UDA Real Estate Opportunities

18/09/2021

15/03/2021

උස මීටර් 230 ක් සහ මහල් 68 කින් යුත් ඇල්ටෙයාර් (Altair) බහුමහල් මිශ්‍ර සංවර්ධන නිවාස ව්‍යාපෘතියේ පළමු අදියර විවෘත කෙරේ.

* ජනාධිපතිතුමාගේ හා අගමැතිතුමාගේ උපදෙසින් කොළඹ යළි සුන්දර නගරයක් බවට පත්කරන බව රාජ්‍ය අමාත්‍ය ආචාර්ය නාලක ගොඩහේවා මහතා කියයි.

* ඉදිකිරීම් ක්ෂේත්‍රයක අළුත් අත්දැකීමක් සහිත නව නිර්මාණයක්.

මෙරට ඉදිකිරීම් ක්ෂේත්‍රයට අළුත් අත්දැකීමක් සහිත නව නිර්මාණයක් සේ එවකට ජනාධිපති මහින්ද රාජපක්ෂ මැතිතුමාගේ සහ එවකට ආරක්ෂක හා නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ මැතිතුමාගේ කාලයේ දී 2012 වසරේ දී ඉදිකෙරුණු කොළඹ, කොම්පඤා්ඤාවීදියේ පිහිටි ඇල්ටෙයාර් (Altair) බහුමහල් මිශ්‍ර සංවර්ධන ව්‍යාපෘතියේ පළමු අදියර පසුගිය දා නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම සහ ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතාගේ ප්‍රධානත්වයෙන් විවෘත කෙරිණ.

පසුගිය යහපාලන ආණ්ඩුව කාලයේ දී මෙම සංවර්ධන ව්‍යාපෘතිය අතරමග නතර කෙරුණු අතර වර්තමාන ජනාධිපති ගෝඨාභය රාජපක්ෂ මැතිතුමාගේ සහ නාගරික සංවර්ධන හා නිවාස අමාත්‍ය ලෙස අග්‍රාමාත්‍ය මහින්ද රාජපක්ෂ මැතිතුමාගේ මැදිහත්වීම මත මෙම ඇල්ටෙයාර් ගොඩනැගිලි සංකීර්ණය ඉදිකිරීමේ කටයුතු කඩිනම් කෙරිණ.

ශ්‍රී ලංකාවේ ව්‍යාපෘතියක් සඳහා ආයෝජකයෙකු විසින් සම්පූර්ණ ආයෝජන මුදල එකවර ගෙවන ලද ව්‍යාපෘතියක් වන නේවාසික හා වාණිජ වෙළෙඳ සංකීර්ණයක් වන ඇල්ටෙයාර් ගොඩනැගිල්ල වත්මන් ජනාධිපති ගෝඨාභය රාජපක්ෂ මැතිතුමා ආරක්ෂක ලේකම්ව සිටි කාලයෙහි වැඩ ආරම්භ කරන ලද ව්‍යාපෘතියකි.

අතරමඟ ඉදිකිරීම් නැවතී තිබූ මෙම ව්‍යාපෘතිය 2020 මැයි මාසයේ දී ජනාධිපතිතුමාගේ අවධානයට ලක් විය.

මෙහි ඉදිකිරීම් කටයුතු කඩිනම් කිරීම සඳහා නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතා ප්‍රමුඛ කමිටුවක් පත්කළ අතර වසර 05 ක කාලයක් ප්‍රමාද වූ මෙම ව්‍යාපෘතියේ අඩුපාඩු සහ ආයෝජකයන්ගේ ගැටලු නිරාකරණය කර අවසන් කිරීමෙන් පසු වසරක් ඇතුළත මෙම ව්‍යාපෘතිය නිම කිරීමට හැකිවීම විශේෂත්වයකි.

නාගරික සංවර්ධන හා නිවාස අමාත්‍යවරයා වශයෙන් අග්‍රාමාත්‍ය මහින්ද රාජපක්ෂ මැතිතුමා උපදෙස් ලබා දුන්නේ මෙහි ඉදිකිරීම් කටයුතු කඩිනමින් සිදුකර මුදල් වියදම් කර තිබෙන නිවාස හිමියන්ට එම නිවාස ලබාදීමට කටයුතු කරන ලෙසයි.

නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම සහ ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතා මෙම අවස්ථාවට එක්වෙමින් සඳහන් කළේ කොළඹ නගරයේ ඉදිවන ඉතාමත්ම සුන්දර ගෘහ නිර්මාණ ශිල්පයෙන් අනූන ගොඩනැගිල්ලක් මෙසේ විවෘත කළ බවයි.

“අද විවෘත කරන්නේ ඇල්ටෙයාර් ගොඩනැගිල්ලයි. මෙය 2011 වසරේ ලබාදුන් අවසරය මත 2014 වසරේ වැඩ කරගෙන ආපු ව්‍යාපෘතියක්. අපේ වර්තමාන ජනාධිපතිතුමා රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම්වරයා වශයෙන් සිටිය දී ආරම්භ කළ ව්‍යාපෘති රාශිය අතරේ එක් ව්‍යාපෘතියක්. විවිධ හේතු නිසා 2015 වසරේ සිට මෑතක් වෙනතුරු යම්කිසි ආකාරයකට ප්‍රමාද වූ ව්‍යාපෘතියක් මෙය. ගරු ගෝඨාභය රාජපක්ෂ මැතිතුමා නැවත බලයට ආවාට පස්සේ ජනාධිපතිතුමාත් නාගරික සංවර්ධන හා නිවාස අමාත්‍යාංශයේ ලේකම් වශයෙන් පත් වූ සිරිනිමල් පෙරේරා මහතාත් එකතුවෙලා ආයෝජකයන් සමඟ සාකච්ඡා කර සංවර්ධන කටයුතු වේගවත් කරන්න කටයුතු කළා. මෙහි ප්‍රධානතම ආයෝජකයන් වන්නේ ඉන්දීය සමාගම් දෙකක්. ඔවුන් ක්‍රියාත්මක කළ මේ ව්‍යාපෘතිය අද දින අපිට ආරම්භ කරන්නට ලැබීම සතුටට කරුණක්. මීට කලකට පෙර ලංකාව සම්පූර්ණයෙන් ම වැඩබිමක් වෙලා තිබුණු යුගයක් තිබුණා. දැන් මේ අද ඒ වැඩබිමේ ඉදලා අපි කොළඹ දිහා බලනකොට හැමතැනම පේනවා ඒ කාලේ පටන් ගත්ත ව්‍යාපෘති. සමහර ව්‍යාපෘති දැන් අවසන් වෙලා තියෙනවා. තවත් සමහර ව්‍යාපෘති අවසන් වෙමින් තියෙනවා. ඉතින් අපි විශ්වාස කරනවා මේ ඇල්ටෙයාර් ගොඩනැගිල්ල විවෘත කිරීමත් සමඟ ම නැවතත් ඒ තත්වය අපට ආරම්භ කරන්න පුළුවන් කියලා. මොකද දැන් ලංකාවට යළිත් ආයෝජකයන් එනවා. 2014 වනවිට ලෝකයේ වේගවත් ම සහ සංවර්ධනය වන නගරය විදිහට කොළඹට සම්මානයක් පවා ලැබුණා. ඉතාමත් සුන්දර මෙන් ම සංවර්ධනයෙන් පිරුණු නගරයක් බවට කොළඹ අපි යළිත් උදා කරනවා. අද ගෝඨාභය රාජපක්ෂ ජනාධිපතිතුමා යටතේ සහ මහින්ද රාජපක්ෂ අගමැතිතුමා යටතේ අපි නැවතත් කොළඹ නගරය ලෝකයේ තිබෙන සුන්දර ම සහ වේගවත් ම නගරයක් බවට පත් කිරීමේ කාර්යය ඉටු කරලා තියෙනවා. සාමාන්‍යයෙන් ආයෝජකයන්ට ගැටළු ඒම සාමාන්‍ය තත්ත්වයත්. ඒ වගේ ගැටළු ආවම ඒවාට සම්බන්ධ වෙලා සහාය දෙන එක රජයේ වගකීමක්. ඉඩමකට මූලික අනුමැතිය දීලා ඒක ඇතහැරලා දාන්න බැහැ. දිගටම සම්බන්ධ වෙලා ඉන්න ඕනේ. ඒ දේ තමයි පහුගිය කාලේ කෙරුණේ නැත්තේ. 2015 ට පෙර අපි ආරම්භ කළ බොහෝ ව්‍යාපෘතිවලට අපි විශේෂයෙන් ම නාගරික සංවර්ධන අධිකාරිය ඉතාමත්ම සමීපව වැඩ කළා. තිබෙන ගැටළු, ප්‍රශ්න විසඳලා දුන්නා. නැවතත් 2019 නොවැම්බර් මාසයෙන් පස්සේ තමයි අපිට මේකේ වැඩ කඩිනමින් ආරම්භ කරලා අවසන් කරන්න පුළුවන් වුණේ.”

