https://www.facebook.com/327489884119032/

ေအာင္မိသားစုအေထြေထြေရာင္းဝယ္ေရး

Home
Myanmar
အဖ
ေအာင္မိသားစုအေထြေထြေရာင္းဝယ္ေရး

Directions

Aung Family General Trading

28/08/2026

ဘုန်းကြီးကျောင်း (၁၈) ကျောင်းမှ ဝါဆိုလသာ သံဃာ (၁၂၅) ပါး နှင့် ကပ္ပိယ ကျောင်းသား (၄၁) ဦး အတွက် လမ်းမိသားစု စုပေါင်း၍ လှူဒါန်းပြုလုပ်ခဲ့သော ဒါန၊ သီလ၊ ဘာဝနာ ကုသိုလ်ကောင်းမှု အစုစုတို့ကြောင့် အလှူရှင် မိသားစုများနှင့်တကွ ဝိုင်းဝန်း ကူညီဆောင်ရွက်ပေးကြသော ဖြိုးမိသားစု အဖွဲ့သားများ၊ လမ်းမိသားစုများ အားလုံး ကိုယ်စိတ်နှစ်ဖြာ ဘေးရန်ကင်းကွာ၍ လိုရာဆန္ဒမှန်သမျှ ပြည့်ဝကြပါစေကြောင်း ဆုမွန်ကောင်းတောင်းအပ်ပါသည်။

မြတ်ဘုရား၏ သာသနာတော်အကျိုးကိုလည်း ရှေ့ဆက်၍ လက်တွဲညီညီ လှူဒါန်းဆောင်ရွက်နိုင်ကြပါစေကြောင်း ထပ်တူ ထပ်မျှ ဝမ်းမြောက်စွာဖြင့် ဆုတောင်း ပေးလိုက်ရပါသည်။

ကုသိုလ်အမျှ... အမျှ... အမျှ... ယူတော်မူကြပါကုန်လော့။
သာဓု... သာဓု... သာဓု။

https://www.facebook.com/share/p/1KvfiVA5TF/

12/08/2026

အလှူတော်မင်္ဂလာ အမျှဝေခြင်းနှင့် ဆုမွန်ကောင်းတောင်းလွှာ
ဖျာပုံမြို့၊ စာတိုက် (၃) လမ်း၊ (၆) ရပ်ကွက်နေ ဒေါ်တိုးမြင့် ၏ ခင်ပွန်း ဦးစိုးလွင် ၏ (၉၀) နှစ်ပြည့် မွေးနေ့အကြို အထိမ်းအမှတ် အလှူတော်မင်္ဂလာ
ဖျာပုံမြို့၊ စာတိုက် (၃) လမ်း၊ (၆) ရပ်ကွက်နေ ဒေါ်တိုးမြင့် ၏ ခင်ပွန်းဖြစ်သူ မွေးနေ့ရှင် ဦးစိုးလွင် ၏ (၉၀) နှစ်ပြည့် မွေးနေ့အကြို အထိမ်းအမှတ်အဖြစ် သားသမီးများဖြစ်ကြသော ကိုအောင်အောင် + မအိအိချို နှင့် ကိုတိုးမြင့်အောင် + မဥမ္မာလွင် တို့မှ ဖျာပုံမြို့၊ ပြည်လုံးချမ်းသာ သာစည်ဘုရားကြီးအတွင်း၌ ၁၃၈၆-ခုနှစ်၊ ဒုတိယဝါဆိုလပြည့်ကျော် (၁၄) ရက် (၁၂ - ၈ - ၂၀၂၄) ရက်နေ့တွင် ဝါဆိုသင်္ကန်းများ ဆက်ကပ်လှူဒါန်းပူဇော်ခဲ့ကြပြီး ကြွရောက်လာကြသော ဧည့်ပရိသတ်များအား ထမင်း၊ ဟင်းတို့ဖြင့် စတုဒီသာ ကျွေးမွေးလှူဒါန်းခဲ့ပါသည်။
ဤပြုပြုသမျှ အမျှဝေ ကုသိုလ်ကောင်းမှုအစုစုတို့ကြောင့် -
မွေးနေ့ရှင် ဖခင်ကြီး ဦးစိုးလွင် အား ဘေးဘယာဝေးကွာ၍ သက်တော်ရာကျော်တိုင်အောင် ကျန်းမာဝမ်းမြောက်စွာ ရောဂါကင်းရှင်းစွာဖြင့် နေထိုင်နိုင်ပါစေကြောင်း၊
ကြွရောက်ချီးမြှင့်ပေးတော်မူကြသော ဆရာတော် သံဃာတော်အရှင်သူမြတ်များ၊ အစစအရာရာ လာရောက်ကူညီ လုပ်အားပေးကြသူများ နှင့် အာဟာရဒါန လာရောက်သုံးဆောင်ကြသူများအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းများဖြင့် ပြည့်စုံကြပါစေကြောင်း ဆုမွန်ကောင်းတောင်းအပ်ပါသည်။ https://www.facebook.com/share/r/1HUccTo3bb/

