02/08/2024
නැවත වරක් "සුරක්ෂා සිසු රක්ෂණ ආවරණය" ක්රියාත්මක කරමින් රජයේ පාසල් සහ රජයේ අනුමත සියලු ම පෞද්ගලික පාසල්වලත්, පිරිවෙන් සහ උපකෘත විශේෂිත පාසල්වලත් අධ්යාපනය ලබන සිසු සිසුවියන් වෙනුවෙන් ලබා දීමට කටයුතු සූදානම් බව අධ්යාපන අමාත්යවරයා විසින් ඊයේ (2024/08/01) දින නිළ නිවේදනයක් කරන ලදි.
නතර කරනවිට පෞද්ගලික රක්ෂණ ආයතනයක් සමඟ අවසන් වරට ගිවිසුම් ගතවී තිබූ මෙම සිසු රක්ෂණ සැළසුම 2022/12/01 ට පසු නැවත වරක් ක්රියාත්මක කිරීම උදෙසා අධ්යාපන අමාත්යාංශය සහ ශ්රී ලංකා රක්ෂණ සංස්ථාව අතර ඉදිරි වසර 3 සඳහා වූ ගිවිසුම මේ වන විටත් අත්සන් කර අවසන්.
ඒ අනුව 1 ශ්රේණියේ සිට 13 වන ශ්රේණිය දක්වා වයස අවුරුදු 5ත් 21ත් අතර සිසුන් සහ උපකෘත විශේෂ පාසල්වල ඉගෙනුම ලබන අවුරුදු 4ත් 21ත් අතර වයස සීමාවේ පසුවන සිසුන් සඳහා පහත පරිදි ප්රතිලාභ ලබාදීමට නියමිතයි.
රක්ෂණාවරණය පිලිබඳ තොරතුරු.
🔶 අනතුරක් හෝ රෝගාබාධයක් හේතුවෙන් රජයේ හෝ පෞද්ගලික රෝහලක නේවාසික ප්රතිකාර සඳහා උපරිම ප්රතිලාභය රු. 300,000/-ක්
🔷 මෙහිදී දරුවා ප්රතිකාර ලබා ගැනිම සඳහා රජයේ රෝහලක නතර වී ගතකරනු ලබන එක් රාත්රියක් සඳහා රු.2500/= බැගින් ද පෞද්ගලික රෝහලක නතර වී සිටීමක් සඳහා එක් රාත්රියක් වෙනුවෙන් රු7500/= බැගින් ද ප්රතිලාභ හිමි වේ.
🔶 බාහිර ප්රතිකාර සඳහා ප්රතිලාභ වශයෙන් උපරිම රු. 20,000/-ක්
🔷 මෙම කාණ්ඩය යටතේ පෙර පැවති අක්ෂි දෝෂ සඳහා ඇස් කණ්නාඩි සඳහා ප්රතිලාභ ගෙවීමට අමතරව ශ්රවණාබාධ සඳහා ශ්රවණාධාර උපකරණ වෙනුවෙන් ද ප්රතිලාභ ගෙවීම මෙවර ඇතුළත් කර තිබෙනවා.
🔷 එමෙන්ම දරුවන්ගේ අසනීප තත්ත්වයකදී බාහිර රෝහල් මඟින් සිදු කරනු ලබන රසායනාගාර පරීක්ෂණ ගාස්තු ද මෙම කාණ්ඩයේ ප්රතිලාභ යටතේ ආවරණය වේ.
🔶 අසාධ්ය රෝගයක් සඳහා ප්රතිකාර ගැනීමට සිදුවීමකදී රු. 1,500,000/- ක් දක්වා අවස්ථාව හිමිවෙනු ඇත.
🔶 ඒ අතර අවාසනාවන්ත ලෙස පූර්ණ සදාකාලික අකර්මණ්යතාවක් සිදුවුන හොත් රු. 200,000/-ක්.
🔶 සදාකාලික අර්ධ අකර්මණ්යතාවක දී රු.150,000/-ක්.
🔶 තාවකාලික අකර්මණ්යතාවයක දී 25,000/- සිට 100,000/- දක්වා ද ප්රතිලාභ ලබාගැනීමට හැකිවනු ඇත.
🔶 ජීවිත රක්ෂණාවරණය ලෙසින් විශේෂයෙන් අඩු ආදායම්ලාභී පවුල්වල සිසුන්ගේ දෙමව්පියන්ගෙන් එක් අයෙකු වෙනුවෙන් එක් සිසුවෙකු සඳහා රු.75,000/= ක් දෙමාපියන් දෙදෙනාම ආවරණය වන පරිදි ප්රතිලාභ හිමිවේ.
🔷 පවුලේ සියලු පාසල් යන ළමුන්ට ප්රතිලාභ හිමිවන නමුත් එක් සිද්ධියක් වෙනුවෙන් වෙන් කරනු ලබන උපරිම මුදල රු.225,000/= කි. (රු.75,000/= බැගින් උපරිම දරුවන් 3 දෙනෙකු සඳහා)
🛄 මෙම රක්ෂණ වන්දි උපරිම සතියක් ඇතුලත දෙමාපියන්ගේ බැංකු ගිණුමකට බැරකිරීමට උත්සාහ කිරීම සඳහා මාර්ගගත ක්රමවේද ඔස්සේ කටයුතු කිරීමට SLIC විසින් මේවනවිට කටයුතු සූදානම් කරමින් සිටී , ඒ අනුව මෙවර පාසල් සිසුන්ට මෙම රක්ෂණාවරණය සඳහා නොමිලේ කාඩ්පතක් ද ලබාදීමට කටයුතු කර ඇත.
☎ ආවරණය පිලිබඳව වැඩි විස්තරයක් අවශ්ය නම් 0769287796
