Lao PayRoll

15/12/2016

31/08/2016

ໃຜທີ່ມັກຂ້າມໄປຊື້ເຄື່ອງຢູ່ເພື່ອນບ້ານອ່ານກະກຽມໄວ້ເດີ 10%ຂອງມູນຄ່າ

22/03/2016

ສິ່ງທີ່ຄວນລະວັງ ໃນການບໍລິຫານຄ່າຈ້າງເງິນເດືອນ
-----------------------------------------------------------

ເລື່ອງການບໍລິຫານເງິນເດືອນຂອງອົງກອນຕ່າງໆທົ່ວໄປນັ້ນ ມັກເປັນເປັນເລື່ອງລາວ ຄວາມລັບ ບາງອົງກອນເປັນຄວາມລັບສຸດຍອດ ຫ້າມເວົ້າ ຫລື ໂອ້ລົມກັນ ເລື່ອງເງິນເດືອນ. ລັບຫລາຍ ຈົນເຮັດໃຫ້ພະນັກງານແຕ່ລະຄົນງົງ ກັບ ວິທີບໍລິຫານຈັດການ ຈົນພາກັນເວົ້າໄປເອງ ຄິດໄປເອງ ຈົນເກີນເປັນຜົນເສຍກັບການບໍລິຫານບຸກຄາລາກອນໃນພາບລວມ.

ເຮົາລອງມາເບິ່ງຂໍ້ຜິດພາດໃນການບໍລິຫານຄ່າຈ້າງເງິນເດືອນທີ່ອົງກອນສ່ວນໃຫຍ່ມັກພົບເຫັນ ເພື່ອຈະນຳມາເປັນຂໍ້ລະວັງບໍ່ໃຫ້ເກີດຂື້ນ:

+ ລະບົບຄ່າຈ້າງເງິນເດືອນບໍ່ມີການປັບປຸງໃຫ້ທັນສະໃໝ: ການປັບປຸງເງິນເດືອນຈະຕ້ອງທັນສະໃໝ ບໍ່ວ່າຈະເປັນການທົບທວນໜ້າທີ່ ແລະ ຄວາມຮັບຜິດຊອບ ຂອງຕຳແໜ່ງງານ ເຊິ່ງມີຜົນຕໍ່ຄ່າງານ ແລະ ລະດັບງານ ນອກຈາກນັ້ນກໍ່ຕ້ອງໄດ້ປັບປຸງຕົວເລກໂຄງສ້າງເງິນເດືອນຢ່າງສະໜໍ່າສະເໜີ ບາງອົງກອນບອກວ່າຕົນເອງມີໂຄງສ້າງເງິນເດືອນແລ້ວ ແຕ່ບໍ່ເຄີຍມີການປັບປຸງໂຄງສ້າງເງິນເດືອນໃໝ່ເລີຍ.

+ ບໍ່ມີການກວດສອບລະດັບການຈ່າຍຄ່າແຮງງານກັບຕະຫລາດ: ຫລາຍໆອົງກອນບໍ່ມີການກວດສອບຕະຫລາດແຮງງານໃນປະຈຸບັນວ່າ ອົງກອນອື່ນໆ ເຂົາມີການຈ້າງຄ່າແຮງງານກັນເທົ່າໃດແລ້ວ ພຽງແຕ່ໃຊ້ຄວາມຮູ້ສຶກຂອງຕົນເອງເປັນທີ່ວັດ ຮູ້ສຶກວ່າຈ່າຍຫລາຍ ກໍ່ຫລຸດລົງ ຮູ້ສຶກວ່າຈ່າຍໜ້ອຍກໍ່ເພີ່ມຂື້ນ ໂດຍບໍ່ມີຂໍ້ມູນການຈ່າຍທີ່ແທ້ຈິງໃນຕະຫລາດມາເປັນເຄື່ອງມືປຽບທຽບ, ແຕ່ຖ້າອົງກອນໃດມີການບໍລິຫານເງິນເດືອນທີ່ດີ ຈະສາມາດຕອບຜູ້ບໍລິຫານໄດ້ຢ່າງຊັດເຈນວ່າ ຕອນນີ້ອັດຕາຄ່າຈ້າງເງິນເດືອນຂອງພະນັກງານເຮົາ ເມື່ອທຽບກັບຕະຫລາດແລ້ວ ຢູ່ຈຸດໃດ ແຂ່ງຂັນໄດ້ບໍ່ ແນວໂນ້ມໃນການເພີ່ມຂື້ນຕົວເລກຂອງການຈ່າຍເງິນເດືອນຈະເປັນແນວໃດ ເຮົາສາມາດເອົາຂໍ້ມູນຈາກການສຳຫລວດ ເງິນເດືອນມາທຽບປີຕໍປີ ແລະ ວາງແຜນກົນລະຍຸດໃນການບໍລິຫານຄ່າຈ້າງເງິນເດືອນ ໃຫ້ເຊື່ອໂຍມກັບກົນລະຍຸດອົງກອນ ເພື່ອເຮັດໃຫ້ໜັ້ນໃຈໄດ້ວ່າ ອັດຕາຄ່າຈ້າງ ເງິນເດືອນທີ່ອົງກອນໃຫ້ຢູ່ນັ້ນ ຍັງສາມາດທີ່ຈະດຶງດູດ ຮັກສາ ແລະ ຈູງໃຈພະນັກງານທີ່ມີຝີມືໃຫ້ມາເຮັດວຽກໃຫ້ອົງກອນຢ່າງຕໍ່ເນື່ອງ.

