What are the opening hours?

Monday 07:00 - 21:30 Tuesday 07:00 - 21:30 Wednesday 07:00 - 21:30 Thursday 07:00 - 21:30 Friday 07:00 - 21:30 Saturday 07:00 - 21:30 Sunday 07:00 - 21:30

https://www.facebook.com/104949954623714/

𝗣𝗢𝗪𝗘𝗥 𝟮𝟰, Yangon (2026)

14/12/2025

မိတ်ဆွေ ..
📱 Facebook မှာ တွေ့လိုက်မိတဲ့ မတော်တဆဖြစ်ရပ်တစ်ခု ...
🚨 ညကြီးမင်းကြီး အနီးဝန်းကျင်ကနေ ကြားလိုက်ရတဲ့ အရေးပေါ်လူနာတင်ကားရဲ့ အသံ ...
📞 အိပ်ကောင်းနေတဲ့ ညကာလမှာ အထိတ်တလန့်နဲ့ နိုးသွားစေတဲ့ ဖုန်းမြည်သံတွေဟာ ...
ကျွန်တော်တို့ သိကျွမ်းရသူ၊ ခင်မင်ရင်းနှီးရသူ၊ ဒါမှမဟုတ် အဆွေအမျိုးတစ်ယောက်ယောက် ဖြစ်နေတတ်တာမျိုး၊
နောက်ပြီး ဆေးရုံကုတင်ထက်မှာ ရောဂါကြီးတစ်ခုရဲ့ ဝေဒနာဒုက္ခတွေကို ခံစားရင်း စက်ကိရိယာတွေ၊ ပိုက်တွေနဲ့ လဲလျောင်းနေရတဲ့ မိသားစုဝင်၊ ဒါမှမဟုတ် သူငယ်ချင်းတစ်ယောက်ရဲ့ နောက်ဆုံးအချိန်ကို စောင့်ကြည့်ပေးနေရတာမျိုးစတဲ့ လူတစ်ယောက်ရဲ့ ရှင်သန်ရပ်တည်မှုအခြေအနေ ရုတ်တရက် ပြောင်းလဲသွားနိုင်တဲ့အခြေအနေတွေကို မိတ်ဆွေတို့ ကြုံဖူးကောင်း ကြုံဖူးပါလိမ့်မယ်။

ဒီလိုအခါမျိုးနဲ့ တွေ့ရတဲ့အခိုက်မှာ ကမ္ဘာပေါ်မှာ ကျွန်တော်တို့ ထိန်းချုပ်လို့မဖြစ်နိုင်စွမ်းတဲ့ အရာတွေ အမြောက်အမြားရှိနေတယ်ဆိုတာကိုလည်း စဥ်းစားမိကောင်း စဥ်းစားမိဖူးပါလိမ့်မယ်။ ဘာဖြစ်လို့ ကျွန်တော် ဒီလိုပြောရသလဲဆိုတော့ ကျွန်တော်တို့တတွေဟာ ပြောခဲ့တဲ့အခြေအနေမျိုးကို မျက်မြင်ကိုယ်တွေ့ ကြုံမှသာ "ဪ ဒီလိုအဖြစ်မျိုးတွေဟာ ဘယ်သူ့မှာမဆို၊ ဘယ်နေရာမှာမဆို၊ ဘယ်အချိန်မဆို၊ ဘယ်လိုအကြောင်းနဲ့မဆို ဖြစ်ပျက်နိုင်တာပါလား"လို့ သဘောပေါက်တတ်ကြတာမို့ပါ။

ဒီလို သဘောပေါက်လိုက်တဲ့အခါမှသာ ကျွန်တော်တို့ဟာ ကိုယ့်ကိုယ့်ကို ဂရုစိုက်ရမှန်း သတိထားမိတတ်ကြပြန်ပါလေရော။ ဒါပေမယ့် ဒီလိုသတိထားမိတာဟာလည်း လူအများစုမှာ အခိုက်အတန့်မျှသာပါပဲ။ ကျင်လည်ရာဝန်းကျင်ဆီ ပြန်ရောက်တာနဲ့ မကြာခင်မှာ ဒုံရင်းက ဒုံရင်းသာ ပြန်ဖြစ်သွားတတ်ကြတယ် မဟုတ်ပါလား။ ဒါပေမယ့် လူနည်းစုကတော့ သဘောပေါက်မိ သတိထားမိသလို သူတို့အတွက် အကောင်းဆုံးအခြေအနေကို ရွေးချယ်ပြီး အကောင်းဆုံးကျင့်ကြံနေထိုင်တတ်ကြပါတယ်။ နေ့စဥ်မှာ တကိုယ်ရည် သန့်ရှင်းရေး၊ ကိုယ်လက်လေ့ကျင့်ခန်းနဲ့ အစားအစာ၊ ရေ၊ ဆေးဝါးတို့ကို ဂရုတစိုက်ပြီး ကြံ့ခိုင်ကျန်းမာအောင် လုပ်ဆောင်တတ်ကြပါတယ်။

ကျွန်တော်တို့အများစု သိထားကြတဲ့အတိုင်းပါပဲ။ ဘဝဆိုတာ ရွေးချယ်မှု (Life is Choice) ပါ။ အခု လုပ်ဆောင်မိနေတဲ့ ရွေးချယ်မှုတွေဟာ ကျွန်တော်တို့ ကိုယ်တိုင်အတွက်ရော ကျွန်တော်တို့လူမှုဝန်းကျင်အတွက်ပါ သိပ်ကို အရေးကြီးပါတယ်။ ကိုယ့်ကိုယ်ကိုနဲ့ ကိုယ့်မိသားစုကို အလေးထား ဂရုစိုက်ဖို့နဲ့ ကာကွယ်ထားဖို့ဆိုတဲ့ ရိုးရိုးရှင်းရှင်းဆုံးဖြတ်ပြီး ရွေးချယ်တာဟာ ဘယ်သူမှမမြင်နိုင်ပေမယ့် တကယ့်ကို အရေးပါလှပါတယ်။ ချက်ခြင်း ဆောင်ရွက်သင့်ပေမယ့် အကြောင်းပြချက်တွေနဲ့ ဖုံးကာထားပြီး နေ့ရွှေ့ညရွှေ့မလုပ်ဖို့၊ အနာဂါတ်ကို ကံအကြောင်းတရားပါပဲလေဆိုတဲ့ အတွေးအယူနဲ့ လုပ်သင့်တာမလုပ်ဖြစ်တာမျိုးကနေ ရှောင်ကွင်းလိုက်ဖို့ဆိုတာမျိုးတွေက အရေးကြီးတဲ့ ရွေးချယ်မှုတွေပါ။ ဒီလို ရွေးချယ်တတ်ဖို့ ကျွန်တော်တို့ ဘဝမှာ သိပ်အရေးကြီးပါတယ်။

ပတ်ဝန်းကျင်မှာ ဖြစ်လာကြုံတွေ့ရနိုင်တဲ့ ဖြစ်စဥ်ဖြစ်ရပ်တွေကို ရပ်တန့်သွားအောင် လုပ်ဆောင်နိုင်တဲ့ အခွင့်အရေးကို သဘာဝက အပ်နှင်းထားတာ မရှိပေမယ့် စိန်ခေါ်မှုတိုင်းကို ခပ်လွယ်လွယ် လက်မလျှော့လိုက်ရလေအောင် ကျွန်တော်တို့မှာ ကြိုတင်ပြင်ဆင်ထားဖို့ တကယ့်အခွင့်အရေးကောင်းကတော့ ရှိနေနှင့်ပြီးတာကို သတိရပေးပါ။

