09/12/2025
යුරෝපෙට පැනගන්නෙ කොහොමද?
අපි හැමෝම ලංකාවෙ සිංහයො වුනාට යුරෝපෙට යන්න chance එකක් ලැබුනොත් ඒක ගන්නවා. හැමෝම නෙවෙයි, බහුතරය හොඳද? ඒකට අධ්යාපන මට්ටම මොකක් උනත් එකයි. මේ විදියට යුරෝපෙට එනවනම්,
ලේසියෙන්ම එන්න පුළුවන් රටවල් වගේම එන්න අමාරු රටවල් ටිකකුත් තියෙනවා.
ඉගෙනගන්න හිතාගෙන එනවනම්, ස්වීඩනය, ෆින්ලන්තය තමයි ගොඩක්ම ජනප්රිය. ඒකට හේතුව පවුලත් එක්කම එන්න පුළුවන් කමත්, ඒ dependent වගේම student ටත් limit එකක් නැතුව full time වැඩ කරන්න පුළුවන් කමත් නිසා. හැබැයි මේ වෙනකොට මේ රටවල් වලත් IT, Engineering වගේ හැරුනම අනිත් industry වල post study job එකක් හොයාගන්නවා කියන්නේ ලොකු කට්ටක්. ඊට අමතරව ජර්මනිය, ලැට්වියාව, ඔස්ට්රියාව, අයර්ලන්තය, ස්පාඤ්ඤය සහ හංගේරියාව තරමක් ප්රසිද්ධයි.
මේ රටවලට Student visa දානවනම්, පහළ links වලින් ඔයාලට try කරන්න, Details හොයාගන්න පුළුවන්. යුරෝපේ ගොඩක් Universities Self apply කරලා එන්න පුළුවන් විදියට ලේසි වෙන්න මේ website හදල තියෙන්නේ.
🇸🇪 Sweden: https://www.universityadmissions.se/intl/start
🇫🇮 Finland: https://opintopolku.fi/konfo/en/
🇩🇪 Germany: https://www.daad.de/en/studying-in-germany/
🇱🇻 Latvia: https://www.studyinlatvia.lv/
🇦🇹 Austria: https://studyinaustria.at/en/
🇮🇪 Ireland: https://study-in-ireland.com/
🇪🇸 Spain: https://studying-in-spain.com/
🇭🇺 Hungary: https://studyinhungary.hu/
මේ විදියට නැතුව ටිකක් අඩු වියදමෙන් රස්සාවකටම එන්න පුළුවන් නම්, ඒක ටිකක් ලේසි නේද?
ඉතිං, රැකියාවකට ලේසියෙන්ම එන්න කවුද අපිට රැකියා දෙන්නෙ?
මේ කාලෙ වෙනකොට ලංකාවට වැඩිපුර රැකියා දෙන්නෙ රුමේනියාව, ඇල්බේනියාව, සර්බියාව, ක්රොයේෂියාව, මෝල්ටාව, මෝල්ඩෝවා සහ සයිප්රස් කියන රටවල් සෙට් එක, මීට අමතරව ආසියාවට සහ යුරෝපයට බාගෙට බාගේ අයිති වෙන තුර්කියත් තියෙනවා. බුල්ගේරියාවේ, ලිතුවේනියාවේ යම් රැකියා ඇබැර්තු ප්රමාණයක් ලංකාවේ තියෙනවා.
මීට අමතරව චෙක් ජනරජය, ජෝර්ජියාව, ජර්මනිය, ග්රීසිය, හංගේරියාව, අයර්ලන්තය, පෝලන්තය, එංගලන්තය වගේ රටවලත් රැකියා ඇබෑර්තු list වෙලා තියෙනවා. මේවගෙන් බොහොමයක් රැකියා රැකියාවේ ප්රවීණතාවය (Skilled/Highly-skilled) වගේම සමහර රටවලට භාෂා ප්රවිණත්වයත් පෙන්නලා ලබාගන්න ඕනේ රැකියා.
මේ jobs වලට අමතරව, ස්වීඩනය - Highly skilled IT jobs / ඉතාලිය Seasonal jobs වගේ රටවල ත් සුළු ප්රමාණයක් ජොබ්ස් open වෙනවා යම් යම් කාල වලදී.
ලංකාවේ ගොඩක් අය හරියට දන්නේ නැති කම නිසා, කාගෙන් හරි අහගෙන, නැත්නම් Social media වලින් කාට හරි අහු වෙලා, එහෙමත් නැත්නම් අදුනගත්ත පත හොරෙකුට රැවටිලා සල්ලිත් නැති කරගෙන ගමනත් හීනයක් කරගන්නවා. හරියටම මේ දේවල් කරන අයත් නැතුවම නෙවෙයි හොඳද?
ඒ නිසා එනවනම්, SLBFE registered, තැනකින් හරියටම හොයල බලල එන්න. එහෙම නැතුව 100%ක් විශ්වාස කෙනෙක් මේ රටක ඉන්නවනම්, ඒ කෙනෙක්ගෙන් Work permit එකක් ගෙන්නගෙනත් පුළුවන්, නැත්නම් තනියම apply කරලත් සමහර රටවලට එන්න පුළුවන්.
මම පහලින් දාල තියෙන link එකෙන් යුරෝපෙට රැකියාවකට එන්න ආසාවෙන් ඉන්න ඔයාලට try කරන්න පුළුවන් රටවල් ටිකක් තියෙනවා.
Set වෙන ජොබ් එකක් තියෙනවනම්, අතේ ගානට හරියන්න, අදාල ඒජන්සියේ අතීතේ එහෙම හරියට හොයල බලල එන්න පුළුවන්.
හොඳට මතක තියාගන්න, මම එහෙම කියන්නේ SLBFE register උන පමණින් ඒක හොඳ තැනක් කියල කියන්න බැරි නිසයි.
https://applications.slbfe.lk/feb/feo/jsearchresults_cn.asp
එකම රටක් මත්තේ නැහෙන්නේ නැතුව තමන්ගේ goal වලට යන්න පුළුවන් කෙටිම පාරට වඩා "හොඳම පාර" තෝරගන්න.
උපුටා ගැනීම : මනෝජ් ලක්මාල්