03/08/2026

# ဘဒ္ဒန္တ နန္ဒမာလာ
# # # ဂုံညင်းတန်းကျောင်း
# # # ဆရာတော်ကြီး၏ ဘဝမြင့်မြတ် ထေရုပ္ပတ္တိ
# # # (၁) မွေးရပ်ဌာနေ ရွှေညာမြေ
ပဲခူးတိုင်းဒေသကြီး၊ အုတ်ဖိုမြို့နယ်၊ ဂုံညင်းတန်းဆရာတော်ဟု ထင်ရှားကျော်ကြားလာမည့် ဆရာတော်လောင်းလျာကို ညောင်ဦးမြို့နယ်၊ အရာတော်ကျေးရွာတွင် ခမည်းတော် ဦးလှမောင် နှင့် မယ်တော် ဒေါ်သိန်းရွှေ တို့မှ မီးရှူးသန့်စင် ဖွားမြင်တော်မူသော သားရတနာပင် ဖြစ်သည်။
# # # (၂) ဖွားရပ်ချိန်ခါ
ဆရာတော်လောင်းလျာ မောင်တင်ရှိန်ကို တော်သလင်းလပြည့်ကျော် ၉ ရက်၊ စနေနေ့၊ နံနက် (၉:၂၉) နာရီအချိန်တွင် ဖွားမြင်တော်မူခဲ့သည်။
# # # (၃) ရတနာမြတ် ရှားပါးလတ်
ဆရာတော်လောင်းလျာ မောင်တင်ရှိန်သည် အမဖြစ်သူ ဒေါ်ဖွားဦး နှင့် ညီမများဖြစ်ကြသော ဒေါ်တင်ရီ၊ ဒေါ်ဖွားဆင့်၊ ဒေါ်ဖွားမြင့်၊ ဒေါ်ဖွားတင့် တို့ကြားမှ ကြီးပြင်းခဲ့ရသူလည်း ဖြစ်သည်။ မွေးချင်း ၆ ဦးအနက် ဒုတိယမြောက်ဖြစ်ပြီး အမျိုးသမီးများကြားမှ ထူးခြားစွာ သားရတနာ တစ်ယောက်သာ ရှားရှားပါးပါး ပေါ်ထွန်းခဲ့ရသူ ဖြစ်သည်။
> စန္ဒကူးလှိုင် တောရိပ်မြိုင်ဝယ်
> ထွဋ်ခေါင်ကြိုင်လန်း ခါတော်ပန်းနှင့်
> မာလာမျိုးစုံ ပွင့်ချိန်ကြုံမည်
> သင်းပျံ့ကြိုင်မွှေး လေယူသွေးခါ
> ချိန်သမယ ဤကာလကား
> ဆရာလောင်းလျာ လူပြည်ရွာ၌
> သာသနာရေး မျှော်ထောက်တွေးကာ
> ဝတ္တိံသာရပ် ဘုံအမြတ်မှ
> ရွှေစင်ပုံရိပ် ခပ်နှိပ်စိုက်ကာ
> ရှေးသူတော်ဟောင်း နည်းလမ်းကောင်းနှင့်
> အကြောင်းညီလျှော် ဟန်ချက်မော်ကာ
> ထိန်ဝေဆာရံ တင့်တယ်မာန်ကား
> ဇာနည်ဖွားဟု ကြွေးကြော်ပြုကာ
> ချိန်သမယ ဝမ်းတော်ခဟု
> မယ်တော်မေးမှ ပြောသည်သာ။
>
# # # (၄) ထင်ရှားပြိုင်ကင်း ကျော်ကြားခြင်း
ဆရာတော်လောင်းလျာသည် ငယ်စဉ်အခါ၌ပင် တည်ငြိမ်သော စိတ်ထားပိုင်ရှင် ဖြစ်သည်နှင့်အညီ စကားနည်းသူအဖြစ် ထင်ရှားခြင်း၊ ကိစ္စအဝဝ များပြားလှသော လူဘောင်တို့၌ မွေ့လျော်မှုမရှိခြင်း၊ သားရတနာ တစ်ယောက်သာ ရှိသောကြောင့် အကြိမ်ပေါင်းများစွာ လူထွက်ခိုင်းသော်လည်း မထွက်ဘဲ သာသနာတော်၌သာ မွေ့လျော်ပျော်ပိုက်၍ သာသနာတော်အား လေးစားကြည်ညို မှီခို၍သာ နေလေရှာတော့သည်။
သာသနာ့ဝန်ထမ်း ရှင်ရဟန်းဖြစ်သော်လည်း ကိစ္စလွန်စွာနည်းခြင်း (ရဟန်းတရားနှင့်အညီ ကျင့်သူဖြစ်ခြင်း)၊ စကားနည်းသူဖြစ်သော်လည်း လိုအပ်သောအရာမရှိ အဖက်ဖက်မှ ပြည့်စုံခြင်း၊ အလိုရှိအပ် တောင့်တအပ်သောအရာမရှိခြင်း (အပူမကပ် မိမိဇာတ်ဖြင့် နေခြင်း)၊ ရသမျှနှင့် ရောင့်ရဲလွယ်ပြီး လွန်စွာ သိပ်သည်းကျစ်လစ်ခြင်း၊ သစ်သီးသစ်ပင် ပန်းဥယျာဉ်တို့ ပြုစုပျိုးထောင်သော ဝါသနာထုံသူဖြစ်ခြင်း၊ သာသနာ့အာဇာနည်များ မွေးထုတ်လိုစိတ် ပြင်းပြသူဖြစ်ခြင်း အစရှိသော ဂုဏ်ထူးမြတ်တို့ဖြင့် ကျော်ကြားခဲ့သူပင် ဖြစ်သည်။
> အံ့ထူးကပြိုင် သီဖွဲ့ပိုင်လည်း
> ဂုဏ်ပြိုင်တုလို့ ရနိုင်ကြုံခဲ
> ပြောမှတ်ကြုံသင်း ဂုဏ်သတင်းနှင့်
> ဝင်းဝါရောင်လင်း ရွှေအဆင်းနှင့်
> သန့်ရှင်းရုပ်ရည် မနောတည်မှု
> စိတ်စဉ်ပြုကာ မယ်တော်ဝမ်းလျာ
> ဖွားမြင်ရာဝယ် သာယာအေးကြူ
> ဖွေးဖြူဖြူမို့ ပြိုင်သူပကင်း
> ငွေလမင်းနှင့် စန်းနက္ခတ်ပြိုင်
> ဂုဏ်ခြင်းဆိုင်လျှက် ဘေးမဖက်ဘဲ
> မယ်တော်ထိန်းလေ ဒေါ်သိန်းရွှေဟု
> အမည်နာမ ဂုဏ်မာနဖြင့်
> ဖွားမြင်လှသည့် သားရတနာ
> ထူးကဲစွာဖြင့် မလှုပ်ဣန္ဒြေ
> ငြိမ်ငြိမ်နေတော့ တိတ်ဆိတ်ဘိငြား
> သားရှိလားဟု အများမေးမှ ပြောသည်သာ။
>
# # # (၅) သာမဏေ ဘဝရောက်ရှိရ
မောင်တင်ရှိန် အမည်ရှိ ဆရာတော်လောင်းလျာသည် (၁၃၂၂ ခုနှစ်) မှာပင် အရာတော် မြောက်ကျောင်း၌ ဆရာတော်ကြီး ဦးဝိစိတ္တ အား ဥပဇ္ဈာယ်ပြု၍ ခမည်းတော် ဦးလှမောင် နှင့် မယ်တော် ဒေါ်သိန်းရွှေ တို့၏ ပစ္စယာနုဂ္ဂဟဖြင့် **ရှင်နန္ဒမာလာ** ဘွဲ့မည်နာမ ဝိသေသဖြင့် အသက် ၁၄ နှစ်အရွယ် သာမဏေဝတ်၍ သာသနာဘောင်သို့ ဝင်ရောက်ခဲ့သည်။
သာမဏေဘဝ၌ပင် ချောက်မြို့ မဟာလယ်တီတိုက်၌ (၄) နှစ်တိတိ ဆရာတော်ကြီး ဦးဣန္ဒာစာရိယ ထံမှ ပညာရင်နို့ ခိုလှုံစို့ခဲ့ရသည်။
ထိုနောက် အုတ်ဖိုမြို့နယ် ချောင်းနားကျောင်း ဆရာတော်ကြီး ဦးသာသန ထံမှ ဝိနယဆိုင်ရာ ကျမ်းပေစာကို (၂) နှစ်ကြာမျှ သင်ယူရပြန်သည်။
> ဂုဏ်ထူးကပြိုင် တုမနှိုင်းအောင်
> များမြောင်လုံ့လ သုံးဝရန်ကို
> ပယ်လှန်ဖြတ်ချိုး ဣဋ္ဌမျှော်ရှု
> ထင်စွာပြုမှ အထူးခုခံ
> မနေးကန်ဘဲ ဖြစ်ကြောင်းဖန်ခါ
> ထင်စွာမျက်မှောက် ပုံသွင်းပျောက်လျှက်
> သာသနဘောင် တောရိပ်ဆောင်ကာ
> ဝင်လာပုံဆန်း အံ့မခန်းသာ
> အရာတော်ရပ် မြောက်ကျောင်းထက်၌
> ဥပဇ္ဈာယ်မှုတည်ဦးပြုရာ
> ဝိစိတ္တဟု နာမထင်ကျော်
> ဂုဏ်မြတ်ကျော်ငြား ထံတော်ပါး၌
> ကြီးငယ်ဝတ်ကုန် ပညတ်စုံရပ်
> စုပုံအပ်ကာ နန္ဒမာလာ ဘွဲ့ဂုဏ်လွှာနှင့်
> သာမဏေဘဝ ရောက်ရပေသည်
> ကိုယ်တော်ပြောမှ ကြားသည်သာ။
>
# # # (၆) သာမဏေဆင့်အပ် ရဟန်းမြတ်
ရဟန်းလောင်းလျာ ရှင်နန္ဒမာလာသည် ဆရာတော်ကြီး ဦးသာသန ထံမှ ဝိနယဆိုင်ရာများ သင်ယူပြီး သက်တော် (၂၀) ပြည့်ဖြစ်နေသောကြောင့် မကျီးပင်စုရွာမှ ရဟန်းဒါယကာ ဦးမောင်ကြိုင် - ရဟန်းဒါယိကာမ ဒေါ်ပုတု တို့၏ ပစ္စယာနုဂ္ဂဟဖြင့် (၁၃၂၈ ခုနှစ်၊ တန်ဆောင်မုန်းလဆန်း ၇ ရက်၊ တနင်္လာနေ့၊ နံနက် ၉:၃၅ နာရီ၊ ၆ ဖဝါး ၂ ဖီလာ) အချိန်သမယ၌ မကျီးပင်စုရွာ ခဏ္ဍသိမ်တော်မြတ်၌ မတောင့်တ ဆရာတော်ကြီး ဦးကိတ္တိ ကို ဥပဇ္ဈာယ်ပြု၍ မြင့်မြတ်သော ရဟန်းဘဝသို့ အထက်တန်းကျစွာ သာသနာတော်၌ မွေ့လျော်ပျော်ပိုက် ခါတော်စိုက်ခဲ့ရလေသည်။
# # # (၇) စာသင်တစ်ခေါက် ငါးနှစ်ရောက်
ရဟန်းဘဝ၌ပင် ချောင်းနားကျောင်းဆရာတော်ဘုရားကြီး ဦးသာသန၏ စီမံခန့်ခွဲ ညွှန်ကြားမှုနှင့်အတူ ကြို့ပင်ကောက်မြို့ အရှေ့ဘက် ဘုရားကြီးအနီး နိဂြောဓါရုံ ကျောက်တိုက်၌ ဦးအာဒိစ္စဝံသ ဆရာတော်ထံမှ ၅ နှစ်မျှ ပညာသင်ယူခဲ့ရာမှ (အလတ်တန်း) အောင်မြင်ခဲ့သည်။
ထို့နောက် ချောင်းနားကျောင်း ဆရာတော်ဘုရားကြီး ဦးသာသနမှ ပြန်လည်ခေါ်ယူပြီးနောက် ဂုံညင်းတန်းရွာ၌ သီတင်းသုံးနေသော ဆရာတော်ဘုရားကြီး ဦးသုဝဏ္ဏ သည် ကျန်းမာရေးမကောင်းလှသည့်အတွက် ဆရာတော် ဦးနန္ဒမာလာ အား ပြုစုစောင့်ရှောက်ရန် နေရာချထားပြီးနောက် ဆရာတော်ဘုရားကြီး ဦးသုဝဏ္ဏ နှင့်အတူ ဂုံညင်းတန်းကျောင်း၌ သီတင်းသုံး နေထိုင်တော်မူခဲ့သည်။
> ထုံသင်းကကြိုင် ချောက်မြို့ပိုင်ဝယ်
> ရွှေလယ်တီမာန် လေးနှစ်တန်စွာ
> ဣန္ဒာစာရိယ ထံတော်ပါးမှ
> သင်အံ့ရေးကျက် ဓမ္မစက်ကို
> လက်ဝယ်ပိုင်ပိုင် ကျင့်ဆောင်နိုင်ခဲ့
> သာသနဂုဏ် ထွန်းတောက်ကြုံရေး
> မျှော်ထောက်တွေးကာ အုတ်ဖိုအနောက်
> ချောင်းနားရောက်လာ ထိုအခါဝယ်
> ဝိနည်းဓိုရ်ကျော် ဆရာတော်မူ
> လွန်စွာကျော်ကြား တပည့်များနှင့်
> ဦးသာသန နာမတွင်ကျော်
> ထေရ်မြတ်တော်၌ ခဝတ်ရိုဆင်း
> စာသင်ခြင်းနှင့် မရိုးရအောင်
> ရှေ့ကိုဆောင်လှ နှစ်နှစ်မျှဖြင့်
> လေ့လာကျက်မှတ် သိစေအပ်ရာ
> ရဟန်းလောင်းလျာ နန္ဒမာသည်
> သက်တော် နှစ်ဆယ် ပြည့်ချိန်တော်၌
> ခါတော်စိုက်ရာ ရဟန်းဒကာ
> ဦးမောင်ကြိုင်အား နှိုးဆောင်အမှု
> ဒေါ်ပုတုကို အကြောင်းပြုရာ
> ကောင်းမှုဖြာနှင့် မကျီးပင်ရပ်
> သိမ်တော်မြတ်၌ မတောင့်တရပ်
> ဆရာမြတ်၏ ဥပဇ္ဈာယ်ပြု
> ဆုံးမမှုကြောင့် ရဟန်းဘဝ
> ရောက်ရှိရသည် နောင်ခါကျမှ သိသည်သာ။
>
# # # (၈) ဆရာတစ်ဆူ တွေ့ပြန်ဟူ
ဆရာတော်ကြီး ဦးသုဝဏ္ဏ သည် စာပေကျမ်းဂန္ဓတို့၌ နှံ့စပ်သေချာ ကျနစွာဖြင့် ရှေးရိုးပရိယတ္တိဝန်ဆောင် သာသနအာဇာနည်တစ်ပါးအဖြစ် ထင်ရှားကျော်ကြားသော ဆရာတော်ကြီးပင် ဖြစ်သည်။
(၂) ကျမ်းအား ပိုင်နိုင်စွာ ထင်ရှားသော်လည်း ဝိနယဆိုင်ရာများကိုသာ ပိုမိုစိတ်အားထက်သန်သူ ပင်ဖြစ်သည်။
