09/01/2026
லேக் ஹவுஸ் முஸ்லிம் மஜ்லிஸ்
புதிய நிர்வாகிகள் தெரிவு
- 2026 இஸ்லாமிய நாட்காட்டி விநியோகம்
லேக் ஹவுஸ் முஸ்லிம் மஜ்லிஸ் பொதுக் கூட்டம் ஜனவரி 07ஆம் திகதி இடம்பெற்றது. லேக் ஹவுஸ் முஸ்லிம் மஜ்லிஸ் உறுப்பினர்கள் கலந்து கொண்ட இந்நிகழ்வில், 2026/2027 ஆம் ஆண்டுக்கான புதிய நிர்வாகிகளும் தெரிவு செய்யப்பட்டனர்.
மஜ்லிஸின் புதிய தலைவராக தினகரன் இணையத்தள ஆசிரியர் சேகு முஹைதீன் றிஸ்வான் தெரிவு செய்யப்பட்டுள்ளார். புதிய செயலாளராக தினகரன் ஆசிரியர் பீட பிராந்திய செய்தி ஆசிரியர் அஷ்ஷெய்க் எம்.எப்.எம். அஜ்வாத் பாஸி, பொருளாளராக விளம்பர பிரிவின் சிரேஷ்ட கணனி இயக்குனர் எம்.என்.ஏ. றிஸ்வான் ஆகியோர் தெரிவு செய்யப்பட்டனர்.
புதிய உதவித் தலைவர்களாக தினகரன் விளம்பர முகாமையாளர் யாஸிர் மும்தாஸ், மொஹமட் ரிஸ்வி (AC Department) ஆகியோர் தெரிவு செய்யப்பட்டனர். உதவிச் செயலாளராக எம்.எம்.எம். பைஸல் மற்றும் உதவி பொருளாளராக அஸீம் கிலாப்தீன் ஆகியோரும் மஜ்லிஸின் ஆலோசகராக தினகரன் பத்திரிகையின் இணை ஆசிரியர் மர்லின் மரிக்காரும் தெரிவு செய்யப்பட்டனர்.
இது தவிர, செயற்குழு உறுப்பினர்களாக தினகரன் சிரேஷ்ட ஊடகவியலாளர் எம்.எஸ். பாஹிம், ஆமத் (டெயிலி நியூஸ் ஒப்புநோக்குனர் பிரிவு), எம். ரியாஸ் (தினகரன் பக்க வடிவமைப்பு), மொஹமட் ஆயிஷ் மற்றும் எம். ரம்ஸீன் (கணனி விளம்பரப் பிரிவு), எம். ரிம்ஸான் (தினகரன் ஆசிரியர் பீடம்), மொஹமட் பிர்தௌஸ் (தினகரன் விளையாட்டு ஆசிரியர்), மொஹமட் மஹ்ரூப் (விளம்பரப் பிரிவு) ஆகியோர் தெரிவு செய்யப்பட்டுள்ளனர்.
இந்நிகழ்வில், மஜ்லிஸ் உறுப்பினர்களுக்கு இவ்வருடத்திற்கான இஸ்லாமிய கலண்டர்களும் வழங்கி வைக்கப்பட்டிருந்தமை குறிப்பிடத்தக்கது.
