What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/282162552579164/

Victory Insurance Agency, Mandale (2026)

17/04/2026

"နှစ်ဟောင်းကုန်လို့ နှစ်သစ်ကူး...
အပူတွေဝေးလို့ အေးမြပါစေ
မေတ္တာနှောင်ကြိုးတွေ ခိုင်မြဲလို့
လောကရဲ့ အရိပ်ကောင်းတစ်ခုအဖြစ်
အေးချမ်းစွာ ရှင်သန်နိုင်ပါစေ..." 🕊🌼

Victory Insurance Agency

14/04/2026

မြန်မာ့ရိုးရာ နှစ်ကူးအတာသင်္ကြန် အချိန်အခါသမယတွင် မြန်မာပြည်သူ/သားအပေါင်း အေးချမ်းသာယာရှိကြပါစေကြောင်း Victory Insurance Agency မှ ဆုမွန်ကောင်းတောင်းအပ်ပါသည် 😍

17/10/2024

ဝါလကင်းလွတ် သီတင်းကျွတ် အခါသမယမှာ
မြန်မာနိုင်ငံသားအားလုံး စိတ်၏ကျန်းမာခြင်း ကိုယ်၏ချမ်းသာခြင်းများနှင့် ပြည့်စုံကုံလုံပြီး
ဥစ္စာစီးပွား ဒီရေအလား တိုးပွားကြပါစေကြောင်း
ဆုမွန်ကောင်းတောင်းအပ်ပါသည်

Victory Insurance Agency

25/01/2021

နိုင်ငံသားပုဂ္ဂလိကလုပ်ငန်းရှင်များအားပြည်တွင်း အသက်အာမခံကုမ္ပဏီတစ်ခုနှင့် အထွေထွေအာမခံကုမ္ပဏီတစ်ခု လုပ်ငန်းလုပ်ကိုင်ခွင့်လိုင်စင် ထပ်မံခွင့်ပြုမည်

06/01/2021

"ထိုင်းနိုင်ငံသို့ သွားရောက်မည့် မြန်မာနိုင်ငံသားများအတွက် Travel and Health Insurance (Thailand) တစ်ဆင့်အာမခံလုပ်ငန်းကို မြန်မာ့အာမခံလုပ်ငန်းက မိတ်ဆက်ခြင်း"