යනුවෙන් ද නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම සහ ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතා ප්‍රකාශ කළේය.

එම අවස්ථාවට කොළඹ පුරපතිනිය රෝසි සේනානායක, නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා, නාගරික සංවර්ධන අධිකාරියේ අධ්‍යක්ෂ ජනරාල් වරලත් නගර නිර්මාණ ශිල්පී ප්‍රසාද් රණවීර, ඇල්ටෙයාර් නිවාස හිමියන්ගේ සංගමයේ සභාපති මලික් ප්‍රනාන්දු, ීදමඑය ක්‍සඑහ ඉදිකිරීම් සමාගමේ කොළඹ නියෝජිත ආචාර්ය නිර්මාල් සිල්වා, ීදමඑය ක්‍සඑහ ඉදිකිරීම් සමාගමේ විශේෂ නියෝජිත මන් මෝහන් භද්‍රි, ඉන්ඩෝඩිස් ඩිවලොප්මන්ට් සමාගමේ කළමණාකර අධ්‍යක්ෂ ප්‍රදීප් මොරායස් සහ ඉන්දීය මහ කොමසාරිස් කාර්යාලයේ වෙළඳ හා ආයෝජන උපදේශක ආචාර්ය රාකේෂ් පාණ්ඩේ යන මහත්වරු ඇතුළු පිරිසක් ද සහභාගී වූහ.

විදේශ ආයෝජන දිරි ගැන්වීමේ අරමුණ උදෙසා ක්‍රියාත්මක කෙරෙන මෙම ව්‍යාපෘතිය වැඩ අවසන් කිරීමට නියමිතව තිබුණේ 2017 වසර තුළදීය. නමුත් පසුගිය ආණ්ඩුව කාලයේ දී මෙහි වැඩ අතරමඟ නැවතුණු අතර ජනාධිපති ගෝඨාභය රාජපක්ෂ මැතිතුමාගේ මැදිහත් වීම නිසා යළි මෙහි වැඩ කටයුතු කඩිනමින් ආරම්භ කර එහි පළමු අදියර මෙසේ විවෘත කිරීමට කටයුතු කළ බව නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතා විසින් පෙන්වා දෙන ලදී.

මෙම ව්‍යාපෘතියේ සංවර්ධන කටයුතු ීදමඑය ක්‍සඑහ සහ ෂබාස්බ ධජැ්බ සමාගම විසින් සිදුකරනු ලබයි.

මෙරට ඉදිකිරීම් ක්ෂේත්‍රයේ පවතින සම්ප්‍රදායන් වෙනස් මගකට යොමු කරමින් කලාත්මක ආකාරයට ගංගාරාම සීමාමාලකය ඉදිරිපිට ඉදිකරන ලද සියළු පහසුකම්වලින් සමන්විත මෙම ව්‍යාපෘතිය නේවාසික හා වාණිජ වෙළඳ සංකීර්ණය නේවාසික සහ ව්‍යාපාර කටයුතු සඳහා විවෘත කිරීමට නියමිතයි.

ඇල්ටෙයාර් ගොඩනැගිල්ල නමින් හැඳින්වෙන මෙම නේවාසික හා වාණිජ වෙළෙඳ සංකීර්ණය විවෘත කිරීමෙන් පසුව දේශීය ආර්ථිකයේ සහ මානව සමාජයේ වර්ධනයක්, නැගිටීමක් සිදුවෙතැයි අපේක්ෂා කෙරේ.

ඒ යටතේ ශ්‍රී ලංකාව නව නිර්මාණශීලී ආයෝජන රටාවකට වඩාත් විශ්වාසයකින් සහ ප්‍රමිති සහගත වටපිටාවක් සහිත ඉඩක් නිර්මාණය වී ඇති බවත් නව ආයෝජකයන්ට යොදවන ලද මුදල්වලින් ලබාගත හැකි උපරිම ප්‍රයෝජන ලබාගත හැකි බවත් ලොව පුරා සිටින ආයෝජකයන්ට සහතිකයක් මෙමඟින් ලබා දෙයි.

එසේම දේශීය වශයෙන් පවතින රැකියා ඉල්ලුම වැඩි ප්‍රතිශතයකින් සපුරා ගත හැකි අතර ඒ යටතේ සෘජු සහ වක්‍ර රැකියා විශාල ප්‍රමාණයක් අලුතින් බිහිවේ.

නාගරික සංවර්ධන අධිකාරියට අයත් කොළඹ ගංගාරාම සීමාමාලකයට නුදුරින් අක්කර 02 ක භූමි ප්‍රමාණයක මෙම ඇල්ටෙයාර් ගොඩනැගිල්ල ඉදිකර තිබේ.

ඇල්ටෙයාර් ගොඩනැගිල්ල සඳහා වන ආයෝජන මුදල ඇමරිකානු ඩොලර් මිලියන 250 කි. මෙහි ආයෝජකයා ලෙස ඉන්ඩෝඩිස් ඩිවලොප්මන්ට් සමාගම කටයුතු කරයි.