လိုရင်းတိုရှင်းသာ မိန့်ကြားတတ်သော ဆရာတော်ကြီး ဦးသုဝဏ္ဏ သည် အသုတ်မြို့နယ် ရောင်ပစ်ကွင်းကျောင်း၌ ကျောင်းထိုင်ဆရာတော်အဖြစ် နေထိုင်စဉ် သောင်းကျန်းသူ ကရင်များ ခေတ်စားရာကာလ ဖြစ်သောကြောင့် အသက်ဘေးမှလွတ်အောင် ပြေးရင်း ပဲခူးတိုင်းဒေသကြီး၊ အုတ်ဖိုမြို့နယ်၊ ဂုံညင်းတန်းရွာ၌ပင် တပည့်များနှင့်အတူ သီတင်းသုံးနေရင်းမှ ကျောင်းထိုင်ဆရာတော်အဖြစ် ရောက်ရှိခဲ့သည်။
ဆရာတော်ကြီး၏ တပည့်နှစ်ဦးမှာ ဦးဝိစိတ္တ (ရောင်ပစ်ကွင်း ကျောင်းထိုင်) နှင့် ဦးဒီပ (ဝက်ခြံဂရက်ရွာ၊ ကျောင်းကုန်းမြို့နယ်) တို့၌ဖြစ်ပြီး ခေတ်အခါကောင်းသည်နှင့် ပြန်ကာ ကျောင်းထိုင်ဆရာတော် အသီးသီးအဖြစ် သာသနာ့တာဝန်များအား ဆက်လက်ထမ်းဆောင်ရင်း သာသနာတော်ကြီး နေလိုလလို ထွန်းပြောင်စေခဲ့သည်။
ဆရာတော်ကြီး၏ ပရိယတ္တိဓမ္မ ပြသရာ ရှေ့မှုမပျက် ဟောအနက်ကား ပြိုင်စံရှားစွာ ဝိနည်း ၅ ကျမ်း အပြီးခန်းတိုင် စိတ်ရှည်စွဲသန် အားမာန်တက်ကာ ကျနသေချာ ထုတ်ဆောင်ပြခဲ့သည်။
ဆရာတော် ဦးနန္ဒမာလာ သည် အပတ်တကုတ် ကြိုးစားရပြန်ပြီး ကြောင်ပုဇွန်စား ကြွတ်ကြွတ်ဝါး ပုံပမာ သင်အံ့ပြမှ ဆရာတော်ကြီး ဦးသုဝဏ္ဏ သည် ကျေနပ်သော ပီတိအပြုံးနှင့်အတူ ချီးမွမ်းတော်မူပြီးနောက် သံဃကိစ္စအဝဝတို့၌ စနစ်တကျ ဆုံးမတော်မူလျက် သင်အံ့တစ်မျိုး ရှေ့မတိုးနိုင်ဘဲ ကျန်းမာရေး ချို့တဲ့လွန်းသော ဆရာတော်ကြီး ဦးသုဝဏ္ဏ သည် သက်တော်ရင့်မာ ဤအခါ၌ ခန္ဓာထိန်းချုပ် ဇိဝရုပ်တို့ တရွေ့ရွေ့လှုပ် နောက်သို့ဆုတ်လျက် နွမ်းခွေပျက်လျှက် ခန်းခြောက်စပြုလာတော့သည်။
ဆရာတော်ကြီး ဦးသုဝဏ္ဏ ၏ အမည်ကြားရုံမျှဖြင့် ဖိန့်ဖိန့်တုန်အောင် ရပ်နီးရပ်ခြား ရှင်လူများတို့ ချစ်ကြောက်ရိုသေ ရှိလှပေ၏။ ကျမ်းကြီး ကျမ်းငယ် အသွယ်သွယ်ကို ပြန်လှန်ထက်အောက် မွှေလို့နောက်ကာ ညွှန်ပြရှာသည်။
ပရိယတ္တိ ရဲရင့်ပုံဆန်း အံ့မခန်းလည်း အိုခြင်းတစ်ဖာ၊ နာခြင်းတစ်စု ရှောင်ပြုမရ ခန္ဓရမို့ ဆင်းရဲဖောက်ပြန် ရုပ်နှင့်နာမ်တို့ ခါခါနှိပ်စက် ပြစ်ဒဏ်ချက်ကြောင့် နွမ်းရသော်လည်း ရခဲ သာသနာပြုရရှာသည်။
မနုဿရပ် လောကဓာတ်မို့ ပဋိသန္ဓေ အိုသေမပြီး သံသရာဝဲဩဃကြီးကို မည်သူကာမျှ ရှောင်မရမို့ သင်္ခါရစက်ကွင်း မလွတ်ကင်းမို့ ချွတ်ယွင်းမြဲ ဓမ္မတာ စနေမှာကား ခန္ဓာငါးရပ် ချုပ်ပျောက်ပျက်ပြီး သက္ကရာဇ်မဟာ ရေတွက်ရှာတော့ ၁၃၃၉ ဝယ် ပဌမပတ် လမြတ်ဝါဆို ပြည့်ကျော် ၅ ရက်၊ ကောင်းမြတ်ဩဘာ နတ်ဒေဝါတို့ ယုယပိုက်ထွေး ပြုစုရေးမို့ သူထက်ငါပြိုင် အနိုင်ကြဲကာ ဝတ္တိံသာနန်း ဘုံစဉ်မြန်း၍ စံမြန်းလေရှာတော့သည်တကား။
# # # # တို့ကျေးရွာ
> ကုသိုလ်ကံကြုံ
> တွေ့ကြပုံ
> ခိုလှုံစရာ တို့ကျေးရွာ။
> ဒါနအုပ်စုံ
> လှူကြပုံ
> ပျော်ရွှင်စရာ တို့ကျေးရွာ။
> သီလခိုလှုံ
> တည်ကြပုံ
> ကြည်နူးစရာ တို့ကျေးရွာ။
> တရားမြတ်စုံ
> ကျင့်ကြပုံ
> ငြိမ်းအေးစရာ တို့ကျေးရွာ။
>
# # # (၉) ဣန္ဒြေမြတ် တွေ့အပ်ကြုံစွာ
ဆရာတော် ဦးနန္ဒမာလာ သည် ဆရာတော်ကြီး ဦးသုဝဏ္ဏ ကျန်းမာရေးမကောင်းသည်မှစ၍ ရောက်ရှိလာပြီး ဆရာတော်ဘုရားကြီး ဘဝနတ်ထံ ပျံလွန်တော်မူသည့်နေ့အထိ သီတင်းသုံးနေစဉ် ကာလအခါ သမယသည် (၃) နှစ်တာမျှ ပြည့်ပြီးဖြစ်သော်ငြားလည်း ရွာရှိ ဒါယကာ၊ ဒါယိကာမများ မြင်ဖူးသူများ မရှိငြားအောင် လွန်စွာ ကျစ်လစ်၊ အနေအထိုင် ပိရိသေချာလှသည်။
အထူးသဖြင့် ဒါယိကာမများ ကျောင်းသို့လာပြီဆိုလျှင် ဆရာတော်အား ဖူးမြှော်ဖို့ အခွင့်အရေး ခက်ခဲလှ၏။ မာတုဂါမများ မြင်ပြီဆိုလျှင် ဆရာတော် အခန်းအပြင် မထွက်ဘဲ နေတတ်သည်။ ဟိရိဩတ္တပ္ပ တရားလက်ကိုင်ထား၍ အခန်းအပြင်ဘက် မထွက်စေဘဲ နေလေ့ရှိသော ဆရာတော်အား မဖြစ်မနေ ဖူးမြှော်ခွင့်ပန် တွေ့အောင်ဖန်လည်း လေးတောင်ထွာမျှ မကြည့်အပ်ဘဲ စကားအထူး မပြောဖူးဟု နေဘိလေငြား တေမိမင်းမြတ် ပုံအပ်ပမာ နေတတ်ရှာသော ဆရာတော်ဘုရား၏ ဣန္ဒြေသည် ထူးကဲလွန်မြတ် ကြည်ညိုအပ်စရာ ဖြစ်ခဲ့ရပေတော့သည်။
# # # # ရွာကျောင်း
> အမည်နာမ စာချမခန်း
> ဂုံညင်းတန်းဟု
> ရွာရှိအမည်
> ထုံးဖွဲ့ညီရောက် အုတ်ဖိုအနောက်ဟု
> နာမတွင်ကျော်
> ပညတ်ပေါ်လှ မြတ်ဒါနတို့
> မပြတ်ခါပြုတဲ့ ရွာကျောင်း။
> ဣန္ဒြေရှင်မြတ်
> တွေ့အပ်ကြုံလာ ခါသမယမို့
> ကြည်ညိုဖူးအပ်
> တွေ့ဆုံလပ်၍ နာကြားလိုလှ
> မြတ်ဓမ္မတို့
> တည်ရာမှီရာ ဆောက်တည်ရာဟု
> ပြုနိုင်သမျှ ထွေထွေစုကာ
> အရပ်မှာမှီတဲ့ ရွာကျောင်း။
> ယုဂန္ဓော်တောင်စွန်း နေစက်ဝန်းမှ
> ထွန်းလင်းသာသနာ
> ရောင်ခြည်ဖြာဖြင့်
> ရွှေဝါရောင်လင်း တဝင်းဝင်းမို့
> တသက်တာ သာသနာ ခိုလှုံရာမှာ
> ခက်စရာ ရှာမတွေ့အောင်
> ဒါယကာမျိုးစုံက
> ဝိုင်းဝန်းကာစောင့်ရှောက်
> သဒ္ဓါရောက်ခါ
> သာသနာတည်တဲ့ ရွာကျောင်း။
>
# # # (၁၀) ကျောင်းထိုင်ဘဝ ရောက်ရှိရ
ရဟန်းတရားနှင့်အညီ ကျင့်ဆောင်တတ်သော ဆရာတော်ဘုရားကြီးများ စုပေါင်းတိုင်ပင်ကာ ဂုံညင်းတန်းရွာ ဒကာ၊ ဒကာမများ အကျိုးများစေဖို့အလို့ငှာ စည်ပင်သာကျောင်းဆရာတော် ဦးတိလောက၊ အသုတ်မြို့နယ် ရောင်ပစ်ကွင်း ဆရာတော် ဦးဝိစိတ္တ၊ ချောင်းနားကျောင်းဆရာတော် ဦးသာသန၊ ကျောင်းကုန်းမြို့နယ် ဝက်ခြံဂရက်ကျေးရွာ ဦးဒီပ တို့နှင့်အတူ ကျေးရွာရှိ ဒါယကာများ တိုင်ပင်ကာ ဆရာတော် ဦးနန္ဒမာလာ အား ကျောင်းထိုင်ဆရာတော်အဖြစ် တင်မြှောက်ခဲ့သည်။
ကျောင်းထိုင်ဘဝ ရောက်ရှိရသော ဆရာတော် ဦးနန္ဒမာလာ သည် ထိုအချိန်မှစ၍ သာသနာတော်အား တိုးတက်ကြီးပွား စည်ပင်ဖွံ့ဖြိုးအောင် လုပ်ဆောင်ခဲ့ရပေတော့သည်။
ဆရာတော် ဦးနန္ဒမာလာ သည် ထူးကဲသော ဣန္ဒြေ ရင့်ကျက်သူပီပီ ရဟန်းတို့နှင့် မအပ်စပ်သော တရားတို့ကို အထူးရှောင်စရာမလိုဘဲ မွေ့လျော်ပျော်ပိုက်ကာ သီတင်းသုံးနေတော်မူပြီး ဂုံညင်းတန်းရွာ ဒကာ၊ ဒကာမတို့၏ အကျိုးများစေဖို့မဟုတ်ဘဲ သာသနာတော်၌ စံနမူနာထားစရာ မှတ်တိုင်တစ်ခု စိုက်ထူနိုင်ခဲ့သည်။
ဆရာတော် ဦးနန္ဒမာလာ သည် သီလသိက္ခာ၊ သမာဓိသိက္ခာ၊ ပညာသိက္ခာ ဟုဆိုအပ်သော သိက္ခာသုံးရပ် ဂုဏ်အမြတ်တို့ကြောင့်လည်းကောင်း၊ မြင့်မြတ်သော စိတ်နေစိတ်ထားရှိသူ (ပဏီတာဓိမုတ္တ) ပုဂ္ဂိုလ်ဖြစ်သည်နှင့်အညီ မျက်မှောက်အကျိုးစီးပွား၊ တမလွန်အကျိုးစီးပွားနှင့် နိဗ္ဗာန်ဟူသော မြတ်သောအကျိုးတရားစသည်များကို ထိုက်သည့်အားလျော်စွာ ဆုံးမညွှန်သင်လေ့ရှိသောကြောင့် ဂုံညင်းတန်းရွာ၏ ကျက်သရေမင်္ဂလာ အဖြာဖြာသည် ဆထက်တိုးလာခဲ့ရသည်မှာ အမှန်ပင် ဖြစ်ပေတော့သည်။
ဆရာတော်ဘုရားသည် ဝိဝေက ဟုဆိုအပ်သော တစ်ပါးတည်း စိတ်ငြိမ်းရာ၌ နေလိုခြင်းကြောင့် အချိန်တိုင်း မိမိသီတင်းသုံးရာ ကျက်သရေဆောင်၌သာ အပြင်မထွက်ဘဲ နေလေ့ရှိသည်။ ထိုသို့သော အကြောင်းကြောင့် စိတ်ကွယ်ရာ၊ စိတ်ငြိမ်းရာ၊ လူသူကင်းရာ နေရာတို့၌သာ မွေ့လျော်သူဖြစ်သည်။
ဆရာတော်ဘုရားသည် အာနာပါနသတိပဋ္ဌာန်ကိုသာ ပွားများသူဖြစ်သည်နှင့်အညီ နိဗ္ဗာန်ချမ်းသာ အလို့ငှာ ဖြောင့်မှန်စွာ ကျင့်ဆောင်သူဖြစ်သည်။ ဂုဏ်တော်ကိုးပါးနှင့်အညီ ပြည့်စုံသူဖြစ်သောကြောင့် ကောင်းမှုအမျိုးမျိုးတို့ စိုက်ပျိုးရာ လယ်ယာမြေကောင်းသဖွယ် ကိုးစားထိုက်သောကြောင့် သိက္ခာထပ် မင်္ဂလာအဖြာဖြာတို့ ပေါများလှပေသည်။
> ကြွေရက်ကိုထိုင် စောင့်ဆိုင်းပြိုင်လှ
> သင်္ခါရမို့ မလွတ်ဧကန်
> ဖြစ်ကြောင်းဖန်ခါ ဦးသုဝဏ္ဏ
> ဂုဏ်မာနဖြင့် နတ်တို့သီတင်း
> လှည့်ပတ်ခြင်းကား ခံစားရှာသည်
> လစ်လပ်နေရာ နန္ဒမာကား
> သာသနာရေး အစဉ်တွေး၍
> ချောင်းနားအရပ် ဆရာမြတ်၏
> ညွှန်ကြားလာပြု စီမံမှုကြောင့်
> ပျိုမြှစ်ရွယ်လွှတ် နှစ်ဆယ့်ရှစ်ဝယ်
> ကျောင်းထိုင်ဘဝ ရောက်ရှိရလည်း
> စိတ်အားထက်သန် စာပေမာန်ပြင်
> သင်အံ့ခြင်းကို တောင့်တကျန်လို
> ဖြစ်ပြန်ဆိုလည်း ခွင့်သာမခိုက်
> မကြုံကြိုက်ဘဲ သူတော်တရား
> လက်ကိုင်ထားပြီး သံသရာကွေ့
> လွတ်လမ်းတွေ့အောင် ကျင့်ဆောင်နိုင်ရ
> ချိန်ကာလမို့ လင်းခိုက်ဘယ်ခါ လာမည်သာ။
>
