15/10/2021
විශ්රාම යද්දී අපිට වරදින තැන් බුද්ධිමත්ව වළක්වා ගන්නේ කොහොමද?
“ඔබ විශ්රාම යාමට සූදානම්ද?” කියන භයානක ප්රශ්නය කවුරුහරි ඇහුවොත් ඔබ දෙන උත්තරේ මොකක්ද?
අපි බොහෝ දෙනෙක් මේ වගේ කතාවක් ඇදිලා ආවම ඉක්මනින් කතාව වෙනස් කරනවා නැත්නම් ඒක ගණන් ගන්නේ නැතිව ගානට ලිස්සලා යනවා.අන්න ඒ වගේ බොහෝ දෙනෙක් මේ ගැන කණගාටුවට, බයට පත්වන නමුත්, ඔවුන්ට ඒ ගැන සිතීමට පවා අවශ්ය නැති බවත් ඔබ දන්නවාද?
නමුත් මතක තියාගන්න,විශ්රාම යනවා වගේ දෙයක් නොසලකා හැරීම කියන්නේ ඔබ කරන ලොකුම වරදක්. ඒ වරද ගැන අද කතා කරන ගමන් ලොකුවට අපිට වරදින තැන් 3 ගැන මතක් කරගෙන ඒවා බුද්ධිමත්ව හරිගස්සන්නේ කොහොමද කියන එකත් හිතලා බලමු!
විශ්රාම වැරදි අංක 01:
විශ්රාමයෙන් පසු වියදම් වැඩිවීමේ උවදුරට ගොදුරු වීම
දකින්න ලැබෙන සාමාන්යම දේ මොකක්ද?විශ්රාම ගියාට පස්සේ බොහෝ දෙනෙක් අවුරුද්දක් දෙකක් බොහොම අඩුවෙන් වියදම් කරලා,අඩු වියදම් බජට් එකක කටයුතු කරනවා.ඒත් ඒ අවුරුදු දෙක පහු වුනාට පස්සේ කට්ටියට අමතක වෙනවා තමන් ඉන්නේ විශ්රාම ජීවිතයේ කියන දේ.ඊට පස්සේ ට්රැවල් කරන්න,නිවාස අලුත්වැඩියා කරන්න වගේ බරපතල දේවල් බොහොමයකට කට්ටිය යොමුවෙන්නේ ජීවිතේ අන්තිම කාලේ මේ තමයි කියන දේ තේරුම් අරන් වගේ.ඒත් ඒක එහෙම නෙවෙයි.අපි බොහෝ දෙනෙක් වරද්දා ගන්න තැනත් ඒකයි.අවුරුද්දක් දෙකක් යද්දී ආපහු කට්ටිය තේරුම් ගන්නවා තමන් ආපු ක්රමය වැරදියි කියන දේ.
මොකක්ද විසඳුම: දිගුකාලීන සැලසුම් ගැන හිතලා ඒ මත පදනම්ව යථාර්ථවාදී අයවැයක් හදාගෙන හැකි තරම් ඒක අනුගමනය කරන්න. ඔබගේ මේ විශ්රාම අයවැය හදද්දී සංචාරයන්, ඔබේ ආසාවන් වෙනුවෙන් වන වියදම් ආදිය අපේක්ෂා කිරීමත් වැදගත්. ඊළඟට, ඔබේ බජට් එකේ ඉහළ පහළ යන කාණ්ඩ ගැන අවධානය යොමුකරලා ඔබේ මාසික වියදම් ප්රවේශමෙන් නිරීක්ෂණය කිරීමට වග බලා ගන්න. ඔබගේ සැබෑ වියදම් රටාවන් කලින් හඳුනාගත් විට, ඔබේ විශ්රාම අයවැය පාලනය කර ගැනීම පසුවෙන් කරන්න හැකියාව ලැබෙනවා.