14/12/2020

အာမခံကိုယ်စားလှယ်သင်တန်းကျောင်း တည်ထောင်ခြင်းဆိုင်ရာ ညွန်ကြားချက်

07/12/2020

၂၀၂၁ ဆို.ဆေးရပြီး အရင်လို ပြန်ဖြစ်ပြီ ဆိုသူများသို့
~~~~~~~~~~~~~~~~~~~~~~~~~~~~~~~~
ပထမဆုံး အသုတ်က ၅လပိုင်းလောက်မှရောက်မယ်။
၂၀၂၁ အကုန်ကျမှ လူဦးရေ ရဲ့ ၄၀% ထိုးပြီးမယ်လို့ယူဆတယ်တဲ့၊
၂၀% Covax facility( တစ်ကမ္ဘာလုံးကို ကာကွယ်ဆေးရအောင် အကူအညီပေးမယ့် အစီအစဉ်) တွေကထိုးပေးပြီး၊ ကျန် ၂၀% က အစိုးရက ကိုယ့်ဘာသာဝယ်ထိုးရလိမ့်မယ်။

၂၀၂၃ ကျမှ တစ်နိုင်ငံလုံး ထိုးပြီးလိမ့်မယ်လို့ယူဆတယ်တဲ့၊

(ဒါတောင် မျှော်မှန်းထားတဲ့ target ပဲရှိသေးတာ၊ တကယ်လုပ်ရင်ဘယ်လိုဖြစ်မလဲ မသိနိုင်သေး)
လက်ပန်းတွေ ကျကုန်.ပြီမို့.....
credit Nyein Chan Ko Ko
Photo: Credit fb

12/10/2020

☢☢☢ ငါးမန်းရှိသည် ဆိုတဲ့ ဆိုင်းဘုတ်ရှိသော်လည်း လူတွေဟာ ကမ်းစပ်မှာ ပျော်နေကြတယ်။ ငါးမန်းက ကုန်းပေါ် တက် မကိုက်ဘူး။ ရေတိမ်မှာလည်း ငါးမန်း မကိုက်ဘူးလို့ ယုံကြည်တဲ့အတွက် ရေဆင်းကူးနေကြတယ်။ ။

☢☢☢ ရေထဲဆင်းရင် ငါးမန်းကိုက်နိုင်တဲ့ ကမ်းခြေမှာ ရောက်နေတဲ့ အနေအထားကို Hazard လို့ ခေါ်ပြီး၊ ငါးမန်းရှိတဲ့ ရေထဲ ဆင်းမိတာကို Risk လို့ ခေါ်တယ်။ ကုန်းပေါ်နေသူနဲ့ ရေထဲ ဆင်းမိသူ ၂ ယောက်ကြား ကွာခြားချက်ကတော့ ငါးမန်းကိုက်ခံရနိုင်တဲ့ Probability ပဲ ကွာခြားတာ ဖြစ်ပါတယ်။ ဒီတော့ Hazard နဲ့ Risk ဟာ Probability အနည်း အများပဲ ကွာခြားတာပါ။

☢☢☢ နိုင်ငံခြားတိုင်းပြည်တွေမှာ Covid-19 စဖြစ်နေတဲ့ ကမ္ဘာကြီးပေါ်မှာ နေသူတစ်ယောက်ဟာ Hazard ရှိနေတာဖြစ်တယ်။ သို့သော် အခုလို ဟိုနား ဒီနားက Positive ထထ ဖြစ်နေတဲ့ မြန်မာပြည်မှာ နေသူ တစ်ယောက်အတွက် Covid-19 Risk ရှိနေတာ ဖြစ်ပါတယ်။

☢☢☢ အခုမြန်မာပြည်မှာ လူတွေ Mask မတပ်တာ လက်မဆေးတာ လူချင်း ဝေးအောင် မကြိုးစားတာတွေဟာ Risky condition ဖြစ်နေတာကို သူတို့ နားမလည် လက်မခံသေးလို့ ဖြစ်ပါတယ်။

ဒေါက်တာမောင်မောင်ဦး(AP, MGH)

07/10/2020

Contractor’s All Risks Insurance / Er****on All Risks Insurance

( )( )

ယခင်က မြန်မာ့အာမခံလုပ်ငန်းမှ လက်ခံဆောင်ရွက်လျက်ရှိပြီး ယခု ပုဂ္ဂလိက အာမခံများကို ၂၀၂၀ အောက်တိုဘာ (၁) ရက်နေ့တွင် လုပ်ကိုင်ခွင့်ပြုမည်ဖြစ်သော ဆောက်လုပ်ရေးလုပ်ငန်း အာမခံအမျိုးအစား...

ဒီဘက်ခေတ်မှာ ဒီဗလော့ပါ (Developer) ဆိုတဲ့ စကား ရေပန်းစားလာပါတယ်။ သူ့မတိုင်မီကတော့ ကန်ထရိုက်တာ (Contractor) ဆိုတာ ခေတ်စားခဲ့တယ်။ ရိုးရိုးတန်းတန်း ကန်ထရိုက် (Contract) စာချုပ်-ချုပ်ပြီး တိုက်ဆောက် အိမ်ဆောက် လုပ်ပေးသူကို ‘ကန်ထရိုက်တာ’ လို့ လူသိများပြီး၊ ဒေသတစ်ခု ဖွံ့ဖြိုးတိုးတက်လာအောင် အိမ်ရာစီမံကိန်းချပြီး အကောင်အထည်ဖော်ပေးသူကို ‘ဒီဗလော့ပါ’ လို့ လက်ခံထားကြပါတယ်။

ကန်ထရိုက်တာ ဆိုတာက ကန်ထရိုက် (Contract) ပဋိညာဉ် ဆိုတာက လာပါတယ်။ တစ်စုံတစ်ရာကို စာချုပ်-ချုပ်ပြီး အဖိုးအခနဲ့ လုပ်ပေးဖို့ တာဝန်ယူထားသူဟာ ဥပဒေသဘောအရကတော့ ကန်ထရိုက်တာပါပဲ။ ကားပြင်ဖို့ စာချုပ်-ချုပ်ပြီး အဖိုးအခနဲ့ တာဝန်ယူသူဟာ ကန်ထရိုက်တာပါပဲ။ ဒါက ဥပဒေသဘောအရ ပြောတာပါ။ ဒါပေမယ့် အိမ်တို့ တိုက်တို့ကို အဖိုးအခ ဒါမှမဟုတ် အပေးအယူ တစ်ခုခုနဲ့ (အခန်းပေး အခန်းယူ) စာချုပ်-ချုပ်ပြီး ဆောက်ပေးဖို့ တာဝန်ယူထားသူကိုသာ ကန်ထရိုက်တာလို့ အများက လက်ခံထားကြပါတယ်။ ဒီဗလော့ပါဟာလည်း အဖိုးအခနဲ့ တိုက်၊ တိုက်ခန်းတွေကို ဆောက်လုပ် ရောင်းချကြတဲ့အတွက် သူဟာလည်း ကန်ထရိုက်တာပါပဲ။ ကန်ထရိုက်တာက ထပ်ပြီး စာချုပ်-ချုပ် အဖိုးအခနဲ့ ခိုင်းသူကိုတော့ ဆပ်ကန်ထရိုက်တာ (Sub-contractor) လို့ ခေါ်ကြပါတယ်။

