Linton Silva

03/12/2020

Copied article...

මේ දවස්වල ඉගෙනගෙන වැඩක් නෑ කියලා රාවයක් යන හන්දා මේක දැම්මෙ!!!

මෙහෙමයි. අත්දැකීම් එක්ක දෙයක් කියන්නම්. හැබැයි ඇත්තටමනම් මේ වගේ දේවල් ගැන කන්සිඩර් කරලා මගේ කාලේ මේවා දාන්නවත් සුදුසු නෑ. ඒත් අත්දැකීම් වලින් ඉගෙන ගන්න ආස උන් ඇතිනෙ. උන්ට කියන්නම්.

මිනිස්සු ඉගෙන ගන්න ඕන. සරලවම!

මිනිස්සු මැරෙනකන් ඉගෙන ගන්න ඕන. ඒක සමහරවිට සබ්ජෙක්ට් එකක් වෙන්න පුලුවන්. එහෙම නැතිනම් කට්ට කාලා අත්දැකීම් වෙන්න පුලුවන්.

මම ඉස්සර හිතුවෙ ලංකාවෙ ඉගෙන ගෙන වැඩක් නෑ කියලා. ඒත් පස්සෙන් පහු පුක ඇහිරෙන්නම වැඩ උන අවස්තා තියෙනවා ඉගෙන ගනිපුවා මදි නිසා.

පස්සෙ මම සබ්ජෙක්ට් කීපයක්ම ඉගෙන ගන්න පෙළඹුනා.

ඩිජිටල් මාකටිං ඩිප් එකක් කලා. CIM ෆලෝ කලා. ලෙදර් ස්ටිචින් ඉගෙන ගත්තා. BCS Level දෙකක් කලා. ස්ට්‍රැටජික් බ්‍රෑන්ඩින් දැන් ෆලෝ කරනවා... ඔහොම ඔහොම තව එක එක ඒවා අඩුම ඩිප්ලෝමා ලෙවල් එකටවත් මන් ඉගෙන ගන්නවා. ඉස්සරහටත් ඉගෙන ගන්නවා.

කවුරුහරි කියනවානම් ඉගෙන ගෙන වැඩක් නෑ කියලා උ පල් බූරුවෙක්.

ඉගෙන ගෙන වැඩක් නෑ නෙවෙ රැල්ලට ඉගෙන ගෙන වැඩක් නෑ. තමන්ට අවශ්‍ය දේ ඉගෙන ගන්න ඕන.

අනික ලංකාවෙ අධ්‍යාපන ක්‍රමේ අවුල් තියෙනවා. ස්කිල් හදන්නෙ නෑනේ. ඒකයි ලොකුම අවුල. හැබැයි O/L වෙනකන්වත් ලමයෙක්ට අධ්‍යාපනය අවශ්‍යයි.

අපිට නොතේරුනාට අපි පසුකාලීනව තීරණ ගන්නකොට අපි ඉගෙන ගත්තු ඒවා බලපානවා. ඒවා මොලේ තැන්පත් වෙලා තියෙනවා. ඒවා ඉෆෙක්ට් වෙනවා කරන හැම වැඩකටම. ඒත් අපිට හිතෙන්නෑ යකෝ ඉතිහාසෙ මෙහෙම පාඩමක් තිබ්බා ඒකෙත් මේ වගේ උනේ ඒකේ ප්‍රතිපලය මත තමා මන් මේ තීරණේ ගත්තෙ කියලා.

අපිට හිතෙන්නෙ මන් පොර මන් ඔක්කොම දන්නවා ඒකයි මන් මේ තීරණේ ගත්තෙ කියලා. ඒත් ඒක නෙවෙ ඇත්ත. අදාල තීරණේ ගන්න පහුකාලේ ඉගෙන ගනිපු මොනාම හරි හේතු වෙනවා. මේ දවස්වල මන් සයිකලොජි පොඩ්ඩක් ඉගෙන ගන්නවා.

මේ ලෝකේ දැනුම කියන දේ එලියට එන්නෙ නෑ ඒවා වැඩක් නැතිනම්. මේ හැම දැනුම් පද්දතියක්ම ලෝකේ ප්‍රගමනයට දායක වෙනවා.

ඉතින් මොන පොල් බූරුවටද කියන්න පුලුවන් ඉගෙනගෙන වැඩක් නෑ කියලා.

එහෙම කියනකොටම තේරෙනවා උ ඉගෙනගෙන නෑ කියලා.

A/L ඉවර උන ගමන් මට ජොබක් හම්බුනා ලක්ශ 1.5 වගේ පඩියක් තිබ්බා.

