01/10/2026
ශ්‍රී ලංකාවේ රුපියල්වලින් Bitcoin මිලදී ගෙන, එහි පාලනය ඔබ අතේම තබාගන්න.
Cinnamon Grand Colombo හෝටල් පරිශ්‍රයේදී අපි Bitnomi මහජනතාවට ප්‍රථම වරට හඳුන්වා දී, App එකෙන් Bitcoin මිලදී ගන්නා ආකාරය ප්‍රායෝගිකව පෙන්වා දුන්නා.
ශ්‍රී ලාංකිකයන් වෙනුවෙන් ශ්‍රී ලංකාවේම කණ්ඩායමක් නිර්මාණය කළ Bitnomi, 100% Self-Custody ක්‍රමයට ක්‍රියාත්මක වෙනවා. ඔබේ Bitcoin පාලනය කරන private keys ඔබ සතුයි. ඒවා සහ ඔබේ recovery phrase එක ආරක්‍ෂා කරගැනීමේ වගකීමත් ඔබට පැවරෙනවා.
නීතිමය තත්ත්වය සහ අවදානම්
Bitcoin ආයෝජන වත්කමක් ලෙස තමන් සතුව තබාගැනීම ශ්‍රී ලංකාවේ තහනම් කර නැහැ. එහෙත් Bitcoin රුපියල් මෙන් රටේ පිළිගත් ගෙවීම් මුදලක් (legal tender) නොවෙයි. එය සතුව තබාගැනීම සහ ගෙවීම් මුදලක් ලෙස භාවිත කිරීම වෙනස් කරුණු දෙකක්. Bitcoin මිලදී ගැනීම, විකිණීම සහ පැවරීමේදී අදාළ විදේශ විනිමය, බදු සහ මුදල් විශුද්ධිකරණය වැළැක්වීමේ නීති පිළිපැදිය යුතුයි. අදාළ නියෝග යටතේ debit සහ credit cards මගින් cryptocurrency ගනුදෙනු සඳහා ගෙවීම් කිරීම තහනම්.
ඩිජිටල් වත්කම් සහ ඒවාට අදාළ සේවා සපයන්නන් නියාමනය කිරීම සඳහා SEC (ශ්‍රී ලංකා සුරැකුම්පත් සහ විනිමය කොමිෂන් සභාව) ප්‍රධාන නියාමකයා ලෙස නම් කිරීම ඇතුළත් නීතිමය රාමුවක් හඳුන්වාදීමට කැබිනට් අනුමැතිය ලැබී තිබෙනවා. නමුත් SEC විසින් cryptocurrency සේවා සඳහා බලපත්‍ර නිකුත් කිරීමේ රාමුව තවමත් හඳුන්වා දී නැහැ. ඒ නිසා මෙම කැබිනට් තීරණය Bitnomi හෝ වෙනත් සේවා සපයන්නෙකුට cryptocurrency බලපත්‍රයක් ලබාදී ඇති බව අදහස් කරන්නේ නැහැ.
Bitnomi ශ්‍රී ලංකාවේ ලියාපදිංචි සමාගමක්. අපි අදාළ AML/CFT වගකීම් සඳහා KYC, ගනුදෙනු නිරීක්‍ෂණය, වාර්තා පවත්වාගැනීම සහ සැක සහිත ගනුදෙනු FIU වෙත වාර්තා කිරීමේ ක්‍රියාමාර්ග පවත්වාගෙන යනවා. 2026 අංක 17 දරන FTRA සංශෝධනය මගින් VASP සේවා සපයන්නන් මෙම නීතිමය රාමුවට ඇතුළත් කර තිබෙනවා.
FATF කියන්නේ මුදල් විශුද්ධිකරණය සහ ත්‍රස්තවාදයට මුදල් සැපයීම වැළැක්වීමට රටවල් අනුගමනය කළ යුතු ජාත්‍යන්තර ප්‍රමිතීන් සකස් කරන ආයතනයයි. අපගේ අනුකූලතා පද්ධති එහි නිර්දේශ 15 සහ 16 හි අදාළ ප්‍රමිතීන් සැලකිල්ලට ගනිමින් සකස් කර තිබෙනවා. එම ප්‍රමිතීන් අනුව ශ්‍රී ලංකාවේ ක්‍රියාකාරිත්වය පරීක්‍ෂා කරන ඉදිරි APG ඇගයීම සඳහා වන සූදානම් කටයුතුවලටත් අපි සහාය දක්වනවා. මෙය Bitnomi සඳහා රාජ්‍ය හෝ FATF/APG අනුමැතියක්, බලපත්‍රයක් හෝ ආයෝජන සහතිකයක් නොවෙයි.
Bitnomi බැංකුවක් නොවෙයි. ඔබේ Bitcoin බැංකු තැන්පතුවක් හෝ රජය සහතික කළ ආයෝජනයක් නොවෙයි. Self-Custody මගින් මිල අවදානම ඉවත් නොවන අතර ලාභයක් සහතික කෙරෙන්නේ නැහැ. අවදානම් තේරුම්ගෙන තීරණ ගන්න.
Self-Custody කියන්නේ ඔබේ Bitcoin ඔබ පමණක් පාලනය කරන wallet එකක තබාගැනීමයි. Bitnomi හරහා මිලදී ගන්නා Bitcoin ලැබෙන්නේ ඔබේම wallet එකට. අපි ඔබේ Bitcoin අප ළඟ තබාගන්නේ නැහැ. ඔබේ wallet එකේ අයිතිය හෝ පාලනයත් අපට නැහැ.
Bitnomi කරන්නේ ඔබට Bitcoin මිලදී ගැනීමට සහ ඒවා තබාගැනීමට ඔබේම wallet එකක් නිර්මාණය කරගැනීමේ පහසුකම සැපයීමයි. එය පාලනය කරන private keys තිබෙන්නේ ඔබ ළඟයි. ඒ නිසා ඔබේ Bitcoin පාලනය ඔබ අතේම පවතිනවා. ඔබේ recovery phrase එක ආරක්‍ෂිතව සුරකින්න. එය නැතිවුණොත් ඔබේ Bitcoin වෙත ප්‍රවේශය අහිමි විය හැකි අතර, එය නැවත ලබාදීමට Bitnomiට හැකියාවක් නැහැ.
