Golden Owl - Business Platform

21/05/2026

03/04/2025

ရန်ကုန် မန္တလေးအမြန်လမ်း
အသုံးပြုသွားလာကြမည့် ခရီးသွားများ
အဆင်ပြေစေရန် လမ်းအခြေအနေများ👇👇👇

၂၀၁/၀ ပလွေးတံတားနိမ့်ကျ
၁၉၄/၂ အသွားလမ်း ကျိုး
၁၉၃/၁ ၂ တံတားအဝင်နိမ့်
၁၉၀/၁-၂ မှောက်ခုံချောင်းတံတား သွား+ပြန် နိမ့်
၁၈၉/၁ အပြန်လမ်း တွန့်ခေါက်
၁၈၈/၇ အသွားလမ်း box အဝင်နိမ့်ကျ
၁၈၈/၁-၂ အပြန်လမ်း ကျိုး(ဘေးကသွားလို့ရ)
၁၈၆/၂ လမ်းသားကွဲအက်
၁၇၉/၄ အပြန်လမ်းကျိုး
၁၇၇/၂ အသွားလမ်းကျိုး
၁၇၆/၀-၁ အသွားလမ်းကျိုး
၁၇၃/၆ အပြန် box အဝင်လမ်းacကျိုး
၁၇၂/၅ အပြန်လမ်း ပေ၂၀၀ ac တွန့်ခေါက်
(ဘေးကသွားလို့ရ)
၁၇၁/၆ အပြန်လမ်း တံတားဝင်လမ်း တွန့်ခေါက်
(ဘေးကသွားလို့ရ)
၁၆၈/၅ အပြန်လမ်း တံတားပေါ် ac ကျိုး
(ဘေးကသွားလို့ရ)
၁၆၈/၀ အပြန်လမ်း လမ်းကျိုး
(ဘေးကသွားလို့ရ) grader / dozer ဝင်ရမယ်
၁၆၇/၆ ပြန် ကွန်ကရစ် လမ်းကျိုး
၁၆၇/၅ ပြနိ ကွနိကရစ်လမ်း ကျိုး
၁၆၇/၁-၂ ပြန် ကွန်ကရစ်လမ်းကျိုး
၁၆၆/၆-၇ ပြန် ကွန်ကရစ်လမ်းကျိုး
၁၆၀/၀-၁ ပြန် လမ်း/ကွဲ/ကျိုး ပြင်းထန်
၁၆၅/၇ ပြန် လမ်းကျိုး
၁၆၅/၁ ဆွာချောင်း ၈၀၀ ပေ ,P3,4,5 ယိုင်,
အပြန်လမ်း ၄ ပေ နိမ့်ကျ

Credit

https://www.facebook.com/share/p/1AK4ZtAThh/?mibextid=wwXIfr

13/12/2024

ပေဘယ်လောက်ရှိလဲ
------------

အိမ်ခြံမြေ အရောင်းအဝယ်လောကမှာ မြေကွက်စျေးဟာ မြေကွက်ရဲ့အတိုင်းအတာ အကျယ်အဝန်းအပေါ်မှာ အများကြီးမူတည်ပါတယ်။ပေနဲ့တွက်ရောင်းကြတာရှိသလို ဧရိယာနဲ့ဖော်ပြရောင်းကြတာလဲရှိပါတယ်။

လူ့သဘာဝအရ ....
"ပိုနေရင်သာ မသိသာတယ်...လိုနေရင် ဘဝတစ်ခုလုံး ဟာနေသလိုပဲ"... ဆိုတဲ့အထဲမှာ ကိုယ်ပိုင်တဲ့မြေကွက် အကျယ်အဝန်းအတိုင်းအတာတွေလည်းပါနေပါတယ်။

မြေနဲ့ပတ်သက်လာရင် တစ်လက်မ မှ အထိမခံဆိုတာတွေတောင်ရှိပါတယ်။အိမ်နီးချင်းမတည့်ကြရင် အများအားဖြင့် မြေနယ်နမိတ် ပြဿနာကြောင့် အဖြစ်များပါတယ်။

တန်ဘိုးအရမ်းကြီးတဲ့မြေကွက်တွေဆိုရင် တစ်လက်မ ကို သိန်း ရာဂဏန်းရှိလို့ လက်မအတိုင်းအတာကအစ စကားပြောခဲ့ရတာတွေ အများကြီး ကြုံခဲ့ရဘူးပါတယ်။

