26/05/2026
Заедно градиме стабилна, сигурна, модерна и силна Банка.
Преку соработката со консултантот г-ѓа Драгана Николиќ од N&P Business Consulting GmbH, успешно беше реализирана анкета за организациска култура и задоволство на вработените, во која активно учество земаа дури 87% од вработените во АЛТА банка АД Битола.
Резултатите јасно покажаа дека вработените ја препознаваат Банката како просперитетна и стабилна институција, во која се градат доверба, тимска поддршка и вредности кои ги носи новото раководство.
За нас, особено значајно е што вработените отворено ги споделуваат своите мислења, идеи и предлози за подобрување на работната средина, затоа што токму тимот е двигателот на секој успешен развој.
Преку континуирани обуки, тренинзи и активности за тимски развој, продолжуваме да инвестираме во нашите луѓе, нивниот професионален напредок и создавање позитивна и мотивирачка работна атмосфера. Заедно продолжуваме кон нови успеси и уште посилен развој на АЛТА банка АД Битола.
