15/06/2026
" မေမေ ... ကျွန်တော်တို့ အိမ်ကို ဘယ်တော့ ပြန်ရမှာလဲဟင် ... "
ဒီမေးခွန်းလေးကို မေးနေတဲ့ ကလေးငယ်တစ်ယောက်ရဲ့ မျက်ဝန်းထဲမှာ ...
ကြောက်ရွံ့မှုတွေ ဝမ်းနည်းမှုတွေ နားမလည်နိုင်တဲ့ မေးခွန်းတွေ ရှိနေတာပါဗျ ...
ဒါပေမယ့် ... ကလေးလေးရဲ့ အမေမှာတော့ အဖြေမရှိဘူးခင်ဗျ။
အခုအချိန်မှာ မကွေးတိုင်း၊ ပခုက္ကူမြို့နယ်၊ ကမ္မမြို့နဲ့ အနီးတဝိုက်က ပြည်သူပေါင်း (၅,၀၀၀) ကျော်ဟာ စစ်ကြောင်းထိုးမှုတွေကြောင့် ကိုယ့်အိမ်ကိုယ် စွန့်ခွာပြီး ထွက်ပြေးတိမ်းရှောင်နေရပါတယ်ခင်ဗျ။
တချို့က ... ကလေးငယ်ကို ချီပြီး ပြေးနေရတယ်ဗျ။
တချို့က ... သက်ကြီးရွယ်အို မိဘတွေကို တွဲခေါ်ပြီး ပြေးနေရတယ်ဗျ။
တချို့က... အိမ်ထဲက ဘာပစ္စည်းမှတောင် မယူနိုင်ဘဲ အသက်လုထွက်ပြေးခဲ့ရတယ်ခင်ဗျ။
ညရောက်လာတဲ့အခါ ... စစ်ဘေးရှောင် ပြည်သူတို့မှာ အိပ်ရာမရှိဘူးဗျ။
မိုးရွာလာတဲ့အခါ ... သူတို့မှာ အမိုးအကာမရှိဘူးဗျ။
ဗိုက်ဆာလာတဲ့အခါ ... သူတို့မှာ စားစရာမရှိဘူးခင်ဗျ။
ကလေးငယ်တွေ ငိုနေကြပြီး အဖိုးအဖွားတွေ ပင်ပန်းနွမ်းနယ်နေကြတယ်ဗျ။
မိခင်တွေက သားသမီးတွေအတွက် စိုးရိမ်ပူပန်နေကြတယ်ခင်ဗျ။
အလှူရှင်ကြီးများရဲ့ လှူဒါန်းငွေကျပ် ၁,၀၀၀ ဟာ မများလှဘူးလို့ ထင်ရပေမယ့် ...
စစ်ဘေးရှောင်မိသားစုတစ်စုအတွက်တော့ ထမင်းတစ်နပ် ဖြစ်နိုင်တယ်ဗျ။
အလှူရှင်ကြီးများရဲ့ လှူဒါန်းငွေကျပ် ၃,၀၀၀ ဟာ ...
ကလေးငယ်တစ်ယောက်ရဲ့ ဆာလောင်မှုကို လျော့ပါးစေနိုင်တယ်ခင်ဗျ။
အလှူရှင်ကြီးများရဲ့ လှူဒါန်းငွေကျပ် ၅,၀၀၀ ဟာ ...
မိုးထဲလေထဲမှာ နေထိုင်နေရသူတစ်ယောက်အတွက်
အမိုးအကာတစ်ခု ဖြစ်လာနိုင်တယ်ဗျ။
ကျွန်တော်တို့တွေ အားလုံး စုပေါင်းကူညီလိုက်မယ်ဆိုရင် စစ်ဘေးသင့် ပြည်သူလေးတွေရဲ့ မျှော်လင့်ချက်တွေ ပြန်ရှင်သန်လာမှာဖြစ်ပါတယ်ခင်ဗျ။
အလှူရှင်ကြီးများ လှူဒါန်းမဲ့ အလှူငွေလေးများဟာ ငွေကြေးတန်ဖိုးတစ်ခု မဟုတ်ပါဘူးဗျ။ အသက်ရှင်ဖို့ ရုန်းကန်နေရတဲ့ ပြည်သူများအတွက် နွေးထွေးတဲ့ လက်တစ်စုံ ဖြစ်ပါတယ်ခင်ဗျ။
စစ်ဘေးသင့် သူတို့မှာ အိမ်မရှိတော့ဘူးဗျ ... လုံခြုံမှုမရှိတော့ဘူးဗျ ...
ဒါပေမယ့် ... ကျွန်တော်တို့ရဲ့ မေတ္တာတရားတော့ ရှိနေသေးတယ်ခင်ဗျ။
မျက်ရည်များစွာ ကျနေတဲ့ ကလေးငယ်တစ်ယောက်ကို ပြုံပျော်စေဖို့ ...
မိသားစုတိုင်းရဲ့ မျှော်လင့်ချက်ကို အသက်ဆက်ပေးဖို့ ...
စိုးရိမ်ပူပန်နေတဲ့ မိခင်တွေရဲ့ ရင်ထဲမှာ မျှော်လင့်ချက်လေးတွေ ပြန်လည်ရှင်သန်လာနိုင်ဖို့ ...
စစ်ဘေးရှောင်မိသားစုများရဲ့ ခက်ခဲကြမ်းတမ်းနေတဲ့ နေ့ရက်တွေကို အတူတကွ ဖေးမပေးနိုင်ဖို့ရာ ...
အလှူရှင်ကြီးများ၏ လူသားချင်းစာနာမှု မေတ္တာတရားဖြင့် ကူညီပါဝင်လိုပါက NUG Pay ၊ KBZ Pay ၊ Wave Pay တို့မှတစ်ဆင့် လှူဒါန်းကူညီပေးလို့ရပါတယ်ခင်ဗျ။
အလှူငွေလက်ခံသည့် အကောင့်အချက်အလက်များကို Page Messenger မှတစ်ဆင့် ဆက်သွယ်မေးမြန်းနိုင်ပါတယ်ခင်ဗျ။
ဤကဲ့သို့သော ခက်ခဲသည့် အချိန်ကာလများတွင် မိဘပြည်သူတစ်ဦးချင်းစီ၏ မေတ္တာ၊ ကရုဏာနှင့် စေတနာများသည် စစ်ဘေးရှောင်ပြည်သူများအတွက် အားအင်တစ်ခု၊ မျှော်လင့်ချက်တစ်ခု ဖြစ်စေပါသည်။
ဤစာလေးကို Share ပေးခြင်းကပင်လျှင် အကူအညီများ ပိုမိုရောက်ရှိစေရန် အဖိုးတန်သော ပါဝင်ကူညီမှုတစ်ခု ဖြစ်နိုင်ပါသည်ခင်ဗျ။ 🤍