ဒီဗလော့ပါပဲဖြစ်ဖြစ်၊ ကန်ထရိုက်တာပဲဖြစ်ဖြစ်၊ ဆပ်ကန်ထရိုက်တာပဲဖြစ်ဖြစ် အိမ်ဆောက် တိုက်ဆောက်တဲ့အခါမှာ အင်မတန် တာဝန်ကြီးပါတယ်။ မျက်စိကန်း တစ္ဆေမကြောက်ကြလို့သာ အကာအကွယ် မယူဘဲ လုပ်နေကြတာပါ။ သိတဲ့အတိုင်းပဲ ဆောက်လုပ်စ အဆောက်အအုံ မီးလောင်နိုင်တယ်။ ပြိုကျနိုင်တယ်။ ကိုယ် ခိုင်းထားတဲ့ အလုပ်သမားတွေ ထိခိုက်ဒဏ်ရာရ သေဆုံးနိုင်တယ်။ ပစ္စည်းတွေ အခိုးခံရနိုင်တယ်။ တိုက်ဆောက်လို့ မြေကြီး တူးတဲ့အခါမှာ ဘေးအိမ်က လူဖြစ်စေ၊ လုပ်ငန်းခွင် လာလေ့လာတဲ့သူဖြစ်စေ ထိခိုက်ဒဏ်ရာရ သေဆုံးနိုင်တယ်။ ဒါတွေ ဒါတွေဖြစ်ခဲ့ရင် ကန်ထရိုက်တာကြီးဟာ ပြန်ပြင်တာတို့၊ ပြန်ဆောက်တာတို့၊ လျော်ကြေးပေးတာတို့၊ ပြန်ဝယ်ရတာတို့ ဖြစ်လာပြီး ငွေရေးကြေးရေး ထိခိုက်တော့မယ်။ လုပ်ငန်း ဆက်လုပ်ဖို့ကိုတာင် အနှောင့်အယှက် ဖြစ်နိုင်တယ်။

ဒီကန်ထရိုက်တာကြီးတွေ ဆောက်လုပ်ရေးလုပ်ငန်း လုပ်ရာမှာ မတော်တဆ ဖြစ်မှုတွေကြောင့် ကြုံရမယ့် ငွေကြေး ဆုံးရှုံးမှုတွေအတွက် အာမခံ အကာအကွယ် ဝယ်ထားလို့ ရပါတယ်။ ဒါဆိုရင် မတော်တဆ တစ်ခုခု ဖြစ်ဦးတော့၊ ကန်ထရိုက်တာကြီးတွေအနေနဲ့ ပူစရာ မလိုတော့ဘူး။ လုပ်ငန်းကို ထိခိုက်တဲ့အထိလည်း မဖြစ်နိုင်တော့ဘူးပေါ့။

ဆောက်လုပ်ရေးလုပ်ငန်းတွေမှာ ကြုံတွေ့ရမယ့် အန္တရာယ်တွေကို အကာအကွယ်ပေးတဲ့ အာမခံ အမျိုးအစားဟာ အဓိကအားဖြင့် နှစ်မျိုးပဲ ရှိပါတယ်။ ဒါတွေကတော့-

၁။ #ကန်ထရိုက်တာအလုံးစုံအန္တရာယ်အာမခံ
(Contractor’s All Risks Insurance) ( ) နဲ့
၂။ #တည်ဆောက်မှုအလုံးစုံအန္တရာယ်အာမခံ
(Er****on All Risks Insurance) ( )
တို့ပဲ ဖြစ်ပါတယ်။

ဒီအာမခံအမျိုးအစား နှစ်ခုက ပေးတဲ့ အာမခံ အကာအကွယ်တွေက အတူတူပဲဆိုတော့ တစ်ခုကို ရှင်းပြလိုက်ရင် လုံလောက်ပါတယ်။ ဒီနှစ်ခုရဲ့ အဓိက ခြားနားချက်ကတော့ ကန်ထရိုက်တာ အလုံးစုံအန္တရာယ် အာမခံ (CAR) က မြို့ပြ ဆောက်လုပ်ရေး လုပ်ငန်းတွေအတွက် ဖြစ်ပြီးတော့၊ တည်ဆောက်မှု အလုံးစုံအန္တရာယ် အာမခံ (EAR) ကတော့ စက်တည်ဆောက်မှု၊ သံမဏိနဲ့ တည်ဆောက်မှု လုပ်ငန်းတွေအတွက် ဖြစ်တာပါပဲ။

#ကန်ထရိုက်တာအလုံးစုံအန္တရာယ်အာမခံ

ကန်ထရိုက်တာ အလုံးစုံအန္တရာယ် အာမခံက အောက်ပါတို့ကို အကာအကွယ် ပေးပါတယ်-
၁။ ဆောက်လုပ်ရေးလုပ်ငန်း၊
၂။ ဆောက်လုပ်ရေးတွင် အသုံးပြုသော ပစ္စည်းများ၊
၃။ ဆောက်လုပ်ရေးတွင် အသုံးပြုသော ယန္တရားများ၊
၄။ အနီးပတ်ဝန်းကျင်ရှိ ပစ္စည်းများ၊
၅။ အပျက်အစီး ရှင်းလင်းမှု စရိတ်၊
၆။ သူတစ်ပါး ထိခိုက်မှုအတွက် တာဝန်ရှိမှု။

#ဆောက်လုပ်ရေးနဲ့ ပတ်သက်တဲ့ အကာအကွယ်

ဆောက်လုပ်ရေးနဲ့ ပတ်သက်တဲ့ အကာအကွယ်ဆိုတာက အကြမ်းဖျင်း ပြောရရင် တည်ဆောက်နေတဲ့ အဆောက်အအုံ မီးလောင်တာမျိုး၊ ပြိုကျပျက်စီးတာတွေအတွက် အာမခံကုမ္ပဏီက လျော်ကြေးပေးတဲ့ အကာအကွယ် ဖြစ်ပါတယ်။ ဒီခေါင်းစဉ်အောက်မှာ ကန်ထရိုက်တာ ဒါမှမဟုတ် ဆပ်ကန်ထရိုက်တာ တစ်ဦးက ဆောက်လုပ်ရေး ပဋိညာဉ်စာချုပ် တစ်ခုအရ လုပ်ရမယ့်လုပ်ငန်း အားလုံး အကျုံးဝင်ပါတယ်။ ဥပမာ- ဆောက်လုပ်ရေးလုပ်ငန်းအတွက် မြေရှင်းတာ၊ မြေတူးတာ၊ မြေဖို့တာ၊ အဆောက်အအုံ ဆောက်လုပ်တဲ့နေရာမှာ ရှိနေတဲ့ အဆောက်အအုံ ဆောက်ရာမှာ သုံးမယ့် ဆောက်လုပ်ရေး ပစ္စည်းတွေက စပြီး အကျုံးဝင်ပါတယ်။