တာဝန်ယူမှုဆိုတဲ့ အကြောင်းကိစ္စအတွက် ကျွန်တော်တို့မှာ အရာရာပြီးပြည့်စုံနေဖို့ မလိုအပ်ပါဘူး။
ကိုယ်တိုင်နဲ့ ကိုယ့်ချစ်ရသူတွေမှာ လုံခြုံမှုရှိနေစေမယ့် ခြေလှမ်းတစ်ခုကို စတင်လှမ်းလိုက်ဖို့ကိုသာ ရွေးချယ်ရမှာဖြစ်ပါတယ်။
ဂရုစိုက်မှုနဲ့ ကာကွယ်မှုအတွက် ချစ်ခြင်းမေတ္တာကို ဥာဏ်ပညာနဲ့ ယှဥ်ပြီး အသက်အာမခံပေါ်လစီတစ်စောင်အဖြစ် ဖော်ဆောင်ဖို့ ရွေးချယ်လိုက်ပါ။
ဒါဟာ လုံခြုံရေးပိုက်ကွန်တစ်ခုအဖြစ် ဖန်တီးလိုက်တာသာမက စိတ်ရဲ့ အေးငြိမ်းမှုတစ်ရပ်ကိုလည်း ဖော်ဆောင်လိုက်တာဖြစ်ပါတယ်။
ဒီလို ရွေးချယ်ခဲ့တဲ့အရာနဲ့ အချိန်ကာလအကြောင်း နောင်တစ်ချိန် ပြန်တွေးကြည့်ဖြစ်တဲ့အခါ ဂရုစိုက်မှုနဲ့ ကာကွယ်မှုအတွက် ကျွန်တော်တို့ရဲ့ ရွေးချယ်မှုအပေါ် "တော်တော်မှန်ကန်ခဲ့တာပါလား"လို့ ပီတိနဲ့ ဂုဏ်ယူနေမိပြီး အနာဂါတ်မှာ ဖြစ်လာမယ့် အကြောင်းချင်းရာတွေအပေါ် ကံကိုပုံချပြီး "ဖြစ်ချင်ရာဖြစ်"လို့ ဆုံးဖြတ်ခွင့်မပေးခဲ့တာအတွက်လည်း ကိုယ့်ကိုယ့်ကို ချီးကြူးနေမိမှာပါ။
တကယ့်ရင့်ကျက်မှုဆိုတာက ဘာမှဖြစ်မလာခင်မှာတင် ရင်ဆိုင်နိုင်ဖို့ ကြိုတင်ပြင်ဆင်ခြင်းကို လုပ်ဆောင်ဖို့ ရွေးချယ်နိုင်ခြင်းကနေ စတင်အကြောင်းခံပါတယ်။
မိတ်ဆွေ ...
အသက်အာမခံကို ရွေးချယ်လိုက်ပါ။ ဒါဟာ အနာဂါတ်ကို အကောင်းဆုံးပြင်ဆင်ဖို့ ဖန်တီးလိုက်တဲ့ ရွေးချယ်မှုဖြစ်ပါတယ်။

မိတ်ဆွေတို့ရဲ့ ဘဝလိုအပ်ချက်နဲ့ ကိုက်ညီဆီလျော်တဲ့ အသက်အာမခံအမျိုးအစားအတွက် အသေးစိတ်ရှင်းလင်းဆွေးနွေးမှုနဲ့အတူ အကြံပြုချက်တွေကို ရယူနိုင်ဖို့ ကျွန်တော့်ကို ဆက်သွယ်နိုင်ပါတယ်ခင်ဗျာ။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

12/12/2025

ဒီရက်ပိုင်းထဲမှာ အာမခံဆိုင်ရာ စာတချို့ကို လိုက်ဖတ်နေမိရင်းက 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 ဆိုတာကို တွေ့မိပြီး စိတ်ဝင်တစား လေ့လာဖြစ်ခဲ့ပါတယ်။

𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 တစ်နည်းအားဖြင့် 𝗣𝗿𝗼𝗯𝗮𝗯𝗶𝗹𝗶𝘁𝘆 𝗡𝗲𝗴𝗹𝗲𝗰𝘁 ဆိုတာက လူတွေမှာ အကြောင်းကိစ္စတစ်ခု၊ အဖြစ်အပျက်တစ်ခုအပေါ် ဆုံးဖြတ်ချက်ချတဲ့အခါ ဖြစ်လာနိုင်တဲ့ ဖြစ်တန်စွမ်း (𝗣𝗿𝗼𝗯𝗮𝗯𝗶𝗹𝗶𝘁𝘆)ကို လစ်လျူရှု ပစ်ပယ်ထားပြီး အဲ့ဒီအဖြစ်အပျက်ကနေ ပေါ်ပေါက်လာတဲ့ရလာဒ် (𝗢𝘂𝘁𝗰𝗼𝗺𝗲)ကိုပဲ အလွန်အကျွံအာရုံစိုက် မိတတ်တဲ့ စိတ်ပိုင်းဆိုင်ရာ ချွတ်ချော်လွဲမှားမှု (𝗖𝗼𝗴𝗻𝗶𝘁𝗶𝘃𝗲 𝗕𝗶𝗮𝘀) ကို ဆိုလိုတာဖြစ်ပါတယ်။

ရှင်းအောင်ပြောရရင် “အဖြစ်အပျက်တစ်ခုက ဘယ်လောက်ဖြစ်နိုင်ခြေရှိသလဲ”ဆိုတာအပေါ် အာရုံမထားဘဲ “အဲ့ဒီအဖြစ်အပျက်မျိုးသာ ဖြစ်ခဲ့ရင် ဘာဖြစ်မှာလဲ”ဆိုတာကို အာရုံစိုက်ပြီး အမျှော်လင့်ကြီးတာ ဒါမှမဟုတ် အကြောက်လွန်တာလို့ ပြောရမယ်ထင်ပါတယ်။
လူတွေရဲ့ ဦးဏှောက်က စိတ်လှုပ်ရှားမှုကို အခြေခံပြီး စဉ်းစားတဲ့အခါ သင်္ချာနည်းလမ်းတကျတွက်ချက်ဖို့ကို မေ့လျော့သွားတတ်ကြတာလို့ ဆိုရမှာပါ။ ဘယ်လိုကိစ္စမျိုးတွေမှာ ဖြစ်တတ်သလဲဆိုရင် ကြောက်စရာကောင်းတဲ့ကိစ္စတွေ၊ အမုန်းတရားပါတဲ့အကြောင်းတွေနဲ့ မျှော်လင့်ချင်စရာကောင်းတဲ့ကိစ္စတွေမှာ 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 က ကပ်ငြိလာတတ်လေ့ရှိတာပါပဲ။ ဒီလိုအကြောင်းကိစ္စတွေမှာ ဖြစ်တန်စွမ်း၊ ဒါမှမဟုတ် ဖြစ်နိုင်ခြေက ၀.၀၀၀၀၀၁% ရှိတယ် ဆိုရင်တောင် တကယ်ပဲဖြစ်လာတော့မှာလို့ ယူဆတတ်ကြပါတယ်။

ဥပမာပြောရရင် ထီထိုးသူတိုင်းဟာ ထီပေါက်နိုင်ဖို့ ဖြစ်တန်စွမ်းက အပုံသန်းပေါင်းများစွာမှာမှ တစ်ပုံလောက်ပဲရှိပေမယ့် ထီပေါက်မယ်လို့ မျှော်လင့်တတ်ကြတာမျိုး၊ ကားမတော်တဆမှုတွေကြောင့် လူသေဆုံးနိုင်ခြေက လေယာဉ်မတော်တဆမှုကြောင့် သေဆုံးနိုင်ခြေထက် အဆပေါင်းများစွာ ပိုပေမယ့် လူတွေက လေယာဉ်စီးရမှာကို ပိုပြီးကြောက်တတ်ကြသလိုမျိုး၊ ကင်ဆာလိုမျိုး ရောဂါဆန်းတွေဖြစ်မှာကို လူတိုင်းက အင်မတန်စိုးရိမ်ကြောက်ရွံ့တတ်ကြပေမယ့် နှလုံးရောဂါ၊ အသည်းရောဂါ၊ ဆီးချို၊ သွေးတိုးစတဲ့ရောဂါတွေနဲ့ အရက်၊ ဆေးလိပ်တို့ကို သောက်တာကနေရမယ့် ရောဂါအန္တရာယ်တွေကိုတော့ ခပ်ပေါ့ပေါ့ဆဆ သဘောထားတတ်ကြတာမျိုးတွေပေါ့။ ဒီလောက်ဆို 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 နဲ့ပတ်သက်ပြီး အကျဥ်းမျှတော့ ရှင်းလောက်ပြီလို့ ယူဆပါတယ်။

𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 & 𝗜𝗻𝘀𝘂𝗿𝗮𝗻𝗰𝗲
----------------------------------------------
အာမခံနဲ့ ပတ်သက်လာရင်လည်း လူအများစုဟာ လမ်းပေါ်မှာ နေ့စဥ်သွားနေတဲ့ ကားမိုလို့ မတော်တဆမှုက ပိုဖြစ်နိုင်တယ်၊ ဖြစ်လာရင် ဘယ်လိုလုပ်မလဲဆိုတဲ့ စိုးရိမ်စိတ်၊ ငလျင်တွေက မငြိမ်သေးသလို မီးလောင်မှုတွေကလည်း နေ့စဥ်လိုလို လူမှုကွန်ရက်နဲ့ သတင်းတွေကတစ်ဆင့် တွေ့မြင်နေရတော့ ဖြစ်လာရင် ခက်ရချည်ရဲ့ဆိုတဲ့ ကြောက်ရွံ့စိတ်တွေက ဖြစ်တန်စွမ်းကို ကျော်လွန်ပြီး တွေးမိတတ်ကြတော့ ကား၊ အိုးအိမ်တိုက်ခန်းစတဲ့ ပိုင်ဆိုင်မှုတွေကို အာမခံထားဖို့ ပိုပြီးအားတက်သရော ဆန္ဒရှိတတ်ကြပါတယ်။