# # # (၁၁) သိက္ခာထပ် မင်္ဂလာ များအပ်စွာ
ဆရာတော် ဦးနန္ဒမာလာ အား မှီ၍ ရအပ်သော ကုသိုလ်များမှာ ရေတွက်လို့ မရနိုင်ပေ။ မိမိနှင့် အနီးစပ်ဆုံး အကြောင်းကြောင့် ဒါနအစ၊ သီလအလယ်၊ ဘာဝနာအဆုံး ကျင့်သုံးနိုင်ရန် အသင့်ရှိနေသောကြောင့် လွယ်လင့်တကူ ကုသိုလ်များ ပြုနိုင်သောကြောင့် ကျေးဇူးအများဆုံးပုဂ္ဂိုလ်ကို ပြောပါဆိုလျှင် မိမိတို့ရွာ၌ရှိသော ရွာဦးကျောင်း၌ သီတင်းသုံးနေတော်မူသော ဆရာတော်ဘုရားပင် ဖြစ်ပေ၏။
ဆရာတော်အား အကြောင်းပြု၍ ကောင်းမှုများစွာ ပြုကြရာထဲမှ **သိက္ခာထပ် မင်္ဂလာ** ကိုသာ ဖော်ပြရမည်ဆိုလျှင် -
၁။ ဦးထွန်းတင် - ဒေါ်ပန်းနွယ်
၂။ ဦးပန်း - ဒေါ်ညွှန့်
၃။ ဦးကြီးရွှေ - ဒေါ်ဆန်းမြင့်
၄။ ဦးစိုးမြင့် - ဒေါ်တင်လှ
၅။ ဦးထွန်းလှိုင် - ဒေါ်ခင်
၆။ ဦးမြစိုး - ဒေါ်တင်တင်ဝင်း
၇။ ဦးဆန်းမြင့် - ဒေါ်မယ်ပို
၈။ ဦးမောင်ဆန်း - ဒေါ်မယ်ညို
၉။ ဦးအုန်းဟန် - ဒေါ်မြတင်
၁၀။ ဦးခင်အောင် - ဒေါ်သန်းမြင့်
၁၁။ ဦးဟန်သိန်း - ဒေါ်တင်မြင့်
၁၂။ ဒေါ်သန်းမြင့်
၁၃။ ဦးဆန်းမောင် - ဒေါ်လှလှ
၁၄။ ဦးစံလှ - ဒေါ်အေးညွှန့်
၁၅။ ဦးဝင်းဇော် - ဒေါ်ဆန်းဝင်း
၁၆။ ဦးဇော်လွင်ဦး - ဒေါ်သီတာကြိုင်
၁၇။ ဦးနန်းဝင်းထွဋ် - ဒေါ်ချိုမာဦး
တို့ ဖြစ်သည်။
# # # # နေ့စဉ်ပြု
> ဒါနအုပ်စုံ
> အလုံးစုံ
> ပြည့်စုံကြွယ်ဝ
> ခါသမယ။
> သီလခိုလှုံ
> ဆောက်တည်ကြုံ
> ပြည့်စုံကြွယ်ဝ
> လာသမျှ။
> ဘာဝနာဆင့်ပုံ
> ကျင့်ကြပုံ
> ကုန်လုံကြွယ်ဝ
> ထာဝရ။
> ဤခေတ် ဤအခါ
> ကျင့်ကြံပါမှ
> ဗုဒ္ဓသာသနာ
> ရောင်ရွှေဝါ
> ကြုံခဲရှာမှု နေ့စဉ်ပြု။
>
# # # (၁၂) လိုက်နာစရာ ညွှန်ပြရှာ
ဆရာတော်သည် ဣန္ဒြေ ရင့်ကျက်သူပီပီ စကားနည်း၍ တရားမြဲသည်ဟု ဆိုရပေမည်။ စကားပြောရာ၌ ကြည်လင်ပြတ်သားသော အသံရှိသော်လည်း စကားကျယ်ကျယ် ပြောဆိုသော အသံ မကြားဖူးသေးပေ။
လောကီ၌ ရှာမှီး၍ရအပ်သော ပစ္စည်းဥစ္စာ ရတနာတို့ကို လျှို့ဝှက်သိမ်းဆည်း သိပ်သည်းကျစ်လစ်မှု မရှိပါက ရန်သူမျိုးငါးပါးတို့ ရန်ကြောက်ရသဖြင့် လုံခြုံစိတ်ချမှု မရှိသကဲ့သို့ လောကုတ္တရာအရာ၌ တရားရှာကောင်း သူတော်ကောင်းတို့သည် မိမိရရှိအပ်သော အရာတို့ကို လျှို့ဝှက်စွာ သိမ်းဆည်းအပ်၏။ သုသိပ်စွာ ကျင့်ဆောင်အပ်၏။ ခြေသုတ်ပုဆိုး မြွေစွယ်ကျိုးပမာ သတိတရား လက်ကိုင်ထားကာ နေနိုင်ကျင့်နိုင်ပါမှ မိမိမျှော်မှန်းထားသော နိဗ္ဗာန်ရွှေပြည်မြတ်ကို မုချဧကန် ရရှိလိမ့်မည်ဟု ဆရာတော် ဟောကြားမြတ်တရားမှ ထုတ်ဆောင်ပြကာ တရားကျင့်အပေါင်းတို့အား သတိပေးတိုက်တွန်း ညွှန်ပြရှာသော အချက်ကို ဆည်းပူးတင်ပြ ဝေငှပါ၏။
ဆရာတော်ကိုယ်တိုင်လည်း ဤသို့ ကျင့်ဆောင်တော်မူပါပေ၏။ တပည့်များအားလည်း ကျင့်ဆောင်စေ၏။ တရားချစ်ခင် သူတော်စင်အပေါင်းအား ဤနည်းထပ်တူ ကျင့်ဆောင်စေပါ၏။ လောကကို ဓမ္မစက္ခူဖြင့် ကြည့်ဖို့လိုသည်။ ကာမဂုဏ်ကို မြင်လျှင် ဓမ္မအဖြစ်သာ မြင်ရမည်။ ထိုသို့မြင်မှ ချစ်စရာလည်းမရှိ၊ မုန်းစရာလည်းမရှိ။ အရာအားလုံးသည် မမြဲခြင်း၊ ဆင်းရဲခြင်း၊ အစိုးမရခြင်း၊ အသုဘချည်းသာ ဖြစ်သည်။
# # # # လွတ်လမ်း
> ကျန်းမာသန်စွမ်း
> စိတ်ရွှင်လန်းတုန်း
> စီးပွားလည်းရှာ
> ဒါနလည်းပြု ဥစ္စာစု။
> ကျန်းမာသန်စွမ်း
> စိတ်မပင်ပန်းတုန်း
> သီလတစ်ခု ဆောက်တည်ပြု။
> ကျန်းမာသန်စွမ်း
> ရုပ်မပင်ပန်းတုန်း
> သမာဓိထောင်မှု ကောင်းအောင်ပြု။
> ကျန်းမာသန်စွမ်း
> ရုပ်မနွမ်းတုန်း
> ဘာဝနာတစ်ခု ဉာဏ်နှင့်ရှု။
> မကျန်းမမာ
> ရုပ်နွမ်းပါမှ
> စိတ်လည်းမလန်း
> လွန်ပင်ပန်းတော့
> ကောင်းမှုထိုထို
> ပြုဖို့ဆိုလည်း
> လွတ်လမ်းဘယ်မှာ ရှိမည်နည်း။
>
ပုဂ္ဂိုလ်သတ္တဝါ အရာဝတ္ထုတို့ မရှိခြင်းကို အရှိလုပ်မြင်ခြင်းငှာ လောကကို ပုဂ္ဂလစက္ခူဖြင့် ကြည့်မှသာ မြင်ခြင်းဖြစ်သည်။ အမှန်အားဖြင့် လောကတွင် ကာမဂုဏ်ဟူ၍မရှိ၊ ရုပ်နာမ်ဓမ္မသင်္ခါရများသာ ရှိ၏။ ထိုရုပ်နာမ်ဓမ္မသင်္ခါရများကိုပင် ကာမဂုဏ်ဟု မြင်နေခြင်းမှာလည်း ပုဂ္ဂလစက္ခူဖြင့် ကြည့်ခြင်းသာဖြစ်သည်။
ဓမ္မစက္ခူဖြင့်ကြည့်မှသာ ပရမတ္ထဆိုက်သည်။ နတ်ပြည်ဆိုသည်မှာ ကိုယ်ကြိုက်ခြင်း အာရုံ ကိုယ်ကြိုက်ခြင်းဆုံပြီး ကာမဂုဏ်ခံစားရာ သက်သက်နေရာပင် ဖြစ်သည်။ ဗြဟ္မာပြည်ကျတော့လည်း ကိုယ်ထင်ရာကိုယ်တောင်း၊ ကိုယ်ကြိုက်ရာ ကိုယ်လုပ်နေခြင်းဖြစ်သည်။ ကာမစိတ်ကို ဈာန်စိတ်ဖြင့် နှိပ်ထားခြင်းဖြစ်သည်။ ကာမစိတ်မလွှတ်နိုင်၊ လူပြည်လူရွာ၌ ကာမအာရုံမှ ဓမ္မအာရုံသို့ ဝင်စားနေနိုင်အောင် ကြိုးစားရမည်။
ဗြဟ္မစိုရ်တရားကို လက်ကိုင်ထားပြီး စိတ်ကို သတိနှင့် ဖိနှိပ်ထားရမည်ဟု ဆိုလိုခြင်းမဟုတ်။ ကိုယ်ခန္ဓာ အစိတ်အပိုင်းလေးကို သတိစိုက်ရွေးချယ်ပြီး ထိုနေရာ၌ သတိမပျက်အောင် လုပ်ပေးနိုင်ဖို့ပင် ဖြစ်သည်။ (အကျင့်နှင့်အသိ ချိတ်မိဖို့ အထူးလေ့ကျင့်ပေးရမည်။)
**သီလဆိုသည်မှာ -** ကိုယ်နှင့်နှုတ်ကို မလွန်ကျူးရန် စောင့်ရှောက်သော အကျင့် (ကာမသီလ-ငါးပါးသီလ၊ ဈာနသီလ-ဗြဟ္မသီလ ရှစ်ပါးသီလ၊ မဂ္ဂသီလ-ဓမ္မသီလ ဆယ်ပါးသီလ) တို့ပင် ဖြစ်သည်။
**သီလသိက္ခာဆိုသည်မှာ -** မှန်ရာကို ပြောဆို ပြုကျင့် ဆင်ခြင်ပင် ဖြစ်သည်။
**သမာဓိသိက္ခာဆိုသည်မှာ -** ကိုယ့်ရုပ်ပုံ ကိုယ့်နာမ်တင် ကိစ္စမပြတ် ကြောင့်ကြစိုက်ထားခြင်း၊ ကိုယ်နှင့်စိတ် တစ်ထပ်တည်းဖြစ်ရန် သတိက စောင့်ကြပ်ပေးခြင်း၊ ပေါ်သမျှကို အမှန်အတိုင်း သိ၍ သိ၍နေခြင်းပင် ဖြစ်သည်။
# # # # ရွှေဒယ်အိုး
> သံသရာ ရေအလျဉ်ကြောရယ်ပ
> မျောလို့သာနေ
> ဇောချွေးရယ် သေကာလ
> စိုက်လို့သာနေလည်း
> ကိုယ့်အတွက်မပူ
> မျက်စံဖြူလည်း
> သားသမီးနောင်ရေး
> ရတက်မအေး
> တွေးလို့ပူတော့
> ကိုယ့်ဒုက္ခ ကိုယ်ရှာ
> အပိုကမပါ
> ရေနစ်သူ ဝါးကူထိုးသလို
> အနားထူ ရွှေဒယ်အိုးက
> ဆိုးလှပေါ့လေး။
>
သီလ၊ ဣန္ဒြိယရ၊ ဘောဇနမတ္တညုတ၊ ဇာဂရိယ၊ သဒ္ဓါ၊ သတိ အစရှိသော စရဏအကျင့် တဆယ့်ငါးမျိုးနှင့် ဝိဇ္ဇာသုံးပါးဟု ဆိုအပ်သော -
* ပုဗ္ဗေနိဝါသာနုဿတိ အဘိညာဏ် (အတိတ်ဘဝကို ထိုးဖောက်သိမြင်ခြင်း)
* ဒိဗ္ဗစက္ခူ အဘိညာဏ် (ဝေး၊ ကွယ်၊ ငယ်သောအရာတို့ကို ထိုးဖောက်မြင်သိခြင်း)
* အာသဝက္ခယ အဘိညာဏ် (မိမိသန္တာန် ကိလေသာမာန်မရှိခြင်းကို မြင်သိခြင်း)
ထိုဝိဇ္ဇာသုံးပါးသည် လောကီတစ်ဝက် လောကုတ္တရာတစ်ဝက် ဖြစ်ပြီး ဝိဇ္ဇာရှစ်ပါးသည် လောကုတ္တရာစစ်စစ် ဖြစ်သည်။
သမထ အကျင့်အားဖြင့် ပထမဈာန်ရောက်သော်မှ အဘိညာဏ်မတက်နိုင်လျှင် ဝိဇ္ဇာမဖြစ်။ ဒုတိယဈာန်မှ ပဉ္စမဈာန် အဆုံးရောက်သော်မှ နာမ်ဈာန်အဆင့်ဖြင့် ရုပ်ကိုလွှတ် မထုတ်နိုင်ခြင်းကြောင့် ဝိဇ္ဇာမဖြစ်၊ ရုပ်ဈာန် နာမ်ဈာန် ခရီးပေါက်ပြီး လောကီအဘိညာဏ်များ ရသော်လည်း အာသဝက္ခယ အဘိညာဏ် လောကုတ္တရာအဘိညာဏ်ကို မတက်နိုင်က ဝိဇ္ဇာ မဖြစ်နိုင်။
စိတ်လွတ်ကိုယ်လွတ် - စိတ်ချုပ်ကိုယ်ချုပ် လမ်းစဉ်ကို စွန့်ပြီး သတိတစ်လုံးအမြဲသုံးကာ (သတိနှင့် ရှုမှတ်နေချိန်မှာ) ကိုယ်နှုတ် စောင့်စည်းပြီးဖြစ်သည့်အတွက် မဂ္ဂင်သီလအုပ်စုကိုလည်း ပြီးစေ၏။
စိတ်တည်ကြည်လာလျှင် **သမာဓိမဂ္ဂင်**၊ တည်ကြည်ရာမှ သိစရာရှိတာကို သိလျှင် **ပညာမဂ္ဂင်** သို့ ရောက်ရှိရပေသည်။
ထို့နောက် သဒ္ဓါ၊ ဝီရိယ၊ သတိ၊ သမာဓိ၊ ပညာ ဟုဆိုအပ်သော **ဗိုလ်ငါးပါး** ကို ဖြည့်ပေးရမည်။
* သဒ္ဓါဗိုလ်၏ လက်ခွဲ **ဣဒ္ဓိပါဒ် လေးမျိုး**
* ဝီရိယဗိုလ်၏ လက်ခွဲ **သမ္မပ္ပဓာန် လေးမျိုး**
* သတိဗိုလ်၏ လက်ခွဲ **သတိပဋ္ဌာန် လေးပါး** တို့ပင် ဖြစ်သည်။
အမှတ်မှ အသိသို့ တိုးတက်လာသည့်အခါ သတိမှတ်အား တွင်တွင်ပွားခြင်း **သတိသမ္ဗောဇ္ဈင်** ဖြစ်ပေါ်လာသည်။ ထိုမှတဖန် မှတ်အားတက်သဖြင့် သူလှုပ်ရှားချက် ထွက်ပေါ်လာခြင်း **ဓမ္မဝိစယသမ္ဗောဇ္ဈင်**၊ သူလှုပ်ရှားချက် ဖြစ်ပျက်မြင်သမျှ ဝီရိယထား တိုး၍ပွားရခြင်း **ဝီရိယသမ္ဗောဇ္ဈင်** ဖြစ်ပေါ်လာသည်။