ခြွင်းချက်ကတော့ ချို့ယွင်းချက် ရှိတဲ့ ဒါမှမဟုတ် မလုံလောက်တဲ့ ဆောက်လုပ်ရေး ပစ္စည်းတွေ သုံးလို့ ပျက်စီးတာတော့ လျော်ကြေးမရနိုင်ပါဘူး။ ဥပမာ- ဘိလပ်မြေအတု သုံးတာမျိုး၊ ဘိလပ်မြေ စပ်တာ အချိုး မမှန်တာမျိုး။

ဆောက်လုပ်ရေးမှာ အသုံးပြုတဲ့ ပစ္စည်းများ

ဒီခေါင်းစဉ် အောက်မှာတော့ အလုပ်သမားတွေရဲ့ နေရာထိုင်ခင်းက စပြီး ပစ္စည်းထားသိုမယ့် စတိုခန်းတွေ၊ ဂိုဒေါင်တွေ၊ ဘိလပ်မြေ ဖျော်တဲ့စက်၊ ငြမ်းတွေက စပြီး အသုံးပြုမယ့် လျှပ်စစ်၊ ရေ အထိ ပါဝင်ပါတယ်။

(ဆောက်လုပ်ရေးမှာ အသုံးပြုတဲ့ ယန္တရားများ)

မြေတူးစက်၊ မြေကော်စက်၊ မြေညှိစက်၊ ကရိန်းကြီးတွေနဲ့ အလားတူ ယန္တရားတွေ ပါဝင်ပါတယ်။ အများပြည်သူ လမ်းမများပေါ်မှာ မသုံးဘဲ ဆိုက် (Site) ထဲမှာသာ သုံးမယ့် ထရပ်ကားကြီးတွေလည်း အကျုံးဝင်ပါတယ်။
ဒီယန္တရားတွေကို ကန်ထရိုက်တာ ပိုင်မှ မဟုတ်ပါဘူး။ ငှားသုံးလည်းပဲ အာမခံ အကာအကွယ်မှာ အကျုံးဝင်ပါတယ်။ ဒါပေမယ့် ဒီပစ္စည်းတွေရဲ့ အတွင်းမှာ ရှိတဲ့ စက်၊ လျှပ်စစ် စတာတွေ ချို့ယွင်းလို့ ပျက်စီး ဆုံးရှုံးတာမျိုးတော့ အကျုံးမဝင်ပါ။

#အနီးပတ်ဝန်းကျင်ရှိ ပစ္စည်းများ

အနီးပတ်ဝန်းကျင်ရှိ ပစ္စည်းများ ဆိုပေမယ့် အဆောက်အအုံသာ မကဘဲ ဆိုက်ထဲမှာ ရှိတဲ့ ပစ္စည်းတွေနဲ့ အဆောက်အအုံတွေလည်း အကျုံးဝင်ပါတယ်။ ဒါပေမယ့် ဒီပစ္စည်းတွေဟာ အာမခံ ထားသူ ပိုင်တာ၊ ထိန်းသိမ်းထားတာ မဖြစ်စေရပါဘူး။ (အာမခံ ထားတဲ့သူ ပိုင်တဲ့၊ ထိန်းသိမ်းထားတဲ့ အဆိုပါ ပစ္စည်းမျိုးအတွက် ဆိုရင်တော့ သီးခြား ထပ်ပြီး အာမခံ အကာအကွယ် စီစဉ်ရပါတယ်။)

ဒီ့အပြင် အာမခံကုမ္ပဏီက ပိုင်ဆိုင် ထိန်းသိမ်းထားတဲ့ ပစ္စည်းမျိုးလည်း မဖြစ်ရပါဘူး။ တစ်နည်း ပြောရရင် အာမခံထားသူ သော်လည်းကောင်း၊ အာမခံကုမ္ပဏီ သော်လည်းကောင်း မဟုတ်တဲ့ အပြင်လူ ပိုင်တာ၊ ထိန်းသိမ်းထားတာ ဖြစ်ရပါတယ်။ ဥပဒေ စကားနဲ့တော့ အပြင်လူကို သူတစ်ပါး (Third party) လို့ ခေါ်ပါတယ်။

(အပျက်အစီးများ ရှင်းလင်းမှု စရိတ်)

ဒါကတော့ လျော်ကြေး ရမယ့် ဆုံးရှုံးပျက်စီးမှု ပေါ်ပေါက်ခဲ့ပြီး ဆိုက်ထဲမှာ ပြန့်ကျဲနေတဲ့ အကျိုးအပဲ့ အပျက်အစီး အပိုင်းအစတွေကို ဆိုက်အပြင်ဘက်ကို ရှင်းလင်း သယ်ယူထုတ်တဲ့ စရိတ်စကတွေကို ဆိုလိုတာပါ။
ဥပမာ- မြေငလျင်လှုပ်လို့ ဆောက်လက်စ အဆောက်အအုံ ပြိုကျထားတယ် ဆိုရင် အကျိုးအပဲ့တွေ ဆိုက်ထဲက သယ်ထုတ်တဲ့ စရိတ်တွေကို အာမခံကုမ္ပဏီက ပေးမှာ ဖြစ်ပါတယ်။ တော်တော် ကောင်းတဲ့ အာမခံ အမျိုးအစားပါပဲ။

(သူတစ်ပါး ထိခိုက်မှုအတွက် တာဝန်ရှိမှု)

စောစောက ရှင်းခဲ့ပြီးပါပြီ။ အာမခံကုမ္ပဏီလည်း မဟုတ်၊ အာမခံ ထားသူလည်း မဟုတ်တဲ့ အပြင်လူကို သူတစ်ပါးလို့ ခေါ်တယ် ဆိုတာ။ သူတစ်ပါး ထိခိုက်မှုအတွက် တာဝန်ရှိမှု ဆိုတာက အာမခံ ထားသူ ဆောင်ရွက်နေတဲ့ ဆောက်လုပ်ရေးလုပ်ငန်းကြောင့် သူတစ်ပါး ဒါမှမဟုတ် အပြင်လူတစ်ယောက် ခန္ဓာကိုယ် ထိခိုက်ဒဏ်ရာရ သေဆုံးခဲ့တဲ့အတွက် အာမခံ ထားသူမှာ ဥပဒေအရ လျော်ကြေးပေးရမယ့် တာဝန်ရှိမှုကို ဆိုတာပါ။ ဒီတာဝန်ရှိမှုကို အာမခံကုမ္ပဏီက ပခုံးလွှဲပြောင်း တာဝန်ယူမှာ ဖြစ်ပါတယ်။ ဒါပေမယ့် ဖြစ်ရပ်ကတော့ ဆိုက်ထဲမှာ ဒါမှမဟုတ် ဆိုက် အနီးဝန်းကျင်မှာ ဖြစ်ပွားတာ ဖြစ်ရပါမယ်။
ဥပမာ- စစ်ဆေးရေး လာတဲ့ စစ်ဆေးရေးမှူး ဆိုက်ထဲမှာ တိုက်ပြိုလို့ သေသွားရင် ကန်ထရိုက်တာက လျော်ရတော့မယ်။ အဲဒီ လျော်ကြေးကို အာမခံကုမ္ပဏီက ပေးမှာပါ။