ဒါပေမယ့်လည်း ကိုယ်ကိုယ်တိုင်နဲ့ ကိုယ့်မိသားစုအတွက်မှာတော့ ရောဂါဘယတွေ ဖြစ်လာဖို့၊ မတော်တဆဖြစ်ရပ်တွေ ကြုံလာဖို့နဲ့ မသန်မစွမ်းဖြစ်မှု၊ သေဆုံးမှုတွေ ဖြစ်လာဖို့ မရှိနိုင်သလို ခံစားကြတတ်ပါတယ်။ အထူးသဖြင့် အသက်အရွယ်ငယ်ပြီး ကျန်းမာရေးကောင်းနေချိန်မှာဆို တွေးကို မတွေးမိတတ်တာမျိုးအထိ ရှိတတ်ကြပါတယ်။ တကယ်တော့ အသက်ခန္ဓာထိခိုက်မှုနဲ့ ရောဂါဘယတွေရဲ့ နောက်ဆက်တွဲသက်ရောက်မှုက ကားတစ်စီး၊ အိမ်တစ်လုံး၊ ပိုင်ဆိုင်မှုတစ်ခုရဲ့ ပျက်စီးဆုံးရှုံးမှုကြောင့် နောက်ဆက်တွဲအကျိုးသက်ရောက်မှုထက် အဆများစွာပိုတယ်ဆိုတာကို မတွေးမိဘဲ 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 ကြောင့် လျှော့တွက်တတ်လေ့ရှိကြပါတယ်။ ဒါက ကျွန်တော်တို့ဘဝတွေအတွက် တကယ့် #ထောင်ချောက်တစ်ခု ဖြစ်တာကို တွေးလေ့တွေးထ မရှိကြတော့ပါဘူး။ ဒါ့ကြောင့် 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 ကို သိနားလည် လက်ခံစွာနဲ့ ဆင်ခြင်ရှောင်ရှားတတ်ကြဖို့ လိုအပ်တယ်ဆိုတာ အသိပေး ဖော်ပြရပါတယ်။

မြင်တွေ့ကိုင်တွယ်နိုင်တဲ့အရာတွေကို အာမခံထားရှိတဲ့နည်းတူပဲ အဲ့ဒီအရာအားလုံးကို ဖန်တီးတည်ဆောက်နိုင်စွမ်းရှိတဲ့ ကိုယ်ကိုယ်တိုင်နဲ့ ကိုယ့်မိသားစုအတွက် #အသက်အာမခံ ကိုထားရှိပြီး အသက်အန္တရာယ်ရှိတဲ့ ရောဂါဘယတွေအတွက် ကုသစရိတ်၊ မသန်မစွမ်းမှုကြုံရလို့ ဆုံးရှူံးနိုင်မယ့် ဝင်ငွေနဲ့ ကိုယ်တိုင်ရဲ့ အသက်ဆုံးရှူံးမှုကြောင့် မိသားစုအပေါ် နောက်ဆက်တွဲသက်ရောက်လာမယ် ဘဏ္ဍာရေးဆိုင်ရာကိစ္စရပ်တွေအတွက် ကာကွယ်ထားကြဖို့ကို တိုက်တွန်းချင်ပါတယ်။ ဒီအချက်က #ပိုအရေးကြီးပါတယ် ဆိုတာကိုလည်း တွေးတောဆင်ခြင် လက်ခံနိုင်ကြစေချင်ပါရဲ့ခင်ဗျာ။

မိတ်ဆွေက 𝗣𝗿𝗼𝗯𝗮𝗯𝗶𝗹𝗶𝘁𝘆 𝗕𝗶𝗮𝘀 ကို ဖယ်ကျဥ်ဆင်ခြင်နိုင်ခဲ့လို့ အသက်အာမခံလိုအပ်တယ်လို့ ယူဆမိရင် မိတ်ဆွေတို့ရဲ့ လိုအပ်ချက်နဲ့ ကိုက်ညီဆီလျော်တဲ့ အသက်အာမခံအမျိုးအစားအတွက် အသေးစိတ်ရှင်းလင်းဆွေးနွေးမှုနဲ့အတူ အကြံပြုချက်တွေကို ရယူနိုင်ဖို့ ကျွန်တော့်ကို ဆက်သွယ်နိုင်ပါတယ်ခင်ဗျာ။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

07/12/2025

ကျွန်တော်တို့တတွေ ဘဝတစ်လျှောက်မှာ ဆုံးဖြတ်ချက်တွေ အများကြီး ချခဲ့ဖူးကြပါတယ်။

ပြန်တွေးကြည့်လိုက်ရင် အများဆုံးချခဲ့ဖူးတဲ့ ဆုံးဖြတ်ချက်တွေဟာ တကယ့်ကို သေးသေးလေးတွေဆိုတာ တွေ့ရပါလိမ့်မယ်။ ဒါပေမယ့် ဒီလိုဆုံးဖြတ်ချက်သေးသေးလေးတွေကပဲ ကျွန်တော်တို့ဘဝအတွက် အကျိုးကျေးဇူး တော်တော်များများကို ပေးစွမ်းနိုင်နေတတ်တာပါ။

ဥပမာပြောရရင် မနက်အိပ်ယာထမှာ ရေတဝသောက်ဖို့ ဆုံးဖြတ်မိလိုက်တာဟာ ဘဝတစ်သက်တာ ကျန်းမာရေးအတွက် ကောင်းမွန်ပြီး အကျိုးရှိတဲ့ အလေ့အထတစ်ခုဖြစ်နေတာမျိုးပေါ့။ ဒီလိုဆုံးဖြတ်ချက်မျိုးက ပြန်တွေးကြည့်ရင် ဘယ်လောက်မှ ပြောပလောက်တဲ့ ကိစ္စမဟုတ်ပေမယ့် ဒီဆုံးဖြတ်ချက်ကို ချခဲ့တဲ့အတွက် ကျွန်တော်တို့ကိုယ် ကျွန်တော်တို့ ချီးကျူးစရာ၊ သဘောကျစရာအချက်တစ်ခုဖြစ်နေခဲ့တာကို ကျေနပ်စရာတွေ့ရပါလိမ့်မယ်။

အသက်အာမခံထားရှိခြင်းဟာလည်း အလားတူပါပဲ။ ထားရှိဖို့ ဆုံးဖြတ်လိုက်တာက ဘာမှမပြောပလောက်ပေမယ့် လက်ငင်းမှာရော အနာဂါတ်မှာပါ ရရှိလာနိုင်တဲ့ အကျိုးသက်ရောက်မှု၊ တစ်နည်းအားဖြင့် အကျိုးကျေးဇူးတွေက ကျွန်တော်တို့မျှော်လင့်ထားတာထက် ပိုမိုရရှိနိုင်သလို ကျွန်တော်တို့ကို ကျွန်တော်တို့ကိုယ်တိုင်ကရော၊ ကျွန်တော်တို့ ချစ်ခင်မြတ်နိုးရသူတို့ကပါ တစ်သက်တာ ကျေးဇူးတင်စရာဖြစ်နေနိုင်တဲ့အထိ ကြီးကျယ်ခမ်းနားနေစေမှာပါ။

မိတ်ဆွေ ...
အသက်အာမခံဆိုတာ စီမံပြင်ဆင်မှုတစ်ခုဆိုပေမယ့် ဒါဟာ သင့်ရဲ့ အနာဂါတ်မှာ စိတ်အေးငြိမ်းချမ်းသာမှု၊ စိတ်ချလုံခြုံနေစေမှုတို့ကို ရရှိနေစေဖို့ သင့်ကိုယ့်သင် ထားရှိနိုင်တဲ့ မေတ္တာအတိုင်းအဆတစ်ခုသာဖြစ်ပါတယ်။

အသက်အာမခံကို လိုအပ်မယ်လို့ ယူဆမိရင် မိတ်ဆွေတို့ရဲ့ လိုအပ်ချက်နဲ့ ကိုက်ညီဆီလျော်တဲ့ အသက်အာမခံအမျိုးအစားအတွက် အသေးစိတ်ရှင်းလင်းဆွေးနွေးမှုနဲ့အတူ အကြံပြုချက်တွေကို ရယူနိုင်ဖို့ ကျွန်တော့်ကို ဆက်သွယ်နိုင်ပါတယ်ခင်ဗျာ။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

21/11/2025

လို့ဆိုလိုက်ရင် အငြိမ်းစားလို့ တိုက်ရိုက်ဘာသာပြန်ပြီး ဝန်ထမ်းတွေနဲ့ပဲသက်ဆိုင်သလို ဖြစ်နေတတ်ပါတယ်။ တကယ်တော့ Retirement ဆိုတဲ့ အငြိမ်းစားဘဝဆိုတာ လယ်ထွန်၊ ကိုင်းခုတ်၊ တောင်သူအလုပ်လိုမျိုးမှာလည်း ရှိနေတာပါ။ "Living too long" ဆိုတဲ့ အသက်အရွယ်ကြီးလာချိန်မှာ ကျန်းကျန်းမာမာ အသက်ရှည်ရှည် နေထိုင်နိုင်ကြမယ့်သူတိုင်းနဲ့ Retirement plan ဆိုတာ သက်ဆိုင်ပါတယ်။

