18/03/2022
ເພື່ອປະກອບເອກະສານຂໍອະນຸຍາດເຂົ້າລາວ ສຳລັບຄົນຕ່າງປະເທດ ຫຼື ຄົນເຊື້ອຊາດລາວສັນຊາດຕ່າງະເທດ...ແມ່ນຕ້ອງໄດ້ລົງທະບຽນຂໍ QR-Code ຜ່ານເວັບໄຊ laogreenpass.gov.la ແລະຕ້ອງມີປະກັນໄພໂຄວິດເພື່ອເປັນຂໍ້ມູນປະກອບໃນການລົງທະບຽນພ້ອມ
ຖ້າທ່ານຍັງບໍ່ມີປະກັນໄພໂຄວິດສຳລັບການເດີນທາງເຂົ້າລາວ ສາມາດຕິດຕໍ່ຊື້ປະກັນໄພໂຄວິດ-19 ນຳພວກເຮົາໄດ້ (ຄຸ້ມຄອງຄ່າປິ່ນປົ່ວໂຄວິດ ສູງສຸດ $50,000)
ສອບຖາມລາຍລະອຽດ ຕິດຕໍ່: 020 5551 7090
We provides foreigners traveling to Laos with Covid-19 insurance coverage (up to $50,000) which that meet official requirements for LaoGreenPass and Certificate of Entry (COE).
More details call: 020 55517090
ກະຊວງການຕ່າງປະເທດລາວອອກຄໍາແນະນໍາການຂໍອະນຸຍາດເຂົ້າ-ອອກ ສປປ ລາວໄລຍະໂຄວິດ-19 ລະບາດ.
ວັນທີ 17 ມີນາ 2022ນີ້, ຄະນະສະເພາະກິດເພື່ອປ້ອງກັນ,ຄວບຄຸມແລະແກ້ໄຂການລະບາດຂອງພະຍາດ
ໂຄວິດ-19 ຂອງກະຊວງການຕ່າງປະເທດລາວໄດ້ອອກຄໍາແນະນໍາເລກທີ2143/ຕປທ.ສພກ ກ່ຽວກັບຂັ້ນຕອນລະອຽດໃນການປະກອບເອກະສານຂໍອະນຸຍາດເຂົ້າ-ອອກ ສປປ ລາວໃນໄລຍະມີການລະບາດຂອງພະຍາດໂຄວິດ-19.
ຄໍາແນະນໍາໄດ້ລະບຸເນື້ອໃນສຳຄັນວ່າ: ກ່ອນເດີນທາງເຂົ້າສປປ ລາວ, ທຸກຄົນຕ້ອງມີໃບຢັ້ງຢືນຜົນກວດຫາເຊື້ອພະຍາດໂຄວິດ-19 ດ້ວຍເຄື່ອງ RT-PCR ພາຍໃນ 72 ຊົ່ວໂມງ ກ່ອນເດີນທາງເຂົ້າມາ ສປປ ລາວ ແລະມີໃບຢັ້ງຢືນການສັກວັກແຊັງຄົບຖ້ວນ,ລາຍລະອຽດມີດັ່ງນີ້ຄື:
1.ນັກການທູດ, ພະນັກງານຂອງສະຖານທູດ ແລະ ສະຖານກົງສູນ ຕ່າງປະເທດ, ພະນັກງານຜູ້ຕາງຫນ້າອົງການຈັດຕັ້ງສາກົນ ທີ່ນອນຢູ່ໃນເຄືອຂ່າຍຂອງອົງການສະຫະປະຊາຊາດ, ອົງການຈັດຕັ້ງສາກົນ ທີ່ໄດ້ຮັບອະພິສິດ ເເລະ ເອກະສິດທາງການທູດ ລວມທັງສະມາຊິກຄອບຄົວ ທີ່ຕ້ອງການເຂົ້າມາປະຕິບັດຫນ້າທີ່ທັງໄລຍະສັ້ນ ແລະໄລຍະຍາວຢູ່ ສປປ ລາວ ໃຫ້ສະເຫນີ ເຖິງກົມກ່ຽວຂ້ອງຂອງກະຊວງການຕ່າງປະເທດຕາມກົນໄກປົກກະຕິທີ່ເຄີຍປະຕິບັດມາ.
