ສະມາຄົມນັກທຸລະກິດໜຸ່ມ ນະຄອນຫຼວງວຽງຈັນ Yeal of Vientiane Capital

19/10/2022

08/08/2018

ກອງເລຂາ ສທໜ.​ນວ​ ໄດ້ລົງຕິດຕາມສະຫາຍວ່າການເລຂາຊາວໜຸ່ມ.​ນວ​ ແລະ​ ສະຫາຍເລຂາສູນກາງຊາວໜຸ່ມ ລົງສຳຫຼວດເຂດພື້ນທີ່ ທີ່ຖືກຜົນກະທົບນ້ຳຖ້ວມຢູ່ບ້ານໜອງດາ​ ຈຳນວນ​ 37​ ຄອບຄົວ​ ແລະ​ ເຂດເຝົ້າລະວັງນ້ຳຖ້ວມຢູ່ປະຕູນ້ຳວັດສີຊົມຊື່ນ ບ້ານສີຊົມຊື່ນ​ ເມືອງສີໂຄດຕະບອງ​ ເພື່ອຈະໄດ້ກະກຽມຄວາມພ້ອມໃນການຮັບມື ແລະ​ ຊ່ວຍເຫຼືອພີ່ນ້ອງປະຊາຊົນໄດ້ຢ່າງທັນສະພາບການ
ເຊິ່ງການລົງຢ້ຽມຢາມໃນຄັ້ງນີ້ທາງສູນກາງ​ຊາວໜຸ່ມ​ໄດ້ມອບເງິນສົດ ຈຳນວນ​ 2.000.000 ກີບ ເພື່ອໃຫ້ຊາວໜຸ່ມເມືອງໄດ້ນຳໃຊ້ເຂົ້າໃນວຽກງານກອງອາສາສະໝັກຊາວໜຸ່ມຕະລຸມບອນອີກດ້ວຍ.​

31/07/2018

ເພີ່ມທະວີຄວາມສາມັກຄີພິເສດລາວ-ຫວຽດນາມ​ ຫວຽດນາມ-ລາວ​ ໃນຕອນບ່າຍຂອງວັນທີ​ 31/07/2018​ #ທ່ານ​ ພອນ​ປະເສີດ​ ສີລາ​ດວງ​ເລີດ​ ຮັກສາການປະທານສະມາຄົມນັກທຸລະກິດໜຸ່ມ ນະຄອນຫຼວງວຽງຈັນ ພ້ອມດ້ວຍຄະນະ ໄດ້ເດີນທາງຮ່ວມກັບຄະນະຊາວໜຸ່ມ ນະຄອນຫລວງ​ເພື່ອເຂົ້າຮ່ວມພິທີເຊັນສັນຍາບົດບັນທຶກຊ່ວຍຈຳ ລະຫວ່າງ​ ສະມາຄົມນັກທຸລະກິດໜຸ່ມ ນະຄອນຫຼວງວຽງຈັນ​ ກັບ​ ສະມາຄົມນັກທຸລະກິດໜຸ່ມ ນະຄອນໂຮ່ຈີ່ມິ່ນ ທີ່ນະຄອນໂຮ່ຈີ່ມິນ ເຊິ່ງຜົນປະໂຫຍດລວມແມ່ນເພື່ອສອງຊາດສອງພັກ ແລະ​ ເພື່ອປະຊາຊົນສອງຊາດບັນດາເຜົ່າ ໄດ້ມີການພົວພັນກັນຢ່າງສະໜິດແໜ້ນ ແລະ​ ຮອບດ້ານ.​

29/07/2018

ທ່ານ​ ຄຳປະສົງ​ ຈັນທະຈະເລີນ​ ປະທານ​ ສທໜ​ ນະຄອນຫລວງ​ ພ້ອມດ້ວຍຄະນະທີມງານ ໄດ້ເດີນທາງໄປຢ້ຽມຢາມ ແລະ​ ໃຫ້ກຳລັງໃຈພໍ່ແມ່ປະຊາຊົນຢູ່ເມືອງສະໜາມໄຊ ແຂວງອັດຕະປື

26/07/2018

ໃນຕອນບ່າຍວັນທີ 26/07/2018​ ຄະນະຊາວຫນຸ່ມ​ ນະຄອນຫລວງວຽງຈັນ​ ແລະ​ ສະມາຄົມນັກທຸລະກິດໜຸ່ມ ນະຄອນຫຼວງວຽງຈັນ ໄດ້ສົມທົບກັນມອບເຄື່ອງນຸ່ງຫົ່ມ,​ນ້ຳດື່ມ ແລະ​ ເງິນສົດຈຳນວນ 26.740.000 ກີບ​ ເຊິ່ງໃຫ້ກຽດມອບໂດຍ​ #ທ່ານ ນາງ​ ສຸມາລີ​ ທຳມະວົງ​ ວ່າການເລຂາ ຄຊປປລ.​ນວ​ ແລະ​ #ທ່ານ​ ຄຳປະສົງ ຈັນທະຈະເລີນ ປະທານ​ ສທໜ.​ນວ​ ພ້ອມດ້ວຍຄະນະທັງສອງຝ່າຍ ແລະ​ ໃຫ້ກຽດຮັບໂດຍ #ທ່ານ​ ແກ້ວພິລາວັນ​ ອາໄພລາດ ຮອງເຈົ້າຄອງນະຄອນຫລວງວຽງຈັນ ເພື່ອນຳເອົາວັດຖຸ ແລະ​ ປັດໃຈດັ່ງກ່າວໄປມອບໃຫ້ແກ່ພໍ່ແມ່ປະຊາຊົນທີ່ປະສົບໄພພິບັດນ້ຳຖ້ວມຢູ່ແຂວງອັດຕະປື​