ကိုယ့်စိတ်တိုင်းကျ ရှုရသဖြင့် နှစ်သက်အားရသဘောကျလာခြင်း **ပီတိသမ္ဗောဇ္ဈင်** ဖြစ်ပေါ်လာသည်။ ထိုသို့ နှစ်သက်အားကောင်းသဖြင့် ကိုယ်စိတ်နှစ်ပါး ချမ်းသာမှု ရလာခြင်း **ပဿဒ္ဓိသမ္ဗောဇ္ဈင်** အဖြစ်သို့ ပြောင်းလဲကာ၊ ထိုကိုယ်စိတ်နှစ်ပါး ချမ်းသာခြင်းကြောင့် စိတ်တည်ကြည်မှုရခြင်း **သမာဓိသမ္ဗောဇ္ဈင်** ရရှိပေ၏။
ထိုမှတဖန် စိတ်တည်ကြည်ချက် မလှုပ်ရှားသဖြင့် ဘာမျှမမှု ဥပေက္ခာပြုနိုင်ခြင်းဟု ဆိုအပ်သော **ဥပေက္ခာသမ္ဗောဇ္ဈင်** အဖြစ်သို့ပြောင်းကာ ဤမျှသဘောမျှကို စိုက်ကြည့်ပြန်က မမြဲ၊ ဆင်းရဲ သဘောဘဲဟု အစိုးမရ သဘာဝကို ရှင်းလင်းဉာဏ်မြင် ရရှိနိုင်တော့သည်။
ထိုလက္ခဏာရေးသုံးပါးအား ကွက်ကျပိုင်စွဲ ထင်နိုင်အောင် သတိတစ်လုံးရှေ့၌သုံးကာ ပွားများရပေသည်။ ထိုသတိကို အားဖြည့်ပေးရန် ဗိုလ်ငါးပါးကို ကိုယ်ပိုင်ဖြစ်အောင် ဣန္ဒြေငါးပါး ဆောင်ထားဖို့ လိုမည်။ ထိုဣန္ဒြေငါးပါးမှာ -
* **သဒ္ဓိန္ဒြေ -** ယုံကြည်ချက် ကိုယ်ပိုင်ဖြစ်ခြင်း
* **ဝီရိယိန္ဒြေ -** ရဲတင်းချက် ကိုယ်ပိုင်ဖြစ်ခြင်း
* **သတိန္ဒြေ -** မှတ်အားများ ကိုယ်ပိုင်ဖြစ်ခြင်း
* **သမာဓိန္ဒြေ -** တည်ငြိမ်ချက် ကိုယ်ပိုင်ဖြစ်ခြင်း
* **ပညိန္ဒြေ -** ခွဲခြားသိချက် ကိုယ်ပိုင်ဖြစ်ခြင်း
တို့ဖြစ်သည့်အလျောက် ဣန္ဒြေရင့်၊ မရင့် ဗိုလ်ချင်းဆင့်ကြည့်မှ သိနိုင်သည်။
သဒ္ဓါနှင့်ပညာ ညီမညီ၊ သမာဓိနှင့်ဝီရိယ မျှမမျှ သတိခရာ စုပေါင်းခါဖြင့် နှာသီးဝအပေါ် တင်လိုက်သောအခါ **ဗောဓိပက္ခိယတရား ၃၇ ပါး** အကုန်စုမိသည့်အတွက် ကိလေသာရန် တွန်းလှန်ဖို့ သူသဘောနေ ကျေဖို့လိုအပ်သည်။
# # # # နိဗ္ဗာန်ရွှေပြည် အမြိုက်တည်
> အဝိဇ္ဇာရောင်
> ပိတ်ကာဆောင်
> အမှောင်ကိုသာ လျှောက်ရမည်။
> သင်္ခါရစက်ကွင်း
> မလွတ်ကင်း
> စက်ဝန်းပမာ လည်ရမည်။
> ခန္ဓာစက်ကွင်း
> ဇွတ်အတင်း
> ရုန်းရင်းနှင့်သာ ထွက်ရမည်။
> ဝဋ်ကံကြမ္မာ
> မလွတ်သာ
> ရှောင်ခါမရပြီ။
> အိုနာသေရေး
> ဒုက္ခဘေး
> ပြေး၍မလွတ်ပြီ။
> ခရီးမတွင်
> လမ်းမမြင်
> ဆင်းရဲကြုံရပြီ။
> တံခါးပေါက်ရောက်
> လွန်စွာကြောက်
> နောက်ဆုတ်မရပြီ။
> တရားချစ်ခင်
> သူတော်စင်
> စိတ်ကောင်းဝင်ရမည်။
> ခွင့်လွှတ်သည်းခံ
> မာနဟန်
> အမှန်ပယ်ရမည်။
> ဓမ္မနည်းခံ
> ကျင့်ဆောင်ပြန်
> အမြန်ပြုရမည်။
> အချိန်ရှိခိုက်
> လုံ့လစိုက်
> အမြိုက်ရလိမ့်မည်။
>
ကိလေသာတွင် အဆင့် ၃ ဆင့်ရှိသည်။ အားကြီးလှသောကြောင့် အပြင်ထွက်ကာ ကျူးလွန်ခြင်း **ဝိတိက္ကမကိလေသာ**၊ စိတ်ထဲ၌သာ လွန်ကျူးခြင်း **ပရိယုဋ္ဌာနကိလေသာ**၊ နူးညံ့လွန်းသဖြင့် ဘဝင်နှင့်သန္တာန်ကြား ပုန်းကွယ်နေသော **အနုသယကိလေသာ** တို့ပင်ဖြစ်သည်။
ကိလေသာများ ထိန်းမနိုင် သိမ်းမရ ဖြစ်လာပြီဆိုလျှင် သီလအုပ်စုနှင့် ဖျက်ဆီးရမည်။ အအတွင်းကနေ မထိတထိ ဆွပေးနေလျှင် သမာဓိအုပ်စုနှင့် အတွင်းဝင်ပြီ ဖျက်ဆီးရမည်။ အတွင်း အပြင် ပြတ်လို့ လက်ငုတ်ချည်း ကျန်နေလျှင် ပညာဖြင့် အဆင့်ဆင့် နှုတ်ပယ်ရမည်။
**ပညာသိက္ခာဆိုသည်မှာ -** ပညာမဂ္ဂင် ထူထောင်ရာ၌ ရှေးဦးစွာ အဖြစ်ကို အဖြစ်အတိုင်း အသိကို အသိအတိုင်း သိသောဉာဏ် **ယထာဘူတဉာဏ်** ရဖို့လို၏။ ရုပ်နှင့်နာမ်တို့၏ ဖြစ်ပျက်မှုကို မြင်ရဖန်များလာသောအခါ ငြီးငွေ့မှု **နိဗ္ဗိဒါဉာဏ်** သို့ ရောက်ရှိလာသည်။
ထိုမှတဆင့် ကိလေသာတို့ ထိုက်သလောက် ပယ်သတ်သော **ဝိရာဂဉာဏ်** ဖြစ်ပေါ်လာသည်။ ထိုဉာဏ်သည် ရာဂကင်းခြင်းမဟုတ်၊ ဆိုင်ရာကိလေသာတို့ ကင်းကွာသွားခြင်းသာဖြစ်သည်။
ထို့ကြောင့် သီလဝိသုဒ္ဓိ ဖြစ်မှ သမာဓိရမည်။ စိတ္တဝိသုဒ္ဓိ ဖြစ်မှ အယူစင်ကြယ်မှု ဒိဋ္ဌိဝိသုဒ္ဓိ ဖြစ်မည်။ ထိုအခါ ယထာဘူတဉာဏ်ကို ရ၏။ ထိုဉာဏ်ရလျှင် အထက်ဝိပဿနာဉာဏ်ရနိုင်ဖို့ လွယ်ကူလေသည်။
သီလဝိသုဒ္ဓိ၊ စိတ္တဝိသုဒ္ဓိ၊ ဒိဋ္ဌိဝိသုဒ္ဓိ၊ ကင်္ခါဝိတရဏဝိသုဒ္ဓိ ဟူသော လေးပါးသော ဝိသုဒ္ဓိတို့သည် ရုပ်-နာမ်တရားအား အနိစ္စ၊ ဒုက္ခ၊ အနတ္တ ဟု မရှုရသေးသဖြင့် ဝိပဿနာဉာဏ် မဖြစ်ပေါ်သေးဘဲ ရုပ်နာမ်တရားတို့ကို လက္ခဏာယာဉ်သုံးပါးတင်၍ ဆင်ခြင်သုံးသပ်ရမည်။
သမ္မသနဉာဏ် တို့မှ ရင့်သန်သော် အကြောင်းနှင့်စပ် အထပ်ထပ်သုံးသပ်ရင်း ရုပ်နာမ်တရားတို့သည် အပျက်တရား ခဏအားဖြင့် ထင်ရှားအောင် ဆင်ခြင်နိုင်သော **ဥဒယဗ္ဗယဉာဏ်** ဖြစ်ပေါ်လာသည်။ ရုပ်-နာမ်တို့ ပျက်ခြင်းကို ရှင်းလင်းစွာ သိမြင်သောအခါ စိတ်လည်း အလွန် ကြည်လင်လာပြီး (ထိုအခိုက်-ထိုဉာဏ်မဆုံးမီ) ဝိပဿနာညစ်နွမ်းကြောင်း ပေါ်လာတတ်သည်ကို သတိပြုမိဖို့ လိုသည်။
ဆက်လက်အားထုတ်ပါက (ဘင်္ဂ၊ ဘယ၊ အာဒီနဝ) အစရှိသော ဉာဏ်စဉ်တို့ တဖြည်းဖြည်း ရင့်သန်ရင်း မဂ္ဂါမဂ္ဂဉာဏဒဿနဝိသုဒ္ဓိ ဖြင့် ဝိပဿနာ၏ ဘေးရန်မှ လွတ်ကင်းသောအခါ ဥဒယဗ္ဗယဉာဏ်မှစ၍ အနုလောမဉာဏ်တိုင်အောင် အစဉ်အတိုင်း အားထုတ်သည်ရှိသော် ပဋိပဒါဉာဏဒဿနဝိသုဒ္ဓိ ဖြစ်လာ၏။
ထိုဉာဏ် ရင့်သန်သောအခါ အပ္ပနာခေါ် မဂ်ဉာဏ် ဖြစ်ပေါ်လာရာနှင့် နီးသောအခါ (ဘဝင်္ဂစလန-ဘဝင်္ဂုပစ္ဆေဒ) ဟု ဘဝအစဉ်ဖြတ်၍ မနောဒွါရာဝဇ္ဇန်းစိတ် ဖြစ်သည်။ ဥပစာ၊ အနုလုံ ဟူသော အမည်ဖြင့် ဝိပဿနာဇော နှစ်ကြိမ် သို့မဟုတ် သုံးကြိမ် ဖြစ်၏။ ယင်းစိတ်များသည် မဂ်၏အနီးအနား ဥပစာ၌ဖြစ်သော သမာဓိအားကောင်းသော ကာမဇောများ ဖြစ်သောကြောင့် ဥပစာသမာဓိဟု ခေါ်သည်။
ထို ဝိပဿနာဇောများသည် လက္ခဏာရေးသုံးပါး တစ်ပြိုင်နက် မရှုနိုင်သောကြောင့် -
* ပညိန္ဒြေ ထက်သူသည် **အနတ္တ** ဟုလည်းကောင်း၊
* သဒ္ဓိန္ဒြေ ထက်သူသည် **အနိစ္စ** ဟုလည်းကောင်း၊
* သမာဓိန္ဒြေ ထက်သူသည် **ဒုက္ခ** ဟုလည်းကောင်း ရှုရမည်။
သင်္ခါရတည်းဟူသော အာရုံနိမိတ်၏ အစဉ်မပြတ်သော ဝဋ်ဒုက္ခ၊ ဝဋ်ခန္ဓာတို့မှ ထမြောက်သော မဂ်တရားကို **ဝုဋ္ဌာန** ဟုခေါ်သည်။ ထို မဂ်နှင့် နီးကပ်သော အထွဋ်အထိပ်ဖြစ်သော **သင်္ခါရုပေက္ခာဉာဏ်** နှင့် (ပရိကံ၊ ဥပစာ၊ အနုလုံ) အမည်ရသော အနုလောမဉာဏ်ကို **ဝုဋ္ဌာနဂါမိနိဝိပဿနာ** ဟုခေါ်သည်။
ထိုသို့ အနုလုံဖြစ်ပြီးနောက် **ဂေါတြဘူစိတ်** ဖြစ်သည်။ ဤစိတ်သည် သင်္ခါရတရားတို့ကို အာရုံမပြုဘဲ နိဗ္ဗာန်ကို အာရုံပြုသည်။ ပုထုဇဉ်အနွယ်ကိုဖြတ်၍ အရိယာအနွယ် သက္ကာယဒိဋ္ဌိ၊ ဝိစိကိစ္ဆာ ကင်းသော ခန္ဓာအစဉ်သို့ ရောက်ကာ ဂေါတြဘူဉာဏ်သို့ ပြေးဝင်၏။
ဂေါတြဘူဉာဏ်သည် လကိုကြည့်သောသူနှင့် တူ၏။ အနုလောမဉာဏ် သုံးပါးသည် ကိလေသာများကိုသာ ပယ်နိုင်သော်လည်း နိဗ္ဗာန်ကို မမြင်နိုင်။ ဂေါတြဘူဉာဏ်သည် နိဗ္ဗာန်ကိုသာ အာရုံပြုနိုင်ပြီး ကိလေသာကို မပယ်ဖျောက်နိုင်။ ထို့ကြောင့် မဂ်၏ ရှေ့ပြေးအာဝဇ္ဇန်းအရာ၌သာ တည်ရှိသည်။
မဂ်ဉာဏ်သည်ကား ထိုဂေါတြဘူဉာဏ် အာရုံပြုသော နိဗ္ဗာန်ကိုပင် ဆက်လက်၍ အာရုံပြုပြီးလျှင် ကိလေသာကို ပယ်သတ်သည်။
ဂေါတြဘူစိတ် ချုပ်ပြီးနောက် ဒုက္ခသစ္စာကို လောကီစိတ်-စေတသိက်ရုပ်မျှသာ ရှိ၏။ ထိုထက်ပိုမရှိဟု ပိုင်ခြားသိခြင်း **ပရိညာကိစ္စ**၊ သမုဒယသစ္စာ၌ တဏှာလောဘကို ပယ်စွန့်ခြင်းဟူသော **ပဟာနကိစ္စ**၊ နိရောဓသစ္စာ၌ နိဗ္ဗာန်ကို မျက်မှောက်ပြုခြင်းဟူသော **သစ္ဆိကိရိယာကိစ္စ**၊ မဂ္ဂသစ္စာအား မိမိသန္တာန်၌ ဖြစ်ပေါ်လာခြင်းဟူသော **ဘာဝနာကိစ္စ** ဟူသော ကိစ္စလေးချက်ကို တစ်ပြိုင်နက် ပြီးစီးစေနိုင်သော စိတ်ဖြစ်ပေါ်လာသည်။
မဂ်စိတ် တစ်ကြိမ်ဖြစ်ပြီးနောက် ဖိုလ်စိတ် သုံးကြိမ် (သို့မဟုတ်) နှစ်ကြိမ် ဖြစ်ပြီး ဘဝင်ကျ၏။ မဂ်ဝီထိနောက် ဘဝကျ၍ ဘဝင်ပြတ်သည့်အခါ မဂ်၊ ဖိုလ် စသည်တို့ကို ဆင်ခြင်သော ပစ္စဝေက္ခဏာဝီထီများ ဖြစ်လာသည်။ ထိုဝီထိ၌ ပါသော မဟာကုသိုလ် မဟာကြိယာဉာဏသမ္ပယုတ်ဇော နှင့် ဉာဏ်များကို **ပစ္စဝေက္ခဏာဉာဏ်** ဟုခေါ်သည်။
မဂ်စိတ်သည် တစ်ကြိမ်သာဖြစ်၏။ ထိုမဂ်တစ်ကြိမ် စောပြီးနောက် ဖိုလ်ဇော သုံးကြိမ် (သို့) နှစ်ကြိမ် ဖြစ်သည်။
* **မန္ဒပညာပုဂ္ဂိုလ်၌ -** ပရိကံ၊ ဥပစာ၊ အနုလုံ၊ ဂေါတြဘူ ဟူသော ဥပစာရသမာဓိဇော လေးကြိမ်၊ ထို့နောက် မဂ်တစ်ကြိမ်၊ ဖိုလ်နှစ်ကြိမ် စုစုပေါင်း ခုနစ်ကြိမ် စော၏။
* **တိက္ခပညာပုဂ္ဂိုလ်၌ -** ဥပစာ၊ အနုလုံ၊ ဂေါတြဘူ ဟူ၍ သုံးကြိမ်၊ ထို့နောက် မဂ်တစ်ကြိမ်၊ ဖ

