01/02/2023
⚛စီးပွားရေးလုပ်တဲ့အခါမှာ တစ်ချို့က sole trader ၊ partnership တစ်ချို့ကလည်း company အနေနဲ့ အလုပ်လုပ်ကြပါတယ်။
⚛Company အနေနဲ့ အလုပ်လုပ်ရင် Seperate legal entity ဆိုတဲ့ အခွင့်အရေးတစ်ရပ်ရှိပါတယ်။ အဲဒါကတော့ ပိုရှင်(shareholder)နဲ့ company သည် သီးခြားစီဖြစ်တည်မူပါ။
⚛company မှာရှိတဲ့ ပိုင်ဆိုင်မူ (asset) တွေဟာ
ပိုင်ရှင်(shareholder) မှမပိုင်ပါဘူး။ company ကပဲ ပိုင်ပါတယ်။ ထို့အတူ ပေးရန်တာဝန် (liability) တွေဟာလည်း ပိုင်ရှင် (shareholder) နဲ့မဆိုင်ဘူး။ company နဲ့ သာလျှင် ဆိုင်ပါတယ်။
⚛Company တွေတည်ထောင်ပြီးအလုပ်လုပ်တဲ့အခါ company limited ဆိုပြီး လုပ်ကြပါတယ်။ အဲဒီ limited ဆိုတာ ပေးရန်တာဝန် (liability) ကို ကန့်သတ်ပေးထားတာပါ။ limit လုပ်တဲ့နေရာမှာ share အနေနဲ့ ရှိသလို gurantee အနေနဲ့ လည်းရှိပါတယ်။
⚛Limited by share
လူတစ်ယောက်က company ABC မှာ Share 10 စောင်ဝယ်ထားတယ်။ တစ်စောင်ကို ကျပ် 5000 ဖြစ်မယ်ဆိုရင် စုစုပေါင်း ကျပ် 50000ပေးသွင်ရပါမယ်။ အဲဒီ ကျပ် 50000 အကုန်လုံးပေးသွင်းပြီးရင် company မှာဘယ်လောက်ပဲအကြွေးတွေရှိနေပါစေ အဲဒီshareholder မှာနောက်ထပ်ပေးရန် တာဝန်မရှိတော့ပါ။ တစ်ကယ်လိုကျပ်40000 ပဲ ပေးသွင်းထားတယ်ဆိုရင် ကျပ်10000တော့ ထပ်မံပေးသွင်းရပါမယ်။ ဒါကြောင့် limited by share ဆိုတာ shareholder ရဲ့ liability ကို ကန့်သတ်ပေးထားတာပါ။ sole trader အနေနဲ့ အလုပ်လုပ်ရင်တော့ လုပ်ငန်းမှာရှိသမျှ အကြွေးအားလုံး ကို ပိုင်ရှင်မှ ပေးဆပ်ရပါမယ်။ sole trader မှာ seprate legal entity အခွင့်အရေးမရှိပါဘူး။ ပိုင်ရှင်နဲ့ လုပ်ငန်းကို အတူတူပဲလို့ ယူဆပါတယ်။
⚛Limited by gurantee
လုပ်ငန်းမှာပေးရန်တာဝန်ပေါ် ပေါက်လာတဲ့အခါ လုပ်ငန်းမှ မပေးနိုင်ရင် လူတစ်ယောက်(member)ကနေ ပေးလျောပါမယ်လို့ အာမခံချက်ပေးထားတာမျိုးပါ။
WBM Auditing & Accounting Services