သေရင်ကိုယ့်နောက်မပါဘူးဆိုပေမယ့် ပြဿနာအဖြစ်များဆုံးက ဒီမြေကိစ္စတွေပါပဲ။

မြို့သစ်ဘက်တွေမှာတော့ မြေကွက်တွေက မြို့ကွက်သစ်ဖော်ထုတ်ရေးအဖွဲ့ ကစနစ်တကျ အကွက်ချထား ခဲ့တာဆိုတော့ ပေအကျယ်အဝန်းတွေက အတိုင်းအတာ တူကြတာများပါတယ်။(ဒါတောင် စောင်းနေတာတို့၊ ပေမပြည့်တာတို့၊ ပေပိုနေတာတို့ စတဲ့မြေကွက်တွေရှိပါသေးတယ်)

အပြင်မှာ ကျနော်တို့ကပေဘယ်လောက်ကျယ်လဲ?၊ဘယ်လောက်ရှိလဲ?နဲ့အကြမ်းဖျင်း ပြောကြပေမယ့် တကယ့်ရုံးကိစ္စလုပ်တဲ့အခါ၊ရုံးကထုတ်ပေးတဲ့မြေပုံ၊မှတ်တမ်းတွေ၊အခွန်ဆောင်တဲ့အခါ သတ်မှတ်နှုန်းထားတွေက ဧရိယာနဲ့ ဖော်ပြတက်လို့ အပြင်က ပေအကျယ်အဝန်းဟာ ဧရိယာအားဖြင့်ဘယ်လောက်ရှိတယ်ဆိုတာ အခြေခံအားဖြင့် တွက်ချက်တက်ဖို့လည်း လိုပါတယ်။

ကိုယ့်မြေကွက်ကို ဧရိယာ ဘယ်လောက်ရှိလဲသိရအောင် ကိုယ်တိုင်တွက်ကြည့်လို့ရပါတယ်။အခြေခံအားဖြင့်...

စတုရန်းပုံမြေကွက် -ဆိုရင်

အလျား×အနံ= စတုရန်းပေ ရပါတယ်။
အဲဒီစတုရန်းပေကို တစ်ဧကမှာ ရှိတဲ့ စတုရန်းပေ ၄၃၅၆၀ နဲ့စားရင် ဧရိယာရပါတယ်။
စတုရန်းပေ÷၄၃၅၆၀= ဧရိယာ

ဥပမာ
ပေ၂၁၀×ပေ၂၁၀=၄၄၁၀၀ စတုရန်းပေ
၄၄၁၀၀÷၄၃၅၆၀=၁.၀၁ ဧကရှိလို့ တစ်ဧကကျော် ရှိပါ့မယ်။

တစ်ဧကမှာ ၄၃၅၆၀ စတုရန်းပေရှိလို့ ခန့်မှန်း
မြေတစ်ဧကမှာ
၂၀၈.၇၁ ပေ။ ၂၀၈ ပေ ပတ်လည်လောက်ရှိပါမယ်။

ဒီလိုပဲ...

၁၀၀ ပေ ×၁၀၀ပေ =၁၀၀၀၀ စတုရန်းပေ
၁၀၀၀၀÷ ၄၃၅၆၀ = ၀.၂၂၉၆ ဧက

ပေ ၈၀×ပေ ၆၀ = ၄၈၀၀ ပေ
၄၈၀၀÷၄၃၅၆၀ = ၀.၁၁၀၂ ဧက

ပေ ၄၀×ပေ ၆၀ = ၂၄၀၀ ပေ
၂၄၀၀ ÷ ၄၃၅၆၀=၀.၀၅၅၁ ဧက

ပေ၃၀×ပေ၄၀ = ၁၂၀၀ ပေ
၁၂၀၀÷ ၄၃၅၆၀ = ၀.၀၂၇၅ ဧက ဒါက ပေ ၆၀ မျက်နှာဖွင့်ရှိတဲ့မြေကွက်ကို ခွဲဝယ်ကြတဲ့အခါမှာ တွေ့ရတက်ပါတယ်။