ငယ်ရွယ်ချိန်ကတည်းက မိရိုးဖလာ လုပ်ကိုင်လာကြတဲ့လုပ်ငန်းတွေကနေ သားသမီးတွေဆီ လက်လွှဲဆက်ခံစေပြီးတဲ့နောက် ရေနွေးကြမ်းတစ်အိုး၊ ဆေးတစ်ရိုးနဲ့ အိမ်ဦးခန်းမှာထိုင်ပြီး စီမံလုပ်ကိုင်ကြ၊ မြေးမြစ်တွေနဲ့ပျော်ရွှင်ချမ်းမြေ့စွာ ဖြတ်သန်းကြ၊ သက်တူရွယ်တူချင်းတွေ ဆုံတွေ့ရင်း တရားဓမ္မနဲ့ ဗဟုသုတတွေ ဆွေးနွေးကြနဲ့ ကိုယ်တိုင်အလုပ်မလုပ်တော့တဲ့ဘဝမျိုးလည်း အကျုံးဝင်နေပါတယ်။ ဒီလိုအချိန်မျိုးမှာ အေးအေးလူလူ နားနားနေနေ ပြည့်ပြည့်စုံစုံနေထိုင်နိုင်ဖို့ ကြိုတင်စီမံစုဆောင်းပြင်ဆင်တာလည်း Retirement planning ပါဘဲ။ ဒီအတွက် မြန်မာတို့ သုံးတဲ့စကားက " #အိုစာမင်းစာ" ပါ။

ငယ်ရွယ်နုပျိုကျန်းမာစဥ်ကတည်းက "အိုစာမင်းစာ"အတွက် ပြင်ဆင်စီမံထားတာသာ မရှိခဲ့ရင် ကျွန်တော်တို့ဟာ နောက်မျိုးဆက်ရဲ့ "ဝန်ထုပ်ဝန်ပိုး"လို ဖြစ်နေကြမှာပါ။ ဇရာဒုဗ္ဗလအရွယ်မှာ ကျန်းမာနေရင် မထောင်းတာပေမယ့် ရောဂါဘယနဲ့ မစွမ်းမသန်အနေအထားမျိုးသာ ဖြစ်နေခဲ့မယ်ဆိုရင် ...။ တွေးကြည့်ပေါ့ မိတ်ဆွေ။

ဒီလို"အိုစာမင်းစာ"အတွက် ကြိုတင်စီမံပြင်ဆင်စုဆောင်းမယ်ဆိုရင် တစ်သက်တာအတွက် #ပြည့်စုံတဲ့အကာအကွယ်၊ #စုဆောင်းမှု နဲ့ #ငွေတန်ဖိုးတိုးပွားစေမှု တို့အပြင် #ပြောင်းလွယ်ပြင်လွယ်တဲ့အစီအစဥ်တွေ နဲ့ " #ထာဝရသုခအသက်အာမခံ"က အသင့်တော်ဆုံးပါ။ ကြိုတင်ပြင်ဆင်လိုကြသူတို့အတွက် တစ်နာရီလောက် အချိန်သုံးနိုင်မယ်ဆို ကျွန်တော်က အသေးစိတ်ဆွေးနွေးရှင်းပြပေးပြီး အသင့်လျော်ဆုံးအစီအမံအတွက် အကြံပြုပေးနိုင်ပါတယ်။

ဘဝရဲ့ နေညိုချိန်တွေမှာ အမှီအခိုကင်းကင်း၊ ဂုဏ်သိက္ခာရှိရှိနဲ့ ရပ်တည်နိုင်ဖို့ " #ထာဝရသုခအသက်အာမခံ"နဲ့ ပြင်ဆင်စီမံထားကြဖို့ တိုက်တွန်းလိုက်ရပါတယ် မိတ်ဆွေ။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

04/11/2025

''တန်ဆောင်မုန်းလပြည့် (သာမညဖလ အခါတော်နေ့) ''
=========================
မြတ်စွာဘုရားက အဇာတသတ်မင်းအားတန်ဆောင်မုန်းလပြည့်နေ့တွင် သာမညဖလသုတ္တန်တရားကို ဟောကြားတော်မူသည်ကို အကြောင်းပြု၍... တန်ဆောင်မုန်းလပြည့်နေ့၌ သာမညဖလအခါတော်နေ့ အထိမ်းအမှတ် ကျင်းပရခြင်းဖြစ်ပါသည်။

၁။ သာမညဖလဆိုသည်မှာ ရဟန်းပြုခြင်း၏အကျိုးဟု အဓိပ္ပာယ်ရပါသည်။
၂။ ရဟန်းပြုခြင်း၏အကျိုးကို ဟောကြားသောနေ့ဖြစ်၍ တန်ဆောင်မုန်းလပြည့်နေ့ကို သံဃာတော်များနေ့ဟု ခေါ်ဆိုနိုင်ပါသည်။
၃။ သာမညဖလသုတ်သည် ဒီဃနိကာယ် သီလက္ခန္ဓ ဝဂ္ဂပါဠိတော်၌ လာရှိပါသည်။
၄။ သာမညဖလသုတ်သည် ရဟန်းသံဃာတော်များအဖို့ ကြေးမုံမှန်ချပ်ကြီး သဖွယ်ဖြစ်၍ ကိုယ်ကျင့်သီလရှိသည်
မရှိသည်ကို ဤသုတ်ဖြင့် ထင်ဟပ်စေနိုင်ပါသည်။
၅။ သာမညဖလသုတ်သည် လူဒါယကာများအဖို့
ပြဒါးချိန်ကြီးသဖွယ်ဖြစ်၍ မိမိတို့ကိုးကွယ်နေသော
ဆရာသမားများ၏ ကျင့်ကြံမှုဟုတ်မဟုတ် မှန်မမှန်ကို
ဤသုတ္တန်ဖြင့် ချိန်ကိုက်ကြည့်နိုင်ပါသည်။
၆။ အဇာတသတ်မင်းသားသည် ဒေဝဒတ်ကို
ဆရာတင်မိ၍ အပေါင်းမှားပြီး ဖခင်ဖြစ်သူ ဗိမ္မိသာရ
မင်းကြီးကို သတ်မိသောကြောင့် ကံကြီးထိုက်ပြီး
အိပ်မပျော်သော ဝေဒနာစွဲကပ်ခဲ့ပါသည်။
၇။ ယင်းဝေဒနာကိုကုစားရင်း အမတ်များ၏
အကြံပြုချက်အရ တိတ္ထိဆရာကြီး ခြောက်ယောက်တို့ထံ
သွားရောက်ပြီး ရဟန်းပြုခြင်း၏အကျိုး (သာမညဖလ) ကို စုံစမ်းမေးမြန်းရာ ကျေနပ်လောက်သောအဖြေကို မရရှိခဲ့ပါ။
၈။ နောက်ဆုံး သမားတော်ကြီးဇီဝက၏ အကြံပေးချက်အရ ရာဇဂြိုဟ်မြို့အနီး ဇီဝက လှူထားသော သရက်ဥယျာဉ်တော၌ သီတင်းသုံးလျက်ရှိသော မြတ်စွာဘုရားထံသို့ သွားရောက်ပြီး လျှောက်ထားသောအခါမှ သူသိလိုသော ရဟန်းပြုခြင်းအကျိုး (သာမညဖလ)ကို သိရှိရပါတော့သည်။
၉။ အဇာတသတ်မင်းသည် သာမညဖလသုတ်တရားတော်ကို ကြားနာရသည့်အချိန်မှစ၍ ဗုဒ္ဓသာသနာတော်ကို သက်ဝင်ယုံကြည်လာပြီး ပုထုဇဉ်များထဲမှ ရတနာသုံးပါးကို အကြည်ညိုဆုံး ပုဂ္ဂိုလ်တစ်ဦး ဖြစ်လာပါသည်။
၁၀။ အဇာတသတ်မင်းသည် သာမညဖလသုတ်
တရားတော်ကို ကြားနာရ၍ သူ၏အပြစ်ကို
ကုစားခဲ့သောကြောင့် အပြစ်ကြီးလေးသော
မဟာအဝီစိငရဲတွင် မကျတော့ဘဲ အပြစ်ဒဏ်ပေါ့သော လောဟကုမ္ဘီငရဲ၌သာ ကျရောက်ပြီး နောင်သောအခါ "ဝိဇိတာဝီ"မည်သော ပစ္စေကဗုဒ္ဓါဖြစ်၍ ကျွတ်တမ်းဝင်ရပါလိမ့်မည်။
၁၁။ အဇာတသတ်မင်းတရားသည် ပထမသင်္ဂါယနာတင် ဒါယကာအဖြစ်ခံယူခဲ့ခြင်း၊ မြတ်စွာဘုရား၏
ဓာတ်တော်များကို စုဆောင်းသိမ်းဆည်း၍ ဓာတ်တော်တိုက်ကြီးတည်ထားခဲ့ခြင်း၊ ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်းဟူသော သာသနာပြုလုပ်ငန်းကြီး သုံးရပ်ကို လုပ်ဆောင်သွားခဲ့သည်မှာ
ဗုဒ္ဓဘာသာဝင်များအတွက် ကျေးဇူးကြီးလှပါပေသည်။
၁၂။ ပိဋကတ်တော်များကို မပျက်စီးရအောင်
သင်္ဂါယနာ အဆက်ဆက်တင်၍ ယနေ့တိုင်အောင်
ထိန်းသိမ်းထားနိုင်ခြင်းမှာ အဇာတသတ်မင်း၏
ကျေးဇူးဟု ဆိုထိုက်ပါသည်။
၁၃။ အဇာတသတ်မင်းစုဆောင်းထားသော
ဓာတ်တော်များကို ရှာဖွေ၍ သီရိဓမ္မာသောကမင်းကြီးက
စေတီပေါင်း ရှစ်သောင်းလေးထောင်တည်ထား၍
သာသနာ ပြုခဲ့သောကြောင့် နှောင်းခေတ်ဗုဒ္ဓဘာသာဝင်တို့ ဖူးမြော်ခွင့်ရရှိနေကြခြင်းဖြစ်ပါသည်။
၁၄။ ဗုဒ္ဓဘာသာဝင်တို့ သာသနာနှစ်ကို အတိအကျ
သုံးစွဲခွင့် ရှိနေသည်မှာ အဇာတသတ်မင်း၏ကျေးဇူး၊ သာမညဖလသုတ်၏ အကျိုးဆက်ဟု ဆိုထိုက်ပါသည်။