+ ບໍ່ມີການສື່ສານໃນເລື່ອງລະບົບບໍລິຫານຄ່າຈ້າງໃຫ້ພະນັກງານຮັບຮູ້: ຫລາຍໆອົງກອນມັກເຫັນວ່າຄ່າຈ້າງເງິນເດືອນນັ້ນ ເປັນຄວາມລັບທີ່ບໍ່ຄວນເອົາມາໂອ້ລົມ ຫລື ໃຫ້ກັນຮັບຮູ້ ພໍເຊື່ອແບບນັ້ນຜົນກໍ່ຄື: ບໍ່ມີໃຜກ້າທີ່ຈະເອົາເລື່ອງລະບົບບໍລິຫານເງິນເດືອນ ມາໂອ້ລົມກັນກັບພະນັກງານໃຫ້ຊັດເຈນ ກັບກາຍກັນວ່າເລື່ອງນີ້ ເປັນເລື່ອງທີ່ຮູ້ຈັກຢູ່ໃນກຸ່ມຜູ້ບໍລິຫານ ແລະ ຝ່າຍບຸກຄົນເທົ່ານັ້ນ ເວລາທີ່ເກີດບັນຫາ ພະນັກງານກໍ່ມັກຈະຄິດໄປເອງ ແລະ ພະນັກງານສວນຫລາຍມັກຄິດໄປໃນເລື່ອງທາງລົບ ຫລາຍກວ່າທາງບວກ ແຮງເຮັດໃຫ້ແກ້ໄຂໄດ້ຍາກຂື້ນ, ສະນັ້ນການບໍລິຫານຄ່າຈ້າງເງິນເດືອນຂອງອົງກອນ ຕ້ອງມີການສື່ສານໃຫ້ພະນັກງານໄດ້ຮັບຮູ້ວ່າ ລະດັບວຽກ ໂຄງສ້າງເງິນເດືອນ ການຂື້ນເງິນເດືອນ ແມ່ນສາມາດໂອ້ລົມກັນໄດ້ ສ່ວນເລື່ອງຕົວເລກວ່າໃຜໄດ້ເທົ່າໃດ ກໍ່ຕ້ອງໃຫ້ເປັນຄວາມລັບກັນຕໍ່ໄປ.

ເລື່ອງຂອງເງິນເດືອນບໍ່ແມ່ນຄວາມລັບ ທີ່ເຮົາສາມາດຊີ້ແຈ້ງ ແະ ສ້າງຄວາມເຂົ້າໃນກັບພະນັກງານໄດ້ຕັ້ງແຕ່ມື້ສຳພາດ

ສ່ວນໃນເລື່ອງຂອງການບໍລິຫານຄ່າຈ້າງເງິນດືອນ ນັ້ນ ກໍ່ຕ້ອງມີການປັບປຸງຢູ່ຕະຫລອດເວລາ ແລະ ມີການນຳຂໍ້ມູນຕະຫລາດມາປຽບທຽບ ແລະ ກຳນົດໂຄງສ້າງເງິນເດືອນ ແລະ ທີ່ສຳຄັນຄື ຈະຕ້ອງສອດຄ່ອງກັບແຜນກົນລະຍຸດຂອງບໍລິສັດນຳ.