ပေ ၄၀ မျက်နှာဖွင့်ကို ခွဲဝယ်ကြတဲ့ပေ ၂၀×ပေ၆၀ လဲ ၁၂၀၀ စတုရန်းပေပဲဖြစ်တဲ့အတွက် ၀.၀၂၇၅ ဧကပါပဲ။

ပေ၃၀×၄၅ ပေ= ၁၃၅၀ ပေ
၁၃၅၀÷၄၃၅၆၀=၀.၀၃၁ ဧက

ပေ၂၀×၃၀ပေ= ၆၀၀ပေ
၆၀၀÷၄၃၅၆၀=၀.၀၁၃၈ ဧက

၁၅ပေ×ပေ ၄၀ ဆိုလဲ ပေ ၆၀၀ ပဲမို့ ၀.၀၁၃၈ ဧကရှိပါမယ်။

၁၀ပေ×ပေ ၂၀ လေးဆိုရင်တော့= ၂၀၀ စတုရန်းပေ
၂၀၀÷၄၃၅၆၀= ၀.၀၀၄၆ဧက ကျယ်ပါမယ်။

ကိုယ့်မြေကွက်က စတုရန်းပုံမဟုတ်ဘဲ နနွှင်းမကင်း (ကျောက်ကျောတုံး)ပုံဖြစ်နေတယ်ဆိုလည်း...

မျက်နှာချင်းဆိုင် ပြိုင်နား ၂ခုပေါင်း၊၂နဲ့စား၊အနံနဲ့မြှောက်ပီး ၄၃၅၆၀ နဲ့ထပ်စားကြည့်။ဧရိယာရလိမ့်မယ်။

ကိုယ့်အကွက်က တြိဂံပုံကြီးဖြစ်နေတယ်ဆိုလည်း...

တစ်ဘက်ကိုတိုင်း၊ပီး နောက်တစ်ဖက်တိုင်းမြှောက်၊ပီးရင် ၀.၅ နဲ့ထပ်မြှောက် ရတဲ့အဖြေကို ၄၃၅၆၀ နဲ့စား ဒါဆို အဲအကွက် ဧရိယာရလိမ့်မယ်။

ထောင့်မှန်ကျတဲ့တြိဂံပုံဆိုရင်လည်း...
အခြေ×အမြင့်=ရလာဒ်÷၂÷၄၃၅၆၀=ဧရိယာ ရလိမ့်မယ်။

လေးဖက်စလုံး ပေမညီတဲ့အကွက်ဆိုလည်း တြိဂံပုံဖြစ်အောင် ခွဲထုတ်ပီး
တစ်ခုချင်းတွက် ပြန်
ပေါင်းရင် ဧရိယာ ရပါမယ်။
Credit
အဆင်ပြေကြပါစေ။

29/10/2024

လယ်ယာမြေကို တရားဝင် အိမ်ဆောက် ဆိုင်ဆောက် သုံးလို့ရအောင် ဘယ်လို လုပ်ရမလဲ။

လယ်ယာမြေကို အခြားနည်းသုံးစွဲရန် ခွင့်ပြုချက် လျှောက်ထားရမှာပါ။ လယ ၃၀ ခွင့်ပြုချက် (အရင်က လ/န ၃၉) လျောက်တယ် ခေါ်ပါတယ်။ ခွင့်ပြုချက် ရရင် သတ်မှတ်တဲ့ နည်းအတိုင်း သုံးလို့ရပါပြီ။ လယ်မြေအမျိုးအစားကို ဗဟိုထိတင်ပြ ခွင့်ပြုချက်ရမှ အသုံးပြုနိုင်မှာဖြစ်ပြီး လယ်မြေမဟုတ်တဲ့ ကျန်လယ်ယာမြေတွေကိုတော့ ပြည်နယ်တိုင်းအဆင့်က ခွင့်ပြုချက်ရရင် အသုံးပြုနိုင်ပါတယ်။ ခွင့်ပြုချက်ရတာနဲ့ မြေငှါးဂရန်ပါ ဆက်လျောက်လိုက်ပါ။ ဒါဆိုရင် တရားဝင်လဲ သုံးလို့ရသလို့ အမည်ပေါက် မြေပိုင်ဆိုင်မှုလည်း ခိုင်မာသွားပါပြီ။