බේරේ වැව සංවර්ධන ව්‍යාපෘතිය යටතේ ඌන සංවර්ධන ඉඩම් සංවර්ධනය කිරීමේ අරමුණින් 2011 වසරේදී 99 අවුරුද්දකට යටත්ව රුපියල් මිලියන 2,560 කට බදු දුන් මෙම ඉඩමේ සංවර්ධන ව්‍යාපෘතිය 2012 වසරේදී ආරම්භ කළ අතර 2021 වසරේදී එහි වැඩ අවසන් කෙරිණ. බදු මුදල් වශයෙන් මෙම ව්‍යාපෘතියෙන් නාගරික සංවර්ධන අධිකාරියට ලැබුණු මුදල රුපියල් මිලියන 2560 කි.

මෙම ඇල්ටෙයාර් ගොඩනැගිල්ලෙහි උස මීටර් 230 ක් වන අතර මෙය මහල් 68 කින් සමන්විත වේ.

ඒ අනුව වර්ග 4 කින් සමන්විත අති සුඛෝපභෝගී නිවාස 407 කින් ඇල්ටෙයාර් ගොඩනැගිල්ල සමන්විත වේ. මෙහි පිහිටි වාණිජ ප්‍රදේශය වර්ග අඩි 30,000 කි. සියලු නිවාස නවීන පහසුකම්වලින් සමන්විත වේ. ඉතා උසස් තත්වයේ අමුද්‍රව්‍ය භාවිතා කර ඉදිකර ඇති මෙම නිවාස වර්ග අඩි 1400 සිට වර්ග අඩි 5000 ක් දක්වා ප්‍රමාණයක පවතී.

ඇල්ටෙයාර් ගොඩනැගිල්ල තුළ වාහන 600 ක් නතර කර තැබිය හැකි වාහන රථගාලක්, කායවර්ධන මධ්‍යස්ථානයක්, පිහිනුම් තටාක 02 ක්, උත්සව ශාලා සහ ප්‍රමිතියෙන් යුතු සනීපාරක්ෂක පහසුකම්වලින් සමන්විතයි. අක්කරයක භූමි භාගයක ඉදිකර ඇති උද්‍යානයක් මෙහි ඇති විශේෂත්වයක් ලෙස දැක්වෙයි.

මෙම ව්‍යාපෘතිය සඳහා ආයෝජකයාට දේශීය සහ විදේශීය ආයතන මඟින් උපදේශන ලබා දී තිබේ.

ඡායාරූප - නලින් හේවාපතිරණ

ඩබ්ලිව්. කේ. ප්‍රසාද් මංජු
නාගරික සංවර්ධන හා නිවාස අමාත්‍යාංශයේ
ගරු අමාත්‍යතුමාගේ මාධ්‍ය ලේකම්

19/02/2021

17/02/2021

ජනපති හා අගමැති උපදෙසින් උසම ගොඩනැගිල්ලකින් යුත් රජයේ කාර්යාල සංකීර්ණයේ ඉදිකිරීම් කටයුතු සෙත්සිරිපාය අදියර III බත්තරමුල්ලෙන් ඇරඹේ.

* මහල් 25 කින් සමන්විත ගොඩනැගිලි සංකීර්ණයට රැස්වීම් ශාලා, උත්සව ශාලා, වාහන 710 ක් නැවැත්විය හැකි රථගාලක් ඇතුළු පහසුකම් රැසක් ඇතුලත් වේ.

* කොළඹ නගරයේ පිහිටි රාජ්‍ය ආයතන කාර්යාල රැසක් සෙත්සිරිපාය අදියර III ට ගෙන ඒමට සැලසුම්.

අතිගරු ජනාධිපති ගෝඨාභය රාජපක්ෂ මැතිතුමාගේ සහ නාගරික සංවර්ධන හා නිවාස අමාත්‍ය, ගරු අග්‍රාමාත්‍ය මහින්ද රාජපක්ෂ මැතිතුමාගේ උපදෙස් පරිදි විශාලත ම රාජ්‍ය ආයතන කාර්යාල සංකීර්ණය වන සෙත්සිරිපාය අදියර III හි ඉදිකිරීම් කටයුතු පසුගිය 22 වැනි දා බත්තරමුල්ලේ දී ආරම්භ කෙරිණ.
කර්මාන්ත අමාත්‍ය විමල් වීරවංශ, නාගරික සංවර්ධන වෙරළ සංරක්ෂණ අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා, අධ්‍යාපන ප්‍රතිසංස්කරණ, විවෘත විශ්ව විද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍ය සුසිල් ප්‍රේමජයන්ත, නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා යන මහත්වරුන්ගේ ප්‍රධානත්වයෙන් මෙහි ඉදිකිරීම් කටයුතු ආරම්භ කෙරිණ.
“සෞභාග්‍යයේ දැක්ම” ප්‍රතිපත්ති ප්‍රකාශය යටතේ කාර්යක්ෂම රාජ්‍ය සේවයක් සහ ජනතාවට සේවාවන් පහසුවෙන් ලබා ගත හැකිවන සේ රාජ්‍ය ආයතන කාර්යාල ස්ථාපිත කිරීමේ අරමුණින් මෙම ඉදිකිරීම සිදු කෙරේ.

රථවාහන වාහන තදබදය අවම කර ගැනීම, කොළඹ තදාසන්න ප්‍රදේශයේ පිහිටි රාජ්‍ය ආයතන කාර්යාල මෙම නව ගොඩනැගිල්ලේ ස්ථාපිත කිරීම, ජනතාවට පහසුවෙන් සේවාවන් ලබා ගැනීමට හැකි ආකාරයෙන් මෙම ආයතන ස්ථාපිත කිරීම යන කාරණා මුල්කරගෙන සෙත්සිරිපාය අදියර III හි ඉදිකිරීම් කටයුතු ක්‍රියාත්මක වේ.

නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතාගේ අධීක්ෂණයෙන් සිදුකෙරෙන මෙම ව්‍යාපෘතිය මහල් 25 කින් සහ වර්ග අඩි මිලියන 1.37 කින් සමන්විත කාර්යාල ගොඩනැගිලි සංකීර්ණයකි. නවීන පහසුකම්වලින් සමන්විත මෙම කාර්යාල සංකීර්ණය තුළින් රාජ්‍ය සහ අර්ධ රාජ්‍ය කාර්යාල රැසකට ඉඩ පහසුකම් සලසා ගැනීමට අපේක්ෂිත ය.

වසර දෙකහමාරකින් මෙහි සියළු වැඩ කටයුතු අවසන් කෙරෙන අතර මෙම සංකීර්ණය ඉදිකිරීම සඳහා වැය වන මුදල රුපියල් බිලියන 16.7 කි.

මෙහි ගෘහ නිර්මාණ ශිල්පීය උපදේශකයන් ලෙස නිර්මාණ ව්‍යාපෘති කළමනාකරණ හා උපදේශන අංශය කටයුතු කරනු ලබයි. විශාලතම ආයෝජනය සිදුකරමින් රජයේ කාර්යාල සංකීර්ණය සහිතව ඉදිකෙරෙන උසම ගොඩනැගිල්ල ද මෙය වීම විශේෂත්වයකි.