22/03/2016

ເລື່ອງຂອງເງິນເດືອນ
ຖ້າບໍລິຫານແບບນີ້ ຈັ່ງໃດ ກໍ່ຍັງບໍ່ເປັນທຳ
--------------------------------------------------

ເລື່ອງຂອງການຈ່າຍເງິນເດືອນ ເປັນປະເດັນທີ່ສຳຄັນຂອງພະນັກງານ ແລະ ຜູ້ບໍລິຫານ ຂອງທຸກໆ ອົງກອນ ເພາະເປັນເຄື່ອງມືຫລັກ ຂອງການຈ່າຍຄ່າຕອບແທນ ພະນັກງານທຸກຄົນ ທີ່ເຂົ້າສູ່ຕະຫລາດ ແຮງງານ ບໍ່ວ່າຈະເປັນລະດັບໃດ ກໍ່ຕາມ ກໍ່ເພື່ອເຮັດວຽກ ເພື່ອ ແລກກັບຄ່າຕອບແທນ ດັ່ງນັ້ນ ການບໍລິຫານ ຄ່າຕອບແທນທີ່ດີ ຈະຕ້ອງຕອບໂຈດ ຂອງເລື່ອງຄວາມເປັນທຳ

ຄ່າຈ້າງແຮງງານນັ້ນ ຈະຕ້ອງຈ່າຍແບບໃດ ບໍລິຫານແບບໃດດີ???? ຄຳຕອບສ່ວນຫລາຍ ໄດ້ຍິນແມ່ນ ຕ້ອງບໍລິຫານ ຢ່າງເປັນທຳ ທັງນີ້ບໍ່ໝາຍຄວາມວ່າຈ່າຍສູງຈະເປັນທຳ ຫລື ຕໍ່າຈະບໍ່ເປັນທຳ ຄວາມເປັນທຳນັ້ນຈະເກີດຂື້ນຈາກການປຽບທຽບກັບວຽກງານ ໜ້າທີ່ ຮັບຜິດຊອບ ແລະ ຜົນງານທີ່ອອກມາ

ເຊື່ອບໍ່ວ່າ.... ຫລາຍອົງກອນມັກບອກວ່າ"ເຮົາຈ່າຍຄ່າແຮງງໃຫ້ຢ່າງເປັນທຳ" ແຕ່ໃນທາງປະຕິບັດ ຍັງເຫັນຄວາມບໍ່ເປັນທຳຢູ່ຄື:

# ຈ່າຍຄ່າຈ້າງໂດຍບໍໍພິຈາລະນາເງິນເດືອນຂອງພະນັກງານເກົ່າ: ເວລາທີ່ຮັບພະນັກງານເຂົ້າມາເຮັດວຽກໃຫມ່ ພະນັກງານຄົນນັ້ນ ຂໍເທົ່າໃດ ກໍ່ໃຫ້ ໂດຍບໍ່ມີການພິຈາລະນາເກົ່າທີ່ຢູ່ໃນຕໍ່າແໜ່ງດຽວກັນທີ່ເຄີຍເຮັດວຽກກັບອົງກອນນີ້ມາດົນແລ້ວ ແລະ ຍັງເຮັດວຽກອອກມາໄດ້ດີ ເວົ້າງ່າຍໆຄື ໃຫ້ເງິນເດືອນພະນັກງານໃໝ່ ສູງກວ່າພະນັກງານເກົ່າ

# ປັບເງິນເດືອນບໍ່ເປັນໄປຕາມຜົນງານແທ້ຈິງ: ປະເດັນນີ້ແມ່ນເລື່ອງການຂື້ນເງິນເດືອນປະໍຈໍາປີ ທັງທີ່ບາງບໍລິສັດ ເຄີຍປະກາດອອກມາຢ່າງຊັດເຈນວ່າ "ຈະຂື້ນເງິນເດືອນຕາມຜົນງານທີ່ເຮັດ" ແຕ່ກົງກັນຂ້າມ ກັບຈ່າຍຕາມເກນອື່ນໆ ເັຊັ່ນ: ຕາມອາຍຸການ, ຕາມຄວາມພໍໃຈຂອງຜູ້ບໍລິຫານ.

# ຈ່າຍເງິນເດືອນຕາມຄົນຂ້ອຍ ຄົນເຈົ້າ: ບັນຫານີ້ຈະພົບເຫັນໃນຫລາຍໆອົງກອນ ໃນເວລາທີ່ຈ່າຍເງິນເດືອນ ຫລື ຈະຂືນເງິນເດືອນ ຜູ້ບໍລິຫານສ່ວນຫລາຍ ຈະມັກຈະໃຫ້ຄວາມສຳຄັນຂອງຄົນຕົນເອງເປັນທີ່ສຳຄັນ ຈະຕ້ອງວາງໃຫ້ສູງກວ່າ ເພື່ອຜົນປະໂຫຍດຫລາຍກວ່າ ແລະ ມັກຈະຄິດວ່າເລື່ອງເງິນເດືອນ ເປັນຄວາມລັບພາຍໃນອົງກອນ ຖ້າໃຜເປີດເຜີຍເງິນເດືອນໃຫ້ ກັນແລະກັນຮູ້ ກໍ່ຈະຖືກໃບເຕືອນ ຜູ້ບໍລິຫານຄົງຈະລືມວ່າ "ຄວາມລັບບໍ່ມີໃນໂລກ"

ນອກຈາກນີ້ ຍັງມີອີກຫລາຍໆປະເດັນທີ່ຄວາມບໍ່ເປັນທຳໃນທາງປະຕິບັດ ແຕ່ເປັນທຳກັບນະໂຍບາຍປະກາດໄປເທົ່ານັ້ນ ບໍ່ວ່າຄ່າຈ້າງຈະສູງເທົ່າໃດ ເມື່ອບໍ່ເປັນທຳແລ້ວ ມັນກໍ່ບໍ່ມີປະໂຫຍດ

ດັ່ງນັ້ນຜູ້ບໍລິຫານ ແລະ ຝ່າຍບຸກຄະລາກອນ ຍຸກໄໝ່ ກໍ່ຕ້ອງວາງລະບົບ ແລະ ກຳນົດນະໂຍບາຍ ລວມທັງວິທີການຜັກດັນວິທີບໍລິຫານຄ່າຕອບແທນໃຫ້ເປັນທຳໃຫ້ຫລາຍທີ່ສຸດ ສິ່ງນີ້ກໍ່ເພື່ອເຮັດໃຫ້ພະນັກງານຮູ້ສຶກວ່າເປັນທຳຢ່າງແທ້ຈິງ ແລະ ເຮັດໃຫ້ພະນັກງານມີຂວັນ ກຳລັງໃຈ ໃນການສ້າງຜົນງານຢ່າງຕໍ່ເນື່ອງ....

21/03/2016

ກ່ອນຈະຮູ້ຄຸນຄ່າຂອງພະນັກງານ ກໍ່ຕໍ່ເມື່ອ ເຂົາຕັດສິນໃຈລາອອກໄແລ້ວ
---------------------------------------------------------

ຈັນທີ: "ຫົວໜ້າ ຂ້ອຍຂໍລາອອກ"
ຫົວໜ້າ: "ອ້າວ!!!! ເປັນຫຍັງຄືຢາກອອກ "
ຈັນທີ: "ຂ້ອຍໄດ້ວຽກໄໝ່ແລ້ວ ແລະ ຈະໄປເລີ່ມວຽກເດືອນໜ້ານີ້"
ຫົວໜ້າ: "ຢູ່ນີ້ກໍ່ດີລະເດ ອົງກອນເຮົາກໍ່ໃຫຍ່ໂຕ ຄິດດີແລ້ວບໍ? ທີ່ຈະໄປ ລອງຄິດໄໝ່ເບິ່ງ"
ຈັນທີ: "ຂ້ອຍຕັດສິນໃຈດີແລ້ວ"
ຫົວໜ້າ: "ຕະຫລອດຜ່ານມາເຈົ້າກໍ່ເຮັດວຽກດີມາຕະຫລອດ ບໍ່ເຫັນວ່າຈະມີທ່າທີ່ຈະອອກວຽກ ເປັນຫຍັງຈຶ່ງມາອອກຕອນນີ້ ຂ້ອຍແຮງຂາດຄົນຊ່ວຍຢູ່ນິ"
ຈັນທີ: "ເຮົາຕັດສິນໃຈແລ້ວ"
ຫົວໜ້າ: "ບໍ່ຟ້າວໄປເທື່ອ ຢູ່ຊ່ວຍຂ້ອຍກ່ອນ ດຽວຊິພິຈາລະນາເງິນເດືອນໃຫ້ ຢູ່ພຸ້ນເຂົາໃຫ້ເຈົ້າເທົ່າໃດ?"
ຈັນທີ: ................... (ຖ້າເຈົ້າ ເປັນຈັນທີ ຊິຕອບແນວໃດ?)

ເຫດການແບບນີ້ ຫລາຍຄົນທີ່ເຄີຍຍ້າຍບ່ອນເຮັດວຽກຈະພົບເຈີ ພໍເຮົາຊິອອກຈຶ່ງມາເຫັນຄຸນຄ່່າ ຂອງເຮົາ ແລ້ວ ທີ່ຜ່ານມາແດະ ?????

ຖ້າເຈົ້າເປັນຫົວໜ້າ ຢ່າປ່ອຍໃຫ້ເຫດການແບບນີ້ ເກີດຂື້ນ

ສິ່ງທີ່ຄວນເຮັດຄື: ໂອ້ລົມກັບພະນັກງານຕົນເອງເປັນປະຈໍາ ຮັບຟັງ ບັນຫາ ຂໍ້ຄິດເຫັນ ຂອງກະເຈົ້າແດ່ ໃສ່ໃຈຄວາມຮູ້ສຶກ ໃຫ້ແນວທາງ ຫລື ແນະນຳໃຫ້ເຂົາໄດ້ມີ ໂອກາດ ໄດ້ເຕີບໂຕໃນອົງກອນ

ຢ່າປ່ອຍໃຫ້ສາຍເກີນໄປກ່ອນຈະມາເວົ້າເລື່ອງເຫລົ່ານີ້...........

21/03/2016

ໂຄງສ້າງລະບົບສ່ວຍສາອາກອນຂອງ ສປປ ລາວ

21/03/2016

ເງິນເືດອນບໍ່ຂື້ນ ຈະເຮັດແນວໃດດີ???
----------------------------------------------

ມະນຸດເງິນເດືອນ ແບບເຮົາ ເມື່ອຮອດທ້າຍປີໃຫມ່ສາກົນ ຫລື ທ້າຍປີໃຫມ່ລາວ ກໍ່ຢາກຈະໄດ້ຍິນຂ່າວດີ ຈາກອົງກອນທີ່ເຮົາເຮັດວຽກ ຢູ່ນຳ ວ່າຈະມີການ ຂະຍັບເງິນເດືອນ ໃຫ້ເທົ່າໃດ????

ແຕ່ແລ້ວ ກໍ່ມີຜິດຫວັງ ເມື່ອເຫັນວ່າ ເງິນເດືອນ ບໍ່ຂື້ນ ຫລື ບາງຄົນ ຂື້ນໃຫ້ 2% ຫລື 3% ຂອງເງິນເດືອນ

ເມື່ອ ສົບທຽບ ກັບຄ່າຄອງຊີບ ມີການເພີ່ມຂື້ນເລື່ອຍໆ ທັງໆ ນ້ຳມັນກໍ່ລົງ ແຕ່ ສິນຄ້າມາຂື້ນອີກ

ຄ່າໄຟ້າກໍ່ເພີ່ມຂື້ນ 4%
ຄ່ານ້ຳກໍ່ເພີ່ມຂື້ນ 4%
ຄ່າເກັບຂີ້ເຫຍື້ອຍກໍ່ເພີ່ມຂື້ນ ແລະ ອີກຫລາຍໆຄ່າ

ບັນຫານີ້ເອີ້ນໄດ້ວ່າເປັນບັນຫາລະດັບຊາດ ທີ່ຕ້ອງມີການແກ້ໄຂ ໃຫ້ຊັດເຈນ

20/03/2016

ບຸກຄົນໃດຢາກຍົກລະດັບການສຶກສາ ສົ່ງໄປໄດ້ ເປັນທຶນຊ່ວຍເຫລືອ ຂອງ ວິທະຍາໄລ ຂອນແກ່ນ ແຫ່ງປະເທດໄທ

20/03/2016

ຫຼາຍທ່ານຄົງເຄີຍໄດ້ຍິນຄຳນີ້ມາ

ຈົນເກີດມີຄຳຖາມຫລາຍຢ່າງໃນໃຈວ່າເປັນຢ່າງເຮົານັ່ງເຮັດວຽກແທບເປັນແທບຕາຍ ໄດ້ພຽງເທົ່ານີ້!!!!! ສ່ວນຄົນທີ່ສັ່ງ ສັ່ງ ແລ້ວ ກໍ່ສັ່ງເຮົາ ເຂົາຄືມາໄດ້ຫລາຍແທ້ ແມ່ນບໍ!!!!!!!!!!
--------------------------------------------------