[ မာဂဓီ(သာစည်)၏ "အခါတော်နေ့များ"မှ ]

22/10/2025

ကမ္ဘာတစ်လွှားက ထူးထူးခြားခြား အသက်အာမခံမှုခင်းများ (၁)
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
ကမ္ဘာတစ်လွှားက ထူးထူးခြားခြားအသက်အာမခံမှုခင်းများအကြောင်းကို 𝐏𝐎𝐖𝐄𝐑 𝟐𝟒 ရဲ့ ပရိသတ်များအတွက် အပိုင်းအလိုက်တင်ပြပေးသွားမှာဖြစ်ပါတယ်။

အသက်အာမခံလိမ်လည်မှုတွေဟာ နှစ်စဉ်မှာ အမေရိကန်ဒေါ်လာ ၃၀၈.၆ ဘီလီယံလောက်အထိကြုံတွေ့နေရပြီး အာမခံကုမ္ပဏီများရော အာမခံအသုံးပြုကြသူများပါ သက်ရောက်မှုကို ခံစားနေကြရတယ်လို့ 𝑰𝒏𝒔𝒖𝒓𝒂𝒏𝒄𝒆 𝑱𝒐𝒖𝒓𝒏𝒆𝒍 က ခန့်မှန်းထားပါတယ်။ လေ့လာကြည့်တဲ့အခါ အာမခံလိမ်လည်မှုအမျိုးအစား (𝗧𝘆𝗽𝗼𝗹𝗼𝗴𝘆 𝗼𝗳 𝗟𝗶𝗳𝗲 𝗜𝗻𝘀𝘂𝗿𝗮𝗻𝗰𝗲 𝗙𝗿𝗮𝘂𝗱) သုံးမျိုး ရှိတာကို တွေ့ရပါတယ်။

ပထမအမျိုးအစားတစ်ခုကတော့ အခိုင်အမာဖန်တီးထားတဲ့တောင်းဆိုမှု (𝗖𝗿𝗲𝗮𝘁𝗶𝗻𝗴 𝗮 𝗙𝗿𝗮𝘂𝗱𝘂𝗹𝗲𝗻𝘁 𝗖𝗹𝗮𝗶𝗺) ဖြစ်ပါတယ်။ ဒီအမျိုးအစားမှာတော့ အာမခံငွေရနိုင်ဖို့ ရည်ရွယ်ပြီး အဖြစ်အပျက်တစ်ခုကို ဖန်တီးတာ ဒါမှမဟုတ် အတုလုပ်တာတွေ ပါဝင်တာတွေ့ရပါတယ်။ ဥပမာအနေနဲ့ဆိုရလျှင် အာမခံထားသူက ကိုယ်တိုင်သေဆုံးပါတယ်လို့ လုပ်ကြံဖန်တီးတာ (𝗦𝘁𝗮𝗴𝗲𝗱 𝗗𝗲𝗮𝘁𝗵𝘀)၊ အာမခံအကျိုးခံစားခွင့်အတွက် လူသတ်တာ (𝗠𝘂𝗿𝗱𝗲𝗿-𝗳𝗼𝗿-𝗣𝗿𝗼𝗳𝗶𝘁) ဒါမှမဟုတ် မတော်တဆဖြစ်ရပ်တွေ စီစဉ်တာတို့ ပါဝင်တာကို တွေ့ရပါတယ်။
ဒုတိယအမျိုးအစားတစ်ခုကတော့ မမှန်ကန်တဲ့ အချက်အလက်တွေကို လွဲမှားတင်ပြတာ (𝗠𝗶𝘀𝗿𝗲𝗽𝗿𝗲𝘀𝗲𝗻𝘁𝗶𝗻𝗴 𝗙𝗮𝗰𝘁𝘀) ဖြစ်ပါတယ်။

**အသက်အာမခံကို လျှောက်ထားစဉ်ကတည်းကပဲ အရေးကြီးတဲ့ ကိုယ်ရေးကိုယ်တာအချက်အလက်တွေ၊ ကျန်းမာရေးဆိုင်ရာအချက်အလက်တွေ၊ အသက်အရွယ်နဲ့ ဝင်ငွေ၊ ပိုင်ဆိုင်မှုစတာတွေကို လိမ်လည်ဖြည့်သွင်း လျှောက်ထားတာ ဖြစ်ပါတယ်။ သိလျက်နဲ့ပဲဖြစ်ဖြစ်၊ မသိလို့ပဲဖြစ်ဖြစ် လျှောက်လွှာပါအချက်အလက်တွေကို အမှန်အတိုင်းမဟုတ်ဘဲ လွဲမှားဖော်ပြတာဟာ လိမ်လည်မှုတစ်ခုဖြစ်တယ်ဆိုတာ သတိပြုရမှာဖြစ်ပါတယ်။

တတိယတစ်ခုကတော့ စနစ်တကျလိမ်လည်တဲ့ကိစ္စ (𝗦𝘆𝗻𝗱𝗶𝗰𝗮𝘁𝗲𝗱 𝗙𝗿𝗮𝘂𝗱)ပဲ ဖြစ်ပါတယ်။ ဒီနေရာမှာတော့ အဖွဲ့အစည်းတွေ၊ ဒါမှမဟုတ် ပညာရှင်တွေ အစရှိသူတို့နဲ့ ပေါင်းပြီး လုပ်ဆောင်တဲ့ စနစ်ကျပြီး ခက်ခဲရှုပ်ထွေးတဲ့ လိမ်လည်မှုတွေဖြစ်ပါတယ်။ နမူနာဆိုရပါလျှင် ဆေးဘက်ပညာသည်တွေနဲ့ လူနာတို ပူးပေါင်းပြီး ထိခိုက်ဒဏ်ရာအတုတွေ ဖန်တီးပြီး အကျိုးခံစားခွင့်တောင်းခံတာတွေနဲ့ မတော်တဆယာဉ်တိုက်မှုလိုမျိုး ဖန်တီးပြီး အကျိုးခံစားခွင့်တောင်းခံတာတွေ စတာမျိုးဖြစ်ပါတယ်။

ဒီနေ့မှာတော့ အသက်အာမခံဆိုင်ရာလိမ်လည်မှုများအနက်က အပိုင်း(၁)အဖြစ် နိုင်ငံဖြတ်ကျော်လိမ်လည်မှုတစ်ခုဖြစ်တဲ့အပြင် အရှုပ်ထွေးဆုံးနှင့် ထူးခြားတဲ့ဖြစ်ရပ်တစ်ခုအဖြစ် သတ်မှတ်ခံရပြီး ဘဏ်များ၊ အာမခံကုမ္ပဏီများ၊ အစိုးရအေဂျင်စီများ၊ သူငယ်ချင်းများ၊ မိသားစုဝင်များနှင့် ၎င်း၏ ရှေ့နေအဖွဲ့တို့ကိုပါ လိမ်လည်ခဲ့သော လုပ်ရပ်တစ်ခုဖြစ်တဲ့ 𝗝𝗼𝘀𝗲 𝗟𝗮𝗻𝘁𝗶𝗴𝘂𝗮 ရဲ့ အသက်အာမခံလိမ်လည်မှုကို တင်ပြပေးသွားပါ့မယ်။