လယ်ယာမြေမှာ မစိုက်ပျိုးပဲ အခြားနည်းသုံး (အိမ်ဆောက်၊ ဆိုင်ဆောက်၊ စီပွားရေး လုပ်ငန်းအတွက် စိုက်ပျိုးခြင်းမှအပ အသုံးပြု) ချင်ရင် မြို့နယ် မြေစာရင်းဦးစီးဌာနကတဆင့် လယ်ယာမြေ ဥပဒေပုဒ်မ ၃၀ အရ လျှောက်ရပါတယ်။ မြို့နယ်မြေစာရင်း ဦးစီးဌာနနဲ့ လယ်စီအဖွဲ့ အဆင်ဆင့်တို့ကပဲ အမှုတွဲဖွင့်ပြီး ဆောင်ရွက်တာ ဖြစ်ပါတယ်။

ပုံစံ (၇)မရသေးတဲ့ လယ်ယာမြေကို လယ်ယာမြေဥပဒေပါ ပြဌာန်းချက်အရဆိုရင် လျောက်လို့ မရနိုင်ပါဘူး။ ဥပဒေ ပုဒ်မ ၃ (ဃ) လယ်ယာမြေ လုပ်ပိုင်ခွင့်မှာ တည်ဆဲ ဥပဒေ၊ နည်းဥပဒေများနှင့်အညီ လယ်ယာမြေကို လက်ရှိထားပြီး စိုက်ပျိုးလုပ်ကိုင် အသုံးချခြင်းလို့ ဆိုပါတယ်။ ပုံစံ (၇) ရှိသူမှာ အခွင့်အရေး (၃) ရပ်ရပါတယ်။ လက်ရှိထားခွင့်၊ စိုက်ပျိုးခွင့်၊ မြေအသုံးချခွင့် ဖြစ်ပါတယ်။ လယ်ယာမြေ လုပ်ပိုင်ခွင့်ရှိသူဆိုတာ ပုံစံ (၇) ရသူ၊ သူ့မှာသာ ဒီအခွင့်အရေး (၃) ခုရတဲ့အတွက် ပုံစံ (၇) ရမှသာ အခြားနည်းသုံးနိုင်ခွင့် လျှောက်လို့ ရမဲ့သဘော ဖြစ်ပါတယ်။

ဗဟိုလယ်ယာမြေ စီမံခန့်ခွဲမှုအဖွဲ့က ထုတ်ပြန်တဲ့ ညွှန်ကြားချက်မှာ လယ်ယာမြေကို အခြားနည်း အသုံးပြုရန် လျောက်ထားလာရင် စိစစ်ရမယ့် စီစစ်ချက်မှာတော့ ပထမ ပုံစံ (၇) ရ/မရ စိစစ်ပါ။ မရရင် ဘာကြောင့် မရတာလဲ၊ ဘာကြောင့် ထုတ်မပေးတာလဲ ဆိုတာကို စီစစ်ပါ၊ သက်ဆိုင်ရာ ဌာနများက ထောက်ခံချက်တွေ ရယူပါလို့ ဆိုတဲ့အတွက် ပုံစံ (၇) မရသေးလည်း လျှောက်နိုင်တဲ့ သဘောတွေ ပါနေတာ တွေ့ရပါတယ်။ လက်ရှိ မြေပြင်မှာလည်း ပုံစံ (၇) ရှိရှိ မရှိရှိ အခြားနည်းသုံးဖို့ လျှောက်ထား ကြပါတယ်၊ မြေစာရင်း ဌာနနဲ့ လယ်စီအဖွဲ့က စိစစ်တဲ့အခါ မရှိဘူး ဆိုရင်လည်း ဘာကြောင့် ပုံစံ (၇) မရှိတာလဲ ဆိုတာကိုဖော်ပြ၊ သက်ဆိုင်ရာ ဌာနများက ထောက်ခံချက်ယူပြီး တင်ပြ လျှောက်ထားကြပါတယ်။ ခွင့်ပြုနေတာလဲ ရှိပါတယ်။

အချုပ်အားဖြင့် တင်ပြချင်တာက မိမိအသုံးပြုနေတဲ့ လယ်ယာမြေကို တရားဝင် အခြားနည်းသုံးလို့ရအောင် ပုံစံ ၇ ရှိရှိ မရှိရှိ လယ ၃၀ လျောက်လိုက်ပါ။ ခွင့်ပြုချက် ရရင် သုံးလို့ရပါပြီ။ ခွင့်ပြုချက်ရတာနဲ့ မြေငှါးဂရန် ဆက်လျောက်ပြီး ဂရန်အမည်ပေါက်ယူလိုက်ပါ။ စိတ်ချလက်ချ ခိုင်ခိုင်မာမာ သုံးနိုင် ငှားနိုင် ရောင်းနိုင်ပါပြီ။