20/03/2016

ຢ່າລືມພາກັນໄປໃຊ້ສິດເລືອກຕັ້ງເດີ

17/03/2016

ຜູ້ນຳກັບຄວາມຍອມຮັບ-ນັງຖືຈາກພະນັກງານ
----------------------------------------------------------
ການເປັນຜູ້ນຳຈະຕ້ອງມີຄວາມຍອມຮັບ ນັບຖື ແລະ ເຊື່ອໜັ້ນຈາກພະນັກງານ ເພາະມັນມີຄາມສຳຄັນຫລາຍສຳຫລັບຜູ້ນຳ ຜູ້ນຳຈະຕ້ອງມີຄວາມຍອມຮັບ ນັບຖື ຈາກຜູ້ຕາມ ຫລື ພະນັກງານໃນອົງກອນນັ້ນເອງ ຖ້າບໍ່ດັ່ງນັ້ນ ຜູ້ນຳກໍ່ບໍ່ມີຄວາມສາມາດທີ່ຈະນຳອົງກອນໄດ້ເລີຍ
ອົງກອນໃດທີ່ພະນັກງານມີຄວາມຍອມຮັບ ນັບຖື ແລະ ເຊື່ອໜັ້ນໃນຜູ້ນຳ ອົງກອນນັ້ນ ຈະໄປສູ່ເປົ້າໜາຍໄດ້ ໂດຍໄວ ແລະ ຍັງສາມາດສ້າງຜົນງານທີ່ສູງກວ່າອົງກອນໄດ້ວາງໄວ້ອີກ
ກົງກັນຂ້າມ ຖ້າພະນັກງາາຂາດຄວາມເຊື່ອໜັ້ນ ແລະ ບໍ່ຍອມຮັບໃນຕົວຂອງຜູ້ນຳ ອົງກອນເຫລົ່ານັ້ນກໍ່ປະສົບຄວາມ ລົ້ມແຫລວ ເນື່ອງຈາກຜູ້ນຳ ບໍ່ສາມາດ ຜັກດັນພະນັກງານໃຫ້ສ້າງຜົນງານອອກມາໄດ້
ຜູ້ນຳຄວນມີຄຸນະສົມບັດ ຢ່າງໃດ ທີ່ຈະເຮັດໃຫ້ ພະນັກງານເກີດຄວາມເຊື່ອໜັ້ນ ແລະ ນັບຖືຢ່າງໝົດໃຈ:
• ຢ່າເວົ້າໃນສິ່ງທີ່ຍັງບໍ່ສາມາດເຮັດໄດ້ (Don’t Over promise): ຄື ຢ່າໃຫ້ສັນຍາໃນສິ່ງທີ່ຍັງບໍ່ແນ່ໃຈວ່າຈະເຮັດໄດ້ ເພາະຖ້າເວົ້າອອກໄປແລ້ວ ເຮັດບໍ່ໄດ້ ກໍ່ຈະເຮັດໃຫ້ ຄວາມເຊື່ອຖືຫລຸດຖອຍລົງໄປ.
• ຍອມຮັບໃນສິງທີ່ເຮັດຜິດ: ຜູ້ນຳສ່ວນຫລາຍມັກຈະຄິດວ່າ ເຮົາຮູ້ຫລາຍ ເກັ່ງກວ່າ ບໍ່ມີຄວາມຜິດພາດແນ່ນອນ, ເມື່ອເຮັດຜິດຂື້ນມາ ກໍ່ແກ້ໂຕໄປເລື່ອຍໆ ໂດຍບໍ່ຍອມຮັບວ່າ ສິ່ງທີ່ຕົນເອງເຮັດອອກມານັ້ນມັນຜິດພາດ ການທີ່ເຮັດແບບນີ້ ເທ່ົາກັບວ່າໄປລົດຄວາມເຊື່ອໜັ້ນຂອງຕົນເອງລົງໄປອີກ ພະນັກງານກໍ່ຈະເຫັນວ່າຜູ້ນຳຄົນນີ້ບໍ່ມີຄວາມເຊື່ອຖືເລີຍ.