𝗝𝗼𝘀𝗲 𝗟𝗮𝗻𝘁𝗶𝗴𝘂𝗮 ဆိုသူဟာ ဖလော်ရီဒါပြည်နယ်၊ ဂျက်ဆင်ဗီးလ်(𝗝𝗮𝗰𝗸𝘀𝗼𝗻𝘃𝗶𝗹𝗹𝗲)မြို့က 𝐂𝐢𝐫𝐜𝐥𝐞 𝐊 လို့အမည်ရတဲ့ ပရိဘောဂဆိုင်ရဲ့ ပိုင်ရှင်ဖြစ်သူ စီးပွားရေးသမားတစ်ယောက်ဖြစ်ပါတယ်။ 𝗟𝗮𝗻𝘁𝗶𝗴𝘂𝗮 မှာ ဒေါ်လာ ၆.၆ သန်းကျော်ရှိတဲ့ အသက်အာမခံပေါ်လစီ (၇)ခုရှိခဲ့ပါတယ်။ 𝗟𝗮𝗻𝘁𝗶𝗴𝘂𝗮 ဟာ ၂၀၁၂ ခုနှစ်အတွင်းမှာ စီးပွားရေးလုပ်ငန်းတွေကနေ ငွေကြေးအကြပ်အတည်းတွေ ကြုံရတာကြောင့် အစိုးရဘဏ်တွေကနေ ချေးငွေစုစုပေါင်း ဒေါ်လာ ၂ သန်းကို လိုအပ်တဲ့စာရွက်စာတမ်းတွေကို အတုလုပ်ပြီး ရယူထားခဲ့ပါတယ်။ သို့သော်လည်း သူ့ရဲ စီးပွားရေးလုပ်ငန်းတွေဟာ ဘဏ်ချေးငွေတွေကို ပြန်မဆပ်နိုင်တဲ့အထိ အခြေအနေဆိုးရွားလာခဲ့ပါတယ်။ ဒါကြောင့်ပဲ 𝗟𝗮𝗻𝘁𝗶𝗴𝘂𝗮 ဟာ အခက်အခဲတွေကို ဖြေရှင်းနိုင်ဖို့ လိမ်လည်မှုကြီးတစ်ခုကို စတင်လိုက်ပါတယ်။ သူ့ရဲ့ လိမ်လည်မှုကြီးဟာ စုစုပေါင်း ဒေါ်လာ ၈.၆ သန်းလောက် တန်ဖိုးရှိခဲ့ပါတယ်။

𝗟𝗮𝗻𝘁𝗶𝗴𝘂𝗮 ဟာ သူ့ရဲ့ဇနီး 𝗦𝗶𝗺𝗽𝘀𝗼𝗻 နှင့် ၂၀၁၁ ခုနှစ်တွင် တွေ့ဆုံလက်ထပ်ခဲ့ပါတယ်။ သူတို့လက်ထပ်ကြပြီးတဲ့နောက်မှာ 𝑪𝒓𝒆𝒖𝒕𝒛𝒇𝒆𝒍𝒅𝒕-𝑱𝒂𝒌𝒐𝒃 𝑫𝒊𝒔𝒆𝒂𝒔𝒆 ခေါ် အာရုံကြောစနစ်ကို ထိခိုက်ပြီး အသိဉာဏ်အလွန်လျင်မြန်စွာ ဆုတ်ယုတ်ပျက်စီးနိုင်ခြင်းနဲ့ သေဆုံးခြင်းကို ဖြစ်စေတဲ့ရောဂါကို သူခံစားနေရတယ်၊ ဒီရောဂါကြောင့်ပဲ သူဟာ နောက်တစ်နှစ်ခန့်ပဲ အသက်ရှင်နိုင်မယ်လို့ 𝗦𝗶𝗺𝗽𝘀𝗼𝗻 ကို အယုံသွင်းထားခဲ့ပါတယ်။ ဒီရောဂါကို ကုသနိုင်ဖို့ အမေရိကန်နိုင်ငံပြင်ပမှာ ကုသမှသာ ရနိုင်ကြောင်းကိုလည် ပြောပြထားခဲ့ပြီး ဗင်နီဇွဲလားကို ထွက်ခွာဖို့ကြိုးစားခဲ့ပါတယ်။

မထွက်ခွာခင်မှာလည်း သူ့ဘဝအစောပိုင်းမှာ စစ်တပ်အထူးတိုက်ခိုက်ရေးအဖွဲ့ကို ဦးဆောင်ခဲ့ရကြောင်း၊ အဲ့ဒီတုန်းက မက္ကဆီကန် ကာတယ်ခေါင်းဆောင်တစ်ဦးရဲ့ သားကို လျှို့ဝှက်သတ်ဖြတ်ခဲ့ရကြောင်း၊ အဲ့ဒီနောက်မှာ သူဟာ ကာတာခေါင်းဆောင်ရဲ့ နောက်ယောင်ခံလုပ်ကြံသတ်ဖြတ်မှုနဲ့ အယောင်ဆောင် CIA အေးဂျင့်တစ်ယောက်ရဲ့ ခြိမ်းခြောက်မှုတွေ တွေ့ကြုံနေရပြီး အဲ့ဒီအန္တရာယ်တို့ကနေ မိသားစုကို ကာကွယ်ထားနိုင်ဖို့ အယောင်ဆောင်သေဆုံးတယ်လို့ လုပ်ကြံသတင်းလွှင့်ရအောင်ဆိုပြီး သူ့ဇနီးကို စည်းရုံးထားနိုင်ခဲ့ပါတယ်။ (တွဲလျှက်ဖော်ပြထားတဲ့ ပုံကတော့ 𝗝𝗼𝘀𝗲 𝗟𝗮𝗻𝘁𝗶𝗴𝘂𝗮 နဲ့ သူ့ဇနီး 𝗦𝗶𝗺𝗽𝘀𝗼𝗻 တို့ ဖြစ်ပါတယ်)

𝗟𝗮𝗻𝘁𝗶𝗴𝘂𝗮 နဲ့ 𝗦𝗶𝗺𝗽𝘀𝗼𝗻 တို့ဟာ ၂၀၁၃ ခုနှစ်မှာ ဗင်နီဇွဲလားနိုင်ငံ၊ 𝗠𝗮𝗿𝗴𝗮𝗿𝗶𝘁𝗮 ကျွန်းသို့ သွားရောက်ကာ သေဆုံးမှုလက်မှတ် (𝗗𝗲𝗮𝘁𝗵 𝗖𝗲𝗿𝘁𝗶𝗳𝗶𝗰𝗮𝘁𝗲)နဲ့ မီးသင်္ဂြိုဟ်ပြီးကြောင်းလက်မှတ်အတုတွေကို ငွေပေးပြီး ဝယ်ယူနိုင်ခဲ့ပါတယ်။ အဲ့ဒီနောက်မှာတော့ သူ့ဇနီး 𝗦𝗶𝗺𝗽𝘀𝗼𝗻 ဟာ ဗင်နီဇွဲလားရှိ အမေရိကန်သံရုံးရဲ့ ပြည်ပသေဆုံးမှုလက်မှတ် (𝗖𝗲𝗿𝘁𝗶𝗳𝗶𝗰𝗮𝘁𝗲 𝗼𝗳 𝗗𝗲𝗮𝘁𝗵 𝗔𝗯𝗿𝗼𝗮𝗱
)ကို လိမ်လည်ထားတဲ့ စာရွက်စာတမ်းအထောက်အထားတွေနဲ့ ရယူခဲ့ပြီး အမေရိကန်သို့ ပြန်လာခဲ့ပါတယ်။

အမေရိကန်နိုင်ငံကို ပြန်လည်ရောက်ရှိပြီးနောက်မှာ 𝗦𝗶𝗺𝗽𝘀𝗼𝗻 ဟာ 𝗟𝗮𝗻𝘁𝗶𝗴𝘂𝗮 ရဲ့ ကွယ်လွန်ကြောင်း အတုအယောင် စာရွက်စာတမ်းတွေနဲ့ အသက်အာမခံကုမ္ပဏီ(၇)ခုထံကနေ အကျိုးခံစားခွင့်တွေကို တောင်းခံခဲ့ပါတယ်။ အသက်အာမခံပေါ်လစီများရဲ့ အာမခံထားငွေ စုစုပေါင်းတန်ဖိုး ဒေါ်လာ ၆.၆ သန်းကျော်ရှိပေမယ့် အသက်အာမခံကုမ္ပဏီ (၃)ခုကပဲ အကျိုးခံစားခွင့်တွေကို ပေးချေခဲ့လို့ 𝗦𝗶𝗺𝗽𝘀𝗼𝗻 ဟာ ၈၇၁,၀၆၇.၁၁ ဒေါ်လာကိုသာ ရရှိခဲ့ပါတယ်။