ඒ කාලේ මාත් හිටියේ මේ මතේ. ඉගෙනගෙන වැඩක් නෑ යකෝ කැම්පස් ගිය උන්ට වඩා මන් හොයනවනෙ කියලා. 😂😂😂

පස්සේ මෙන්න ටික ටික කල් යනකොට (වෘතීය ජීවිතේ, බිස්නස් පැත්තෙ නෙවෙ) මට අර පඩියමයි. ඒත් මගේ කැම්පස් ගිය සෙට් එක එලියට බැස්සෙ ලක්ශ දෙක තුන පඩියට. මට ප්‍රමෝශන් වත් ගන්න බෑ ඉගෙන ගෙන මදි. අරුන් වේගෙන් මාව පහු කලා.

හොද වෙලාවට ඉතින් මට බිස්නස් පැත්ත තිබ්බ නිසා ඒක දැනුනෙ නෑ.

ඒත් 2017 වගේ මගේ බිස්නස් 0ටම වැටුනා. අන්න පුක රිදිලා ඉගෙනීමෙ වටිනාකම තේරුන තැන. දැන් ලක්ශෙක තියා 50,000 වත් මට ජොබ් දෙන්න කවුරුත් කැමති නෑ.

මොකද Experience දිගටම නෑ (ජොබෙන් අයින් වෙලා ෆුල් ටයිම් බිස් කල නිසා), ඉගෙන ගෙනත් නෑ...

දැන් මොකද කරන්නෙ? වැටිච්ච වල කටින්ම ගොඩ එන්න ඕන උනා. මීට කලින් ගොඩ එන්න තිබ්බා ඒ හිර උන වෙලේ මට ලක්ශ දෙක තුනක් ගන්න පුලුවන් දැනුමක් තිබ්බානම්. (ජොබක් කරලා)

ආයෝජනේ කරන්න සල්ලි ඕන. සල්ලි හොයන්න වැඩ කරන්න ඕන. වැඩ කරන්න දැනුම ඕන.

මම දැන්නම් කිසිම සබ්ජෙක්ට් එකකට ඉගෙන ගන්නෙ නැතිව බහින්නෑ. ඒක මම ඉගෙන ගත්තෙ දම්මික පෙරේරාගෙන්. මිනිහා දන්නෙ නැති බිස්නස් කරන්න යන්නෑ. දන්නෙ නැත්තන් ඉගෙනගෙන තමා කරන්නෙ.

මෑතක්දී මන් පටන් ගත්තා බේකරි ආශ්‍රිත ව්‍යාපාරයක්. කට්ට කාලා තමා පටන් ගත්තෙ. මන් මේ කාටවත් නොකී කතාවක් මේ කියන්නෙ. මන් දැන් බේකිං ඉගෙන ගන්නවා. මන් ඉගෙන ගන්නෙ මගේ බේක් හවුස් එකට වෙලා පිටි අනන්න ඕන හන්දා නෙවෙ.

මගේ ලග වැඩ කරන උන්ට මට හොර කරන්න බැරි වෙන්න නම් මන් සබ්ජෙක්ට් එක දැනගන්න ඕන.

කේක් එකක් දැම්මම ඒකේ රස අඩුනම් මට පුලුවන් වෙන්න ඕන මේකට අඩු මොනාද කියලා කාලා බලලා කියන්න.

ඒවා උඩින් පහල වෙන්නෑ. ඒවා එන්නෙ ඉගෙනීමෙන්, අත්දැකීමෙන්.

ඉතින් මන් ආයේ අහනවා මොන පොල් බූරුවද කියන්නෙ ඉගෙනගෙන වැඩක් නෑ කියලා?

මේවා සමාජගත කරන්නෙපා. මොකද ලංකාවෙ උන් කොහොමත් මැට්ටො. උන් තව මැටි වෙනවා මෙහෙම උනාම.

ඉගෙන ගනිපු නැති එකෙක් පට්ට කට්ටක් කාලා සල්ලිකාරයෙක් උනාම අපි ගරු කරන්න ඕන. ඒත් මතක තියාගන්න ලෝකේ වෙනස් කල හැම එකාම 'හරි ක්‍රමයට' ඉගෙන ගනිපු උන්.

මාක් සකර්බර්ග් කොලේජ් ඩ්‍රොප් අවුට් කියලා ලොකුවට බැනර් ගහන උන් නොකියන කතාවක් මන් කියන්නම්,

උ කොලේජ් ඩ්‍රොප් අවුට් උනේ උඹලා මේ කතා කරන ගමේ පාසලෙන් නෙවෙ. උගේ දිහා බලලා උඹලා මේ ඉස්කෝලෙන් පනින්න යන්නෙපා දරුවනේ. ඉගෙන ගනිපු දෙයක් අපතේ යන්නෑ. නොතේරුනාට ඔයාලා යන ගමන යන්නේ ඒ ඉගෙන ගනිපු දේ ප්‍රොසෙස් කරලා ඔයාගේ මොලේ ඔයාට දෙන ඔප්ශන් හරහා.