12/06/2026

ဒါကတော့ ၂၀၂၆ ဖီဖာ ကမ္ဘာ့ဖလား (FIFA World Cup 2026) ရဲ့ တရားဝင် Logo ပုံဖြစ်ပါတယ်။
ဒီ Logo မှာ အနောက်ခံ အမည်းပေါ်မှာ အဖြူရောင် ဂဏန်း "26" ကို ထင်ရှားစွာ ပုံဖော်ထားပြီး ရှေ့ကနေ စစ်မှန်တဲ့ ကမ္ဘာ့ဖလား ရွှေဖလားကြီးရဲ့ ပုံရိပ်ကို ထည့်သွင်း ဒီဇိုင်းဆွဲထားတာ ဖြစ်ပါတယ်။

ပုံကတော့ ၂၀၂၆ ကမ္ဘာ့ဖလားကို ပူးတွဲအိမ်ရှင်အဖြစ် လက်ခံကျင်းပမယ့် အမေရိကန်၊ မက္ကဆီကိုနဲ့ ကနေဒါ ၃ နိုင်ငံရဲ့ ကိုယ်စားပြု အမှတ်အသားတွေကို ပေါင်းစပ်ပြီး ဖန်တီးထားတဲ့ ပရိသတ်လက်ရာ (Fan-made Concept Logo) သို့မဟုတ် ရွေးချယ်စရာ အယူအဆပုံစံတစ်ခု ဖြစ်ပါတယ်။

ဒီဇိုင်းရဲ့ အဓိပ္ပာယ်ကို ကြည့်မယ်ဆိုရင် -

ဂဏန်း "၂" ပေါ်က အစိတ်အပိုင်း: အမေရိကန်အလံရဲ့ စင်းကြောင်းတွေနဲ့ ကနေဒါနိုင်ငံရဲ့ အလံအရောင် (အနီ/အဖြူ) ကို ပုံဖော်ထားပါတယ်။

ဂဏန်း "၆" ပေါ်က အစိတ်အပိုင်း: မက္ကဆီကိုနိုင်ငံရဲ့ အလံအရောင် (အစိမ်း၊ အဖြူ၊ အနီ) နဲ့အတူ ဘောလုံးပုံစံကို ထည့်သွင်းထားပါတယ်။

အလယ်မှာ: ကမ္ဘာ့ဖလား ရွှေဖလားကြီးနဲ့ ဘောလုံးကန်နေတဲ့ ကစားသမားပုံရိပ်ကို တွေ့ရမှာ ဖြစ်ပါတယ်။

ဖီဖာ (FIFA) ကနေ တရားဝင် ထုတ်ပြန်ထားတဲ့ အမှန်တကယ် သုံးစွဲနေတဲ့ Logo ကတော့ အရှေ့မှာ ပြပေးခဲ့တဲ့ အမည်းရောင်နောက်ခံပေါ်မှာ ဂဏန်း "26" အဖြူရောင်ကို ရွှေဖလားကြီး ထပ်ထားတဲ့ ဒီဇိုင်းပဲ ဖြစ်ပါတယ်။ အခု ပုံကတော့ အိမ်ရှင် ၃ နိုင်ငံရဲ့ အငွေ့အသက်ကို ပိုပြီး အရောင်အသွေးစုံလင်စွာ ဖော်ပြထားတဲ့ ဒီဇိုင်းအလှတစ်ခု ဖြစ်ပါတယ်။

စပိန်၊ ပြင်သစ်၊ ဘရာဇီး၊ အာဂျင်တီးနား၊ အင်္ဂလန်တို့ဟာ လက်ရှိအင်အားအရ ရှေ့ပြေးအသင်းတွေ ဖြစ်နေပါတယ်။