၂၀၁၄ ခုနှစ်မှာ 𝗟𝗮𝗻𝘁𝗶𝗴𝘂𝗮 ဟာ ဒေါ်လာ ၅၀၀၀ သုံးပြီး ငါးဖမ်းလှေတစ်စီးနဲ့ ဖလော်ရီဒါကို တိတ်တဆိတ်ပြန်ဝင်လာခဲ့ပါတယ်။ အဲ့ဒီနောက်မှာ သူ့ဇနီး 𝗦𝗶𝗺𝗽𝘀𝗼𝗻 နဲ့အတူ မြောက်ကယ်ရိုလိုင်းနားရှိ သူတို့ရဲ့ ဒုတိယနေအိမ်ကိုသွားနေခဲ့ပြီး အမည်လိမ်ဖြစ်တဲ့ '𝗘𝗿𝗻𝗲𝘀𝘁 𝗔𝗹𝗹𝗲𝗻 𝗪𝗶𝗹𝗹𝘀' နဲ့ အတုအယောင် မှတ်ပုံတင်တွေကို အသုံးပြုနေထိုင်ခဲ့ပါတယ်။ နောက်ပိုင်းမှာ အမည်လိမ်နဲ့ ပတ်စပို့တ် လျှောက်ထားဖို့ ကြိုးစားရာကနေ 𝗟𝗮𝗻𝘁𝗶𝗴𝘂𝗮 ကို အာဏာပိုင်တွေက သတိထားမိခဲ့ပါတယ်။ အဲ့နောက်မှာ အာဏာပိုင်တွေဟာ 𝗟𝗮𝗻𝘁𝗶𝗴𝘂𝗮 ရဲ့ မှတ်ပုံတင်မူရင်းနဲ့ တိုက်ဆိုင်စစ်ဆေးမိပြီး ၂၀၁၅ ခုနှစ်၊ မတ်လမှာ 𝗟𝗮𝗻𝘁𝗶𝗴𝘂𝗮 ကို မြောက်ကယ်ရိုလိုင်းနားမှာ ဖမ်းဆီးနိုင်ခဲ့ပါတယ်။

အဲ့ဒီနောက်မှာတော့ 𝗟𝗮𝗻𝘁𝗶𝗴𝘂𝗮 ဟာ ဘဏ်လိမ်လည်မှု၊ အသက်အာမခံလိမ်လည်မှုအပါအဝင် အမှုလေးခုအတွက် အပြစ်ရှိပါတယ်လို့ တရားရုံးမှာ ဝန်ခံထွက်ဆိုခဲ့ပါတယ်။ သူ့ကို ၂၀၁၇ ခုနှစ်မှာ ထောင်ဒဏ် (၁၀)နှစ် ကျခံဖို့ ပြစ်ဒဏ် ချမှတ်တာ ခံခဲ့ရပါတယ်။ သူ့ဇနီး 𝗦𝗶𝗺𝗽𝘀𝗼𝗻 ကိုလည်း ပူးပေါင်းကြံစည်မှုအတွက် ထောင်ဒဏ်ကျခံစေမည့်အစား တရားရုံးက ချမှတ်ထားတဲ့ စည်းကမ်းချက်တွေ၊ ကန့်သတ်ချက်တွေအောက်မှာ လူမှုအသိုင်းအဝိုင်းထဲမှာ ပြန်လည်နေထိုင်ခွင့် ပြုတဲ့ပြစ်ဒဏ် (𝗣𝗿𝗼𝗯𝗮𝘁𝗶𝗼𝗻)ကို (၅)နှစ်ကျခံစေခဲ့ပါတယ်။ ဒါ့အပြင် လိမ်လည်မှုများအတွက် ဒေါ်လာ ၂.၉ သန်းကို ပြန်လည် ပေးဆပ်ရန်လည်း ပြစ်ဒဏ်ချမှတ်ခံရပါတယ်။

၂၀၁၄ ခုနှစ်၊ ဇန်နဝါရီလမှာတော့ သမ္မတ 𝐉𝐨𝐞 𝐁𝐢𝐝𝐞𝐧 ရဲ့ လွတ်ငြိမ်ချမ်းသာခွင့် အမိန်ကြောင့် 𝗟𝗮𝗻𝘁𝗶𝗴𝘂𝗮 ဟာ ထောင်ဒဏ်ကနေ လွတ်မြောက်ခဲ့ပြီး စောင့်ကြည့်လွှတ်ပေးရေးကာလ (၅)နှစ်နဲ့ လူမှုအသိုင်းအဝန်းတွင် ပြန်လည်နေထိုင်ခွင့်ရနေခဲ့ပြီဖြစ်ပါတယ်။

ဆက်ပြီးဖော်ပြပေးသွားမယ့် ထူးထူးခြားခြား အသက်အာမခံမှုခင်းများအကြောင်းတွေနဲ့ အာမခံဆိုင်ရာစာတွေကို လေ့လာသိရှိနိုင်ဖို့ ကျွန်တော့်ရဲ့ POWER24 ဆိုတဲ့ Page ကို Like & Favourite လုပ်ထားပေးကြပါအုံးခင်ဗျ။

Photo credit: Google

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

12/10/2025

Breadwinners
≈≈≈≈≈≈≈≈≈≈≈
ဒီလူတွေ ...
သူတို့ မညည်းငြူကြဘူး
ဘယ်လောက်ပင်ပန်းပါစေ
သူတို့က ခံနိုင်ရည်ရှိရှိ ရုန်းကန်နေကြတယ် ...

မိသားစုအတွက် ...
စရိတ်စကတွေ၊ ဖိအားတွေနဲ့ အိပ်မက်တွေကို
တိတ်တဆိတ်လေး ထမ်းပိုးထားကြတယ်
သူတို့ရဲ့ဝင်ငွေကို အိမ်ငှားခ၊ ကျောင်းစရိတ်၊ မီးဖိုချောင်စရိတ်နဲ့ အကြွေးတွေက အဆင်သင့်စောင့်နေကြတာလေ ...

သူတို့ဟာ ...
စွမ်းအင်တွေ၊ စိတ်အေးချမ်းမှု၊ ပျော်ရွှင်မှုနဲ့ အကာအကွယ်တွေ မလုံလောက်ကြဘူး
ဒါပေမယ့် ...
သူတို့ မိသားစုဘဝအတွက်
သူတို့သာ လဲကျသွားခဲ့ရင် ဘယ်သူမှမရှိတော့ဘူးဆိုတဲ့ အသိနဲ့ ကြိုးပမ်းနေကြတယ်

အကယ်၍ ...
ခင်ဗျားက အဲ့ဒီသူတစ်ယောက်ကို သိတယ်ဆိုရင်
ကျွန်တော့်ကိုယ်စား ပြောပေးပါ
ကြိုးစားနိုင်တုန်းမှာ သူတို့မရှိတော့မယ့် သူတို့မိသားစုရဲ့ ဘဝကို ကြိုတွေးပြီး ပြင်ဆင်ပါ
*အသက်အာမခံထားလိုက်တာဟာ "ချစ်ပါတယ်"ဆိုတဲ့ စကားရပ်ကို လုပ်ရပ်နဲ့ ဖော်ပြလိုက်တာပါ* လို့

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

12/10/2025

လိုအပ်လာချိန်မှာ အသင့်ရှိနေစေဖို့ #စုဆောင်းပါ။
ဝင်ငွေများများတိုးပွားဖို့ #ရင်းနှီးမြှုပ်နှံပါ။
အနာဂါတ်မှာ ဝင်ငွေတွေကို ကာကွယ်ထားနိုင်ဖို့ #အာမခံ ထားပါ။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

08/10/2025

🚫 သတိပေးပါရစေ 🚫
≈≈≈≈≈≈≈≈≈≈≈≈≈≈≈≈

အာမခံကိုယ်စားလှယ်တချို့က မိဘတွေက အာမခံကြေးပေးသွင်းစေပြီး အသက်အရွယ်ငယ်ကြသေးတဲ့ သားသမီးတွေကို အသက်အာမခံ (ပညာရေး/တစ်သက်တာ) ထားစေဖို့ တိုက်တွန်းတတ်ကြပါတယ်။
ဒါက ဖြစ်သင့်ပါသလား?