ඉගෙන ගනිපු දේ වැඩි වෙන්න වැඩි වෙන්න ප්‍රොසෙස් එක වැඩී. ගන්න තීරණ නිවැරදී.

අමුතුවෙන් කියන්න ඕන නෑනේ ඩේටා වැඩි වෙන තරමට ෆයිනල් ඩිසිශන් එක සාර්තකයි. ජය!

Copied from Online Entrepreneurs Club ® page

27/09/2020

(තිත්ත උනත් ඇත්ත කථාවක්)

මචං....
life insurance බොරුවක් කියන උඹ මේක හොඳට අහගනින්....

මුලින්ම කියන්නම්.. life එක insurance කරන්න බැහැ...
වාහනයක් ඉන්ෂුවරන්ස් කරොත් වාහනයට වාහනයක් හම්බෙනවා....
හැබැයි ජීවිතයක් insurance කරා කියලා ජීවිතයට ජීවිතයක් දෙන්න බෑ....

එහෙනම් ජීවිත රක්ෂණය කියලා කියන්නේ මොකක්ද????

ජීවිත රක්ෂණය කියලා කියන්නේ උපයන කෙනෙක්ගෙ ආදායම සුරක්ෂිත කරන එකට....
තවත් සරල කරලා කියන්නම්....

හුගාක් පවුල්වල ගෙදරට සල්ලි අරන් එන්නේ තාත්තා.... සමහර තැන්වල අම්මා... තවත් තැනක දෙන්නම.හුඟක් තැන්වල අම්මා ලමයින්ගෙ වැඩ ටික බලාගෙන, තාත්තා ගේන සල්ලි ටික පරිස්සමට වියදම් කරනවා.
පවුලෙ අනාගතය... ළමයින්ගෙ අනාගතය... ගෙදර වැඩ කටයුතු සේරම සැලසුම් වෙලා තියෙන්නේ, ගෙදරට සල්ලි ගේන එකාගේ ජීවිතය මත...
තාත්තා නැති උනහම අනාත වෙන පවුල්, ළමයි උඹ දැකලා ඇති....
ළමයින්ට කන්ඩ දෙන්ඩ දෙයක් නැතුව තමන්ගේ ඇඟ විකුණන මට්ටමට පත් වෙච්ච අම්මලා දහස් ගණනක් මේ රටෙත් ඉන්නවා.මම මේ පෝස්ට් එක ලියන වෙලාවෙත් රෑට කෑම ටිකක් කන්ඩ නැතුව නිදාගන්න දරුවෝ දහස් ගණනක් ඇති තාත්තා නැති වෙච්ච ගෙවල් වල.ඒ එකෙක්ටවත් insurance එපා කියන උඹවත්, insurance අලෙවිකරණ මම වත් රෑ කෑම ටික දෙන්නෙ නෑ...
උන්ගේ බඩගින්න උඹට දැනෙන්නෙත් නැහැ... මට දැනෙන්නේ නැහැ.

සමහර වේලාවල් වලදී, අපේ රටේ තාත්තා කෙනෙක් නැති වුණහම ඒ තාත්තාගේ ළමයි ටික අනාත වෙන්නේ, ළමයින්ගේ අම්මා අසරණ වෙන්නේ, තමන්ගෙන් පස්සේ තමන්ගේ දරුවන්ට ජීවත් වෙන්න ක්‍රමයක් ඒ තාත්තා හදලා නැති හින්දා....
Life insurance හදලා තියෙන්නේ අන්න ඒ වගේ උන්ට.... ඒකට තමයි ආදායම සුරක්ෂිත කරනවා කියන්නේ...
අනිත් එක තමයි තමන්ගේ පවුලට, තමන්ගේ දරුවන්ට ආදරේ නැති උන්ට, Insurance ඕනෙ නැහැ.තමන් මළාට පස්සෙ ගෑනි වයි දරුවන්වයි අනාථ කරන්න හිතාගෙන ඉන්න අයට insurance ඕනෙ නැහැ....