නාගරික සංවර්ධන අධිකාරිය පූර්ණ හිමිකම් සහ මූල්‍ය දායකත්වය දරණ මෙම කාර්යාල සංකීර්ණය විවිධ මහජන පහසුකම්වලින් සමන්විතයි. රජයේ කාර්යාල සහ අර්ධ රාජ්‍ය කාර්යාලවලින් සමන්විත වීමත්, සියලු වාණිජ කටයුතු හා බැංකු කටයුතු සිදු කර ගැනීමට හැකිවීමත් හේතුවෙන් මහජනතාවට ප්‍රමිතියෙන් යුතු ගුණාත්මක සේවාවන් ලබා ගැනීමේ අවස්ථාව හිමිවේ.

මේ සියළු සේවා සමඟින් වෙනත් කටයුතු පහසුකරන රැස්වීම් ශාලා, විශේෂිත වූ උත්සව ශාලා සහ වාහන 710 ක් නවතාලිය හැකි රථගාල මෙන් ම වෙනත් විවිධ කටයුතු වෙනුවෙන් වූ බහු කාර්ය ශාලා, ශාරීරික යෝග්‍යතා මධ්‍යස්ථාන වැනි පහසුකම්වලින් ද මෙය සමන්විත වේ. මේ සියල්ල ඇතුළත්ව ඉදිකෙරෙන මෙම සෙත්සිරිපායේ III වන බහු මහල් කාර්යාල සංකීර්ණය ශ්‍රී ජයවර්ධනපුර පරිපාලන කලාපය තුළ කේන්ද්‍රගත වීම විශේෂත්වයකි.

නව බහුමහල් කාර්යාල සංකීර්ණයට මුල්ගල තැබීමෙන් අනුතුරුව කතා කළ කර්මාන්ත අමාත්‍ය විමල් වීරවංශ මහතා අලුත් දෙයකට මේ රටේ සුබවාදි දැක්මක් බොහෝවිට සමාජයට නැති බවත් මෙම නව බහු මහල් කාර්යාල සංකීර්ණයෙන් මේ රටේ ආර්ථිකය ගොඩනැගෙන බවත් පැවසුවේ ය.

“කොරෝනා වසංගතය අස්සේ අතපය බැඳගෙන ඉන්න ඕනේ නැහැ. ලංකාවේ ජනාධිපතිතුමාට සහ අගමැතිතුමාට පුළුවන් වුණා අසාර්ථකත්වයෙන් මේ රට මුදා ගන්නට. පසුගිය දශකය තුළ පැවැති ත්‍රස්තවාදයෙන් රට මුදා ගත්තා. සහරාන්ලා සමාජයට එල්ල කරපු අභියෝගය පරාජය කළා. ජාතික ආරක්ෂාවත් එක්ක සෙල්ලම් කරන්න බැරි විදිහේ වැඩපිළිවෙළක් අද ජනාධිපතිතුමයි, අගමැතිතුමයි එක්වෙලා හදලා තියෙනවා. මිනිස්සුන්ගේ ජීවිත ආරක්ෂාව සුරක්ෂිත කරන ගමන් මත්ද්‍රව්‍ය ජාවාරම් මැඩපවත්වමින්, පාතාල ක්‍රියාකාරකම් මැඩ පවත්වමින් කටයුතු කරනවා. බයක් සැකක් නැතිව ජීවත්වෙන්න පුළුවන් සමාජයක් ගොඩනඟලා, එක තැන පල්වෙන සමාජයක් වෙන්න නොදී, ආර්ථික අභියෝග ජය ගනිමින් ඉදිරියට යන සමාජයක් බවට පත් කිරීම තමයි ගෝඨාභය රාජපක්ෂ ජනාධිපතිතුමාගේ පරමාර්ථය.

අද වෙනදා වගේ රාජ්‍ය සේවකයාට බයවෙන්න හේතුවක් නැහැ. පසුගිය ආණ්ඩුව කාලේ තිබුණා FCID කියලා නීතී විරෝධි පොලිස් ආයතනයක්. ඒකට නිතිපතා මේ රටේ රාජ්‍ය සේවකයෝ සහ ක්‍රියාකාරිකයෝ ගෙන්නුවා. MAGA ආයතනයේ සභාපතිතුමත් ගෙන්නුව ද දන්නේ නැහැ. සමහර ඉදිකිරීම් ආයතනවල අයවත් ගෙන්නුවා. කොළඹ මහානාම පාසලට ඉංජිනේරු සංස්ථාවත් එක්ක කොන්ත්‍රාත්තුවක් ගත්ත කෙනෙකුට කියලා මහානාම විදුහල ඉදිරිපිට පාර වරක් කාපට් කෙරෙව්වා. ඒකට පිරිවැය දැරුවේ ඒක කළ පෞද්ගලික ඉදිකිරීම් සමාගමක්. ඒක කළා කියලා අර ඉදිකිරීම් ආයතනයේ සභාපතිව කැඳෙව්වා FCID එකට. එතනදී අහනවා ඒ කාපට් එක කරන්න මම කීයක් දුන්න ද කියලා. මං දීපු කීයක්වත් නෑ. උදව්වක් හැටියට ඒ මනුස්සයා ඒක කරලා දුන්නා. ඒ මට්ටමට හැදුවා. FCID විසින් වැඩ කරපු සියළු දෙනාම භීතියට පත්කළා. ඒ නිසා රාජ්‍ය සේවකයා වැඩ කරන්නේ නැති තත්ත්වයට පත්වුණා. තීරණ ගන්නේ නැති තත්ත්වයට පත්වුණා. අද ඒ කැත ආදර්ශය නෑ. අපි ඒක අනුගමනය කරන්නේ නෑ. පහුගිය කාලයේ මේ රටේ රාජ්‍ය සේවකයාගේ කොන්ද හරියාකාරව තිබුණේ නෑ. අද අපි හැමෝටම වැඩ කරන්න අවස්ථාව උදා කරලා තියෙනවා. ඒ නිසා අපි අපේ වැඩ කිරීමේ ධාරිතාවේ වැඩිකරලා වැඩ ටික හරියාකාරව කරමු.”

යනුවෙන් ද කර්මාන්ත අමාත්‍ය විමල් වීරවංශ මහතා සඳහන් කළේ ය.

මුල්ගල තැබීමේ අවස්ථාවට පැමිණි රාජ්‍ය අමාත්‍ය ආචාර්ය නාලක ගොඩහේවා මහතා ප්‍රකාශ කළේ කොළඹ පුරා විසිරී තිබූ රජයේ කාර්යාල සංවර්ධන කලාපයකට රැගෙන එන බවයි.
“මේ ව්‍යාපෘතියෙන් කොළඹ නගරයේ ඉඩකඩම් ටික නිදහස් කරගන්න පුළුවන්. ඒත් අලුත් වෙන කොළඹ නගරය වෙනුවෙන් 21 ක් වන සියවසයේ කොළඹ නගරයේ අඩුපාඩු ටික එකෙන් හදාගන්න පුළුවන්. මහජනතාවට උපතේ සිට විපත දක්වා රාජ්‍ය සේවය අවශ්‍ය වෙනවා. එහෙම රාජ්‍ය සේවයක් ජනතාවට වඩාත් පහසු එකම ස්ථානයකට ඇවිල්ල කරගන්න පුළුවන් නම් ඒ තමයි රටේත්, ජනතාවගේත් දියුණුව. මේ විදියට රජයේ කාර්යාලයක් වෙනත් අත්‍යවශ්‍ය සේවාවන් එකම තැනකට ගෙන ආවම ඒ ප්‍රදේශය තවත් දියුණු වෙනවා. මහා මාර්ග පද්ධතිය අලුතින් ඉදිවෙනවා. ඉඩම් මිල ඉහළ යනවා. මේ විදියට අංග සම්පූර්ණ පරිපාලන කේන්ද්‍රයක් ඇති කිරිමෙන් නොසිතූවිරූ දියුණුවක් ඇති වෙනවා. ඒකට ලැබෙන ලාභය අපිට නොවෙයි ජනතාවට ලැබෙන්නේ. මට ජනතාවට කියන්න තියෙන්නේ දැන්වත් සෘණාත්මක සිතීම අත් හරින්න කියලා. අපේ ජනාධිපතිතුමා වගේ ධනාත්මකව සිතන්න. අඳුර නොදකින්න. ආලෝකය දකින්න. මහින්ද රාජපක්ෂ අගමැතිතුමා විශිෂ්ඨ දේශපාලඥයෙක්. එම නායකයින් දෙදෙනාගේ උපදෙස් අනුව රට සංවර්ධන කිරීමේ වැඩ කටයුතු සිදුවෙනවා.

සමහර දේශපාලකයන් මේ රට සිංගප්පූරුව කරනවා, මැලේසියාව කරනවා කියල කිව්වට අලුත් දැක්මක් ඇතිවුණේ නෑ. නමුත් වර්තමාන රජයට සිදුවී තිබෙන්නේ පසුගිය අවුරුදුවල අතරමග නවතා දැමූ ව්‍යාපෘතිවල වැඩ ආරම්භ කරන ගමන් අලුත්ම ව්‍යාපෘතිවල වැඩ ආරම්භ කරන්නයි. ඒ යටතේ සිදු කරන ඉදි කිරීම් ඉතාම ඵලදායී ප්‍රයෝජනයක්.”

යනුවෙන් ද නාගරික සංවර්ධන, වෙරළ සංරක්‍ෂණ, අපද්‍රව්‍ය බැහැරලීම සහ ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතා වැඩිදුරටත් ප්‍රකාශ කළේ ය.
මෙම අවස්ථාවට එක් වූ විවෘත විශ්ව විද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍ය සුසිල් ප්‍රේමජයන්ත මහතා ප්‍රකාශ කළේ කුමන අභියෝග පැමිණිය ද වගකිව යුතු ආණ්ඩුවක් ලෙස ජනාධිපතිතුමාගේ සහ අගමැතිතුමාගේ උපදෙස් පරිදි වත්මන් රජය කටයුතු කරන බවයි.

වසර දෙකහමාරක් ඇතුළත මෙම ගොඩනැගිලි සංකීර්ණයේ වැඩ කටයුතු අවසන් කරන බව නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතා සඳහන් කළේ ය.

“නාගරික සංවර්ධන අධිකාරියට උදාවෙන හැම දවසක්ම සුබයි. මේක මීට කලීන් අවස්ථා දෙකක්ම උත්සාහ කරලා අසාර්ථක වෙලා අතහැර දැමූ සංවර්ධන ව්‍යාපෘතියක්. නමුත් අවසානයේදී අපි ජය ගත්තා. ඒ අපේම මුදල්වලින් සහ අපේම දේශීය කොන්ත්‍රාත්කරුවන්ගේ ඉදිකිරීම් තුළින්. අපි හෙට අනිද්දාම විදේශ කටයුතු අමාත්‍ය කාර්යාලයත් මේ ගොඩනැගිල්ලට ගෙන එනවා. ඒ ගොඩනැගිල්ල ඉතාම පුරාණ ගොඩනැගිල්ලක් විදියට අපි ආරක්ෂා කරනවා. අවුරුදු තුනහමාරකින් හදන්න තිබ්බ මේ කාර්යාල සංකීර්ණය අවුරුදු දෙකහමාරකින් හදන්න කියලා ජනාධිපතිතුමා දුන්නු අභියෝගය අපි ඉටුකරනවා. දැනටමත් මේ කාර්යාල සංකීර්ණයෙන් කාමර ඉල්ලනවා වැඩි පිරිසක්. රුපියල් මිලියන 16.7 ක් වියදම් කරලා හදන මේ ගොඩනැගිල්ලෙන් දෙන්න පුළුවන් වෙන්නේ වර්ග අඩි මිලියන එකක් විතරයි. තව වර්ග අඩි මිලියන 04 ක ඉල්ලුමක් තියෙනවා. ඒක නිසා තව ගොඩනැගිල්ලක් හදන්න නාගරික සංවර්ධන අධිකාරිය තීරණය කළා.”

යනුවෙන් ද නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතා ප්‍රකාශ කළේ ය.
මෙම බහු මහල් කාර්යාල සංකීර්ණය ඉදිකිරීම සඳහා ලංසු තැබීම් 06 ක් ඉදිරිපත් වූ අතර එම ලංසු විවෘත කිරීම අනුව සෙත්සිරිපාය III පරිශ්‍රය ඉදිකිරීම් ක්‍රියාත්මක විය. ඒවා විමර්ශනය කිරීමෙන් පසු MAGA කොන්ත්‍රාත් ඉදිකිරීම් සමාගමට කොන්ත්‍රාත්තුව පිරිනැමීමට තීරණය විය.

මහල් 25 කින් සහ වර්ග අඩි මිලියන 1.37 කින් සමන්විත වන මෙම ව්‍යාපෘතිය පෙර කොන්ත්‍රාත්කරුවන් විසින් රුපියල් බිලියන 22 කට ඉදිකිරීම් පිරිවැය තක්සේරු කර තිබුණි.
මෙම ගොඩනැගිල්ල රුපියල් බිලියන 16.7 කින් ඉදිකර නිමකිරීමට නාගරික සංවර්ධන අධිකාරිය සැලසුම් කර ඇත. මේ අනුව රුපියල් බිලියන 5.3 ක් ම රටට, ජනතාවට, නාගරික සංවර්ධන අධිකාරිය විසින් ඉතිරි කර ඇත.

මේ බහුකාර්ය රාජ්‍ය ආයතන වලින් සමන්විත විශාලතම ගොඩනඅගලි සංනීර්ණයේ ඉදිකිරීම් ආරම්භ කිරීම සඳහා කර්මාන්ත අමාත්‍ය විමල් වීරවංශ, නාගරික සංවර්ධන වෙරළ සංරක්ෂණ අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා, අධ්‍යාපන ප්‍රතිසංස්කරණ, විවෘත විශ්ව විද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍ය සුසිල් ප්‍රේමජයන්ත, නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා, නාගරික සංවර්ධන අධිකාරියේ සභාපති වරලත් වාස්තු විද්‍යාඥ හර්ෂාන් ද සිල්වා, නාගරික සංවර්ධන අධිකාරියේ අධ්‍යක්ෂ ජනරාල් වරලත් නගර නිර්මාණ ශිල්පී ප්‍රසාද් රණවීර, MAGA ඉදිකිරීම් ආයතනයේ සභාපති සහ කළමණාකාර අධ්‍යක්ෂ කපිතාන් එම්.බී. කුලරත්න, නාගරික සංවර්ධන හා නිවාස අමාත්‍යාංශයේ අතිරේක ලේකම්වරු සහ රාජ්‍ය ආයතන රැසක ප්‍රධානීහු පිරිසක් සහභාගී වූහ.

ඡායාරූප - නලින් හේවාපතිරණ

ඩබ්ලිව්. කේ. ප්‍රසාද් මංජු
නාගරික සංවර්ධන හා නිවාස අමාත්‍යාංශයේ
ගරු අමාත්‍යතුමාගේ මාධ්‍ය ලේකම්

06/01/2021

ජනපතිගේ හා අගමැතිගේ උපදෙසින් නිවාස 384 කින් සමන්විත පෑලියගොඩ නිවාස සංකීර්ණයේ වැඩ ඇරඹේ.

* අධිවේගී මාර්ග, තොග වෙළඳ සංකීර්ණය ආසන්නයේ නිවාස ව්යාපෘති ඉදිකෙරේ.

අතිගරු ජනාධිපති ගෝඨාභය රාජපක්ෂ මැතිතුමාගේ සහ නාගරික සංවර්ධන හා නිවාස අමාත්ය, ගරු අගමැති මහින්ද රාජපක්ෂ මැතිතුමාගේ උපදෙසින් ක්රියාත්මක වන “සෞභාග්යයේ දැක්ම” වැඩසටහන තුළ සතුටින් පිරි පවුලක් ගොඩනැගීම සඳහා අවශ්ය වන නිවාස ඉදිකිරීමේ තවත් එක් අදියරක් පෑලියගොඩ දී ඊයේ (05) දින ආරම්භ කෙරිණ.

මෙම අඩුආදායම්ලාභී පවුල් ඉලක්ක කර ගනිමින් දියත් කෙරෙන මෙම වැඩපිළිවෙල අතිගරු ජනාධිපති ගෝඨාභය රාජපක්ෂ මැතිතුමා ආරක්ෂක හා නාගරික සංවර්ධන අමාත්යාංශයේ ලේකම්ව සිටියදි ආරම්භ කරන ලද ව්යාපෘතියකි.

එහිදි කරනු ලැබූ සමීක්ෂණයක දී කොළඹ නගරය තුළ පැල්පත් 68,894 ක් හඳුනාගෙන තිබිණ. 2015 වන විට එම පැල්පත් නිවාසවලින් 18,000 ක් ඉලක්ක කරගෙන නිවාස ගොඩනැගීමට කටයුතු කළ අතර 2015 වසරෙන් පසුව එම ව්යාපෘතිය ඇණ හිටීම නිසා ඉතිරි පැල්පත්වාසීන්ට නිවාස හිමි නොවීය.

මෙම නිවාස ගොඩනැගෙන පෑලියගොඩ නගරය සියළු අධිවේගී මාර්ග එකට එක්වන ස්ථානයක් වීම විශේෂත්වයකි. ඊට අමතරව නව මැනිං වෙළඳපොළ මත්ස්ය වෙළඳ සංකීර්ණයට ඇතුළු ආර්ථික මරමස්ථාන කිහිපයක් ම මෙම නිවාස ව්යාපෘතිට ආසන්නයේ පිහිටා ඇත.

මෙම අවස්ථාවට එක් වූ නාගරික සංවර්ධන, වෙරළ සංරක්ෂණ, අපද්රව්ය බැහැරලීම සහ ප්රජා පවිත්රතා කටයුතු රාජ්ය අමාත්ය ආචාර්ය නාලක ගොඩහේවා මහතා අදහස් දක්වමින් ප්රකාශ කර සිටියේ ආර්ථිකය පණ ගැන්වීම සඳහා ද මේ නිවාස ව්යාපෘතිය ඉවහල් වන බවයි.

