18/11/2025
ඊයේ පස්වරුවේ තම දියණියගේ උපාධි ප්රධානෝත්සවයේ ජායාරූපයක් මා වෙත එවමින් අම්මා කෙනෙක් තමන්ගේ හදපිරි සතුට පල කරලා තිබුණා.
"ඇය සාමාන්ය පෙල කරන අවදියේ ලොකු මානසික පීඩනයක සිටි වෙලාවේ බොහෝ දෙනෙක්ට ඇයව ගොඩදාන්න බැරිවුනා. නමුත් ඔබගේ හමුවීම ඇයට ඖෂධයක් හා සමාන වුණා. ස්තූතියි ඔබට. ඒ ලබාදුන් අපූරු සහයට. ඇය සෙකන්ඩ් ක්ලාස් අපර් එකක් එක්ක සමත්." මේ ඇය කියන්නේ අවුරුදු ගාණකට කලින් අපි හමුවුණ කතාවක ප්රතිඵලයක්.
"බයිසිකලේ දූවිලි කාගෙන ගිය කාලේ ඉවරයි. මගේ ජීවිතයේ පලමු වාහනය මිලදී ගත්තා" කියමින් මාස්ටර් ක්ලාස් එකේ මා හිතාදර චතුර ඒ වාහනයේ ජායාරූපයක් අපේ ගෲප් එකට යොමුකර තිබුණා.
මිනිස්සු ජීවිතයේ දේවල් දිනන එක කොයිතරම් සතුටක්ද? ඒ මෙහෙයුම පීඩාවක් කරනොගෙන අවස්ථාවක් බවට පෙරලන එක කොයිතරම් සතුටක් ද?
ඒ සතුට විදින ගමන් මම ඉන්දියාවේ රිෂිකේෂ්වල ඉදගෙන මේ උගත් යෝග ධර්ම පිලිබඳ පැවරුම් ටික පසුගිය සඳුදා අවසන් කලා. අද ඉදන් මේ උගත් දෑ පන්ති කාමරවල සිසුන්ට උගන්වමින් පෙන්විය යුතුයි. යෝග ව්යායාම පන්තියක් පැවැත්වීම සහ භාවනාව සඳහා සිසුන්ට මඟ පෙන්වීමක් ගුරුවරයෙක් ලෙස කල යුතුයි. මේ දෙකට මම හෙට සහ අනිද්දා මුහුණ දෙනවා. ඒ විශිෂ්ට ගුරුවරු ඉදිරියේ.
ඔබට ජය වෙන අතරතුරේ මමත් මේ ටික දිනාගෙන එනවා. ❤️