අනික තමයි, Insurance සමාගමක් දෙන්නෙ ඔප්පුවක්...
ඔප්පුවක් කියලා කියන්නේ තමන්ගේ අයිතිවාසිකමක්....
හරියට ගෙදර ඉඩමේ ඔප්පුව වගේ....
Insurance ඔප්පුවක් අරගත්තට පස්සේ හොඳට කියවලා බලපං. Advisor කියපු දේවල් ඔප්පුවේ හරියට තියෙනවද කියලා.ඒ ඔප්පුව කියවන්න , කියවලා තේරුම් ගන්න, උඹට මාසෙකට ආසන්න කාලයක් තියෙනවා. උඹට අකුරු බැරිනම්, මොළේ පාවිච්චි කරන්න දන්නේ නැත්නම්.. අකුරු දන්න, මොළේ ටිකක් හරි තියෙන එකෙක් අල්ලගෙන තේරුම් කර ගනින්..
ඊට පස්සේ හරියට වාරිකය ගෙවාගෙන පලයන්....
( වාරිකය ගෙවන එක උඹේ වගකීම. අරයට ගෙවනවා , මෙයාට ගෙවනවා, අරය එනවා ගෙනියන්න , පුළුවන් වෙලාවට ගිහින් ගෙවනවා,... වගේ කතා කියන්නේ නැතුව බැංකුවෙන් කැපෙන්න දාපන්... මොකද.. උඹල විදුලි බලමණ්ඩලෙන් විදුලිය ගත්තට පස්සේ මණ්ඩලයේ එවුන් එනකම් ඉන්නේ නැහැනේ බිල ගෙවන්න. කපන බයට යස අගේට ගිහිල්ලා ගෙවනවනේ.)

උඹ හරියට වාරිකය ගෙවලා තියෙනවා නම්.. ඔප්පුව හරියට ඇත්ත විස්තර දීලා පටන්ගෙන තියෙනවා නම්... ඕනෑම රක්ෂණ සමාගමක් වන්දි ගෙවනවා සහතිකයි. වන්දි ගෙවන්නේ නැති කිසිම සමාගමක් ලංකාවෙත් නැහැ.ලෝකෙත් කොහෙවත් නැහැ...

අනික තමයි ඕනෙම රක්ෂණ සමාගමක් හදලා තියෙන්නේ තමන්ගේ ඔප්පු හිමියන්ට වන්දි ගෙවන්න. වන්දි ගෙවන්නේ වැඩ කරන උන්ගේ පඩියෙන් කපලවත්, අයිතිකාරයන්ගේ ගෙදරින් ගෙනල්ලවත් නෙවෙයි. ගෙවුන හැම වන්දියක්ම Re-Insurance කරලා තියෙනවා. ඒ වචනේ මොළේට බර වැඩියි වගේ නම්... හිතපන් රක්ෂණ සමාගමත් රක්ෂණය වෙලා තියෙන්නේ කියලා..

අනික තමයි උඹලා විශ්වාස වැඩිකමට සල්ලි බැංකුවේ දානවා. හැබැයි බැංකුව උඹලව සතේකට විශ්වාස නැති නිසා බැංකුව පිටින්ම රක්ෂණය කරනවා. ගනින්කෝ බලන්න insurance නැතුව ලෝන් (Loan) එකක්. උඹලා පරිස්සමට බැංකුවේ තියන රත්තරන් බඩුවේ ඉදන් බැංකුවට එන අවසාන රුපියල දක්වා බැංකුව රක්ෂණය කරනවා.ඒ උන්ට රක්ෂණය විශ්වාස නිසා.හැබැයි උඹලට රක්ෂණයට වඩා බැංකුව විශ්වාසයි.😀

අනික තමයි වැදගත්ම කාරණාව. ඕනෑම රක්ෂණ සමාගමක් මගින් තමන්ට අසාධාරණයක් වෙනවා කියලා විශ්වාස තොරතුරු තියෙනවානම් insurance වලටම ඉන්නවා ombudsman වරයෙක්. ගිහින් වෙච්ච අසාධාරණය කියාපන්. කිසිම සමාගමකට මිනිස්සුන්ට බොරු කරන්න බැහැ. කරන්නෙත් නැහැ. මේ රටේ වගේම ලෝකෙත් නීතියක් තියෙනවා.
Ombudsman website

The objective of the Sri Lanka Insurance Ombudsman scheme is the satisfactory settlement of complaints between policy holders and the company that sold them the insurance policy.

