31/10/2021
21 600 000 (njëzet e një milion e gjashtëqind mijë euro) bëhen tym për një vit në Çair!
Përshëndetje
Ideja për një hap të këtillë daton prej më herët, pra që nga viti 2018.
Si erdhëm te kjo ide?
Ne kemi një dyqan, dhe si sh*tës në përditshmëri vërejtëm se nga fqinjësia jonë harxhonin shumë para për duhan! Fillova të evidentoj se sa pako cigare sh*ten në ditë, konstatova se numri vërtetë ishte i madh!
Pasi bëra një hulumtim pak më të detajuar dhe më preciz, në komunën tonë Çair, erdha në përfundim se në komunën tonë sh*ten afërsisht 30 000 pako cigare!
Pasi u njoftova me çmimet, vërejta se çmimet silleshin prej 95 denarëve deri 160 denar për pako cigaresh, kështu mesatarja doli 120 denar ose dy euro. Nga kjo bëra një llogari financiare dhe del se nga këto harxhime në ditë harxhohen 30 x 2= 60 000 euro, para këto që faktikisht digjen, humbin, treten, bëhen tym.
30 ditë sa ka muaji nga 60 000 euro bëjnë 1 milion e 800 mijë euro, ndërsa për një vit kjo shumë është 21 600 000 (njëzet e një milion e gjashtëqind mijë euro)!
Sikur ta kthenim këtë dëm material në favorin tonë si thoni?
Pra, ne propozojmë, vetëm një ditë në muaj këto mjete të orientohen për diçka të mirë, paramendoni se sa vepra të mira do të bënim për të mirën e fëmijëve tanë kudo, kurse gjendja financiare as për ty as për mua nuk do të ndryshon, kur ato para të një kutie cigare i japim për bamirësi.
Dhe krejtësisht në fund, ne 2 euro i harxhojmë çdo ditë për çaj, pra mundemi t'i ndajmë një herë në muaj këto mjete për rregullimin e çerdheve tona, shkollave tona, ndërtimin e këndeve për fëmijë, si dhe shumë gjëra tjera të rëndësishme mund të bëhen me këto 21 milion e 600 mijë euro në vit!
Ju lutemi, komentoni si ju duket si ide, a mundemi së bashku të arrijmë deri te ky nivel?
Na shkruani, çdo ide e juaja është e mirëseardhur, selame nga unë:
Haxhi Xhelal Ramadani