2.ກະຊວງ ແລະອົງການທຽບເທົ່າທີ່ມີຄວາມຈໍາເປັນຮັບເອົາຄົນຕ່າງປະເທດເຊັ່ນ: ຊ່ຽວຊານ, ວິຊາການ, ອາສາສະຫມັກ ແລະນັກສຶກສາ (ໂຄງການຮ່ວມມືສອງຝ່າຍ) ໃຫ້ສະເຫນີ ເຖິງກົມກ່ຽວຂ້ອງຂອງກະຊວງການຕ່າງປະ ເທດຕາມກົນໄກປົກກະຕິທີ່ເຄີຍປະຕິບັດມາ.
3 ສໍາລັບອົງການຈັດຕັ້ງສາກົນບໍ່ຂຶ້ນກັບລັດຖະບານ ທີ່ຕ້ອງການເຂົ້າມາປະຕິບັດຫນ້າທີ່ທັງໄລຍະສັ້ນ ແລະໄລຍະຍາວຢູ່ ສປປ ລາວ ຕ້ອງໄດ້ລົງທະບຽນໃນເວບໄຊ: laogreenpass.gov.la ເພື່ອຂໍເອົາ QR-Code, ຫຼັງຈາກນັ້ນ ໃຫ້ສະເຫນີເຖິງກົມກ່ຽວຂ້ອງຂອງກະຊວງການຕ່າງປະເທດຕາມກົນໄກປົກກະຕິທີ່ເຄີຍປະຕິບັດມາ.
4. ບຸກຄົນ ຫຼື ນິຕິບຸກຄົນທີ່ດໍາເນີນທຸລະກິດຢ່າງຖືກຕ້ອງຢູ່ ສປປ ລາວ ທີ່ມີຄວາມຕ້ອງການເອົານັກລົງທຶນ ແລະນັກທຸລະກິດເຂົ້າມາ ສປປ ລາວ ເພື່ອດໍາເນີນການສຶກສາການລົງທຶນ, ເຊັນສັນຍາ ຫຼືເຊັນບົດບັນທຶກຄວາມເຂົ້າໃຈ (MOU) ໃຫ້ສະເຫນີ ເຖິງກົມກົງສູນກະຊວງການຕ່າງປະເທດ ຕາມກົນໄກປົກກະຕິທີ່ເຄີຍປະຕິບັດມາ, ກ່ອນການເດີນທາງເຂົ້າມາ ສປປ ລາວ ຕ້ອງລົງທະບຽນໃນເວບໄຊ: laogreenpass.gov.la ເພື່ອຂໍເອົາ QR-Code ຈຶ່ງສາມາດເຂົ້າມາ ສປປ ລາວ ໄດ້ ຫຼື ສາມາດລົງທະບຽນເພື່ອຂໍເອົາ QR-Code ພາຍຫຼັງເດີນທາງມາຮອດດ່ານສາກົນ.
5. ສໍາລັບຄົນເຊື້ອຊາດລາວສັນຊາດຕ່າງປະເທດ ທີ່ຕ້ອງການເດີນທາງເຂົ້າມາ ສປປ ລາວ ໃຫ້ສະເຫນີຜ່ານ ສະຖານເອກອັກຄະລັດຖະທູດ ຫຼື ສະຖານກົງສຸນໃຫຍ່ ແຫ່ງ ສປປ ລາວ ຢູ່ປະເທດທີ່ຕົນອາໃສຢູ່ ແລະຕ້ອງໄດ້ລົງທະບຽນໃນເວບໄຊ: laogreenpass.gov.la ເພື່ອຂໍເອົາ QR-Code, ຫຼັງຈາກນັ້ນ ຈຶ່ງສະເຫນີເຖິງ ກົມກົງສຸນ ກະຊວງການຕ່າງປະເທດ ໂດຍມີເອກະສານຢັ້ງຢືນຄວາມຖືກຕ້ອງຂອງ QR-Code ເພື່ອພິຈາລະນາອະນຸມັດວີຊາເຂົ້າມາ ສປປ ລາວ.