23/08/2020

01/08/2020

Brainstorming session 1

"අපේ පාසලේ යාන්ත්‍රික වැඩ ,වඩු වැඩ ,ඡායාරූප ගැනීම ,චෙස් හා සංගීත ආදි අධ්‍යන කව 5 තියෙනවා ."පාසල් ශිෂ්‍යයෙක් කතාව ආරම්භ කළේය .
"යාන්ත්‍රික වැඩ කවය දින දෙකකට වරක් ද ,වඩුවැඩ කවය දින තුනකට වරක් ද ,ඡායාරූප කවය දින හතරකට වරක් ද ,චෙස් කවය දින පහකට වරක් ද ,සංගීත කවය දින හයකට වරක් ද පැවැත්වෙනවා .
ජනවාරි 1 වැනිදා ,කවයන් පහම පැවැත්වූවා .
ඊට පසු කාල සටහනට අනුව නොකඩවාම කවයන්හි පුහුණුවීම් පැවැත්වූවා .
ප්‍රශ්නය මේකයි .
අවුරුද්දේ පළමුවැනි මාස තුන ඇතුළත දී කී වතාවක් අධ්‍යයන කවයන් පහම එකම දිනකදී පුහුණුවීම් පැවැත්වුවා ද ?"

"සාමාන්‍ය අවුරුද්දක් ,එනම් පළමු මාස තුන 3 දින 90ක් ලෙස සලකන්න "

(Y.පෙරෙල්මාන් - ගණිත විනෝදය කෘතිය ඇසුරෙනි )

07/07/2020

17/06/2020

කොරෝනා අසාදිතයාගේ රෝහල් බිල ඇමෙරිකන් ඩොලර් මිලියනයි...

ඇමරිකා එක්සත් ජනපදයේ කොරෝනා ආසාදනය සඳහා දිගුම කාලයක් රෝහල්ගතව ප්‍රතිකාර ලැබ මරණාසන්නව සිට සුවය ලැබූ ආසාදිතයා සේ සැළකෙන 70 හැවිරිදි වියේ පසු වන තැනැත්තෙකුට සිය ප්‍රතිකාර කටයුතු අවසානයේ ගෙවීම සඳහා අදහාගත නොහැකි තරමින් ඇමරිකානු ඩොලර් මිලියන 1.1 ක දැවැන්ත රෝහල් බිලක් ලැබී ඇතැයි ඇමරිකානු මාධ්‍ය විසින් වාර්තා කර තිබේ.

කොරෝනා ආසාදනයට ගොදුරු වී දින 62 ක කාලයක් මුළුල්ලේ ඇමරිකා එක්සත් ජනපදයේ වොෂිංටන් නගරයට අයත් සියැටල් ප්‍රදේශයේ "අයිසැක්වා "හි පිහිටි ස්වීඩිෂ් වෛද්‍ය මධ්‍යස්ථාන රෝහලේ දැඩි සත්කාර ඒකකයේ ප්‍රතිකාර ලබමින් සිටි මයිකල් ෆ්ලෝර් හට මෙම දැවැන්ත රෝහල් බිල ලැබී තිබේ. ඔහු රෝහලින් නික්ම යාමට පෙර මෙම බිල ලැබී ඇත්තේ සිය ප්‍රතිකාර සඳහා යොදාගත් අංග 3000ක් වෙනුවෙන් කළ යුතු ගෙවීමක් වශයෙනි. පිටු 181 කින් යුතු මෙම දැවැන්ත රෝහල් බිල ඇමරිකානු ඩොලර් එකොළොස් ලක්ෂ විසි දෙදහස් පන්සීය එකයි ශත හතරක් (1,122,501.04 ) වන අතර ෆ්ලෝර් ප්‍රතිකාර ලැබූ දැඩි සත්කාර එකක කාමරය වෙනුවෙන් දිනකට අය කර තිබු ගාස්තුව ඇමරිකානු ඩොලර් 9,700 ක් බව ෆ්ලෝර් පවසයි.

ෆ්ලෝර් ට අනුව ඔහුගේ ප්‍රතිකාර බිල දුටු විට ඔහු පුදුම වුවද බිලට ඇතුළත් කර තිබු අංග වලට අනුව ඔහුට ප්‍රතිකාර කළ වෛද්‍යවරුන්ගේ සේවාවට ,හෙදියන්ගේ විශේෂිත වූ සත්කාරයන්ට හා ඩයලිසිස් ප්‍රතිකාරය සඳහා වන ගාස්තු එම බිලට ඇතුළත් නොවීම නිසා එම ගාස්තුද බිලට ඇතුළත් වූයේ නම් බිල මෙයට වඩා වැඩි වනු ඇත. කෙසේ වුවද ෆ්ලෝර් හට මෙම සම්පුරණ රෝහල් බිල සම්පුර්ණයෙන්ම සිය පුද්ගලික මුදලින් ගෙවීමට සිදු වී නොමැත්තේ ඔහු විසින් ලබා තිබු වෛද්‍ය රක්ෂනාවරණය හරහා එය ගෙවීම හේතුවෙනි. ෆ්ලෝර් විසින් වෛද්‍ය රක්ෂණාවරණය ලබා ඇති රක්ෂණ ආයතනය මාධ්‍යයට පවසා ඇත්තේ ෆ්ලෝර් හට කොරෝනා වෛරසය ආසාදනය වීමෙන් පසු ඔහුගේ සෑම අවයවයක්ම පාහේ ක්‍රියාවිරහිත වී තිබුණු අතර ඔහු මරණාසන්න තත්ත්වයට පත් වීම හේතුවෙන් වරක් ඔහුගේ බිරිය ඇතුළු පවුලේ සාමාජිකයින්ට ෆ්ලෝර් ට අවසන් වරට දුරකථනයෙන් කථා කිරීමටද ඔහු ප්‍රතිකාර ලැබූ රෝහල් දැඩි සත්කාර ඒකකයේ රාජකාරියේ යෙදී සිටි හෙදියක් පියවර ගෙන තිබු බවයි.