ကိုယ်ပိုင် ခန့်မှန်းချက်အနေနဲ့ ပြောရရင်၊ စပိန် ကို အနိုင်ရဖို့ အခွင့်အရေးအနည်းငယ် ပိုပေးချင်ပါတယ်။ အကြောင်းက Pedri, Gavi, Yamal လိုမျိုး လူငယ်စွမ်းရည်တွေ ပွင့်လန်းလာတာ၊ Rodri က ရွှေဘောလုံးဆုရှင်အဖြစ် အသင်းကို တည်ငြိမ်စေတာ၊ နည်းပြသစ် De la Fuente လက်ထက် စည်းဝါးကျစ်လျစ်တဲ့ ကစားပုံတွေကြောင့်ပါ။ ပြင်သစ်က ခြေစွမ်းတက်လာရင်လည်း အလားအလာကောင်းပါတယ် (Mbappé, Tchouaméni)။ ဘရာဇီးကိုတော့ Vinícius နဲ့ Rodrygo ဦးဆောင်ပေမဲ့ ခံစစ်ပိုင်းမှာ မေးခွန်းထုတ်စရာရှိတယ်။

အာဂျင်တီးနားက လက်ရှိချန်ပီယံဖြစ်ပေမယ့် ၂၀၂၆ မှာ Messi အသက် ၃၉ နှစ်ရှိနေမှာမို့ အခုလောက် အဆင့်မမီနိုင်ဘူးလို့ မြင်ပါတယ်။

၂၀၂၆ ဖီဖာ ကမ္ဘာ့ဖလား (FIFA World Cup 2026) ရဲ့ ဖွင့်ပွဲ အခမ်းအနားနဲ့ အဖွင့်ပွဲစဉ်ကို **မက္ကဆီကိုနိုင်ငံ (Mexico)** မှာ ပြုလုပ်ခဲ့တာ ဖြစ်ပါတယ်။
မက္ကဆီကိုစီးတီးမြို့မှာရှိတဲ့ ကမ္ဘာကျော် **အက်ဇ်တီကာ အားကစားကွင်းကြီး (Estadio Azteca / Mexico City Stadium)** မှာ ဇွန်လ ၁၁ ရက်နေ့က ဖွင့်ပွဲကို စည်ကားသိုက်မြိုက်စွာ ကျင်းပခဲ့တာပါ။ အဆိုပါ အဖွင့်ပွဲစဉ်မှာ အိမ်ရှင် မက္ကဆီကိုအသင်းက တောင်အာဖရိကအသင်းကို ၂ ဂိုး - ၀ ဂိုးနဲ့ အနိုင်ရရှိခဲ့ပါတယ်။
ယခုနှစ် ကမ္ဘာ့ဖလားပြိုင်ပွဲကြီးကို **အမေရိကန်၊ မက္ကဆီကိုနဲ့ ကနေဒါ** ၃ နိုင်ငံ ပူးတွဲအိမ်ရှင်အဖြစ် လက်ခံကျင်းပနေတာ ဖြစ်ပြီး၊ ကျန်တဲ့ အိမ်ရှင် ၂ နိုင်ငံဖြစ်တဲ့ ကနေဒါနိုင်ငံရဲ့ ပထမဆုံးပွဲ (ကနေဒါ Vs ဘော့စနီးယား) နဲ့ အမေရိကန်နိုင်ငံရဲ့ ပထမဆုံးပွဲ (အမေရိကန် Vs ပါရာဂွေး) တို့ကိုတော့ ဇွန်လ ၁၂ ရက်နေ့ (မြန်မာစံတော်ချိန် ဇွန်လ ၁၃ ရက် မနက်ပိုင်း) မှာ သက်ဆိုင်ရာနိုင်ငံတွေရဲ့ အားကစားကွင်းတွေမှာ ဆက်လက်ကျင်းပသွားမှာ ဖြစ်ပါတယ်။

အခု လက်ရှိ ကျင်းပနေတဲ့ **၂၀၂၆ ဖီဖာ ကမ္ဘာ့ဖလား (FIFA World Cup 2026)** ပြိုင်ပွဲကြီးရဲ့ # # ⚽ ပွဲဦးထွက် ရလဒ်များနှင့် ထူးခြားချက်များ
* **အိမ်ရှင် မက္ကဆီကို အနိုင်ရပြီး အဖွင့်လှလှဖြင့် စတင်**
* **မက္ကဆီကို ၂ - ၀ တောင်အာဖရိက**
* အက်ဇ်တီကာ အားကစားကွင်းကြီးမှာ ကျင်းပခဲ့တဲ့ ပြိုင်ပွဲရဲ့ ပထမဆုံး အဖွင့်ပွဲစဉ်မှာ အိမ်ရှင် မက္ကဆီကိုအသင်းက တောင်အာဖရိကအသင်းကို ၂ ဂိုးပြတ်နဲ့ အနိုင်ရရှိခဲ့ပါတယ်။ ဂိုးတွေကိုတော့ ဂျူလီယန် ကွီနိုနက်စ် (ကိုးမိနစ်) နဲ့ ဝါရင့်တိုက်စစ်မှူး ရာအူးလ် ဟီမင်နက်ဇ် (၆၇ မိနစ်) တို့က သွင်းယူပေးခဲ့တာပါ။

* **စံချိန်သစ်:** ဒီပွဲဟာ ကမ္ဘာ့ဖလား အဖွင့်ပွဲစဉ် သမိုင်းတစ်လျှောက် အနီကတ် အများဆုံးပြသခဲ့တဲ့ ပွဲအဖြစ် စံချိန်တင်သွားခဲ့ပြီး နှစ်ဖက်စလုံးက ကစားသမား စုစုပေါင်း ၃ ဦး (တောင်အာဖရိကမှ ၂ ဦး၊ မက္ကဆီကိုမှ ၁ ဦး) အနီကတ်အပြာခံခဲ့ရပါတယ်။
* **တောင်ကိုရီးယားအသင်း အဖိုးတန် ၃ မှတ် ရယူ**
* **တောင်ကိုရီးယား ၂ - ၁ ချက်သမ္မတနိုင်ငံ**
* အုပ်စု (A) ရဲ့ အခြားပွဲစဉ်တစ်ခုဖြစ်တဲ့ ပွဲမှာတော့ အာရှအင်အားကြီး တောင်ကိုရီးယားအသင်းက ချက်အသင်းကို ၂ ဂိုး ၁ ဂိုးနဲ့ အနိုင်ရရှိပြီး မက္ကဆီကိုအသင်းနဲ့အတူ အုပ်စုတွင်း အခြေအနေကောင်းတစ်ခုကို စတင် တည်ဆောက်နိုင်ခဲ့ပါတယ်။
# # 📅 ဆက်လက်ကျင်းပမည့် ဒီနေ့ပွဲစဉ်များ (ဇွန်လ ၁၂ ရက်)
ဒီနေ့မှာတော့ ကျန်ရှိနေတဲ့ အိမ်ရှင် ၂ နိုင်ငံဖြစ်တဲ့ အမေရိကန်နဲ့ ကနေဒါနိုင်ငံတို့ရဲ့ ပွဲဦးထွက်ပွဲစဉ်တွေကို မြန်မာစံတော်ချိန် အောက်ပါအတိုင်း ဆက်လက်စောင့်မျှော် ကြည့်ရှုနိုင်မှာ ဖြစ်ပါတယ်။
* **အုပ်စု (B):** ကနေဒါ Vs ဘော့စနီးယား
* **အုပ်စု (D):** အမေရိကန် Vs ပါရာဂွေး
*(မှတ်ချက် - အမေရိကန်နှင့် ကနေဒါနိုင်ငံတို့သည် အိမ်ကွင်းပွဲစဉ်များအဖြစ် မိမိတို့နိုင်ငံရှိ အားကစားကွင်းများ၌ အသီးသီး လက်ခံကျင်းပသွားမည် ဖြစ်သည်။)

(၂၀၂၆ ခုနှစ်၊ ဇွန်လ ၁၃ ရက်) မှာ ထူးခြားတဲ့ ကမ္ဘာ့ဖလား ဘောလုံးပွဲစဉ် ရလဒ်တွေနဲ့ နောက်ဆုံးရသတင်းတွေကို စုစည်းဖော်ပြပေးလိုက်ပါတယ်ခင်ဗျာ။

# # ⚽ ကမ္ဘာ့ဖလား နောက်ဆုံးရ ရလဒ်များ (အိမ်ရှင်များ ပွဲဦးထွက်)
ဇွန်လ ၁၂ ရက်နေ့ (မြန်မာစံတော်ချိန် ဒီနေ့မနက်ပိုင်း) က ကမ္ဘာ့ဖလား အိမ်ရှင်နိုင်ငံကြီး ၂ နိုင်ငံဖြစ်တဲ့ အမေရိကန်နဲ့ ကနေဒါတို့ရဲ့ ပွဲဦးထွက် ပွဲစဉ်တွေကို ယှဉ်ပြိုင်ကစားခဲ့ကြပါတယ်။

* **အမေရိကန်အသင်း သရေကျပြီး ရုန်းကန်ခဲ့ရ**
* **အမေရိကန် ၁ - ၁ ပါရာဂွေး**
* အိမ်ရှင် အမေရိကန်အသင်းဟာ အုပ်စု (D) အဖွင့်ပွဲစဉ်အဖြစ် လော့စ်အိန်ဂျလိစ်မြို့မှာ ပါရာဂွေးအသင်းနဲ့ ရင်ဆိုင်ခဲ့ရာမှာ တစ်ဖက် ၁ ဂိုးစီနဲ့ သရေကျပြီး အမှတ်ခွဲခဲ့ရပါတယ်။ အိမ်ကွင်းပရိသတ်အရှေ့မှာ နိုင်ပွဲရဖို့ ရုန်းကန်ခဲ့ရတာကြောင့် အုပ်စုတက်ဖို့အတွက် နောက်ပွဲတွေကို ပိုပြီး အားစိုက်ရမယ့် အခြေအနေ ဖြစ်သွားပါတယ်။

* **ကနေဒါအသင်း အိမ်ကွင်းမှာ နိုင်ပွဲရှာမတွေ့**
* **ကနေဒါ ၀ - ၀ ဘော့စနီးယား**
* အုပ်စု (B) က အိမ်ရှင် ကနေဒါအသင်းကလည်း တိုရွန်တိုမြို့မှာ ဘော့စနီးယားအသင်းနဲ့ ကစားခဲ့ရာမှာ ဂိုးမရှိ သရေရလဒ်နဲ့သာ ပွဲပြီးဆုံးခဲ့ပါတယ်။ တိုက်စစ်ပိုင်း အခွင့်အရေးတွေ ရခဲ့ပေမယ့် ဂိုးအဖြစ် မပြောင်းလဲနိုင်ခဲ့လို့ အိမ်ရှင်အဖြစ် ပွဲဦးထွက်မှာ စိတ်ပျက်စရာ သရေရလဒ်နဲ့ပဲ ကျေနပ်ခဲ့ရပါတယ်။
# # 📈 အုပ်စုတွင်း လက်ရှိအခြေအနေ
* **အုပ်စု (A):** မက္ကဆီကိုနဲ့ တောင်ကိုရီးယားတို့က ၃ မှတ်စီနဲ့ အုပ်စုကို ဦးဆောင်ထားပါတယ်။
* **အုပ်စု (B) နှင့် (D):** အမေရိကန်နဲ့ ကနေဒါတို့ သရေကျခဲ့တာကြောင့် အုပ်စုတွင်းပြိုင်ဆိုင်မှုတွေက ပိုမိုပြင်းထန်လာပြီး နောက်ထပ်ကစားမယ့် ပွဲစဉ်တွေက အဆုံးအဖြတ် ဖြစ်လာတော့မှာပါ။

⚽ ၂၀၂၆ ကမ္ဘာဖလား ပွဲစဉ်ဇယား (List) လေးထဲမှာ ကန်မယ့်အသင်းတွေနဲ့ ရက်စွဲတွေအပြင် စနေ၊ တနင်္ဂနွေ အားလပ်ရက် နေ့ရက်တွေကိုပါ အတိအကျ ခွဲခြားထည့်သွင်းပေးထားတာဖြစ်လို့ ဘယ်ရက်မှာ အလုပ်ပိတ်ရက်နဲ့ အိပ်ရေးပျက်ခံကြည့်ရမလဲဆိုတာ အလွယ်တကူ ရွေးချယ်နိုင်အောင် အုပ်စု ပတ်လည် ၇၂ ပွဲ စာရင်းကို တင်ပေးလိုက်ပါတယ်။