6 ສໍາລັບການທ່ອງທ່ຽວລາວ (Lao Greern Travel Zone) ໃຫ້ປະຕິບັດຕາມແຈ້ງການຫ້ອງວ່າການສໍານັກງານນາຍົກລັດຖະມົນຕີ, ສະບັບເລກທີ 258/ຫສນຍ.
ສໍາລັບພົນລະເມືອງລາວ, ຄົນຕ່າງດ້າວ ແລະ ພົນລະເມືອງຕ່າງປະເທດ ທີ່ເປັນຄອບຄົວຂອງພົນລະເມືອງລາວຢ່າງຖືກຕ້ອງ ເມື່ອໄດ້ລົງທະບຽນໃນເວບໄຊ: laogreenass.gov.la ເພື່ອຂໍເອົາ QR-Code (Vaccin ID) ແລະມີຄວາມຕ້ອງການເດີນທາງກັບຄືນປະເທດແມ່ນສາມາດເດີນທາງກັບຄືນປະເທດໂດຍບໍ່ຈໍາເປັນສະເຫນີຜ່ານສະຖານທູດ ຫຼື ສະຖານກົງສຸນ ເເລະ ກົມກົງສຸນ ກະຊວງການຕ່າງປະເທດ; ພົນລະເມືອງຕ່າງປະເທດ ທີ່ເປັນຄອບຄົວຂອງພົນລະເມືອງລາວຢ່າງຖືກຕ້ອງທີ່ມີວິຊາຄອບຄົວ (SP-B3) ສາມາດເດີນທາງກັບຄືນປະເທດ ໂດຍບໍ່ຈໍາເປັນສະເຫນີຜ່ານສະຖານທູດ ຫຼື ສະຖານກົງສຸນ ແລະ ກົມກົງສຸນ ກະຊວງການຕ່າງປະເທດ. ໃນກໍລະ ນີ້ ທີ່ຍັງບໍ່ມີ ວີຊາ ແມ່ນໃຫ້ສະເຫນີຂໍວີຊາ ຢູ່ສະຖານທູດ ຫຼືສະຖານກົງສຸນລາວປະຈໍາປະເທດທີ່ຕົນອາໃສຢູ່ກ່ອນເດີນທາງເຂົ້າມາ ສປປ ລາວ;
7.ສຳລັບຄົນຕ່າງປະເທດ ແລະຜູ້ທີ່ບໍ່ມີສັນຊາດທີ່ມີວີຊາເຂົ້າ-ອອກ ຫຼາຍເທື່ອ ແລະບັດພັກ ເຊົາຊົ່ວຄາວຢູ່ ສປປ ລາວ ທີ່ຍັງມີອາຍຸການນໍາໃຊ້ຢ່າງຖືກຕ້ອງກໍ່ຄື: ນັກການທູດ, ພະນັກງານຂອງສະຖານທູດ ແລະສະຖານກົງສຸນຕ່າງປະເທດ, ພະນັກງານຜູ້ຕາງຫນ້າ ອົງການຈັດຕັ້ງສາກົນ ທີ່ນອນຢູ່ໃນເຄືອຂ່າຍຂອງ ອົງການສະຫະປະຊາຊາດ, ອົງການຈັດຕັ້ງສາກົນ ທີ່ໄດ້ຮັບອະພິສິດ ແລະເອກະສິດທາງການທູດ ລວມທັງສະມາຊິກຄອບຄົວ ແມ່ນສາມາດເດີນທາງເຂົ້າມາ ສປປ ລາວ ໂດຍບໍ່ຈໍາເປັນສະເຫນີຜ່ານ ກົມກົງສຸນກະຊວງການຕ່າງປະເທດ ລວມເຖິງຊ່ຽວຊານ, ນັກລົງທຶນ, ນັກທຸລະກິດ, ວິຊາການ, ແຮງງານຂອງ ບໍລິສັດ ຫຼື ໂຄງການ ແລະ ນັກສຶກສາຕ່າງປະເທດ ເມື່ອໄດ້ລົງທະບຽນໃນເວບໄຊ: laogreenpass.gov.la ເພື່ອຂໍເອົາ QR-Code ແລະຄົບເງື່ອນໄຂຂ້າງເທິງແມ່ນສາມາດເດີນທາງເຂົ້າມາ ສປປ ລາວ ໂດຍບໍ່ຈໍາເປັນສະເຫນີຜ່ານ ກົມກົງສຸນ ກະຊວງການຕ່າງປະເທດ.
