25/08/2026
පසුගියදා මීගමුව බන්ධනාගාර පරිශ්රයේ ඇති වූ හදිසි තත්ත්වය හමුවේ රාජකාරියේ නිරතව සිටියදී ජීවිතක්ෂයට පත් වූ බන්ධනාගාර හදිසි ප්රතිචාර ඒකකයේ (Prison Emergency Response Unit) නිලධාරීන් 10 දෙනෙකුගෙන් පවුල් ඒකක 9 ක් වෙත අග්රහාර රක්ෂණ යෝජනා ක්රමය යටතේ රුපියල් මිලියන 18ක වන්දි මුදලක් ප්රදානය කෙරිණි.
ඒ අනුව, මියගිය සෑම නිලධාරියෙකුගේම පවුලක් වෙත රුපියල් මිලියන 2ක් බැගින් අග්රහාර මරණ හා හදිසි අනතුරු ප්රතිලාභ යටතේ මෙම වන්දි මුදල් හිමි විය.
පසුගිය අගෝස්තු 21 වන දින බන්ධනාගාර මූලස්ථාන ශ්රවණාගාරයේදී, ජාතික රක්ෂණ භාර අරමුදලේ ප්රධාන විධායක නිලධාරී යූෂාන් තරංග සහ වැඩබලන බන්ධනාගාර කොමසාරිස් ජනරාල් ප්රසාද් හේමන්ත කුමාර යන මහත්වරුන්ගේ ප්රධානත්වයෙන් මියගිය නිලධාරීන්ගේ ඥාතීන් වෙත වන්දි චෙක්පත් ප්රදානය කරන ලදී.
මෙම අවස්ථාවේ විශේෂත්වය වූයේ, පවතින හදිසි හා සංවේදී තත්ත්වය සැලකිල්ලට ගනිමින් ජාතික රක්ෂණ භාර අරමුදල විසින් සාමාන්ය ක්රියා පටිපාටියෙන් ඔබ්බට ගොස් වන්දි ගෙවීම කඩිනම් කිරීමට විශේෂ පියවර ගැනීමයි.
මෙම අවස්තාව සදහා ජාතික රක්ෂණ භාර අරමුදල නියෝජනය කරමින් එහි ප්රධාන විධායක නිලධාරී යූෂාන් තරංග, සහකාර සාමාන්යධිකාරී (මෙහෙයුම්) සමිල් තුෂාර , සහකාර කළමනාකරු (අලෙවි) නුවන් දිසානායක , සහකාර කළමනාකරු (අග්රහාර) චන්න ගුණතිලක යන නිලධාරීන් සහභාගී වූහ.
