30/12/2019
💲💲💲မြန်မာနိုင်ငံသို့ငွေလွှဲပေးပို့ရန် ( Ria )
သင်နှင့်အနီးဆုံး Ria ဆိုးဘုတ်တပ်ဆင်ထားသောဆိုင်သို့ သွားပြီး ငွေပို့ပုံစံတွင် အချက်အလက်များကို ဖြည့်ပါ။
❄️❄️❄️ငွေလွှဲပေးပို့နိုင်သောနည်းလမ်းများ
- ငွေသားထုတ်ရန်( Cash Pick-up)
သို့မဟုတ်
- ရွှေဘဏ်စာရင်းသွင်းရန် (Account Deposit)
- ထို့နောက် သင်၏ နိုင်ငံကူးလက်မှတ် ( Passport) နှင့် အလုပ်လုပ်ကိုင်ခွင့် စာရွက်များကိုတင်ပြပါ။
- လွှဲပို့မည့်ငွေအတွက် မလေးရှားရင်းဂစ်(MYR) ကို Riaကောင်တာသို့ သေချာစွာရေတွက်အပ်နှံပါ။
- Ria စနစ်မှ အလိုလျှောက်ထုတ်ပးသည့် ဂဏန်း(၁၁) လုံး (Pin နံပါတ်) ပါ၀င်သည့် ပြေစာကိုရယူပါ။
- ငွေသားထုတ်ရန် (Cash Pick-up) ဖြစ်ပါက မြန်မာနိုင်ငံမှ ငွေလက်ခံမည့်သူထံသို့ငွေထုတ်ရန်အကြောင်းကြားပါ။
🤫🤫🤫လွှဲပို့ငွေကိုမထုတ်မချင်း ၎င်းဂဏန်း(၁၁)လုံးကို လျှို့၀ှက်ထားရန်ပြောပါ။
- ရွှေဘဏ်စာရင်းသွင်းရန် (Account Deposit) ဖြစ်ပါက ၎င်းဂဏန်း(၁၁)လုံးကို အကြောင်းကြားရန်မလိုပါ။
☃️☃️ Remittance Amount ( ပို့နိုင်သည့်ငွေပမာဏ)
ငွေသားဖြင့်တစ်ရက်လျှင် အများဆုံး ရင်းဂစ် (၁၀,၀၀၀)လွှဲပို့နိုင်ပြီး တစ်လလျှင်
အများဆုံး ရင်းဂစ် (၃၀,၀၀၀) ဖြစ်ပါသည်။
☃️☃️ Remittance Fees (ငွေလွှဲပေးပို့ခ)
ရင်းဂစ် ( ၁ မှ ၃,၀၀၀ ထိ) ငွေလွှဲပို့ခ (၁၂ ရင်းဂစ်)
ရင်းဂစ် (၃,၀၀၀ မှ ၅,၀၀၀ ထိ) ငွေလွှဲပို့ခ ( ၂၄ ရင်းဂစ်)
ရင်းဂစ် (၅,၀၀၀ မှ ၈,၀၀၀ ထိ) ငွေလွှဲပို့ခ ( ၃၆ ရင်းဂစ်)
ရင်းဂစ် (၈,၀၀၀ မှ ၁၀,၀၀၀ ထိ) ငွေလွှဲပို့ခ ( ၄၈ ရင်းဂစ်)
👉👉မှတ်ချက်။ငွေလွှဲပေးပို့သူမှ ငွေလွှဲပို့ခအားပေးဆောင်ရပါမည်။
☃️☃️ရွှေဘဏ်စာရင်းသို့ငွေပို့လွှဲလက်ခံခြင်း (Account Deposit)
- ငွေလွှဲစာရင်းပါ အချက်အလက်များကို ရွှေဘဏ်တွင်တိုက်ဆိုင် စစ်ဆေးအတည်ပြုပါမည်။
- အချက်အလက်များကိုက်ညီမှန်ကန်ပါက ချက်ချင်း (Account Deposit) နည်းဖြင့် သက်ဆိုင်ရာဘဏ်စာရင်းသို့ လွှဲပို့ငွေအားထည့် သွင်းပေးပါမည်။