ဒီအကာအကွယ်ဟာ အာမခံ ထားသူ ကန်ထရိုက်တာရဲ့ အလုပ်သမားတွေ ဆိုက်ထဲမှာ အလုပ်ကြောင့် သေဆုံးလို့ ကန်ထရိုက်တာက လျော်ကြေး ပေးရတာနဲ့တော့ မဆိုင်ပါဘူး။ အဲဒီအတွက်ကတော့ ‘အလုပ်သမား လျော်ကြေး အာမခံ’ ကို သီးခြား ဝယ်ထားရပါမယ်။

(ဘယ်သူတွေက ‘ကန်ထရိုက်တာ အလုံးစုံအန္တရာယ် အာမခံ’ ထားနိုင်သလဲ)

ကန်ထရိုက်တာ အလုံးစုံ အန္တရာယ် အာမခံ ဖြစ်တဲ့အတွက် ကန်ထရိုက်တာတွေ အားလုံး ဒီအာမခံ ထားနိုင်ပါတယ်။ ဆပ်ကန်ထရိုက်တာတွေလည်း ထားနိုင်ပါတယ်။ ကန်ထရိုက်တာတွေကို အလုပ်အပ်တဲ့ ပုဂ္ဂိုလ် (Principal) တွေလည်း ဒီအာမခံ အမျိုးအစားကို ထားနိုင်ပါတယ်။

Principal ဆိုတာ ဥပမာ- မြေပိုင်ရှင်တစ်ယောက်က သူ့မြေပေါ်မှာ ကန်ထရိုက်တာ တစ်ယောက်ကို တိုက်ဆောက်ခိုင်းမယ် ဆိုရင် အဲဒီမြေပိုင်ရှင်ဟာ Principal ပါပဲ။ အခန်းပေး အခန်းယူ စနစ်နဲ့ ကန်ထရိုက်တာကို မြေပေးပြီး ဆောက်ခိုင်းရင်လည်း အဲဒီ မြေပိုင်ရှင်ဟာ Principal ပါပဲ။

(ဘယ်အရာတွေအတွက် အာမခံ ထားနိုင်သလဲ)

အဆောက်အအုံ အားလုံးနဲ့ မြို့ပြဆိုင်ရာ ဆောက်လုပ်ရေး လုပ်ငန်းတွေကို အာမခံ ထားနိုင်ပါတယ်။ လူနေထိုင်တဲ့ အဆောက်အအုံ၊ ရုံးခန်း အဆောက်အအုံ၊ ဆေးရုံ၊ ကျောင်း၊ ဇာတ်ရုံ၊ စက်ရုံ၊ လေဆိပ်၊ တံတား၊ ရေကာတာ၊ ဆည်၊ ဥမင်လိုဏ်ခေါင်း စသဖြင့် ဆောက်လုပ်ရေးလုပ်ငန်း အားလုံးအတွက် အာမခံ ထားနိုင်ပါတယ်။

ဘယ်လိုအကြောင်းတရားတွေကြောင့် ပျက်စီးဆုံးရှုံးမှ လျော်မှာလဲ

ကန်ထရိုက်တာ အလုံးစုံ အန္တရာယ် အာမခံ ဆိုတာမှာ ‘အလုံးစုံ အန္တရာယ်’ ဆိုတဲ့ စာသားကိုက ပေါ်လွင်နေပါတယ်။ အလုံးစုံ အန္တရာယ် ဆိုတာကို အာမခံ စကားနဲ့တော့ (All risks) ဆိုပြီး ခေါ်ကြပါတယ်။ ဘာအန္တရာယ်ကြောင့်ဖြစ်ဖြစ် လျော်မယ် ဆိုတဲ့ သဘောပေါ့။ ဒါပေမယ့် ခြွင်းချက်တွေတော့ ရှိပါတယ်။ အဲဒီ ခြွင်းချက်တွေကြောင့် ပျက်စီး ဆုံးရှုံးရင်တော့ လျော်မှာ မဟုတ်ပါဘူး။ ဒီခြွင်းချက်တွေကတော့-
(၁) စစ်ကြောင့် ဖြစ်တဲ့ကိစ္စ၊
(၂) သပိတ်မှောက်မှု အမျိုးမျိုးကြောင့် ဖြစ်တဲ့ကိစ္စ၊
(၃) နိုင်ငံရေး ပယောဂကြောင့် ဖြစ်တဲ့ကိစ္စ၊
(၄) အစိုးရ အာဏာပိုင်တွေကြောင့် ဖြစ်တဲ့ကိစ္စ၊
(၅) နျူကလီးယား ဓာတ်ပေါင်းဖို ရေဒီယို သတ္တိကြွမှု စတဲ့ နျူကလီးယားနဲ့ ပတ်သက်တာတွေကြောင့် ဖြစ်တဲ့ကိစ္စ၊
(၆) အာမခံထားသူ ဒါမှမဟုတ် သူ့ရဲ့ ကိုယ်စားလှယ်တွေက တမင်သက်သက် လုပ်တဲ့ကိစ္စ၊ တမင်သက်သက် ပေါလျော့တဲ့ကိစ္စ၊
(၇) လုပ်ငန်းဆောင်ရွက်မှု လုံးဝ ဒါမှမဟုတ် တစ်စိတ်တစ်ပိုင်း ရပ်ဆိုင်းသွားမှုကြောင့် ပေါ်ပေါက်တဲ့ကိစ္စ၊
(၈) မှားယွင်းတဲ့ ပုံစံ၊ ဒီဇိုင်းကြောင့် ပေါ်ပေါက်တဲ့ကိစ္စ။
ဒီခြွင်းချက် ရှစ်ချက်က လွဲလို့ ကျန်တဲ့ အန္တရာယ်တွေကြောင့် ဆုံးရှုံးပျက်စီးမှု ဖြစ်ရင် လျော်ကြေး ပေးပါမယ်။

မိတ်ဆွေများ အလွယ်တကူ သိမြင်အောင် ဥပမာ ပေးရရင်တော့-
(၁) မီး၊
(၂) မိုးကြိုးပစ်ခြင်း၊
(၃) ပေါက်ကွဲမှု ဖြစ်ခြင်း၊
(၄) လေယာဉ် ပျက်ကျလာခြင်း၊
(၅) မီးငြှိမ်းသတ်ရာမှာ သုံးတဲ့ရေ ဒါမှမဟုတ် အခြား အရာတွေ၊
(၆) ရေကြီးခြင်း၊ ရေလွှမ်းမိုးခြင်း၊
(၇) မိုး၊
(၈) ဆီးနှင်း၊
(၉) ရေခဲတောင် ပြိုခြင်း၊
(၁၀) ဆူနာမီ ပင်လယ်လှိုင်းကြီးများ၊
(၁၁) မုန်တိုင်း အမျိုးမျိုး၊
(၁၂) မြေငလျင် လှုပ်ခြင်း၊
(၁၃) မြေပြိုခြင်း၊ ကျောက်တောင် ပြိုခြင်း၊
(၁၄) ခိုးယူခံရခြင်း၊ ဖောက်ထွင်းခံရခြင်း၊
(၁၅) အလုပ်သမားများ၏ လက်ရာ ညံ့ဖျင်းခြင်း၊ ကျွမ်းကျင်မှု လိုအပ်ခြင်း၊ ပေါ့ဆခြင်း၊ မလိုမုန်းထား စိတ်ဖြင့် လုပ်ဆောင်ခြင်း၊
