နေသည်။
- သာစည်ဘူတာ - အရှေ့ဘက်ခြမ်းတွင် ရှမ်း ပြည်တောင်ပိုင်း ဟဲဟိုး၊ ကလော၊ အောင်ပန်း၊ ရွှေညောင်၊ ရပ်စောက် တောင်ပေါ်လမ်းပိုင်းကို လည်းကောင်း၊ အနောက်ဘက်ခြမ်း မိတ္ထီလာ၊ မြင်းခြံအထိလည်းကောင်း လမ်းမွှာများနှင့် ချိတ်ဆက်နေသည်။
- ပလိပ်ဘူတာ - မြင်းခြံ - ပုဂံလမ်းမွှာနှင့် ချိတ်ဆက်နေသည်။
- မြို့ဟောင်းဘူတာ - ရှမ်းပြည်မြောက်ပိုင်း ပြင်ဦးလွင်၊ သီပေါ၊ ကျောက်မဲ၊ လာရှိုး ကိုလည်းကောင်း၊ စစ်ကိုင်း (ရွာထောင်) မှ တစ်ဆင့် မုံရွာ/ပခုက္ကူနှင့် လည်းကောင်း ချိတ်ဆက်နေသည်။
- အဆိုပါ လမ်းဆုံဘူတာများ ဖွံ့ဖြိုးလာမည့် အစီအစဉ်များ ပါဝင်ခြင်းကြောင့် စီမံကိန်း ပြီးစီးချိန်တွင် ခရီးသည်နှင့်ကုန်စည်ပို့ဆောင် ရေးစွမ်းဆောင်နိုင်မှု သိသိသာသာဖွံ့ဖြိုး တိုးတက်လာမည်ဖြစ်သည်။
- အလားတူ ရန်ကုန်-မန္တလေးရထားလမ်းမ ကြီးပေါ်တွင် ရွာသာကြီးကုန်းတွင်းဆိပ် (Dry Port) နှင့် မြစ်ငယ်ကုန်းတွင်းဆိပ် (Dry Port) နှစ်ခုတို့သည် ကုန်သေတ္တာတင်တွဲများ အသုံးပြုပြီး ကုန်စည်ပို့ဆောင်မှုကိုဆောင်ရွက် နေပြီဖြစ်ရာ စီမံကိန်းပြီးဆုံးချိန်တွင် အဆိုပါ ကုန်တွင်းဆိပ်နှစ်ခု၏ စွမ်းဆောင်ရည်သည် သိသာစွာဖွံ့ဖြိုးတိုးတက်လာမည်ဖြစ်သည်။
ရန်ကုန် - မန္တလေးရထားလမ်းအဆင့်မြှင့်တင်ရေး စီမံကိန်းအဆင့်(၁)ကို ၂၀၁၇ ခုနှစ်မှ ၂၀၂၄ ခုနှစ်အထိ လည်းကောင်း၊ စီမံကိန်းအဆင့် (၂) ကို ၂၀၁၉ ခုနှစ်မှ ၂၀၂၆ ခုနှစ်အထိလည်းကောင်း ပိုင်းခြားသတ်မှတ် အကောင်အထည်ဖော်ဆောင်ရွက်လျက်ရှိသည်။
စီမံကိန်းပြီးစီးပါက ခေတ်မီလူစီးရထား (DEMU) များဖြင့် ရထားအမြန်နှုန်းကို 100 km/hr အထိ တိုးမြှင့် ပြေးဆွဲနိုင်မည်ဖြစ်ပြီး ရန်ကုန်မှမန္တလေးသို့ ရထားဖြင့် သွားရန် ယခုလက်ရှိကြာချိန်သည် ၁၆ နာရီခန့်မှ ၈ နာရီ ခန့်သာ ကြာမြင့်တော့မည်ဖြစ်ပြီး အချိန်ထက်ဝက်ခန့် လျော့ကျသွားမည်ဖြစ်သည်။ ထို့အပြင် အချိန်တိကျမှု ရှိခြင်း၊ ခရီးသွားလာရာတွင် ခရီးသည်များသက်သောင့်သက်သာရှိခြင်း၊ ခရီးသည်နှင့်ကုန်ပစ္စည်းများကို အချိန် တိုအတွင်း သယ်ယူပို့ဆောင်ပေးနိုင်ခြင်းတို့ ရရှိခံစား နိုင်မည်ဖြစ်သည်။