📷

12/06/2020

විනාඩියට ලක්ෂ ගණන් හොයන මිනිස්සු ඉන්න රටක ඇයි අපි ඉගෙන ගත්තෙ ??

කොත්තු බාස්ට 75000යි. උපාධියකුත් තියෙන මට 40000යි. 😕

මෙහෙම පෝස්ට් හරියට ශෙයා වෙනවා. මැරීගෙන පාඩම් කරලා ඉගෙනගෙන තෘප්තිමත් ආදායමක් නෑ. ඉතින් සරලවම බහුතරයක් මිනිස්සු දකින්නේ ඉගෙන ගත්ත එක වැඩක් නෑ කියලා.

ඇත්තටම ඉගෙන ගෙන වැඩක් නැත්ද? වැඩක් තියෙනවා නම් ඇයි මෙහෙම වෙන්නෙ ??
ඔබට තෘප්තිමත් ආදායමක් නැත්නම් ඒකෙ වැරැද්ද කාගෙද ?

මට අනුව නම් උත්තර කීපයක් තියෙනවා

පළවෙනි එක තමා අපි ගිය පන්ති වල ටියුෂන් ගුරුවරුන් අපේ ඔලුවට දාපු දේශනා. ටියුෂන් කියන්නේ බිස්නස් එකක්. ඒකෙ කතා දෙකක් නැහැ. ළමයි කැම්පස් යන ප්‍රමාණය මත තමයි ටියුෂන් ගුරුවරයාගේ බිස්නස් එක ප්‍රමෝට් වෙන්නෙ. ඉතින් එයා අපිව මාර විදිහට මෝටිවේට් කරනවා කැම්පස් ගියාම ඔක්කොම හරි ය, කප්රුක පහළ උනා වගේ තමා ය, සිතූ පැතූ දේ ලැබෙනවා ය කියලා. මහපොළවෙ පය ගහලා ඉන්න ඕනෙ එකෙක් දන්නවා ඒක එහෙම නෑ කියලා.

හැබැයි ඉතින් කැම්පස් ගියෙ ඩිස්නිලන්තෙ යනවා කියලා හිතාගෙන. ඊට පස්සෙ ඉතින් අපේක්ෂාභංගත්වය !

වැරැද්ද කාගෙද ? අර බිස්නස් ප්‍රමෝශන් එකට රැවටෙන්න තරම් අපි කොයි තරම් සමාජ අවබෝධයක් නැතුව ද ඉඳලා තියෙන්නේ.

අපි තේරුම් ගන්න ඕනෙ උපාධියක් කියන්නේ රැකියාවක් කරන්න ඕනෙ වෙන එක සුදුසුකමක් විතරයි කියලා. තරඟකාරී රැකියා වෙළඳපල ඇතුලෙ තමන්ගෙ කියලා සන්නාමයක් හදාගන්න වෙනවා කියලා.

උපාධියකට ඩිප්ලෝමාවකට උසස්පෙළ සහතිකයට අමතරව සුදුසුකම් සපුරාගන්න ඕනෙ අපි. අපේ soft skills, නායකත්ව ලක්ෂණ, පෞරුෂත්ව ලක්ෂණ වල අඩුපාඩු තියෙනවා, ඒවා අධ්‍යාපන සහතික වලින් ගොඩ යන්නෙ නෑ. හැබැයි ඩිග්‍රියක් ගත්තම සේරම හරි කියලා හිතාගෙන ඉන්නවා. ඉතින් වැරදුනාම නාහෙන් අඬනවා ඉගෙනගෙන තේරුමක් නෑ කියලා.