(၁၆) လူသားများ၏ မှားလေ့မှားထရှိသော အမှားများ
စတာတွေကြောင့် ပေါ်ပေါက်တဲ့ ဆုံးရှုံးပျက်စီးမှုတွေ အတွက်ဆိုရင် လျော်ကြေး ပေးပါမယ်။

ဒီ့အပြင် ဆောက်လုပ်ရေး ပစ္စည်းတွေ၊ ဆည်ဆောက်ရေး ယန္တရား ကိရီယာတွေ ဆိုက်ထဲ ပို့တဲ့ အချိန်မှာ၊ ခေတ္တခဏ ထားသိုထားတဲ့ အခါမှာ၊ ဒါမှမဟုတ် ဖြုတ်တပ်လုပ်တဲ့ အခါတွေမှာ ပျက်စီး ပျောက်ဆုံးတာတွေ အတွက်လည်း လျော်ကြေး ရပါမယ်။

လျော်ကြေး ပေးတဲ့အထဲမှာ နောက်ဆက်တွဲ အကျိုးသက်ရောက်မှုကြောင့် ပျက်စီးခြင်း (Consequential damage) အတွက် မပေးပါဘူး။ ဘယ်လိုဟာမျိုးလဲ ဆိုရင် ဥပမာအားဖြင့် ဆောက်လက်စ အဆောက်အအုံ မီးလောင်သွားမယ်၊ မီးလောင်သွားတဲ့အတွက် အဆောက်အအုံ အချိန်မီ မပြီးဘူး၊ သည်လို အချိန်မီ မပြီးလို့ မအပ်နိုင်လို့ နှောင့်နှေးကြန့်ကြာကြေး ပေးရမယ် ဆိုပါတော့။
အဆောက်အအုံ မီးလောင်မှုဟာ မီးကြောင့် ဖြစ်ပွားလို့ လျော်ကြေးရမှာ ဖြစ်ပါတယ်။ မီးလောင်လို့ အဆောက်အအုံ အချိန်မီ မလွှဲအပ်နိုင်တာဟာ မီးလောင်မှုရဲ့ နောက်ဆက်တွဲ အကျိုးသက်ရောက်မှု ဖြစ်ပါတယ်။ အဲဒါကြောင့် ပေးရမယ့် နှောင့်နှေးကြေးကိုတော့ အာမခံကုမ္ပဏီက ဝင်လျော်ပေးမှာ မဟုတ်ပါဘူး။

(အာမခံ အကာအကွယ်ရဲ့ အချိန်အတိုင်းအတာ)

အာမခံ အကာအကွယ်ဟာ ဘယ်အချိန်မှာ စပြီး ဘယ်အချိန်မှာ ပြီးဆုံးသလဲ။ အာမခံ အကာအကွယ်ဟာ ဆောက်လုပ်ရေး လုပ်ငန်းစတဲ့ အချိန်က စပါတယ်။ ဒါမှမဟုတ် အာမခံ ပေါ်လစီမှာ ဇယားနဲ့ ဖော်ပြထားတဲ့ ပစ္စည်းတွေ ဆိုက်ထဲ ချတဲ့ အချိန်က စပါတယ်။ အာမခံ အကာအကွယ်ဟာ အဆောက်အအုံ တစ်ခုလုံး ဖြစ်စေ၊ အစိတ်အပိုင်း ဖြစ်စေ ဆောက်လုပ်ပြီးလို့ လွှဲပေးတဲ့အချိန် ဒါမှမဟုတ် အဲဒါတွေကို အသုံးပြုတဲ့ အချိန်မှာ ပြီးဆုံးပါတယ်။

ဆောက်လုပ်တဲ့ နေရာမှာ သုံးတဲ့ ယန္တရားတွေ၊ စက်ပစ္စည်းတွေအတွက် အာမခံ အကာအကွယ်ကတော့ ဒီပစ္စည်းတွေ ဆိုက်ထဲ ချတဲ့အချိန်၊ ရောက်တဲ့ အချိန်မှာ စပြီး လုပ်ငန်းပြီးလို့ ဒီပစ္စည်းတွေ၊ ယန္တရားတွေ ဆိုက်ထဲက ပြန်ထုတ် ပြန်သယ်သွားချိန်မှာ ပြီးဆုံးပါတယ်။
ဒီ့အပြင်လည်း အာမခံကုမ္ပဏီနဲ့ အထူး ညှိနှိုင်းမယ် ဆိုရင် အဆောက်အအုံ ပြီးစီးပြီးတဲ့နောက် ခြောက်လ တန်သည်၊ တစ်နှစ် တန်သည် စသဖြင့် ထိန်းသိမ်းရေး ကာလ အတွက်လည်း အာမခံ အကာအကွယ်ကို သက်တမ်း တိုးနိုင်ပါတယ်။

အာမခံသက်တမ်းကို အနည်းဆုံး (၃)လမှ အများဆုံး (၅)နှစ်ထိ ထားရှိနိုင်ပါတယ်။

(ကန်ထရိုက်တာ အလုံးစုံအန္တရာယ် အာမခံကို ဘယ်လောက် အတိုင်းအတာအထိ အာမခံ ထားရမလဲ)

ဘယ်လောက် အတိုင်းအတာအထိ အာမခံ ထားရမလဲ ဆိုရင် ဆောက်လုပ်ရေး စာချုပ်မှာ ဖော်ပြထားတဲ့ စျေးနှုန်း အတိုင်းအတာနဲ့ အလုပ်အပ်သူက ပစ္စည်းပေးတာ၊ တစ်စိတ်တစ်ပိုင်း ဝင်လုပ်တာ ရှိရင် အဲဒါတွေရဲ့ တန်ဖိုးကိုပါ အာမခံ ထားရပါမယ်။ ဥပမာ- အဆောက်အအုံ တစ်ခုကို သိန်း ၅၀ နဲ့ တာဝန်ယူထားရင် သိန်း ၅၀ ဖိုး အာမခံ ထားရမှာ ဖြစ်ပါတယ်။ လက်ခပဲ ယူပြီး ပစ္စည်းကိုတော့ အလုပ်အပ်သူ (Principal) က ဝယ်ပေးတယ် ဆိုရင်လည်း အဲဒီလက်ခနဲ့ ပစ္စည်းတန်ဖိုးတွေ အားလုံး အာမခံ ထားရပါမယ်။
ဆောက်လုပ်ရေးမှာ သုံးတဲ့ စက်ယန္တရား၊ ပစ္စည်း၊ ကိရိယာတွေကို သီးခြား တန်ဖိုးသတ်မှတ်ပြီး အာမခံ ထားလေ့ရှိသလို၊ သူတစ်ပါး ထိခိုက်မှုအတွက် တာဝန်ရှိမှုတို့၊ အပျက်အစီး ဖယ်ရှား ရှင်းလင်းစရိတ်ဆို့ စတာတွေကို သီးခြား တန်ဖိုး သတ်မှတ်ပြီး အာမခံ ထားလေ့ရှိပါတယ်။