ရန်ကုန် - မန္တလေးလမ်းပိုင်းကို သတ်မှတ်ကာလ အမီပြီးစီးအောင် ကြိုးစားဆောင်ရွက်နေသော်လည်း ၂၀၂၀ ပြည့်နှစ် မတ်လလယ်မှစတင်ပြီး ကိုဗစ် - ၁၉ ရောဂါဖြစ်ပွားမှုကြောင့် ရောဂါကူးစက်မှုလျော့နည်းစေ ရေးအတွက် ကျန်းမာရေးနှင့်အားကစားဝန်ကြီးဌာနကသတ်မှတ်သောနေထိုင်နည်း စည်းကမ်းချက်များနှင့်အညီ ဆောင်ရွက်နေရသဖြင့် လုပ်ငန်းတွင်ကျယ်မှု အားနည်း ခဲ့ပြီး အချိန်ကြန့်ကြာမှုများ ရှိခဲ့သည်။ သို့သော်လည်း ဂျပန်နိုင်ငံ JICA မှ တာဝန်ရှိသူများနှင့် မြန်မာ့မီးရထား အင်ဂျင်နီယာများ ပူးပေါင်းပြီး အစွမ်းကုန်ကြိုးစား ဆောင်ရွက်လျက်ရှိပါသည်။
အခြားရထားလမ်းပိုင်းများ အဆင့်မြှင့်တင်ခြင်း
ရန်ကုန် - မန္တလေးရထားလမ်းအဆင့်မြှင့်တင်ရေး စီမံကိန်း အကောင်အထည်ဖော်နေချိန်တွင် ရထားလမ်း ပိုင်းအလိုက် ဖြည့်ဆည်းဆောင်ရွက်ခြင်းနှင့် အဆင့်မြှင့် တင်ခြင်းများ အကောင်အထည်ဖော်လျက်ရှိသည်။
မြန်မာ့မီးရထားသည် အမြန်ရထား ၃၃ စင်း၊ စာပို့ ရထား ၄၄ စင်း၊ လူစီးကုန်တင်ရထား ၄၈ စင်း၊ ခရီးတို ရထား ၁၇ စင်း၊ မြို့ပတ်နှင့်ဆင်ခြေဖုံးရထား ၂၀၃ စင်း ပြေးဆွဲလျက်ရှိပြီး လိုအပ်သောစက်ခေါင်းနှင့်တွဲများ အသစ်ဝယ်ယူဖြည့်တင်းလျက်ရှိသကဲ့သို့ မြန်မာ့မီးရထား ဈေးကွက်အတွက် ခရီးသွားပြည်သူများအတွက် အရေးပါသော အောက်ပါရထားလမ်းပိုင်းများ၏ အဆင့် မြှင့်တင်မှုလုပ်ငန်းများကိုလည်း ဆောင်ရွက်လျက်ရှိသည်-
(က) ရန်ကုန်-မန္တလေးရထားလမ်း (၃၈၅) မိုင်၊
(ခ ) မန္တလေး-မြစ်ကြီးနားရထားလမ်း (၃၄၀) မိုင်၊
(ဂ ) ပဲခူး - မော်လမြိုင်ရထားလမ်း (၁၃၀) မိုင်၊
(ဃ) ရန်ကုန် - ပြည်ရထားလမ်း (၁၆၁) မိုင်၊
(င ) ရန်ကုန်မြို့ပတ်ရထားလမ်း (၂၉.၅) မိုင် တို့ ဖြစ်သည်။
ရန်ကုန်-မန္တလေးရထားလမ်း အဆင့်မြှင့်တင်ရေး စီမံကိန်းနှင့် ရန်ကုန်မြို့ပတ်ရထားလမ်းအဆင့် မြှင့်တင် ရေးစီမံကိန်းကို အဓိကဦးစားပေး ဆောင်ရွက်ခြင်း အားဖြင့် ခရီးသည်နှင့်ကုန်စည်များ ပိုမိုတိုးမြှင့် ပို့ဆောင် နိုင်ခြင်းဖြင့် နိုင်ငံတော်၏ စီးပွားရေးဖွံ့ဖြိုးတိုးတက်မှု ကို တစ်ဖက်တစ်လမ်းက အထောက်အကူဖြစ်စေခြင်း၊ ရထားစီးခရီးသွားပြည်သူများနှင့် ကုန်စည်ပို့ဆောင်သူ များကို စိတ်ချမ်းမြေ့စွာအဆင့်မီ ဝန်ဆောင်မှုပေးနိုင် ခြင်း၊ ရထားပြေးဆွဲချိန်လျှော့ချပြီး အချိန်မှန်ကန်မှုနှင့် ဘေးအန္တရာယ်ကင်းရှင်းစေခြင်းဖြင့် ခရီးသွားပြည်သူ များ၏ဝန်ဆောင်မှုကို တိုးမြှင့်ဆောင်ရွက်ပေးခြင်းဖြင့် ခရီးသွားပြည်သူများ၏အကျိုးစီးပွားအတွက် မြန်မာ့ မီးရထားမှ ရေရှည်မျှော်တွေးကာ အဆင့်မြှင့်တင် ဖြည့်ဆည်းပေးလျက်ရှိပါကြောင်း ရေးသားတင်ပြအပ် ပါသည်။ ။