ပူးတွဲ....
၁။ လျှောက်လွှာပုံစံ
၂။ လျောက်ထားနည်း/ဆောင်ရွက်ပုံ
၃။ ဗဟိုလယ်စီ၏ ညွှန်ကြားချက်
၄။ ခွင့်ပြုချက်ပုံစံ

29/10/2024

Celebrating my 4th year on Facebook. Thank you for your continuing support. I could never have made it without you. 🙏🤗🎉

17/10/2024

သီတင်းကျွတ်ဆုတောင်း 🙏🙏🙏

🙏ဝါလကင်းလွတ် သီတင်းကျွတ်အခါသမယလေးမှာ ချစ်ရသူများအားလုံးကိုယ်ရောစိတ်ပါနှစ်ဖြာ ကျန်းမာရွှင်လန်းပြီး စီးပွားလာဘ်လာဘများ ဒီရေအလား ကြီးပွါးတိုးတက်ကြပါစေ 🙏🙏🙏

🙏စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပြီး လိုအင်ဆန္ဒများ လဲ တစ်လုံးတစ်ဝပြည့်ဝကြပါစေကြောင်း ဆုတောင်းမေတ္တာပို့သအပ်ပါတယ်ရှင်🙏🙏🙏

#သီတင်းကျွတ်ဆုတောင်း

27/07/2024

အရပ်စာချုပ်ဖြင့် ဝယ်ယူခြင်းအကြောင်း

အိမ်/ခြံ/မြေ တွေကို အရပ်စာချုပ်နဲ့ဝယ်ခြင်းဟာ အပြည့်အဝ ဝယ်ယူခြင်း မဟုတ်ပါဘူး ။ တရားဝင် ဝယ်ယူခြင်း မမြောက်ပါဘူး ။

ဘာကြောင့်လဲဆိုတော့..
( ၁ ) စာချုပ်ဟာ မှတ်ပုံတင်စာချုပ် မဟုတ်ဘူး။ အရပ်စာချုပ်သာဖြစ်ပါတယ်။

(၂) တံဆိပ်ခေါင်းခွန် ထမ်းဆောင်မထားဘူး။

(၃) စာချုပ်ကို မှတ်ပုံတင်ကြေးပေးပြီး မှတ်ပုံတင်ရုံးမှာ မှတ်ပုံတင်မထားဘူး။ ရုံးမှာ စာချုပ်မရှိဘူး။

(၄) မြေစာရင်းနဲ့ စည်ပင်ဌာနမှာ မိမိအမည်ပြောင်း လျှောက်ထားလို့မရဘူး။ မိမိအမည်မပေါက်နိုင်ဘူး။ ဂရန်မရနိုင်ပါဘူး။

( ၅ ) မြေပုံ၊ မြေရာဇဝင်မှာ မိမိအမည်မပေါက်ဘူး။

ဒီလို အရပ်စာချုပ်နဲ့သာ ဝယ်ယူထားခြင်းကို တစ်ပိုင်းတစ်စ ဆောင်ရွက်ခြင်း ” PART PERFORMANCE လို့ခေါ်ပါတယ်။ အပြည့်အဝ ဆောင်ရွက်ထားခြင်း မဟုတ်တဲ့အတွက် ပိုင်ဆိုင်ခွင့်မရနိုင်ဘူး။ တစ်ပိုင်းတစ်စ အခွင့်အရေးသာ ရနိုင်တယ်။ မြေရဲ့ ပိုင်ဆိုင်ခွင့်အကြောင်း တရားရုံးမှာ အရေးဆိုလို့မရပါဘူး။

ပိုင်ဆိုင်ခွင့်ကို အကြောင်းပြုပြီးတော့ အိမ်မြေအပေါ် ကျူးကျော်သူကို နှင်ထုတ်လို့ မရဘူး ။
ကိုယ်ကအခြားသူကို တရားဝင် ပြန်လည်ရောင်းချ လို့မရဘူး။ ရောင်းချခဲ့ရင်လည်း ဝယ်သူဟာ တရားဝင်ပိုင်ရှင် အဆင့် မရနိုင်ဘူး။