• ຢ່ານິນທາຄົນອື່ນທາງຫລັງ: ຜູ້ນຳທີ່ດີ ຈະບໍ່ນິນທາ ຄົນອື່ນດ້ານຫຼັງເລີຍເຊັ່ນ ພະນັກງານຄົນນັ້ນບໍ່ຢູ່ ກໍ່ຈະເວ້າໃນແງ່ລົບໃຫ້ພະນັກງານຄົນໜຶ່ງຟັງ ເມື່ອພະນັກງານຄົນນີ້ບໍ່ຢູ່ກໍ່ຈະເວົ້າໃຫ້ພະນັກງານຄົນນີ້ຟັງອີກແນວໜຶ່ງ ສິ່ງນີ້ຈະເຮັດໃຫ້ພະນັກງານ ເກີດຄວາມບໍ່ເຊື່ອໃຈໃນສິ່ງທີ່ເວົ້າອອກມາ ຫລື ສິ່ງທີ່ຈະກະທຳໄປ
• ຍົກຄວາມດີໃຫ້ພະນັງານ: ເວລາພະນັກງາງນເຮັດວຽກອອກມາໄດ້ດີ ແລະ ປະສົບຄວາມສຳເລັດ ເຖິງແມ່ນວ່າຄວາມສຳເລັດນັ້ນ ຈະມີຜູ້ນຳຊ່ວຍຢູ່ກໍ່ຕາມ ແຕ່ຜູ້ນຳກໍ່ຈະຍົກຄວາມດີນີ້ທັງໝົດໃຫ້ແກ່ພະນັກງານໃນທີມ ແຕ່ເມື່ອມີຄວາມຜິດພາດ ເກີດຂື້ນ ຜູ້ນຳກໍ່ຍື່ນອົກ ຮັບຜິດດ້ວຍຕົນເອງ ໂດຍບໍ່ມີການໂຍນຄວາມຜິດ ໄປໃຫ້ພະນັກງານ ແບບນີ້ແຮງເຮັດໃຫ້ພະນັກງານນັບຖືຢ່າງຍິ່ງ
• ເປີດເຜີຍ ຈິງໃຈ: ຂໍ້ມູນທຸກຢ່າງໃນການທຳງານຈະບໍ່ມີການປິດບັງ ຫລື ບິດເບືອນ ເພື່ອໃຫ້ເກີດຜົນບາງຢ່າງຂື້ນ ຫລື ເວົ້າງ່າຍໆ ບໍ່ຂີ້ຕົວະ ຕໍ່ແຫລ ເພາະຖ້າພະນັກງານຮູ້ວ່າ ຜູ້ນຳເປັນແນວນີ້ ກໍ່ຈະເຮັດໃຫ້ພະນັກງານບໍ່ເຊື່ອຕົວຜູ້ນຳອີກເລີຍ
• ບໍ່ຮູ້ກໍ່ວ່າບໍ່ຮູ້: ສິ່ງນີ້ສຳຄັນຫລາຍ ຖ້າພະນັກງານສອບຖາມບາງຢ່າງມາ ສິ່ງທີ່ຄວນຕອບ ຜູ້ນຳກໍ່ຄວນຕອບໄປຕົງໆເລີຍວ່າຍັງບໍ່ຮູ້ ແຕ່ຈະໄປຫາຄຳຕອບໃຫ້ພາຍຫຼັງ, ຖ້າຜູ້ນຳເຮັດຄືຮູ້ ແຕ່ຕອບໄປແບບຜິດໆ ຖືກໆ ພໍພະນັກງານໄປຮູ້ຂໍ້ແທ້ຈິງເຂົ້າລະ ມັນກໍ່ຍິ່ງເຮັດໃຫ້ພະນັກງານບໍ່ຍາກຈະເຊື່ອຖືຜູ້ນຳນີ້ອີກຕໍ່ໄປ
ໃນສິ່ງທີ່ຜູ້ນຳຂາດຄວາມເຊື່ອໜັ້ນ ກໍ່ໄດ້ຄຳຕອບອອກມາຕາມຂ້າງເທິງນີ້ ໃຜທີ່ຢາກເປັນຜູ້ນຳທີ່ດີ ແລະ ມີຄວາມຍອມຮັບຈາກພະນັກງານ ກໍ່ຕ້ອງຫລີກລ່ຽງສິ່ງເຫລົ່ານີ້ໃຫ້ໄດ້...
---------------------------------
ຜິດພາດປະການໃດຕຳນິໄດ້

17/03/2016