30/11/2022
ချေးငွေ Page အတုတွေလိမ်တာ မခံရအောင် ဒီအချက်လေးတွေကို သတိပြုကြမယ်နော် 📌
----------------------------------------------
၁။ ကြိုသွင်းငွေလွှဲခိုင်းခြင်း
ချေးငွေလုပ်ငန်းအစစ် ✅ - Shinwa Microfinance အပါအဝင် အစိုးရထံမှတရားဝင်လိုင်စင်ဖြင့် လုပ်ငန်းလုပ်ကိုင်နေသော အသေးစားချေးငွေလုပ်ငန်းများသည် ကြိုသွင်းငွေတောင်းခံခြင်း၊ ကြိုသွင်းငွေလွှဲခိုင်းခြင်းတို့ကို လုပ်ခိုင်းခြင်းလုံးဝမရှိပါ။
ချေးငွေလုပ်ငန်းအတု ❌- အွန်လိုင်းပေါ်မှ လိမ်လည်သူများသည် ကြိုသွင်းငွေကိုမဖြစ်မနေ (စရံငွေ၊ ဝန်ဆောင်ခ၊ အာမခံခ၊ အသင်းဝင်ကြေး)စသည့်အကြောင်းအမျိုးမျိူးဖြင့် ကြိုသွင်းငွေများကိုလိမ်လည်တောင်းခံလျက်ရှိပါတယ်။
၂။ ငွေလွှဲခိုင်းရာတွင် လူနာမည်နှင့် အကောင့်ကိုလွှဲခိုင်းခြင်း
ချေးငွေလုပ်ငန်းအစစ် ✅ - Shinwa Microfinance အပါအဝင် မည်သည့်လုပ်ငန်းမဆို ငွေလွှဲမည်ဆိုလျှင် ကုမ္ပဏီနာမည်နှင့် အကောင့်ကိုသာငွေလွှဲခိုင်းမည်ဖြစ်ပါတယ်။ ရှင်ဝအပါဝင် Microfinance တိုင်းမှာ ကုမ္ပဏီနာမည်နှင့် ငွေစာရင်းအကောင့်များ (wave money, kpay, bank account) ရှိပါတယ်။
ချေးငွေလုပ်ငန်းအတု ❌- အွန်လိုင်းပေါ်မှ လိမ်လည်သူများသည် လူပုဂ္ဂိုလ်တစ်ဦးဦး၏နာမည်နှင့်အကောင့် (wave money, kpay, bank account) တို့ကိုသာလွှဲခိုင်းပါတယ်။ အဲဒီလိုလွှဲမိလျှင် သင်လွှဲလိုက်သည့်ငွေသည် ထိုလူပိုင်ဆိုင်သည့် ငွေစာရင်းထဲသို့ရောက်သွားမည်ဖြစ်၍ သင့်ငွေများ ဆုံးဖို့ရာခိုင်နှုန်းများနေပါတယ်။
။၃ လူကိုယ်တိုင် ရုံးခွဲလာမည်ဆိုလျှင် လက်မခံခြင်း
ချေးငွေလုပ်ငန်းအစစ် ✅ - Shinwa Microfinance အပါအဝင် တရားဝင်လုပ်ကိုင်လျက်ရှိသော ချေးငွေလုပ်ငန်းများသည် မြန်မာနိုင်ငံအနှံ့တွင် ရုံးခွဲများ ဖွင့်လှစ်ထား၍ ချေးငွေဝန်ဆောင်မှုများပေးနေသောကြောင့် ချေးငွေချထားပေးတော့မည်ဆိုလျှင် သက်ဆိုင်ရာရုံးခွဲများတွင်သာ ချေးငွေကိုထုတ်ပေးလေ့ရှိပါတယ်။
Shinwa Microfinance သည်လည်း ရုံးခွဲပေါင်း ၁၂ ရုံးနှင့် ချေးငွေဝန်ဆောင်မှုများပေးနေပြီး ချေးငွေများကို ရုံးခွဲတွင်သာထုတ်ပေးတာဖြစ်ပါတယ်။
ချေးငွေလုပ်ငန်းအတု ❌-ချေးငွေလုပ်ငန်းအတုများသည် အွန်လိုင်းပေါ်ကဖြင့်သာ ချေးငွေထုတ်ပေးမယ်ဟုပြောပြီး ရုံးခွဲသို့ လာမည်ဆိုလျှင် အကြောင်းအမျိုးမျိုးပြ၍ အွန်လိုင်းပေါ်ကသာ ကြိုသွင်းငွေကို အတင်းလွှဲခိုင်းလေ့ရှိပါတယ်။
။၄ အလွယ်တကူချေးငွေထုတ်ပေးမည်ဟု လိမ်ညာခြင်း
ချေးငွေလုပ်ငန်းအစစ် ✅ - တရားဝင်လိုင်စင်ဖြင့် ချေးငွေလုပ်ငန်းလုပ်ကိုင်နေသော Microfinance များသည် အစိုးရမှတရားဝင်ညွှန်ကြားထားသည့်အတိုင်း ချေးငွေလျှောက်ထားသူ၏စာရွက်စာတမ်းအစုံအလင်ကိုသေချာစိစစ်ရုံသာမက ချေးငွေလျှောက်ထားသူ၏လုပ်ငန်းအနေအထားကိုပါ
ဝန်ထမ်းများကိုယ်တိုင်လာရောက်စစ်ဆေးပြီးမှ ချေးငွေထုတ်ပေးခြင်းဖြစ်ပါတယ်။
ချေးငွေလုပ်ငန်းအတု ❌- ချေးငွေလုပ်ငန်းအတုများသာလျှင် အပေါ်ယံစာရွက်စာတမ်းများကိုသာတောင်း၍ ချေးငွေများအလွယ်တကူထုတ်ပေးမယ်လို့ ပြောဆိုလေ့ရှိပါတယ်။
📌 ဒီအချက်တွေကို သတိပြုပြီး အွန်လိုင်းပေါ်မှလိမ်ညာခံရခြင်းမှ ရှောင်ရှားနိုင်မယ်လို့ မျှော်လင့်ပါတယ်။
