15/11/2022
🙏ဘုရားရှိခိုးခြင်းသည်
ပါရမီ (၁၀)ပါး ပြည့်စုံပုံ
ပထမဦးစွာ
ပန်း ၊ ရေချမ်း ၊ ဆီမီး ၊
နံသာတို့ကို ရိုသေစွာပူဇော်လိုက်ခြင်းကြောင့်
" #ဒါနပါရမီ " ဖြစ်သွားပါတယ်။
ငါးပါးသီလခံယူ
ဆောက်တည်လိုက်ခြင်းကြောင့်
" #သီလပါရမီ " ဖြစ်သွားပါတယ် ။
ဘုရားရှိခိုးခိုက်ဝယ်
တဏှာရာဂ ၊ လောဘ ၊ ဒေါသ ၊ မောဟ ၊ မာန
စသည်တို့မှ ခဏကင်းလွတ်နေသောကြောင့်
" #နေက္ခမ္မပါရမီ " ဖြစ်သွားပါတယ် ။
ဘုရားရှိခိုးခိုက်
မမှားအောင်သတိထား ရွတ်ဆိုနေခြင်း ၊
ပါဠိတော်ကို ရွတ်ဆိုနေခြင်း ၊ ဆင်ခြင်နေခြင်း ၊
ရွတ်ဆိုနိုင်သော အသိဥာဏ်တို့သည်
" #ပညာပါရမီ " ဖြစ်သွားပါတယ် ။
နေ့စဉ် ဝတ်မပျက်ရလေအောင်
ဘုရားဟော ပါဠိတော်များကို
ကြိုးစား၍ရွတ်ဆိုနေခြင်း
ပူဇော်နေခြင်းတို့သည်
" #ဝီရိယပါရမီ " ဖြစ်သွားပါတယ် ။
ဘုရားရှိခိုးခိုက်ဝယ်
ညောင်းညာနေခြင်း ၊ ပင်ပန်းနေခြင်း ၊
မှက်,ခြင်,ကိုက်ခြင်း စသည်တို့ကို
သည်းခံ၍နေခြင်းသည်
" #ခန္တီပါရမီ " ဖြစ်သွားပါတယ် ။
ဘုရားရှိခိုးပြီးတိုင်းဝယ်
ဥပမာ - တပည့်တော်/မသည်
မေတ္တသုတ်ကို ရွတ်ဖတ်ပူဇော်ပါ၏
ဤစကားသည် မှန်သောသစ္စာစကား
ဖြစ်ပါပေ၏ ..ဟု သစ္စာပြုခြင်းသည်
" #သစ္စာပါရမီ " ဖြစ်သွားပါတယ်။
ဘုရားမရှိခိုးခင်ဝယ်
ကြိုတင်ပြီး အာမခံထားမယ်ဆိုရင်
ဥပမာ - တပည့်တော် /မ သည် မေတ္တသုတ်ကို
၉ - ခေါက်ရွတ်ဖတ်၍ မြတ်စွာဘုရားအား
ပူဇော်ပါမည်ဘုရားဟု ကြိုတင်ပြီး
အဓိဋ္ဌာန်ထားမယ်ဆိုရင်
" #အဓိဋ္ဌာန်ပါရမီ " ဖြစ်သွားပါတယ် ။
ဘုရားရှိခိုးပြီးတော့
သတ္တဝါတွေ ကျန်းမာပါစေ ၊ ချမ်းသာပါစေ ၊
ဘေးရန်ကင်းပါစေ ၊ လိုရာဆန္ဒများပြည့်စုံပါစေ ၊
ဟူ၍ မေတ္တာပို့မယ် ၊ မေတ္တာပွားမယ်ဆိုရင်
" #မေတ္တာပါရမီ " ဖြစ်သွားပါတယ် ။
ဘုရားရှိခိုး ၊ မေတ္တာပွားများပြီး အဆုံး၌
သြော် ... သတ္တဝါတွေ ကျန်းမာပါစေ ၊
ချမ်းသာပါစေ ၊ ဘေးဒုက္ခကင်းဝေးပါစေလို့
မည်သို့ပင် မေတ္တာပို့သပို့သ သူ့ကံနဲ့သူ လာတာပဲ ၊
ကံသာလျှင်အမိ ၊ ကံသာလျှင်အဖ ဖြစ်ပေတယ် ၊
ငါ..မေတ္တာပို့နေပေမဲ့လည်း
ဘေးဒုက္ခကင်းချင်မှ ကင်းမယ်ဆိုပြီး
သတ္တဝါများအပေါ် ချစ်ခြင်း၊ မုန်းခြင်း၊ သနားခြင်း၊
ဝမ်းသာခြင်းတို့ကို ဘေးဖယ်လိုက်မယ် ၊
ဥပေက္ခာပွားလိုက်မယ်ဆိုရင်
" #ဥပေက္ခာပါရမီ" ဖြစ်သွားပါတယ်။
ပါရမီမြောက်တဲ့အထိ
ဘုရားရှိခိုး ပူဇော်ပါက
လွန်းစွာအကျိုးကြီးမြတ်လှပါတယ်။
ဘုရားရှိခိုးတာ ...
" ဥာဏသမ္ပယုတ်ကုသိုလ် " ဖြစ်သွားတော့
နိဗ္ဗာန်ထိအောင် အကျိုးပေးပါတယ် ။
ဘုရားရှိခိုးတိုင်း ...
ပါရမီမြောက်တဲ့အထိ ရောက်အောင်
ဘုရားကို ပူဇော်နိုင်ပါစေလို့ ဆန္ဒပြုပါသည်...။
မြတ်စွာဘုရား၏ တရားတော်ဖြင့်
ကမ္ဘာမြေကြီး ဘေးရန်ကင်းကြပါစေ ။
Credit:
