06/01/2018
Opportunité pour les personnes intéressées... Soon...😎
ســـــلام العالام 😍
فــرصة للنــاس لي بــاغييـــن يقراو ولا يتدربو في هـولاندا بـ0درهم 😎
----------------------------------------------
المهم نـهاركم مبروك إن شاء الله بالخير و البركات اليوم غادي نبسط و نشرح ليكم الفرصة باش ولاد و بنات بلادي يستافدو ان شاء الله ❤️
====================================
The MENA Scholarship Programme
Le Programme de bourses d'études MENA (MSP) offre des bourses aux professionnels pour des cours de courte durée aux Pays-Bas.
لي خاصك تعرف و تعرفي هو أنه وزارة الخارجية الهولندية هي اللتي تمول هاد المنح للطلبة لي باغين يقراو ولا يتدربو في هولاندا و هاد الإساراتيجية ولاو بــزاف الدول تايديروها باش ينشرو الثقافة ديالهم عبر العالم كيما شرحت ليكم قبل في فرص للدراسة بالمجان فالسويد و بلجيكا,,,, و بزاف الدول فالصفحة الرسمية ديالي,,,
====================================
المهم الهدف الرئيسي من البرنامج هو المساهمة في التحول الديمقراطي في البلدان. كما يهدف إلى بناء القدرات داخل المنظمات العالمية المهم كيما قلت ليكم نشر الثقافة الهولندية و ما جاورها,,
ولهذا خاصك فاش تواصل معاهم تبين ليهم بإهتمامك بالدراسة أو التدرب في أحد البرامج في هولاندا عن قناعة و حب لأجل تطوير مجتمعك الأم,,, المهم مانخافش عليك هههه عارف بلي بعض المغاربة تايحبو أي دولة وراء البحر ههه خصوصا إلا كان كلشي خالص فيها,,,
====================================
و ها الشروط لي خاص تكون عندك باش تستافد
1) يجب أن يكون الشخص محترفا ، وأن يعيش ويعمل في أحد البلدان المدرجة في قائمة البلدان ولي المغرب منهم وقت تقديم الطلب؛ هادي مزيان فتناها
2) يجب تقديم جميع المعلومات ويجب أن يتم إقرار جميع الالتزامات المدرجة في النظام الرسمي في البيان ضروري خاصك تعمر كلشي لي مطلوب منك بعناية و مايكونوش أغلاط ههه حتا هادي ماشي مشكل مانخافش عليكم فيها
3) يجب ألا تستخدم المنظمة وسائلها الخاصة لتطوير الموظفين. المنظمات التي تعتبر لها وسائلها الخاصة لتطوير الموظفين هي على سبيل المثال: الشركات متعددة الجنسيات (على سبيل المثال شل، ونيليفر، ومايكروسوفت ولا لي خدام مع جــوجل ولا شي شركة عابرة للقارات..). و حتا هادي واضحة
4) يجب أن يكون لدى الشخص جواز سفر رسمي ساري المفعول بعد 3 أشهر على الأقل من تاريخ تقديم المرشح . و حتا هادي مانخافش عليكم فيها باسبور حلو ساهل
5) يجب أن يكون لدى الشخص بيان حكومي يفي بمتطلبات البلد الذي أنشئ فيه صاحب العمل (إن وجد و إلا ماكانش مزيات تهنيتي من الطرجمة ديالو و البلبالة ههه).
6) یجب ألا یتجاوز عمر مرشح 45 سنة من عمرھ وقت تقدیم المنحة
7) لــونغــلي يا حبيبي لونغلي اه الإنجليزية هي مربط الفرس هوما ماطالبينش شي نيفو فيها كيما باقي الفرص لي نشرت ولكن مهمة إلا كنا تانتكلمو على أن الطلب و الملف ديالك يكون متميز,,
====================================
المهم تغطي المنحة كل التكاليف لي غادي تحتاج الرسوم الدراسية والتأشيرات والسفر ديال الطيارة الذهاب لأول مرة و الإياب لاخر مرة فاش تاتكمل قرايتك ولا التدريب ديالك و أي مرة بغيتي تجي لبلادك وسط هاديك الفترة خاصك تخلص على راسك هههه و هادي في حالة إلا بغيتي تـرجع لبلادك هههه. 😅
والتأمين خلال فترة الدراسة حتا هو خالص ناضي
====================================
و قبل ماتسجل خاصك تتأكد من هاد الأمور كلها الله يرضي عليك
- مراجعة معايير األهلية بعناية و اللي غادي تلقا الشروط ديالها مفصلة حسب أي دورة تكوينية أو منحة دراسة لي باغي تسجل فيها كاما كتب ليكم الفوق فالشروط
- تحقق مما إذا كان صاحب العمل على استعداد لترشيحك للمنحة الدراسية. في حالة إلا كنتي خدام و عاد غـادي تاخد كونجي ههه مثلا
- عندما تكون متأكدا من أنك مؤهل للحصول على منحة دراسية MSP، يمكنك البدء في اتخاذ الاستعدادات اللازمة لتطبيقك. و لهذا الأمر أخويا و ختي خاصكم تبعو هاد الخطوات
1) حدد دورة دراسية في قائمة MSP هاهو الرابط ( goo.gl/oA8unS )
2) الموعد النهائي للتقديم (يمكن أن تختلف المواعيد النهائية لكل مؤسسة هولندية إجراءات التسجيل والاختيار) على حسب كل واحد و فاش تسجل
3) استمارة الطلب عبر الإنترنت والوثائق الداعمة
إعداد طلبك والوثائق الداعمة لي غادي يطلبو ليك كاملين خاصك توجدهم
4) تقديم طلبك عبر الإنترنت عن طريق المؤسسة الهولندية تقديم الدورة
مع طلبك على الانترنت، و غادي يطلبو منك تحميل نسخة جواز سفر و أي ورقة طلبوها ليك مثلا الدبلوم لي عندك و الشواهد,,, و حتا ديال اللغات إلا عندك الإنجليزية راه غادي تنفعك و تخلي تكون عندك حظ أكثر باش يتقبل الملف ديالك و دير فبالك بلي راه بزاف الناس غادي يدفعو ولكم كل ما كنتي متـميز كل ما مزيان
====================================
المهم ما تعكزش و توكل على الله حيت كاين لي تواصلو معايا من بعد فاش كنت حطيت الفرص ديال الدراسة بـ0 درهم فالسدويد و بلجيكا و كندا كاين لي تاصل بيا و قالي راه الأمور غاديا هيا هاديك و جاوبوه و كلشي غادي مزيان و كاين حتا لي فاللمسات الأخيرة راه هادشي كافي إلا كانت عندك فقط الرغبة
لي باغي يتـواصل مباشرة معاهم هاهو الرابط و غادي يجاوبوه على أي سؤال خاص بهاد الفرصة
https://goo.gl/ApmQFe
ملحوضة ; فاش تانتكلمو على الدراسة فميريكان و لا بلجيكا ولا السويد,,, راه ماكاينش تما شي حاجة سميتها الدراسة فابور بحال المغرب مثلا ممكن تقرا من التحظيري أي القسم الأول حتا للدكتوراه بصفر درهم ولكن فاش تانقوليكم كاين فرصة للدراسة فشي دولة بـ0درهم هادشي تايعني أنه مخلص عليك شي منظمة ولا شي شركة ولا شي بلان و بحال الحالة ديال هاد المنحة التكاليف تاتخلصها عليك كلها وزارة الخارجية الهولندية كيما قلت ليكم فالأول حيت الغرض ديالها هو نشر الثقافة الهولندية في كل بقاع العالم,,,
La demande pour le MSP a lieu via des institutions néerlandaises. Chaque échéance, ces institutions fournissent une liste de cours disponibles pour cette date limite. Les cours de courte durée relèvent de plusieurs domaines d'études et ont une durée de 2 à 12 semaines.
----------------------------
La liste des cours du MSP pour la date limite d'avril 2018 sera publiée en février 2018
عصر عليهم و ماتزGــلهمش .
--------------------------
و غادي نحط ليكم فالصفحة إن شاء الله منح و فرص أخرى للناس لي باغيين يقراو خارج المغرب بــ0درهم
www.fb.com/HamzaZRAIMEK
و الناس لي مهتمين بالبورصة و ماجاورها غادي نحط ليكم دروس و أسس مهة فلاباج ديال ZR Trading
----------------------------------------------------------------------------------------------------------------------------------------------------------
بــارطاجي المنشور إلا بصح تاتشوف فيه الخير ليك و لغيرك و بهاد الحس ديال نبغي الخير لغيري غادي نوصلو كاملين إن شاء الله حيت إلا كل واحد فينا قدم لغيرو معلومة غادي يلقاها فجهة أخرى تاتسناه فشي حاجة محتاجها ولكم واسع النـظــر 🤗
بــكلافي Hamza ZRAIMEK
اللهم يسر للجميع 😍