“අද මගේ අමාත්යාංශය දිහා බැලුවොත් පහුගිය වසරක කාලයක තිස්සේ ගෝඨාභය රාජපක්ෂ මැතිතුමා යටතේ මේ අමාත්යාංශය විශාල වැඩ කොටසක් කරලා තියෙනවා. සිරිනිමල් පෙරේරා මැතිතුමා මේ අමාත්යාංශයට ඇවිල්ලා මාස පහක් වෙනවා. ඒ මාස 05 ක කාලය තුළ අපි මේ වැඩපිළිවෙළ තවත් වේගවත් කළා. අපේ අමාත්යාංශයට අයත් සෑම ක්ෂේත්රයකම නගර අලංකරණය වෙනවා. නිවාස සෑදීම, වැසි ජලය පාලනය කිරීම, රට පුරා තිබෙන ලෝක බැංකු ව්යාපෘති අතරමග නතර වෙලා තිබූ සෑම ක්ෂේත්රයක් ම අපි විශාල වැඩ කොටසක් කරල තියෙනවා. මේ ව්යාපෘතියෙන් කොපමණ වෙනසක් වෙනව ද බලන්න මේ රටේ. කොරෝනා එන්නට පෙර පසුගිය රජය අකාර්යක්ෂමතාවය නිසා කඩන් වැටිලා තිබුණේ. කඩන් වැටිලා තිබිච්ච ආර්ථිකයක් පණගන්වන්නට මොකද කරන්නට ඕනේ. දළ ජාතික නිෂ්පාදනය වැඩි කරන්නට ඕනේ. දළ ජාතික නිෂ්පාදනය කියන්නේ ගනුදෙනුවල එකතුවක්. ආර්ථිකය සක්රීය වෙන්න ඕන. මුදල් සංසරණය වෙන්න ඕන. මොකද එතකොට තමයි ආර්ථිකය පණ ගැන්වෙන්නේ. සංචාරක ව්යාපාරය කඩා වැටිලා, තවත් බොහෝ ව්යාපාර කඩාගෙන වැටිලා, මිනිස්සුන්ට රැකියා නැති වෙලා ඉන්නකොට අපි මොනවද කරන්නේ. අපි විශාල වශයෙන් මුදල් වියදම් කරලා ව්යාපෘති පටන් ගන්නවා. උතුරේ සිට දකුණට හැම තැනම. අපි ව්යාපෘති පටන් ගන්නකොට රාජ්ය අංශයේත්, පෞද්ගලික අංශයේත් කොන්ත්රාත් දෙනකොට වැඩ කරන්න ඒ කොන්ත්රාත්කරුවන්ට අවස්ථාව ලැබෙනවා. රැකියා අවස්ථා ලබා දෙන්නට රැකියා ලක්ෂ ගානක් බිහිවෙනවා මේ ව්යාපෘති හරහා. සෘජු සහ වක්ර ආකාරයෙන්. ගෙවල් 3,000 ක් කියලා කියන්නේ කෝටි 4,000 ක අද ආයෝජනයක් අපි කරනවා මේ ආර්ථිකයට. ඒ මොකද දන්නවද අපේ කර්මාන්තකරුවන් හරහා අපේ කොන්ත්රාත්කරුවන් හරහා ආර්ථිකය නිදහස් වෙනවා. ඒ මොකද මුදල් පාවිච්චි කරනකොට ඔබේ වැටුප් ගෙවන කොට ඒ වැටුප් ගන්න මිනිහා ගමට ගිහිල්ලා ගමේ සල්ලි වියදම් කරනවා. ගමේ සිල්ලර කඬේට සල්ලි එනවා. ඒ විදිහට තමයි මුදල් සංසරණය පටන් ගන්නේ. අපේ අමාත්යාංශය විතරක් නෙමෙයි මේ රජය විශාල සංවර්ධන වැඩපිළිවෙලක් ආරම්භ කරලා තියෙනවා. මාර්ග 100,000 ක් ඉදිවෙනවා. පාලම් 10,000 ක් ඉදිරියට හැදෙනවා. අපි මහල් නිවාස පැල්පත්වාසීන් සඳහා නිවාස පටන් ගත්තා මේ අවුරුද්දේ 7,000 ක් 8.000 කට වඩා. පසුගිය ආණ්ඩුව පටන් අරන් තිබුණේ 450 යි. ඒක ඉවර කරලා තිබුණෙත් නෑ. මධ්යම ප්රාන්තික නිවාස අලුත් සංකල්පයක්. මේ අපි හදන්නේ තරුණ පරපුරටත් තරුණ පවුල්වලටත්. ඒ අයට වසර ගණනාවක් යනකං නිවාසයක් ගැන හිතන්නවත් බෑ. ඒ සිහිනය සැබෑ කරගන්න බෑ. පෞද්ගලික අංශයේ නිවාසයක් ලබා ගන්නවාට වඩා 30% ක 40% ක වියදම අඩුවෙන් අපිට හොඳ තත්ත්වයෙන් නිවසක් මේ තරුණ පවුලට ලබා දෙන්න පුළුවන්. මේ 3,000 න් අපි නතර වෙන්නෑ. අපි දැනට මුදල් අනුමත කරල තියෙන්නෙ ගෙවල් 5,000 කට. ඒ කියන්නේ කෝටි 6,000 කට. 6,000 කට තමයි අපේ කැබිනට් මණ්ඩලයෙන් මුදල් අනුමත වෙලා තියෙන්නේ. ඊට පස්සේ අපි ඉස්සරහට යනවා. අපේ ව්යාපෘති වලින්, අපේ ආයතනවලින් මුදල් එනකොට අපි ඒවා ආයෝජනය කරනවා. අපි පැල්පත්වාසීන් කිසිසේත්ම අමතක කරන්නේ නැහැ. අපේ ගෝඨාභය රාජපක්ෂ මැතිතුමා පැල්පත්වාසීන් 50,000 කට නිවාස දීමේ ව්යාපෘතියක් පටන් අරගෙන තිබුණා. අපි ඒ ව්යාපෘතිය ගෙනියනවා පමණක් නොවෙයි ඒවා අපි කොළඹින් එළියට ගෙනල්ලා කොළඹට සීමා කරන්නේ නැහැ. අපි මේ හෙට අනිද්දම මේ ළඟපාතකම ගෙවල් 600 ක ව්යාපෘතියක් පටන් ගන්නවා චීන ආධාර යටතේ. මේ පෑලියගොඩ අයටත් අපි කොළඹ කරා වගේම හොඳ නිවාස හදලා දීලා ඒ ආකාරයෙන් අපි කරනවා. කොළඹට පමණක් සීමා වෙන්නේ නැහැ. ඉතින් ඒ නිසා අපි හැම කෙනෙක්ගෙන් ම ඉල්ලා සිටිනවා 2021 වසර දිහා අපි සුබවාදීව බලමු. අපි හැම කෙනෙක්ටම පුළුවන් උපරිම ශක්තියෙන් මේ රට ගොඩනගන්න බලමු. හිරෝෂිමා නාගසාකිවලට බෝම්බ දාලා ඒ රටවල් අලුවෙලා ගියාම ඒ රටවල් යළි ගොඩ නැඟුවේ ඒ රටේ ජනතාව. අපි යුද්දේ ඉවරවෙලා මේ රට ගොඩනගන්න පටන්ගත්තාම අවාසනාවකට වගේ අපේ රටේ මිනිස්සුන්ට ඉවසන්න බැරි නිසා ඒත් අඳුරු අවුරුදු 05 කට ආපස්සට ගියා. පසුගිය වසරේ කොරෝනා ප්රශ්නය තිබුනට අපේ රටේ විශාල වැඩ වැඩ කොටසක් සිද්ධ වුණා. ඒවා ගැන කතා කළේ නැහැ.

යනුවෙන් ද නාගරික සංවර්ධන, වෙරළ සංරක්ෂණ, අපද්රව්ය බැහැරලීම සහ ප්රජා පවිත්රතා කටයුතු රාජ්ය අමාත්ය ආචාර්ය නාලක ගොඩහේවා මැතිතුමා ප්රකාශ කළේ ය.

මෙම උත්සව අවස්ථාවට එක් වූ දේශීය වෙදකම් ප්රවර්ධන, ග්රාමීය හා ආයුර්වේද රෝහල් සංවර්ධන හා ප්රජා සෞඛ්ය රාජ්ය ඇමති සිසිර ජයකොඩි මහතා ප්රකාශ කළේ, තරුණ වෘත්තිකයන් වෙනුවෙන් මෙවැනි නිවාස ඉදිකිරිම මඟින් ඔවුන්ගේ ජීවිත සවිබල ගැන්වීමක් සිදුවන බවයි.

“සියළු අධිවේගී මාර්ග එකට එකතු වෙන තැන, කැලණිය විශ්වවිද්යාලය, විද්යාලංකාර මහ පිරිවෙන, කැලණිය රජමහා විහාරය, කැලණි ගඟ මේ සියල්ලම කේන්ද්රීය කරගත් නගරයක් තමයි පෑලියගොඩ නගරය. මේ යෝජනා ක්රමය මධ්යම ප්රාන්තික නිවාස ක්රමයක් වුණත් අපි ඉතාමත් අගය කරනවා. මේ ව්යාපෘතිවලින් ප්රතිලාභ පැලියගොඩ ගමේ ජනතාවට, නගරයේ ජනතාවට ලබා දෙන්න කියන ඉල්ලීම අපි ඉතාමත් ඕනෑකමින් ඉල්ලා හිටිනවා. පැලියගොඩ මාළු මාකට් එක තියෙනවා. එළවළු මාකට් එක තියෙනවා. මේ ගමේ මිනිස්සුන්ට යම් ආර්ථිකයක් ලැබෙන වැඩපිළිවෙලකට නගර සංවර්ධනය සහ නිර්මාණය එකට එකතු වුණේ නැත්නම් ඒ ජයග්රහණය රටේ ජනතාව අතර සමසේ බෙදෙන්නේ නැහැ. හොඳට ඉගෙන ගත් තරුණයෝ ඉන්නවා. හොඳ දක්ෂ තරුණයො ඉන්නවා. ඒ තරුණ ජිවිතවලට යම්කිසි ආලෝකයක් අවශ්යයි. මෙන්න මේ කාරණා තමයි ගැඹුරින් සැලකිල්ලට ගන්න ඕන කාරණා.”

