Education Co-operative Society - EDCS

27/08/2026

සුබ පැතුම් රුමේෂ් තරංග!

27/08/2026

27/08/2026

26/08/2026

පසුගිය පොදුජන පෙරමුණු පාලන සමයේදී උපදේශන සේවා සහ මෘදුකාංග සංවර්ධනය සඳහා යැයි පවසමින් රුපියල් මිලියන 70ට ආසන්න මුදලක් වැය කර, අතරමග නවතා දමා තිබූ අධ්‍යාපන සමුපකාර සමිතිය (EDCS) පරිඝනකගත කිරීමේ ව්‍යාපෘතිය යළි සක්‍රීයව ආරම්භ කිරීම සඳහා සමිතියේ වර්තමාන අධ්‍යක්ෂ මණ්ඩලය හා ඩිජිටල් ආර්ථික නියෝජ්‍ය අමාත්‍ය එරංග වීරරත්න හා කම්කරු නියෝජ්‍ය අමාත්‍ය මහින්ද ජයසිංහ යන මහත්වරුන් සමඟ විශේෂ සාකච්ඡාවක් ඩිජිටල් ආර්ථික අමාත්‍යාංශයේදී පසුගියදා (අගෝස්තු 20) පවත්වන ලදී.

පරිඝණක ව්‍යාපෘතිය පිළිබඳව දැක්මක් නොමැතිවීම , හිටපු අධ්‍යක්ෂ මණ්ඩල හා පාලක මණ්ඩල විසින් නිසි තීරණ නොගැනීම, මග පෙන්වීම හා නිසි කළමනාකරනයක් නොමැතිවීම සහ මූල්‍ය අක්‍රමිකතා සිදුකිරීම එම ව්‍යාපෘතිය අතරමග නවතා දැමීමට හේතු ලෙස දැනට හඳුනාගෙන ඇති බවට සමිතියේ අධ්‍යක්ෂ මණ්ඩලය විසින් මෙම සාකච්ඡාවේදී පැහැදිලි කරන ලද අතර ඩිජිටල් ආර්ථික අමාත්‍යාංශයේ සෘජු අධීක්ෂණය යටතේ GovTech විශේෂඥ සහායද ඇතිව මෙම ඩිජිටල්කරණ ව්‍යාපෘතිය යලි කඩිනමින් ක්‍රියාත්මක කිරීමට තීරණය කරනු ලැබීය.

ඩිජිටල්කරණ වැඩපිළිවෙළ ක්‍රියාත්මක කරමින් EDCS සාමාජික 2,26000 කට අධික සාමාජිකයින් වෙත වඩාත් කඩිනම්, විනිවිද භාවයෙන් යුත් සහ කාර්යක්ෂම සේවාවක් ලබාදීම වත්මන් අධ්‍යක්ෂ මණ්ඩලයේ ප්‍රධාන අභිලාෂය වේ.

මෙම සාකච්ඡාව සඳහා ඩිජිටල් ආර්ථික අමාත්‍යාංශයේ සහ කම්කරු අමාත්‍යාංශයේ නිලධාරීන් පිරිසක්ද එක්ව සිටියහ.

26/08/2026

සීමාසහිත අධ්‍යාපන සේවා නියුක්තිකයන්ගේ සමූපකාර සකසුරුවම් හා ණය දෙන සමිතියේ (EDCS ) රත්නපුර දිස්ත්‍රික් සාමාජික භවතුන්ගේ 2025 පහ වසර ශිෂ්‍යත්ව විභාගය සමත් දූ පුතුන් සඳහා ශිෂ්‍යාධාර පිරිනැමීම රත්නපුර නගර ශාලාවේදී ඊයේ (2026 .08. 25) උදේ 9.30ට සිට පැවැත්විණි.

ශිෂ්‍යත්ව ලාභීන් 184 දෙනකු සඳහා මෙහිදී ශිෂ්‍යාධාර ලබා දුන් අතර, අධ්‍යාපන සමුපකාර සමිතියේ සබරගමු පළාත් අධ්‍යක්ෂ චමින්ද ජයලත් මහතාගේ මූලිකත්වයෙන් රත්නපුර දිස්ත්‍රික් කාර්යාලය මගින් මෙම ශිෂ්‍යත්ව ප්‍රදානෝත්සවය සංවිධානය කරන ලදී.