ဥပမာ- သူတစ်ပါး ထိခိုက်မှုအတွက် လူသေရင် ကျပ် ၁၀ သိန်းအထိ လျော်မယ်။ ဒဏ်ရာရရင် ဘယ်လောက်အထိ လျော်မယ် ဆိုတာမျိုးပါ။ ဒါမှမဟုတ်လည်း ဖြစ်ရပ်တစ်ခုအတွက် အများဆုံး ၁၀ သန်းအထိ လျော်မယ် ဆိုတာမျိုးပါ။ ဒါဆိုရင် ဖြစ်ရပ်တစ်ခု ပေါ်ပေါက်လာရင် ဒီဖြစ်ရပ်ထဲမှာ မတော်တဆ ထိခိုက်ပြီး အပြင်လူ ဘယ်နှယောက်ပဲ သေသေ၊ ဒဏ်ရာရရ အာမခံကုမ္ပဏီကတော့ အများဆုံး ကျပ် ၁၀ သန်းအထိ လျော်မှာ ဖြစ်ပါတယ်။

(ပရီမီယံ ဘယ်လောက် ပေးရမလဲ)

ပရီမီယံကို ယတိပြတ် သတ်မှတ်ထားတာ မရှိပါဘူး။ ဆိုက် အခြေအနေ (လေမုန်တိုင်း တိုက်တတ်သလား၊ ရေကြီးတတ်သလား၊ မြေပြိုတတ်သလား စတာတွေ)၊ ဒီဇိုင်းနဲ့ ဆောက်လုပ်ရေးပစ္စည်း အခြေအနေ၊ ဆောက်လုပ်တဲ့ နည်းပညာ၊ လုံခြုံရေး၊ ဘေးအန္တရာယ် ကင်းဝေးရေး အစီအမံ၊ ဒါတွေကို မူတည်ပြီး ပရီမီယံ သတ်မှတ်လေ့ ရှိပါတယ်။

ပရီမီယံနှုန်းသည် အနည်းဆုံး ၀.၁၅% မှ အများဆုံး ၀.၅၁၈% အတွင်းဖြစ်ပါတယ်။

ပရီမီယံကို မျှမျှတတ သဘာဝကျကျ သတ်မှတ်နိုင်ဖို့ အတွက်က အာမခံကုမ္ပဏီကို ဆိုက်ထဲ စစ်ဆေးခွင့်၊ ဆောက်လုပ်ရေး စာချုပ်၊ ဒီဇိုင်းပုံ၊ တွက်ချက်မှု၊ ဘလူးပရင့်၊ အသုံးပြုမယ့် ပစ္စည်း အရေအတွက်နဲ့ တန်ဖိုး စာရင်း စတာတွေကို စစ်ဆေးခွင့် ပေးသင့်ပါတယ်။
ကန်ထရိုက်တာ အလုံးစုံ အန္တရာယ် အာမခံကို မြန်မာ့အာမခံလုပ်ငန်း အနေနဲ့ ကျပ်ငွေနဲ့လည်း လက်ခံနိုင်သလို အမေရိကန် ဒေါ်လာနဲ့ ထားချင်ရင်လည်း လက်ခံနိုင်စွမ်း ရှိပါတယ်။ လက်လည်း လက်ခံ ပေးနေပါတယ်။

အာမခံ ထားတာဟာ တစ်ခုခု ဖြစ်လာခဲ့ရင် လျော်ကြေး လိုချင်လို့ ထားတာ ဖြစ်ပြီး ပရီမီယံလည်း သက်သာချင်တယ် ဆိုရင်တော့ နိုင်ငံတော်ပိုင် မြန်မာ့အာမခံလုပ်ငန်းမှာ ထားတာ စိတ်အချရဆုံးပါပဲ။ ငွေရေးကြေးရေး တောင့်တင်း ခိုင်မာတဲ့အပြင် တစ်ဆင့်ခံအာမခံ အစီအစဉ် ကောင်းကောင်း ရှိပြီး နိုင်ငံတော်က ကျော်ထောက်နောက်ခံ ပြုထားတဲ့အတွက် မလျော်နိုင်မှာတို့၊ နိုင်ငံခြားက အချို့ အာမခံ ကုမ္ပဏီတွေလို ပရီမီယံ စားပြီး လျော်စရာ ပေါ်တော့ မလျော်ဘဲ ထွက်ပြေးတာတို့ မြန်မာ့အာမခံလုပ်ငန်းရဲ့ ရှည်လျားတဲ့ သမိုင်းမှာ မရှိခဲ့ပါဘူး။ နောင်လည်း ရှိမှာ မဟုတ်ပါဘူး။

အခုအချိန်မှာတော့ ဆောက်လုပ်ရေး လုပ်ငန်းတွေ ‘တန့်’ နေပါတယ်။ ဒါပေမယ့် တစ်နေ့နေ့ တစ်ချိန်ချိန်မှာ ပြန်လည် ဦးမော့လာဦးမှာပါပဲ။ နိုင်ငံတော် တည်ဆောက်ရေးမှာ သူ မပါရင် ပြီးတာမှ မဟုတ်ပဲ။ ဒီတော့ ဆောက်လုပ်ရေး ကန်ထရိုက်တာကြီးတွေ၊ ဒီဗလော့ပါကြီးတွေနဲ့ နိုင်ငံတော်ရဲ့ ဆောက်လုပ်ရေး လုပ်ငန်းတွေ လုပ်ကိုင်ပေးနေတဲ့ နိုင်ငံတော် အဖွဲ့အစည်းတွေဟာ ကန်ထရိုက်တာ အလုံးစုံ အန္တရာယ် အာမခံ ထားကြဖို့ လိုအပ်တယ် ဆိုတာ အထူး ပြောဖို့ မလိုပါဘူး။ အကြံ ပေးစရာတောင် လိုမယ် မထင်ပါဘူး။

တံတားဆောက်ပြီးရင် ပြိုကျတဲ့အခါမှာ နိုင်ငံတော်က ဘတ်ဂျက် ထပ်မပေးနိုင်လို့ ဒုက္ခရောက်ရတဲ့ အဖြစ်မျိုး၊ ပုဂ္ဂလိက အဖွဲ့အစည်းတွေ ဆိုလည်း ဟိုဟာ ရောင်း၊ ဒီဟာ ပေါင်၊ ဟိုက ငွေချေးနဲ့ ဒေဝါလီ ခံရမယ့် အနေအထားမျိုးက ကင်းဝေးချင်တယ် ဆိုရင် ‘ကန်ထရိုက်တာ အလုံးစုံ အန္တရာယ် အာမခံ’ ထားကြပါလို့ တိုက်တွန်းရင်း ...

(ဆရာ) ဒေါက်တာမောင်မောင်သိမ်း
ဆောင်ပါးမှ ကောက်နုတ်ထားပါသည်...

ကိုဟိန်းဇာနောင်ထံမှ ထပ်ဆင့်မျှေ၀ပါသည်

27/09/2020

"VIA ၏ ပိတ်ရက်မရှိ ကျန်းမာရေးအာမခံ ဝန်ဆောင်မှု"
~~~~~~~~~~~~~~~~~~~~~~~~~~~~~~~~~
ယခုအခါတွင် COVID -19 ကူးစက်မြန် ကမ္ဘာ့ကပ်ရောဂါကြီးသည် ကျွန်တော်တို့ မြန်မာနိုင်ငံတွင် လည်း တစ်နေ့တစ်ခြား တိုးတက်များပြားလာပါသည်။