ဒါပေမဲ့ ရောင်းသူက ကိုယ့်ကို ဒီမြေပေါ်က နှင်ထုတ်လိုမှု ဆိုလာရင်တော့ -
သူနဲ့ကိုယ်နဲ့ ချုပ်ဆိုထားတဲ့ အရပ်ကတိ စာချုပ်ကို ရုံးတော်ကို တင်ပြပြီး ( ဒိုင်း )အဖြစ် ခုခံကာကွယ်နိုင်တယ် ။ ကိုယ့်ကို နှင်ထုတ်လို့မရပါဘူး။

ဒါကြောင့် တစ်ပိုင်းတစ်စ ဆောင်ရွက်ခြင်း ၊ ဝယ်ယူခြင်းဟာ ဓားအဖြစ် ထိုးခုတ်လို့ မရဘူး ။ ဒိုင်းအဖြစ်သာ ခုခံကာကွယ်နိုင်ပါတယ်။ (PART PERFORMANCE IS A SHIELD, NOT A SWORD)

ကူးယူဖော်ပြပါသည်
#ဥပဒေရေးရာ

22/07/2024

ရွှေစျေး ဒေါ်လာစျေး ပစ္စည်းစျေးတတ်နေချိန်မှာ
Laptop Computer ကိုမရှိမဖြစ်သုံးရမယ်ဆိုသူတွေအတွက် စျေးနှုန်းသင့်ရုံးသုံးကျောင်းသုံးလုပ်ငန်းသုံး Laptop လေးများလာပါပီ………👌👌👌

15/07/2024

“၂၀၂၅” အတွက် အများပြည်သူအလုပ်ပိတ်ရက်များ ထုတ်ပြန်ကြေငြာချက်

Photo Credit to Original Uploader

06/07/2024

Business Consultant တွေဆိုတာ

လူကြီးမင်းတို့ အလုပ်စမအပ်ခင်ထဲက ဒါတွေ အကုန် ရင်းနှီးထားရပါတယ် 👇👇👇

😎အချိန်
😎အင်တာနက်ဖိုး
😎ဖုန်းခေါ်ခ
😎ကားဆီဖိုး (သို့) ကယ်ရီခ
😎စာရွက်စာတန်း မှန်လား မမှန်လား စည်ပင်၊ အိုးအိမ် မစစ်ဆေးခင် ကိုယ်တိုင်အရင် လက်ခံမှ ရှေ့ဆက်စေပါတယ်

customer တစ်ယောက်ပြရင် တစ်ယောက် ချက်ချင်း မဝယ်ပါ။ ၁၀ယောက်ပြလည်း ဝယ်ချင်မှဝယ်တာပါ။

🤗အရောင်း အဝယ် တိုက်ဆိုင်လွန်း ကြိုက်လွန်းမှသာ အရောင်းအဝယ်ဖြစ်တာပါ။

😟အဲ့လို အရောင်းအဝယ်ဖြစ်တော့မှ အရောင်းက မရောင်းတော့ဘူး၊ စျေးပြောင်းသွားလို့ အရောင်းအဝယ်ပျက်ရင် ရင်းနှီးထားတဲ့ အရာ အားလုံး အတွက် တကယ်ကို နစ်နာပါတယ် 😔😔

🙏🙏🙏 ပိုင်ရှင်လူကြီးမင်းများ ရှင့် လူကြီးမင်းတို့ ရောင်းမယ် /ဝယ်မယ်ဆိုတာကို စိတ်ခိုင်မှသာ အပ်ပေးစေလိုပါတယ်။

လူကြီးမင်းတို့ဆီက တစ်ပြားတစ်ချပ်မှမရသေးခင်ထဲ ကျွန်တော်များတို့တွေက အချိန်တွေ ၊ငွေတွေ အရင် ရင်းနှီးထားရတာပါ။

ပြည့် ပြည့်ဝဝ Service ပေးထားရတာဖြစ်လို့ ကလေးအရုပ်ဆော့သလို့ မလုပ်ကြပါနဲ့လို့ မေတ္တာရပ်ခံအပ်ပါတယ်။🙏🙏🙏