01/04/2026
Честитки по повод 30 години Македонска берза 🥂🎊👏
🎉Синоќа имавме чест да присуствуваме на одбележувањето на значајниот јубилеј – 30 години од првото тргување на Македонската берза, настан кој достоинствено ја одрази важноста на институцијата и нејзината улога во развојот на пазарот на капитал во Република Северна Македонија.
Во духот на одбележувањето, беше истакнато дека успехот на Берзата е резултат на заедничките напори на сите генерации вработени, членови на управните органи – поранешни и сегашни, како и на сите учесници на пазарот. Доделувањето на признанија и плакети беше уште една потврда за континуитетот, посветеноста и професионализмот што ја одбележуваат нејзината работа. 🏛️
Македонската берза, формирана во период на економска транзиција, претставува една од клучните институции во градењето на современиот финансиски систем во државата. Нејзината улога одамна ја надминува рамката на финансискиот сектор – таа е важен двигател на економскиот развој, транспарентноста и довербата во пазарните процеси.
Централниот депозитар за хартии од вредност и Македонската берза се партнери уште од основањето на Депозитарот, со долгогодишна соработка која се темели на заедничка визија за развој и унапредување на пазарната инфраструктура. Во изминатите години, ова партнерство се продлабочи преку заеднички развојни проекти, а денес Берзата е и најголем акционер во Депозитарот – што претставува дополнителна потврда за меѓусебната доверба и поврзаност.
Со искрени честитки за постигнатото во изминатите три децении и со желби за уште поголеми успеси во иднина 📈🤝
Macedonian Stock Exchange