📅 Matchday 1

👉 Jun 12 (Fri) 01:30 AM : မက္ကဆီကို 🇲🇽 vs တောင်အာဖရိက 🇿🇦

👉 Jun 12 (Fri) 08:30 AM : တောင်ကိုရီးယား 🇰🇷 vs ချက်သမ္မတနိုင်ငံ 🇨🇿

👉 Jun 13 (Sat) 01:30 AM : ကနေဒါ 🇨🇦 vs ဘော့စနီးယား 🇧🇦

👉 Jun 13 (Sat) 07:30 AM : အမေရိကန် 🇺🇸 vs ပါရာဂွေး 🇵🇾

👉 Jun 14 (Sun) 01:30 AM : ကာတာ 🇶🇦 vs ဆွစ်ဇာလန် 🇨🇭

👉 Jun 14 (Sun) 04:30 AM : ဘရာဇီး 🇧🇷 vs မော်ရိုကို 🇲🇦

👉 Jun 14 (Sun) 07:30 AM : ဟေတီ 🇭🇹 vs စကော့တလန် 🏴󠁧󠁢󠁳󠁣󠁴󠁿

👉 Jun 14 (Sun) 10:30 AM : အော်စတြေးလျ 🇦🇺 vs တူရကီ 🇹🇷

👉 Jun 14 (Sun) 11:30 PM : ဂျာမနီ 🇩🇪 vs ကျူရာဆောင်း 🇨🇼

👉 Jun 15 (Mon) 02:30 AM : နယ်သာလန် 🇳🇱 vs ဂျပန် 🇯🇵

👉 Jun 15 (Mon) 05:30 AM : အိုင်ဗရီကို့စ် 🇨🇮 vs အီကွေဒေါ 🇪🇨

👉 Jun 15 (Mon) 08:30 AM : ဆွီဒင် 🇸🇪 vs တူနီးရှား 🇹🇳

👉 Jun 15 (Mon) 10:30 PM : စပိန် 🇪🇸 vs ကိပ်ဗာဒီ 🇨🇻

👉 Jun 16 (Tue) 01:30 AM : ဘယ်လ်ဂျီယံ 🇧🇪 vs အီဂျစ် 🇪🇬

👉 Jun 16 (Tue) 04:30 AM : ဆော်ဒီအာရေဗျ 🇸🇦 vs ဥရုဂွေး 🇺🇾

👉 Jun 16 (Tue) 07:30 AM : အီရန် 🇮🇷 vs နယူးဇီလန် 🇳🇿

👉 Jun 17 (Wed) 01:30 AM : ပြင်သစ် 🇫🇷 vs ဆီနီဂေါ 🇸🇳

👉 Jun 17 (Wed) 04:30 AM : အီရတ် 🇮🇶 vs နော်ဝေ 🇳🇴

👉 Jun 17 (Wed) 07:30 AM : အာဂျင်တီးနား 🇦🇷 vs အယ်လ်ဂျီးရီးယား 🇩🇿

👉 Jun 17 (Wed) 10:30 AM : သြစတြီးယား 🇦🇹 vs ဂျော်ဒန် 🇯🇴

👉 Jun 17 (Wed) 11:30 PM : ပေါ်တူဂီ 🇵🇹 vs ကွန်ဂိုဒီမိုကရက်တစ် 🇨🇩

👉 Jun 18 (Thu) 01:30 AM : အင်္ဂလန် 🏴󠁧󠁢󠁥󠁮󠁧󠁿 vs ခရိုအေးရှား 🇭🇷

👉 Jun 18 (Thu) 04:30 AM : ဂါနာ 🇬🇭 vs ပနားမား 🇵🇦

👉 Jun 18 (Thu) 07:30 AM : ဥဇဘက်ကစ္စတန် 🇺🇿 vs ကိုလံဘီယာ 🇨🇴

📅 Matchday 2

👉 Jun 18 (Thu) 10:30 PM : ချက်သမ္မတနိုင်ငံ 🇨🇿 vs တောင်အာဖရိက 🇿🇦

👉 Jun 19 (Fri) 01:30 AM : ဆွစ်ဇာလန် 🇨🇭 vs ဘော့စနီးယား 🇧🇦

👉 Jun 19 (Fri) 04:30 AM : ကနေဒါ 🇨🇦 vs ကာတာ 🇶🇦

👉 Jun 19 (Fri) 07:30 AM : မက္ကဆီကို 🇲🇽 vs တောင်ကိုရီးယား 🇰🇷

👉 Jun 20 (Sat) 01:30 AM : အမေရိကန် 🇺🇸 vs အော်စတြေးလျ 🇦🇺

👉 Jun 20 (Sat) 04:30 AM : စကော့တလန် 🏴󠁧󠁢󠁳󠁣󠁴󠁿 vs မော်ရိုကို 🇲🇦

👉 Jun 20 (Sat) 07:00 AM : ဘရာဇီး 🇧🇷 vs ဟေတီ 🇭🇹

👉 Jun 20 (Sat) 09:30 AM : တူရကီ 🇹🇷 vs ပါရာဂွေး 🇵🇾

👉 Jun 20 (Sat) 10:30 PM : နယ်သာလန် 🇳🇱 vs ဆွီဒင် 🇸🇪

👉 Jun 21 (Sun) 01:30 AM : ဂျာမနီ 🇩🇪 vs အိုင်ဗရီကို့စ် 🇨🇮

👉 Jun 21 (Sun) 05:30 AM : အီကွေဒေါ 🇪🇨 vs ကျူရာဆောင်း 🇨🇼

👉 Jun 21 (Sun) 09:30 AM : တူနီးရှား 🇹🇳 vs ဂျပန် 🇯🇵

👉 Jun 21 (Sun) 09:30 PM : စပိန် 🇪🇸 vs ဆော်ဒီအာရေဗျ 🇸🇦

👉 Jun 22 (Mon) 01:30 AM : ဘယ်လ်ဂျီယံ 🇧🇪 vs အီရန် 🇮🇷

👉 Jun 22 (Mon) 04:30 AM : ဥရုဂွေး 🇺🇾 vs ကိပ်ဗာဒီ 🇨🇻

👉 Jun 22 (Mon) 07:30 AM : နယူးဇီလန် 🇳🇿 vs အီဂျစ် 🇪🇬

👉 Jun 22 (Mon) 10:30 PM : အာဂျင်တီးနား 🇦🇷 vs သြစတြီးယား 🇦🇹

👉 Jun 23 (Tue) 02:30 AM : ပြင်သစ် 🇫🇷 vs အီရတ် 🇮🇶

👉 Jun 23 (Tue) 05:30 AM : နော်ဝေ 🇳🇴 vs ဆီနီဂေါ 🇸🇳

👉 Jun 23 (Tue) 08:30 AM : ဂျော်ဒန် 🇯🇴 vs အယ်လ်ဂျီးရီးယား 🇩🇿

👉 Jun 23 (Tue) 10:30 PM : ပေါ်တူဂီ 🇵🇹 vs ဥဇဘက်ကစ္စတန် 🇺🇿

👉 Jun 24 (Wed) 01:30 AM : အင်္ဂလန် 🏴󠁧󠁢󠁥󠁮󠁧󠁿 vs ဂါနာ 🇬🇭

👉 Jun 24 (Wed) 04:30 AM : ပနားမား 🇵🇦 vs ခရိုအေးရှား 🇭🇷

👉 Jun 24 (Wed) 07:30 AM : ကိုလံဘီယာ 🇨🇴 vs ကွန်ဂိုဒီမိုကရက်တစ် 🇨🇩

📅 Matchday 3
👉 Jun 25 (Thu) 01:30 AM : ဆွစ်ဇာလန် 🇨🇭 vs ကနေဒါ 🇨🇦

👉 Jun 25 (Thu) 01:30 AM : ဘော့စနီးယား 🇧🇦 vs ကာတာ 🇶🇦

👉 Jun 25 (Thu) 04:30 AM : မော်ရိုကို 🇲🇦 vs ဟေတီ 🇭🇹

👉 Jun 25 (Thu) 04:30 AM : စကော့တလန် 🏴󠁧󠁢󠁳󠁣󠁴󠁿 vs ဘရာဇီး 🇧🇷

👉 Jun 25 (Thu) 07:30 AM : တောင်အာဖရိက 🇿🇦 vs တောင်ကိုရီးယား 🇰🇷

👉 Jun 25 (Thu) 07:30 AM : ချက်သမ္မတနိုင်ငံ 🇨🇿 vs မက္ကဆီကို 🇲🇽

👉 Jun 26 (Fri) 01:30 AM : ကျူရာဆောင်း 🇨🇼 vs အိုင်ဗရီကို့စ် 🇨🇮

👉 Jun 26 (Fri) 01:30 AM : အီကွေဒေါ 🇪🇨 vs ဂျာမမဏီ 🇩🇪

👉 Jun 26 (Fri) 04:30 AM : တူနီးရှား 🇹🇳 vs နယ်သာလန် 🇳🇱

👉 Jun 26 (Fri) 04:30 AM : ဂျပန် 🇯🇵 vs ဆွီဒင် 🇸🇪

👉 Jun 26 (Fri) 07:30 AM : တူရကီ 🇹🇷 vs အမေရိကန် 🇺🇸

👉 Jun 26 (Fri) 07:30 AM : ပါရာဂွေး 🇵🇾 vs အော်စတြေးလျ 🇦🇺

👉 Jun 27 (Sat) 01:30 AM : နော်ဝေ 🇳🇴 vs ပြင်သစ် 🇫🇷

👉 Jun 27 (Sat) 01:30 AM : ဆီနီဂေါ 🇸🇳 vs အီရတ် 🇮🇶

👉 Jun 27 (Sat) 05:30 AM : ကိပ်ဗာဒီ 🇨🇻 vs ဆော်ဒီအာရေဗျ 🇸🇦

👉 Jun 27 (Sat) 05:30 AM : ဥရုဂွေး 🇺🇾 vs စပိန် 🇪🇸

👉 Jun 27 (Sat) 08:30 AM : နယူးဇီလန် 🇳🇿 vs ဘယ်လ်ဂျီယံ 🇧🇪

👉 Jun 27 (Sat) 08:30 AM : အီဂျစ် 🇪🇬 vs အီရန် 🇮🇷

👉 Jun 28 (Sun) 03:30 AM : ပနားမား 🇵🇦 vs အင်္ဂလန် 🏴󠁧󠁢󠁥󠁮󠁧󠁿

👉 Jun 28 (Sun) 03:30 AM : ခရိုအေးရှား 🇭🇷 vs ဂါနာ 🇬🇭

👉 Jun 28 (Sun) 06:00 AM : ကိုလံဘီယာ 🇨🇴 vs ပေါ်တူဂီ 🇵🇹

👉 Jun 28 (Sun) 06:00 AM : ကွန်ဂိုဒီမိုကရက်တစ် 🇨🇩 vs ဥဇဘက်ကစ္စတန် 🇺🇿

👉 Jun 28 (Sun) 08:30 AM : အယ်လ်ဂျီးရီးယား 🇩🇿 vs သြစတြီးယား 🇦🇹

👉 Jun 28 (Sun) 08:30 AM : ဂျော်ဒန် 🇯🇴 vs အာဂျင်တီးနား 🇦🇷

ပွဲကြီးပွဲကောင်းတွေနဲ့ ကိုယ်ကြိုက်တဲ့ အသင်းကန်မယ့်ရက်လေးတွေ မှတ်ထားလို့ရအောင် စုစည်းပေးထားပါတယ်။ အားလုံးမကြည့်နိုင်ရင်တောင် ရွေးကြည့်လို့ရအောင် မှတ်ထားလိုက်ဘာ။

#ဗဟုသုတ

#ကမ္ဘာ့ဖလားပွဲစဉ်ဇယား
#ဘောလုံးသတင်း

Address

အဖ
၁၂၃၄၅

Website

facebook.com

Alerts

Be the first to know and let us send you an email when ေအာင္မိသားစုအေထြေထြေရာင္းဝယ္ေရး posts news and promotions. Your email address will not be used for any other purpose, and you can unsubscribe at any time.