05/03/2023
ក្រុងពោធិ៍សាត់ ថ្ងៃអាទិត្យ ១៤ កើត ខែផល្គុន ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៥ ខែមីនា ឆ្នាំ២០២៣
ក្រោមអធិបតីភាព លោក ម៉ក់ សុផាត ប្រធានប្រតិបត្តិ សមាគមសម្ពន្ធប្រជាជនដើម្បីសន្តិភាព សាខាខេត្តពោធិ៍សាត់ បានបើកកិច្ចប្រជុំបូកសរុប និងពិភាក្សាការងារ ប្រចាំខែកុម្ភៈ ឆ្នាំ២០២៣ និងលើកទិសដៅការងារសម្រាប់ខែបន្ទាប់ ដោយមានការចូលពីលោក លោកស្រីប្រធាន អនុប្រធាន សមាជិក សាខា/អនុសាខា ក្រុង ស្រុក ទាំង៧។
ឆ្លៀតក្នុងឱកាសនេះដែរសូមថ្លែងអំណរគុណឯកឧត្តមជិន ប៊ុនធឿនប្រធានស.ស.ប.ស តាមរយៈលោកប្រធានសមាគមខេត្ត ដែលបានចែកលិខិតសរសើរជូនចំពោះលោក លោកស្រី ប្រធាន អនុប្រធាន និងសមាជិកដែលមានស្នាដៃល្អក្នុងការបំពេញភារកិច្ចកន្លងមក ។
បន្ទាប់ពីកិច្ចប្រជុំបូកសរុបលទ្ធផលការងារ និងពិភាក្សារួចរាល់ ក្រុមការងារ សមាគមសម្ពន្ធប្រជាជនដើម្បីសន្តិភាពខេត្តពោធិ៍សាត់ ពិសារអាហារសាមគ្គីជុំគ្នាប្រកបដោយបរិយាកាសរីករាយ ស្និទ្ធស្នាល និងកក់ក្តៅជាទីបំផុត (ឧបត្ថម្ភដោយលោកខឹមសុភ័ណ្ឌ ប្រធានសមាគមអនុសាខាស្រុកវាលវែង)។