සංගක්කාර ක්‍රිකට් ගහන්න එන්නෙ නීති උපාධිය අත ඇරලා. ශාරුක් ඛාන් රඟපාන්න යන්නෙ පශ්චාත් උපාධියක් අත ඇරලා. මං කියන්නේ උපාධියක් වැඩක් නෑ කියන එක නෙමෙයි. තමන්ගෙ සහජ දක්ෂතාවය දක්වන විශයන්/ක්ෂේත්‍ර සහ හීන අත ඇරලා සමාජයේ ඉන්න අනිත් මිනිස්සුන්ගෙ උවමනාවට හරි හොඳ විවාහයකට සුදුසුකමක් විදිහට හරි උපාධියක්/ඩිප්ලෝමාවක් මොකක් හරි කරලා... පස්සෙ අධ්‍යාපනය තේරුමක් නෑ කියලා නාහෙන් අඬන එක වැරදීයි කියලා.

තව දෙයක් තමා අපිට පොඩි කාලෙ ඉඳලා කියලා දීලා තියෙනවා නැත්නම් අපි දැකලා තියෙන්නේ මෙන්න මෙහෙම; පන්තියේ බ්‍රයිට් ම සෙට් එක බයෝ මැත්ස් කරන්නෙ. එතනිනුත් හොඳම ටික දොස්තරලා ඉංජිනේරුවො වෙන්නෙ. වැඩ බැරි උන් තමා ආට්ස් එහෙම කරන්නෙ කියලා අපි හිතාගෙන ඉන්නවා. අපි මානසිකව හදාගත්ත "හොඳ ජොබ්" වලට වඩා අනික්වාට වැඩි පඩියක් ලැබෙනකොට අපි හිතන්නේ ඒක අසාධාරණයි කියලා.

ඇත්තටම ඒක එහෙම ද?

තමන්ගෙ හැකියාවෙන් දක්ෂතාවයෙන් ජීවිතේ දිනපු ඒත් අධ්‍යාපන සහතික නැති මනුස්සයෙක්, මට වඩා හම්බ කරනවා නම් මං එයාට ඉරිසියා කරලා හරියනවද ? අධ්‍යාපනය කියන්නේ තේරුමක් නැති දෙයක් කියලා ප්‍රකාශ කරලා හරි යනවද ? මම නම් දකින්නේ අර මනුස්සයාට ඉරිසියා කරන හැඟීම තමයි මේ පිටවෙන්නෙ.. තමන් ලබපු අධ්‍යාපනය පවා හෑල්ලු කරමින්.

ඉතාම ගෞරවයෙන් අහන්නෙ, ඔබ එහෙම කරනවා නම් ඔබට ඉතින් හරියයිද ?

අදක්ෂ වෛද්‍යවරයෙකුට වඩා දක්ෂ ගොවියෙක් හම්බ කරනවා. ඒකේ තේරුම වෛද්‍ය අධ්‍යාපනය තේරුමක් නෑ කියලද ? නෑ එකෙන් කියන්නේ ගොවියා කියන්නෙත් සමාජයට අවශ්‍ය වටිනා කෙනෙක් කියලා. හැබැ අපි හිතන් ඉන්නවා ඩොක්ට කෙනෙක් වෙන එක තමා ලොකු ගොවියෙක් කියන්නේ ගණන් ගන්න චරිතයක් නෙමෙයි කියලා.

වැරැද්ද අධ්‍යාපනයෙ නෙමෙයි, අපි දුන්න අර්ථකථනයේ.

අධ්‍යාපනය කියන්නේ අත්‍යාවශ්‍ය හරි වටින දෙයක්. මට අනුව නම් මූලික අයිතිවාසිකමක්. මම ඔහේ කරන්නන්වාලේ උපාධියක් කරලා අනාත උනා කියලා අධ්‍යාපනයේ වටිනාකමක් නැත්තෙ නෑ. වැරදි තමන් ගිය පාර, එහෙම නැත්නම් තමන් හිතන හැටි. අපි ඒක තේරුම් ගන්න ඕනෙ. සමහර වෙලාවට අපේ පෞද්ගලික අවශ්‍යතා වෙනුවෙන් අපි සරල සහ පහසු රැකියා තෝරගන්නවා. අයිස් ගහන්න පුලුවන් රජයේ රස්සාවක්, ගේ දොර වතුපිටි බලාගෙන ඉන්න පුලුවන් විදිහෙ රැකියාවක්, අම්මලා තාත්තලා බබාලා බලාගෙන ඉන්න පුලුවන් "නිදහස්" රස්සාවක් හොයාගෙන.. ඉතින් ඊට පස්සෙ මොර දෙනවා මොකට ඉගෙනගත්තද කියලා. වැරැද්ද කොතනද ? අපේ පෞද්ගලික ප්‍රශ්න වලට සමස්ත අධ්‍යාපනය ම වගකිව යුතුද ?