ເມື່ອທຸກຄົນມາຮອດ ສປປ ລາວ ຕ້ອງໄດ້ເກັບຕົວຢ່າງເພື່ອກວດຫາເຊື້ອພະຍາດໂຄວິດ-19 ດ້ວຍເຄື່ອງ RT-PCR ແລະຈໍາກັດບໍລິເວນເພື່ອລໍຖ້າຜົນກວດຫາເຊື້ອພະຍາດໂຄວິດ-19 ຢ່າງຫນ້ອຍ 48 ຊົ່ວໂມງ ຢູ່ສະຖານທີ່ທີ່ທາງຄະນະສະເພາະກິດກໍານົດໃຫ້ ຕາມ ແຈ້ງການຫ້ອງວ່າການສໍານັກງານນາຍົກລັດຖະມົນຕີ, ສະບັບເລກທີ 258/ຫສນຍ ແລະຕ້ອງໄດ້ຕິດຕັ້ງ ແລະ ລົງທະບຽນ ໂປຣແກຣມ (ແອັບ) LaoKYC ໃນໂທລະສັບມືຖືຂອງຕົນ ເພື່ອໃຊ້ບໍລິ ການ “ ລາວ ສູ້ສູ້ ເພື່ອຄວາມສະດວກ ໃນເວລາເຄື່ອນໄຫວຕາມສະຖານທີ່ຕ່າງໆ (ຍົກເວັ້ນ ນັກການທູດ, ພະນັກງານຂອງ ສະຖານທູດ ແລະ ສະຖານກົງສຸນຕ່າງປະເທດ, ພະນັກງານຜູ້ຕາງຫນ້າອົງການຈັດຕັ້ງສາກົນ ທີ່ນອນຢູ່ໃນເຄືອຂ່າຍຂອງ ອົງການສະຫະປະຊາຊາດ, ອົງການຈັດຕັ້ງສາກົນທີ່ໄດ້ຮັບອະພິສິດ ແລະ ເອກະ
ສິດທາງການທູດ ລວມທັງສະມາຊິກຄອບຄົວ.
ສໍາລັບພົນລະເມືອງລາວ ແລະພົນລະເມືອງຕ່າງປະເທດ ທີ່ຕ້ອງການເດີນທາງອອກໄປຕ່າງປະເທດ (ໃນທຸກກໍລະນີ) ສາມາດແຈ້ງອອກກັບເຈົ້າຫນ້າທີ່ຕໍາຫຼວດກວດຄົນເຂົ້າ-ອອກເມືອງ ປະຈໍາດ່ານທີ່ຈະເດີນທາງ ໂດຍບໍ່ຕ້ອງຂໍອະນຸຍາດກັບຄະນະສະເພາະກິດ ແລະຕ້ອງໄດ້ກະກຽມເອກະສານຕາມເງື່ອນໄຂ ແລະ ມາດຕະການຂອງປະເທດປາຍທາງທີ່ກໍານົດໄວ້ຢ່າງຄົບຖ້ວນ.