මෙම අවස්ථාවට පාර්ලිමේන්තු මන්ත්‍රී රත්නපුර දිස්ත්‍රික් සම්බන්ධීකරණ කමිටු සභාපති ශාන්ත පද්මකුමාර මහතා, රත්නපුර නගර සභා නගරාධිපති ඉන්ද්‍රජිත් කටුගම්පොල මහතා, කුරුවිට ප්‍රාදේශීය සභා සභාපති විකසිත පුෂ්පසූරිය මහතා, කලවාන ප්‍රාදේශීය සභා සභාපති ප්‍රියන්ත සුමිත් මහතා, අධ්‍යාපන සමුපකාර සමිතියේ සභාපති ලාල් කුමාර මහතා, රත්නපුර ශ්‍රී/ක්‍රිෂ්ණා විද්‍යාලයේ විදුහල්පති වසන්ත කුමාර් මහතා, සමිතියේ මහ සභා නියෝජිතයින් ඇතුලු නිලධාරීන් පිරිසක් සහභාගි වී සිටියහ.

26/08/2026

Supporting bright futures! 🎓✨ EDCS Scholarship Programmes.

24/08/2026

බදුල්ල දිස්ත්‍රික්කයේ අධ්‍යාපන සමුපකාර සමිතියේ සාමාජිකත්වය දරන 2025 පහ ශ්‍රේණිය ශිෂ්‍යත්ව විභාගය සමත් සාමාජික දූ පුතුන් සඳහා ශිෂ්‍යධාර පිරිනැමීම අද (අගෝස්තු 24) ඌව පළාත් සභා ශ්‍රවණාගාරයේදි සිදු කෙරිණි.

සමිතියේ ඌව පළාත් අධ්‍යක්ෂ නිමල් ආරියවංශ මහතාගේ මූලිකත්වයෙන් සමිතියේ EDCS බදුල්ල කාර්යාලය විසින් මෙම ශිෂ්‍යත්ව ප්‍රදානෝත්සවය සංවිධානය කර තිබුණු අතර සාමාජික දූ පුතුන් 227 දෙනකු සඳහා මෙහිදී ශිෂ්‍යාධාර පිරිනමන ලදී.

මෙම අවස්ථාවට සංචාරක නියෝජ්‍ය ඇමැති රුවන් රණසිංහ, පාර්ලිමේන්තු මන්ත්‍රි රවින්ද්‍ර බංඩාර, බදුල්ල පුරපති නන්දන හපුගොඩ, හාලිඇල ප්‍රාදේශිය සභාවේ සභාපති ප්‍රියන්ත වර්ෂමාන යන සම්භාවනීය ආරාධිතයින් සහ සමිතියේ මහාසභා නියෝජිතයින් ,දෙමව්පියන් හා සමිතියේ නිලධාරීන් පිරිසක් එක්ව සිටියහ.

24/08/2026

පහ ශ්‍රේණිය ශිෂ්‍යත්ව විභාගය විශිෂ්ට ලෙස සමත් වූ සමිතියේ නුවරඑළිය දිස්ත්‍රික් සාමාජික දූ පුතුන් උදෙසා ශිෂ්‍යාධාර පිරිනැමීම 2026 අගෝස්තු මස 24 නුවරඑළිය කලාප කාර්යාලයේදී ඉතා සාර්ථක අයුරින් පැවැත්විණි.
මේ අවස්ථා සඳහා නියෝජ්‍ය කලාප අධ්‍යාපන අධ්‍යක්ෂ පරිපාලන ජානක බණ්ඩාර, නියෝජ්‍ය අධ්‍යාපන අධ්‍යක්ෂ පාලන ගනේෂ් රාජා, මධ්‍යම පලාත් අධ්‍යක්ෂ ඩී. දයාන් විමලවීර, මධ්‍යම පලාත් ලේකම් ඒ.ආර්. රොහාන් යන මහත්වරුන් හා නුවරඑළිය, හැටන්, හගුරන්කෙත, වලපනේ, කොත්මලේ මහ සභා නියෝජිතයින්, සහකාර සාමාන්‍යාධිකාරි ඇතුළු කාර්‍ය මණ්ඩලය සහභාගී වූහ.