අනික අපිට මූලික උපාධිය දක්වා උගන්වන්නෙ නොමිලේ. එතනින් එහාටත් රස්සාවක් උඩින් වැටෙනකල් බලං ඉන්නවා. ඉතින් එහෙම උඩින් වැටෙන රස්සාවල් වලට අයිඩෙන්ටි කාඩ් නම්බර් වගේ පේන පඩි නෑ.

ඔබ ෆේස්බුක් එන්න දන්නවා. ෆේස්බුක් ඇතුලෙ සෑහෙන්න ජාති දන්නවා. ගොසිප් සයිට් ඔක්කොම ටික දන්නවා. අර නලුවා දැන් යාලු වෙලා ඉන්නේ කා එක්කද, කලින් පෙම්වතියො කව්ද කියලත් දන්නවා. ඒත් ඔන්ලයින් කෝස් එකක් හොයාගන්න දන්න්නවද ? ලංකාව ඇතුලේ තියෙන රැකියා අවස්ථා ව්‍යවසායකත්ව අවස්ථා කවදාවත් search කරලා තියෙනවා ද ?අන්තර්ජාලය ඔස්සේ දේශීය හෝ විදේශීය රැකියාවකට අයැදුම් කරන්න ඔබ දන්නවද ? ලෝකයේ අලුත්ම ට්‍රෙන්ඩිං විශය ක්ශේත්‍ර ඔබ දන්නවාද ? ඒවාට ඔබේ අතේ තියෙන උපාධි සහතිකය සම්බන්ධ කරන්න පුලුවන් කියලා ඔබ දන්නවද ? එහෙම කරන්න හිතලාවත් තියෙනවා ද ??

කොටින්ම ඔබ ඔය ගේම් ගහන්නයි ෆේස්බුක් යන්නයි පාවිච්චි කරන ජංගම දුරකථනය වැඩකට ඇති දේකට පාවිච්චි කරන්න පුලුවන් කියලා ඔබ දන්නවද? ලෝකයේ සියලුම අවස්ථා ඔබේ ඇඟිලිතුඩු මත තියෙනවා කියලා ඔබ පිළිගන්නවද?

ඉතින් ගත්ත උපාධිය වැඩක් නෑ කියලා වැලපෙන්නේ තෙරුමක් ඇතුවද ?

අවසාන වශයෙන් පොඩි දෙයක් අහන්නම්. ඉගෙන ගන්න දේ හරියට අවබෝයෙන් ඉගෙන ගන්නවා නම්, ආසා රස්සාවක් කරනවා නම් ඔබේ ජීවිතය ලස්සන නැද්ද. මාටින් වික්‍රමසිංහ කියන්නේ නිකම්ම නිකං පත්තර කාරයෙක් විතරයි කියලා අපිට කියන්න පුලුවන් ද ? එතුමා ලබපු ස්වයං අධ්‍යාපනයෙන් කොච්චර ප්‍රමාණයක් "සහතික තියෙන" අපි ළඟ තියෙනවා ද. ඉතින් ඉගෙනගන්න ඕනෙ නම් ලබන අධ්‍යාපනයේ ගුණාත්මකභාවය මිසක් පඩිය ගැන හිතලා වැඩක් නෑ. මොකද හැමදේම සල්ලිම නෙමෙයි.

ඉතින්, ඉගෙනගෙන වැඩක් නෑ.. කැම්පස් ගිහින් වැඩක් නෑ.. කියලා මුහුණුපොතේ වැලපෙන ඔබටයි මම මේ කියන්නේ... වරද තියෙන්නේ "හොඳ රස්සා" සහ පඩියම අරමුණු කරගෙන ලෝකය දිහා අපි බලන ආකල්පයේ මිසක් ගත්ත අධ්‍යාපන සහතිකයේ නෙමෙයි.

ඔබත් මමත් දුක් විඳලා ගත්ත අධ්‍යාපන සහතිකය ඉතාමත්ම වටිනවා. ඒක ගත්තෙ දහාටෙන්ද තිස් අටෙන්ද කියන එක අදාළ නෑ. මම නැවත නැවතත් කියනවා, ඒ සහතිකය අතිශයින්ම වටිනවා. හැසිරීමෙන් සහ ආකල්ප වලින් ඒ වටිනාකම දිගටම තියාගන්න එක අපේ වගකීම.

Copied

07/06/2020

The people you meet, the books you read will decide what you're going to become.....