သာမာန်အားဖြင့် မိဘတွေမှာ အသက်အာမခံရှိထားပြီးလို့ သားသမီးတို့ကို အသက်အာမခံထားပေးဖို့ တိုက်တွန်းတာက ဖြစ်သင့်ပါတယ်။ ဒါပေမယ့် မိဘတွေမှာတောင်မှ အသက်အာမခံ မရှိထားကြဘဲ အရွယ်မရောက်သေးတဲ့ သားသမီးတွေကို အသက်အာမခံထားစေဖို့ တိုက်တွန်းတာဆိုရင်တော့ အလွဲကြီးလွဲတယ်လို့ ဆိုချင်ပါတယ်။

ဘာကြောင့် ဒီလိုပြောရသလဲဆိုရင် တစ်ချက်က အသက်အာမခံရဲ့ အဓိကရည်ရွယ်ချက်ဟာ မိသားစုရဲ့ ဝင်ငွေစီးကြောင်းတစ်ခု ရုတ်တရက်ရပ်တန့်သွားခဲ့မယ်ဆိုရင် အစားထိုးပေးဖို့ဖြစ်လို့ပါ။ နောက်တစ်ချက်ကတော့ ငွေရေးကြေးရေးဆုံးရှူံးနိုင်ခြေဟာ ဝင်ငွေရှာဖွေပေးနေသူတွေမှာသာ မှီတည်တာဖြစ်လို့ ဝင်ငွေရှာနေသူမှာ အသက်အာမခံမရှိဘဲ မှီခိုသူမှာ အသက်အာမခံထားရှိပေးတာဟာ နည်းလမ်းကျတဲ့ ရှုမြင်တွေးခေါ်ပုံလည်း မဟုတ်နေလို့ ဖြစ်ပါတယ်။

အပေါ်ယံကြည့်ရင် သားသမီးတွေကို အသက်အာမခံထားပေးစေခြင်းဟာ ရင်သွေးတွေရဲ့ "အနာဂါတ်ကို လုံခြုံစေ"တယ်လို့ ထင်ရပေမယ့် တကယ်တမ်းမှာတော့ "အသက်အာမခံရဲ့ မှန်ကန်တဲ့ရည်ရွယ်ချက်ကို လွဲမှားစေတာ"ဖြစ်ပါတယ်။ ဝင်ငွေရှာဖွေပေးနေတဲ့ မိဘတွေမှာ အသက်အာမခံမရှိထားဘဲ မှီခိုသူ သားသမီးတွေကိုပဲ အသက်အာမခံထားရှိစေမိလို့ ဝင်ငွေစီးကြောင်းကသာ ရုတ်ခြည်းရပ်တန့်သွားခဲ့မယ်ဆိုရင် ...

၁။ သားသမီးတွေအတွက် အာမခံကြေးပေးဖို့ အခက်ကြီးခက်ရနိုင်ပါတယ်။
၂။ သူတို့ရဲ့အနာဂါတ်ကို လုံခြုံစေတယ်လို့ ယူဆထားခဲ့ပေမယ့် တကယ်တမ်းမှာ အသက်အာမခံပေါ်လစီတွေ ပျက်ပြယ်ခြင်းနဲ့ ရင်ဆိုင်ရဖို့က ရာခိုင်နှုန်းပိုများစေပါတယ်။
၃။ သားသမီးတွေရဲ့ နေ့စဥ် စားနေဝတ် စရိတ်စကတွေနဲ့ ပညာရေးစရိတ်စကတွေ မပြည့်မစုံနဲ့ သူတို့အတွက် အနာဂါတ်ရည်မှန်းချက်တွေ ပျက်စီးစေနိုင်ပါတယ်။
၄။ ဆုံးရှုံးသွားတဲ့ ဝင်ငွေကို ကလေးတွေရဲ့ အသက်အာမခံပေါ်လစီတွေက ထောက်ကန်မပေးနိုင်လို့ မိသားစု အခြေမပျက်ရပ်တည်ဖို့ အခက်အခဲတွေ ကြုံလာရနိုင်ပါတယ်။

ဒါကြောင့် အာမခံကိုယ်စားလှယ်တွေက ဘယ်လိုပဲ တိုက်တွန်းပါစေ၊ မိဘတွေကိုယ်တိုင်မှာ အသက်အာမခံမရှိထားဘဲ သားသမီးတွေကို အသက်အာမခံထားစေခြင်းကို မလုပ်သင့်ကြောင်း အသိပေးပါရစေ။

သို့သော်လည်း မိဘတွေက အသက်အာမခံထားရှိဖို့ အသက်အရွယ်၊ ကျန်းမာရေးစတဲ့အခြေအနေတို့ကြောင့် အခွင့်အလမ်းမရှိတဲ့အပြင် အသက်အာမခံထားပေးလိုတဲ့ သားသမီးတွေက ကိုယ်တိုင် ဝင်ငွေအတိုင်းအတာတစ်ခုကို ရှာဖွေနိုင်တဲ့အသက်အရွယ်ရောက်နေပြီဆိုရင်တော့ ဆောင်ရွက်သင့်ပါတယ်လို့လည်း အကြံပြုရပါတယ်။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

05/10/2025

🏍 ဆိုင်ကယ်စီးတဲ့အခါ ဦးထုပ်ဆောင်းထားတာဟာမတော်တဆမှုဖြစ်မှာ သေချာနေလို့မဟုတ်ပါဘူး။
🚗 ကားစီးတဲ့အခါ ထိုင်ခုံခါးပတ် ပတ်ထားတာဟာ ယာဥ်တိုက်မှုဖြစ်မှာ သေချာနေလို့မဟုတ်ပါဘူး။
🛡 ဒါဟာ ကိုယ့်ကိုယ်ကို ကြိုတင်ကာကွယ်ထားတာပါ။ ကိုယ်တိုင်ဘေးကင်းတဲ့အခါ ကိုယ့်မိသားစုအတွက် လုံခြုံမှုရှိနေစေတယ် မဟုတ်လား။

အလားတူပါပဲ။
အသက်အာမခံထားတာဟာ သေဆုံးမှုနဲ့ ကိုယ်ခန္ဓာထိခိုက်ပျက်စီးမှုဖြစ်မှာ သေချာနေလို့ မဟုတ်ပါဘူး။ ဒါဟာလည်း ကြိုတင်ပြင်ဆင်ကာကွယ်မှုတစ်ခုပါပဲ။

တွေးကြည့်စေချင်ပါတယ်။
ဦးထုပ်၊ ခါးပတ်နဲ့ အသက်အာမခံတို့ရဲ့ တူညီချက်က #ကိုယ်တိုင်နဲ့_ကိုယ့်မိသားစုကို_ကာကွယ်ပေးတာပဲ ဖြစ်ပါတယ်။

အနာဂါတ်နေ့ရက်တွေမှာ ကိုယ်တိုင်နဲ့ ကိုယ်ချစ်မြတ်နိုးရသူတို့ ဘေးကင်းလုံခြုံနေစေဖို့ဆိုတာ #ရွေးချယ်မှုတစ်ခု သာမက လက်တွေ့ကျတဲ့ #ချစ်ခြင်းမေတ္တာပြယုဂ်တစ်ခု လည်းဖြစ်ပါတယ်။

ခင်မင်မှုဖြင့် ...

𝐓𝐡𝐚𝐧𝐭 𝐙𝐚𝐰 𝐎𝐨 [𝐏𝐎𝐖𝐄𝐑 𝟐𝟒]
𝐈𝐀(𝐍)𝐋𝐈-𝟎𝟑𝟐𝟏𝟏, 𝐈𝐀(𝐍)𝐆𝐈-𝟎𝟑𝟖𝟎𝟐
𝐈𝐧𝐬𝐮𝐫𝐚𝐧𝐜𝐞 𝐀𝐝𝐯𝐢𝐬𝐨𝐫
𝐂𝐡𝐮𝐛𝐛 𝐋𝐢𝐟𝐞 𝐈𝐧𝐬𝐮𝐫𝐚𝐧𝐜𝐞 𝐌𝐲𝐚𝐧𝐦𝐚𝐫
𝐀 𝐈𝐧𝐬𝐮𝐫𝐚𝐧𝐜𝐞
𝐀𝐘𝐀 𝐒𝐨𝐦𝐩𝐨 𝐈𝐧𝐬𝐮𝐫𝐚𝐧𝐜𝐞
𝟎𝟗𝟒𝟒𝟎𝟒𝟓𝟔𝟐𝟖𝟖

**လွတ်လပ်စွာမျှဝေနိုင်ပါတယ်။ ကူးယူဖော်ပြတာကို သည်းခံပါ။**

𝗣𝗢𝗪𝗘𝗥 𝟮𝟰

14/12/2025

12/12/2025

07/12/2025

21/11/2025

04/11/2025

22/10/2025

12/10/2025

12/10/2025

08/10/2025

05/10/2025

Address

Opening Hours

Telephone

Website

Alerts

Contact The Business

Shortcuts

Share

Category

Monday	07:00 - 21:30
Tuesday	07:00 - 21:30
Wednesday	07:00 - 21:30
Thursday	07:00 - 21:30
Friday	07:00 - 21:30
Saturday	07:00 - 21:30
Sunday	07:00 - 21:30