အဆိုပါ ကူးစက်ရောဂါပိုး မဝင်ရောက်စေရေးအတွက် အကောင်းဆုံးသောနည်းလမ်းမှာ မိမိအိမ်တွင် နေထိုင်ခြင်းပင် ဖြစ်ပါသည်။

လူလူချင်း အသက်ရှုလမ်းကြောင်းမှ တစ်ဆင့်ကူးစက်မှုလျှင် မြန်လွန်းသဖြင့် မတော်တဆမိမိ၌ ရောဂါဖြစ်ပွား၍ ဆေးရုံတက်ရပါက မိသားစုအတွက် နောက်ဆံမတင်း မပူပင် ရစေရန်အတွက် ကျန်းမာရေးအာမခံ ဝယ်ထားရန်အကြံပြုလိုပါသည်။

မိမိတို့ VIA မှ အထူးအစီအစဉ်အနေဖြင့် ကျန်းမာရေးအာမခံ ရှင်းလင်းရောင်းချခြင်းကို ပိတ်ရက်မရှိ online မှတဆင့် ဝန်ဆောင်မှုပေးနေပြီဖြစ်ကြောင်းသတင်း ကောင်းပါး အပ်ပါသည်။

အသေးစိပ်သိရှိလိုပါက၊ ဝယ်ယူလိုပါက ဆက်သွယ်မေးမြန်းနိုင်ပါသည်။

Victory Insurance Agency
09 974418 444/777

24/09/2020

Update>> Quarantine

*Facility quarantine ၇ ရက်
၅ ရက်မြောက် swab ယူ
၇ရက်မြောက် အဖြေထွက် negative ဖြစ်လျှင် အိမ်ပြန်..
Home quarantine ၇ရက်ဆက်နေ..
စုစုပေါင်း ၁၄ ရက်ပြည့်လျှင် လွတ်လပ်မည်..

*primary contact.. အိမ်တွင် ရောဂါသည်ရှိလျှင် facility quarantine သာ ၁၄ ရက်ပြည့်အောင်ဆက်နေပါ..

*ကျန်မာရေးဝန်ထမ်းများ GP များ positive လူနာနှင့်ထိတွေ့စဉ် surgical gown face shield ပါသော level 2 PPE ဝတ်ထားလျှင် ၁ ရက်ကြာလျှင် swab ယူ.. ၃ ရက်မြောက် အဖြေထွက်..negative ဖြစ်လျှင် အလုပ်ပြန်ဝင်..
Level 2 ဝတ်မထားလျှင် ၁ ရက်ကြာလျှင် swab ယူ.. negative ဖြစ်လျှင် ၃ ရက်ကြာလျှင် ဒုတိယအကြိမ် swab ယူ.. negative ထွက်လျှင် အလုပ်ပြန်ဝင်

**Positive လူနာများ ဆေးရုံတက်ရမည်..
•သာမန်ရောဂါ လက္ခဏာ ပျော့ လျှင် ၁၁ ရက်ပြည့်ပြီးလျှင် ဆေးရုံဆင်း..
•ပြင်းလျှင် ၂၁ ရက်ပြည့်ပြီးမှ ဆေးရုံဆင်းမည်..
•ရောဂါ လက္ခဏာ မရှိလျှင် positive အဖြေထွက်သည့်နေ့မှ စပြီး ၁၁ ရက်ပြည့်လျှင် ဆေးရုံဆင်းမည်..
•ဆေးရုံဆင်းများ home quarantine ၁ ပတ် ဆက်နေရမည် ဖြစ်ပါသည်..

မှတ်ချက်>>ဆေးရုံမှ မဆင်းမီ paracetamol မသောက်ပဲ အဖျားမရှိ ရောဂါ လက္ခဏာ မရှိရန် ၁ ရက်သာ လိုပါသည်.. သာမန်လူနာအများစုမှာ ရောဂါ လက္ခဏာပြပြီး ၇ ရက်အတွင်း သက်သာကြမည်.. သို့သော် ၁၁ ရက်ပြည့်မှ ဆေးရုံဆင်းမည်ဖြစ်ပါသည်။

#ဦးဇော်ဝေစိုး

Victory Insurance Agency

17/04/2026

14/04/2026

17/10/2024

25/01/2021

06/01/2021

14/12/2020

07/12/2020

12/10/2020

07/10/2020

27/09/2020

24/09/2020

Address

Opening Hours

Website

Alerts

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00