19/07/2023
ဆန်အိုးထဲမှ ဆန်ပိုးတွေ မတက်အောင်
ဘယ်လို ကာကွယ်ကြမလဲ ?
ဆန်ဆိုတာ သဘာဝအရ ကြာရှည်သိုလှောင်ထားရင် ဆန်ပိုးတက်လေ့ရှိပါတယ်။
ဆန်ပိုးတက်တဲ့ရာသီရယ်လို့လည်း သီးသန့်မရှိပါဘူး။
ဒါပေမယ့် ဆန်အသစ်ပေါ်တဲ့အချိန်မျိုးတွေမှာဆန်ပိုးတက်တာပိုများနိုင်ပါတယ်။
နိုဝင်ဘာ၊ဒီဇင်ဘာ၊ဇန်နဝါရီလတွေမှာဆန်ပိုးတက်တာအများဆုံးဖြစ်နိုင်ပါတယ်
ဆန်ပိုးတက်ပြီဆိုရင် ပထမအဆင့်အနေနဲ့ ။
ဆန်ပိုးအမတွေကဆန်စေ့တွေကိုဖောက်ပြီးဥဥပါတယ်။
ဆန်ပိုးတစ်ကောင်ရဲ့သက်တမ်းကပျမ်းမျှ၂၇ရက်မို့
ဆန်ပိုးအမတစ်ကောင်ဟာသူ့သက်တမ်းအတွင်း
များသောအားဖြင့်ဥပေါင်း၃၀၀ကျော်ဥပါတယ်။
ဥကနေ တစ်ဆင့်ဆန်ပိုးတွေပေါက်ဖွားလာပါတယ်။
ဒုတိယအဆင့်မှာဆန်ပိုးအကောင်တွေပိုကြီးလာပြီး
ပေါက်ပွားနှုန်းလည်းပိုမြန်လာပါတယ်။
ဒီအဆင့်အထိဆန်ပိုးတွေကိုဖယ်ရှားပြီးဆန်အကောင်းကို
ပြန်ရွေးလို့ရနိုင်ပါသေးတယ်။
တတိယအဆင့်ရောက်သွားရင်တော့ဆန်တွေကလက်နဲ့
ဖြစ်လိုက်ရင်ကိုကြေမွသွားတာမျိုး၊ဘယ်လိုမှကို
ချက်လို့မရတော့တာမျိုး ဖြစ်သွားပြီးလွှင့်ပစ်လိုက်ရတော့တာပါပဲ။
အဲဒီတော့ဆန်ပိုးမတက်အောင်ဆန်ကိုဆန်အိတ်ထဲမှာ
ပဲသိုလှောင်ထားမယ်ဆိုရင်ဆန်ပိုးမတက်ခင်အိတ်သားအရင်တက်လေ့ရှိပါတယ်။
အိတ်သားတက်တယ်ဆိုတာဆန်ကမဖွေးတော့ဘဲ
ညိုညစ်ညစ်ဖြစ်လာတာမျိုးပေါ့။
ဒါကြောင့်ဆန်ကိုအိတ်အစားဆန်အိုး၊ ဆန်ပုံးတို့နဲ့သိုလှောင်သင့်ပါတယ်။
ကြက်သွန်နီ၊ငြုပ်သီးခြောက်၊မီးသွေးတို့ကိုဆန်အိုးထဲရောထည့်ထားရင်လည်း
ဆန်ပိုးတက်ခြင်းကိုသက်သာစေနိုင်ပါတယ်။
ဆန်ပိုးတက်လာပြီဆိုရင်တော့
ဆန်ကိုနေပူပူထဲမှာ၁၅ မိနစ်လောက်ပြထားလိုက်ပါ။
ပြီးရင်စကောဝိုင်းထဲထည့်ပြီး ဆန်ပြာလိုက်ရင်အလယ်မှာ
ဆန်ပိုးတွေစုလာပါလိမ့်မယ်။
ဆန်ထည့်ထားတဲ့ အိတ်၊အိုး၊ပုံးတို့ကို ဖွင့်ပြီးတော့
ဆန်ပေါ်မှာအဝတ်စလေးအုပ်ပေးထားလိုက်ပါ။
ခဏကြာရင်အဝတ်စပေါ်ကိုဆန်ပိုးတွေတက်လာပါလိ့မ်မယ်။
အဝတ်ကိုရေမစိုအောင်တော့သတိပြုဖို့လိုပါတယ်။
ဆန်ကိုရေခဲသေတ္တာထဲသုံးရက်ထည့်ထားလိုက်မယ်ဆိုရင်လည်း
ဆန်ပိုးတွေကိုနှိမ်နင်းပြီးသားဖြစ်ပါလိမ့်မယ်။
အိမ်ရှင်မတို့ အဆင်ပြေမယ်လို့ မျှော်လင့်ပါတယ်။
အခုလို နည်းလမ်းကောင်းလေးတွေကို မိမိတို့ရဲ့
သူငယ်ချင်း မျှဝေပေးပါဦးနော်...