විශ්රාම වැරදි අංක 2:
වෛද්ය වියදම් අවතක්සේරු කිරීම
මේකට පළවෙනිම හේතුව තමයි “නෑ,මම ලෙඩ වෙන්නේ නෑ-මට ඕවා හැදෙන්නේ නෑ” කියන සිතුවිල්ල! ඔබ තරුණ හා සෞඛ්ය සම්පන්නව සිටින විට, යම් දවසක ඔබට යම් ආකාරයක සෞඛ්ය ගැටලුවක් ඇතිවිය හැකි යැයි ඔබ කොහෙත්ම හිතන්නේ නැහැ. පර්යේෂකයන් පෙන්වා දෙන්නේ විශ්රාමිකයන්ගෙන් 90% කට ඔවුන්ගේ යථාර්ථවාදී අනාගත වෛද්ය වියදම් කුමක් විය හැකිද යන්න හෝ ඔවුන් තක්සේරු කරන්නේ කෙසේද යන්න පිළිබඳව අවබෝධයක් නොමැති බවයි. ඒ වගේම 75% කට පමණ කොටසකට විශ්රාමික වෛද්ය වියදම් ගෙවීමේ උපාය මාර්ගයක් නොමැති බවද අනාවරණය වී තිබෙනවා.
මොකක්ද විසඳුම: විශ්රාමික ඉතිරිකිරීම් සඳහා වන ඔබේ ඇස්තමේන්තුවට සෞඛ්ය සේවා සහ වෛද්ය වියදම් සඳහා ප්රමාණවත් මුදල් ඇතුළත් බවට වග බලා ගන්න. මෙය ඉතා වැදගත් වන අතර අතරමැදි අඩුපාඩු සඳහා දිගු කාලීන සෞඛ්ය රක්ෂණ ආවරණයක් ලබා ගැනීම පිළිබඳව ද ඔබට සලකා බලන්න පුළුවන්.
විශ්රාම වැරදි අංක 3:
සැලසුමක් නොමැති වීම
මේ ප්රශ්නය නම් “අනේ මම දැනගෙන හිටියේ නෑනේ – මම දැනගෙන හිටියා නම් ..” යන තත්වයන්ගෙන් එකක්. ලොව පුරා විශ්රාමිකයන් විශාල සංඛ්යාවක් විශ්රාම ගැනීම සඳහා ප්රමාණවත් තරම් ප්රමාණයක් ඉතිරි කර නොමැති අතර, උපයන ලද පොලී ප්රතිලාභ සහ ආයෝජන ප්රතිලාභ වලින් ඇත්තටම ප්රතිලාභ අරගෙන නැහැ.අන්න ඒ නිසා ඔබත් ඒ ගොන්නේ තවත් කෙනෙක් නොවන බවට වග බලා ගන්න!
මොකක්ද විසඳුම: සවිස්තරාත්මක විශ්රාම සැලසුමක් සකස් කිරීම සඳහා විශ්වාසදායක සහ සහතික කළ මූල්ය සැලසුම්කරුවෙකු සමඟ සැලසුම් කිරීම අරඹන්න. ඔබට හරියටම අවශ්ය දේ නොදැන සිටීම කියන්නේ විශ්රාම ගැනීම ගැන ඔබට බියක් ගෙන දෙන දෙයක්. නමුත් එය එසේ විය යුතු නැහැ! විවිධාකාරයේ හොඳම හා නරකම අවස්ථා කිහිපයක් ඉදිරිපත් කර ඒ එක එක සඳහා වෙනම විශ්රාම සැලසුමක් සකසන්න. නිදසුනක් වශයෙන්, ඔබේ නිවස විකිණීම මත පදනම්ව ඔබට එක් සැලැස්මක් සකසන්න පුළුවන්, තවත් එකක් එය විකිණීමකින් තොරව තබාගැනීම මත පදනම්ව සහ වෙනත් ස්ථානයකට ගෙන යාම මත පදනම්ව සකසන්න. මේක අදම ආරම්භ කරන්න, කුඩා සැලැස්මක් වුවත් නිසියාකාරව සකසන්න!