(၁) ရွှေဘဏ်ခွဲများတွင်ရွှေဘဏ်၏ ငွေစုဘဏ်စာရင်းမှ စာရင်းပိုင်ရှင်ကိုယ်တိုင်သော် လည်းကောင်း၊ ယင်းစာရင်းပိုင်ရှင်မှ ကြိုတင်ကိုယ်စားလှယ် လွှဲအပ်ပေးထားသောသူမှ သော်လည်းကောင်း ငွေစုဘဏ်စာအုပ်နှင့် အတူငွေသားထုတ်ယူနိုင်ပါသည်။
(၂) ရွှေဘဏ်၏ MPU Card ရှိပါက မည်သည့်အခြားဘဏ်ရှိ ATM စက်များ (သို့မဟုတ်) မြန်မာနိုင်ငံတ၀ှမ်းရှိ ရွှေဘဏ်၏ Agent များတွင် အချိန်မရွေးငွေသားထုတ်ယူနိုင်ပါ သည်။
🏃♀️🏃♀️🏃♀️လွှဲပို့ငွေကိုအိမ်တိုင်ရာရောက်စနစ်ဖြင့် ဆောင်ရွက်ပေးခြင်း
- ပထမဦးစွာ ရွှေဘဏ်တွင်ငွေစုဘဏ်စာရင်းတစ်ခုဖွင့်လှစ်ထား ရမည်။
- ယင်းငွေစုဘဏ်စာရင်းမှ မိသားစုထံသို့ ငွေထုတ်ပေးစေရန်အတွက် ငွေပေးအမိန့် (Standing Order) ဖြင့် ရွှေဘဏ်သို့ ကြိုတင်ဖြည့်စွက် လျှောက်ထားရမည်။
- ယင်းငွေစုစာရင်းသို့ နိုင်ငံခြားမှပေးပို့ငွေ ၀င်ရောက်လာပါက ငွေပေးအမိန့်တွင် ကြိုတင်သက်မှတ်ပေးထားသော မိသားစုထံသို့ ဆက်သွယ်၍ လွှဲပို့ငွေကိုရွှေဘဏ် ၏ကိုယ်စားလှယ်မှ အိမ်တိုင် ရာရောက် ပေးပို့မည်ဖြစ်ပါသည်။
- ငွေပေးအမိန့် (Standing Order) တွင်ပါ၀င်သော ငွေပမာဏ (သို့မဟုတ်) ငွေလက်ခံမည့်သူ ပြောင်းလဲလိုပါက ရွှေဘဏ်သို့ အနည်းဆုံး (၁) လ ကြိုတင်၍ ငွေစုစာရင်းပိုင်ရှင်ကိုယ်တိုင် ရွှေဘဏ်၏ သတ်မှတ်ပုံစံဖြင့်လျှောက်ထားရမည်။
- အိမ်တိုင်ရာရောက်ငွေထုတ်ပေးရာတွင် ၀န်ဆောင်ခအနေဖြင့် ရန်ကုန်မြို့တွင်း ကျပ် (၁,၀၀၀) ၊ နယ်မြို့ကြီးများအရောက် ကျပ်(၂,၀၀၀) နှင့် ကျေးရွာများ အရောက် ကျပ်(၃,၀၀၀) ကို လွှဲပို့ငွေမှ နှုတ်ယူမည်ဖြစ်ပါသည်။
💯💰💰ဘဏ်ခွဲတွင်ငွေသားထုတ်ယူခြင်း ( Cash Pick-up)
- ရွှေဘဏ်ခွဲသို့ သွားရောက်၍ ငွေလွှဲလက်ခံ ပုံစံတွင် ငွေလွှဲအချက်အလက်နှင့် PIN နံပါတ် (၁၁)လုံးတို့ကို ဖြည့်စွက်တင်ပြပါ။
- ငွေလွှဲလက်ခံသူ၏ မှတ်ပုံတင်ကတ်ပြား (သို့မဟုတ်) သက်သေခံအထောက် အထား တစ်ခုခုကို တင်ပြပါ။
- အချက်အလက်များ ကိုက်ညီမှန်ကန်ပါက လွှဲပို့ထားသော မြန်မာကျပ်ငွေကို ချက်ချင်း ငွေသားလက်ခံရယူနိုင်ပါပြီ။