යනුවෙන් ද දේශීය වෙදකම් ප්රවර්ධන, ග්රාමීය හා ආයුර්වේද රෝහල් සංවර්ධන හා ප්රජා සෞඛ්ය රාජ්ය ඇමති සිසිර ජයකොඩි මහතා සඳහන් කළේ ය.

මෙහිදී මෙම උත්සව සභාව ඇමතූ නාගරික සංවර්ධන හා නිවාස අමාත්යාංශයේ ලේකම් සිරිනිමල් පෙරේරා මහතා ප්රකාශ කළේ, මධ්යම ප්රාන්තිකයන්ගේ නිවාස ප්රශ්නය මෙන් ම සුළු ආදායම්ලාභීන්ගේ නිවාස ප්රශ්නය පිළිබඳව ද ජනාධිපතිතුමාගේ අවධාණය යොමු වී ඇති බවයි.

“ජනාධිපතිතුමාගේ සෞභාග්යයේ දැක්ම අනුව රට සෞභාග්යයමත් කිරීමේ දී එතුමාගේ සංකල්ප 10 න් ප්රධානතම එකක් තමයි සතුටින් පිරි පවුලක්. සතුටින් පිරි පවුලක් හැදෙන්න නම් අවශ්ය දේවල් රාශියක් තියෙනවා. එයින් මූලිකම දේ තමයි ඒ අයට නිවහනක් ලැබීම. නිවාසයක් කියන්නේ අයිතියක්. ඒ අනුව ජනාධිපතිතුමාගේ ඒ සංකල්පය යටතේ අද මධ්යම ප්රාන්තිකයන්ගේ මේ නිවාස ප්රශ්නය විසදීමට පියවර ගත්තේ. සුළු ආදායම්ලාභීන්ගේ නිවාස ගැන තමයි ජනාධිපතිතුමා මූලික අවධානය දුන්නේ. ඒ අනුව 2011 ඉදලා 2015 වෙනකන් අපි ඒ අයව පදිංචි කරලා තියෙනවා 18,000 කට ආසන්න වශයෙන්. ඒ ඔක්කොම මේ අවටයි අපි ක්රියාත්මක කළේ. ඒ වගේ පැල්පත් නිවාස 68,894 ක් තිබුණා. ගිය රජය යටතේ නිවාස හැදුනේ 450 ක් පමණයි. ඒ අවුරුදු 05 තුළ ඉදිකළේ එපමණයි. අපි ඉතා කණගාටුවෙන් මේ දේ කිව යුතුයි. අපේ ජනාධිපතිතුමා ආරක්ෂක හා නාගරික සංවර්ධන ලේකම්වෙලා ඉන්න කොට තමයි හොයා ගත්තේ කොළඹ මහ නගර සභා බල ප්රදේශය තුළ පැල්පත් කීයක් තියෙනවද කියලා. අපි, විශ්ව විද්යාල ශිෂ්යයින් යොදවලා කළ සමීක්ෂණයකින් තමයි මේ පැල්පත් නිවාස 68,894 හොයා ගත්තේ. මීට මාස කිහිපයකට ඉස්සෙල්ලා ඇපල් වත්තේ ඔවුන් වෙනුවෙන් නිවාස 700 ක් ඉදිකෙරෙනවා. තව නිවාස 25,000 ක් හැදුණොතින් මං හිතනවා කොළඹ නාගරික ප්රදේශවලින් ඒ පැල්පත් ඉවත් කිරීමේ කටයුත්ත අපිට නිම කරන්න පුළුවන් කියලා. ඒ එක්කම විශේෂ උනන්දුවක් දක්වන්න ඕන ජනාධිපතිතුමාගේ මේ මධ්යම ප්රාන්තිකයන්ගේ නිවාස ගැන. අපි පත්තරවල පවා පළ කළා අවුරුදු 18 ත් 45 ත් අතර වෘත්තිකයින්ටයි මේ නිවාසවල මුල් තැන දෙන්නේ කියලා. ඒ අතරින් ගුරුවරු, බැංකු ක්ෂේත්රයේ ඉන්න අය, පත්වීම් ලැබීමට ඉන්න වෛද්යවරු, රජයේ උසස් නිලධාරීන්, ඒ සියළුම දෙනාගේ ම නිවාස ප්රශ්නය විසඳීම තමයි අපගේ අරමුණ වෙන්නේ. අද මෙතන ගෙවල් 384 ක් ඉදිවෙනවා. මේ සියල්ල ම ඉටු වෙන්නේ මධ්යම ප්රාන්තිකයන් වෙනුවෙන්. ගෙවල් 5,000 ක් අවුරුද්දක් ඇතුළත. පටන් ගත්ත දා ඉඳන් අවුරුද්දක් ඇතුළත මේ ගෙවල් සාදා නිම කිරීමයි ජනාධිපතිතුමාගේ එකම අරමුණ වෙන්නේ.

යනුවෙන් ද නාගරික සංවර්ධන හා නිවාස අමාත්යාංශයේ ලේකම් සිරිනිමල් පෙරේරා මහතා වැඩි දුරටත් ප්රකාශ කළේ ය.

නාගරික සංවර්ධන හා නිවාස අමාත්ය, ගරු අග්රාමාත්ය මහින්ද රාජපක්ෂ මැතිතුමාගේ උපදෙස් අනුව නාගරික සංවර්ධන, වෙරළ සංරක්ෂණ, අපද්රව්ය බැහැරලීම සහ ප්රජා පවිත්රතා කටයුතු රාජ්ය අමාත්ය ආචාර්ය නාලක ගොඩහේවා, නාගරික සංවර්ධන හා නිවාස අමාත්යාංශයේ ලේකම් සිරිනිමල් පෙරේරා, නාගරික සංවර්ධන අධිකාරියේ සභාපති, වරලත් වාස්තු විද්යාඥ හර්ෂාන් ද සිල්වා, නාගරික සංවර්ධන අධිකාරියේ අධ්යක්ෂ ජනරාල්, වරලත් නගර නිර්මාණ ශිල්පි ප්රසාද් රණවීර යන මහත්වරුන්ගේ අධික්ෂණයෙන් නාගරික සංවර්ධන අධිකාරිය මඟින් සමස්ථ නිවාස ව්යාපෘතිය ඉදිකිරීමේ කටයුතු අධික්ෂණය කරනු ලබයි.

ඡායාරූප - නලින් හේවාපතිරණ

ඩබ්ලිව්. කේ. ප්රසාද් මංජු
නාගරික සංවර්ධන හා නිවාස අමාත්යාංශයේ
ගරු අමාත්යතුමාගේ මාධ්ය ලේකම්

29/09/2020

29/06/2020

23/02/2020

Colombo Gold Centre
---------------------------
Currently Colombo Gold Centre operates 87 numbers of Gem & Jewelry shops with the governing of Urban Development Authority & with the blessings of Ministry of Urban Development. Basically this shopping-mall was designed for Sri Lankan Gem & Jewelry entrepreneurs according to a concept of The President, His Excellency Gotabhaya Rajapaksha.
Now we are tendering 12 shops for Gem & Jewelry related entrepreneurs. Please share this information among your loved once.
Colombo Gold Centre warmly welcomes all entrepreneurs who are willing to be a part of Success with Colombo Gold Centre.

23/02/2020