សារព័ត៌មាន អាណាចក្រខ្មែរ, ៊លោកតា ខៀវនឿយ, Phumi Siem Reap (2026)

Q: What is the address?

៊លោកតា ខៀវនឿយ

24/06/2026

ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តបន្ទាយមានជ័យ ប្រជុំពិនិត្យវឌ្ឍនភាពការកសាងហេដ្ឋារចនាសម្ព័ន្ធ និងពិគ្រោះយោបល់ប្រមូលធាតុចូលលើការងាររៀបចំនគរូបនីយកម្មក្នុងក្រុងសិរីសោភ័ណ្ឌ ខេត្តបន្ទាយមានជ័យ ដើម្បីជំរុញការបង្កើនខឿនសេដ្ឋកិច្ចសម្រាប់ប្រជាពលរដ្ឋ។
—————-
ខេបន្ទាយមានជ័យ: នាថ្ងៃទី១៨ ខែមិថុនា ឆ្នាំ២០២៦
ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តបន្ទាយមានជ័យ បានប្រជុំពិនិត្យវឌ្ឍនភាពការកសាងហេដ្ឋារចនាសម្ព័ន្ធ និងពិគ្រោះយោបល់ប្រមូលធាតុចូលលើការងាររៀបចំនគរូបនីយកម្មក្នុងក្រុងសិរីសោភ័ណ្ឌ ខេត្តបន្ទាយមានជ័យ ដើម្បីជំរុញការបង្កើនខឿនសេដ្ឋកិច្ចសម្រាប់ប្រជាពលរដ្ឋ។

24/06/2026

#ឯកឧត្តមឧបនាយករដ្ឋមន្ត្រី សាយ សំអាល់ និងឯកឧត្តមឯកអគ្គរដ្ឋទូតកាណាដាប្រចាំនៅកម្ពុជា បានវាយតម្លៃខ្ពស់ចំពោះចំណងទំនាក់ទំនងការទូតរវាងប្រទេសទាំងពីរ

#ករសួងរៀបចំដែនដីនគរូបនីយកម្មនិងសំណង់ #កអក

23/06/2026

#សេចក្តីប្រកាសព័ត៌មាន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា អញ្ជើញដឹកនាំគណៈប្រតិភូជាន់ខ្ពស់កម្ពុជា អញ្ជើញបំពេញទស្សនកិច្ចមិត្តភាពផ្លូវការ នៅសាធារណរដ្ឋប្រជាមានិតចិន ចាប់ពីថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០២៦។

22/06/2026

ឯកឧត្តម តឹករ៉េត សំរេច រដ្ឋលេខាធិការប្រចាំការក្រសួងរៀបចំដែនដីនគររូបនីយកម្ម និងសំណង់ បានអញ្ជើញដឹកនាំកិច្ចប្រជុំជំរុញការងារចុះបញ្ជីដីបង្ហើយក្នុងភូមិសាស្ត្រខេត្តកំពង់ធំ និងខេត្តសៀមរាប

#នាថ្ងៃទី១៩ ខែមិថុនា ឆ្នាំ២០២៦
ឯកឧត្តមរដ្ឋលេខាធិការប្រចាំការ តឹករ៉េត សំរេច បានអញ្ជើញដឹកនាំកិច្ចប្រជុំជំរុញការងារចុះបញ្ជីដីបង្ហើយ ក្នុងភូមិសាស្ត្រខេត្តកំពង់ធំ និងខេត្តសៀមរាប ដើម្បីតាមដាននូវវឌ្ឍនភាពការងារ ស្តាប់នូវបញ្ហាប្រឈម និងសំណូមពររបស់មន្ត្រីជំនាញ ក្នុងគោលបំណងប្រមូលធាតុចូល និងដើម្បីផ្តល់អនុសាសន៍ លើការដោះស្រាយនូវបញ្ហាប្រឈមនានា ក្នុងទិសដៅឈានទៅរកការបិទបញ្ចប់ការងារចុះបញ្ជីដីបង្ហើយនាពេលដ៏ខ្លីខាងមុខ។
#ការបង្កើតនូវបរិយាកាសគ្មានវិវាទ
#គណៈកម្មការសុរិយោដី #អាជ្ញាធរជាតិដោះស្រាយទំនាស់ដីធ្លី #ចុះបញ្ជីដីបង្ហើយ #បញ្ចប់វិវាទដីធ្លី #សេវាគាប់ចិត្ត #កអក

21/06/2026

រដ្ឋមន្ត្រីក្រសួងទេសចរណ៍ រដូវវស្សាមិនមែនជាឧបសគ្គនៃការដើរកម្សាន្តនោះទេ
ប៉ុន្តែវាជា រដូវកាលបៃតងដែលមានភាពទាក់ទាញខ្លាំងដោយសារធម្មជាតិមានភាពស្រស់បំព្រង

សៀមរាប: ថ្លែងនៅក្នុងពិធីបើកក្នុងកម្មវិធី «ជជែកលើវិថីទេសចរណ៍រដូវកាលបៃតង ឆ្នាំ២០២៦» ដែលបានរៀបចំឡើងនៅលើទឹកដីបេតិកភណ្ឌវប្បធម៌ពិភពលោកខេត្តសៀមរាប នារាត្រីថ្ងៃទី ២០ ខែ មិថុនា ឆ្នាំ២០២៦ ឯកឧត្តម ហួត ហាក់ រដ្ឋ មន្ត្រីក្រសួងទេសចរណ៍ បានមានប្រសាសន៍ថា រដូវវស្សាមិនមែនជាឧបសគ្គនៃការដើរកម្សាន្តនោះទេ ប៉ុន្តែវាជា រដូវកាលបៃតង ដែលមានភាពទាក់ទាញខ្លាំង ដោយសារធម្មជាតិមានភាពស្រស់បំព្រង ព្រៃឈើខៀវខ្ចី ប្រាសាទបុរាណមានស្លែគ្របដណ្តប់បង្កើតបានជាផ្ទាំងទស្សនីយភាពប្លែកភ្នែក និងមានខ្យល់អាកាសបរិសុទ្ធ ។ ឯកឧត្តមបន្តថាដើម្បីធ្វើការទាក់ទាញទេសចរណ៍បែបធម្មជាតិគឺយើងត្រូវមានការជំរុញការផ្សព្វផ្សាយតំបន់ទេសចរណ៍ធម្មជាតិ និងសហគមន៍ទេសចរណ៍ជុំវិញតំបន់សៀមរាប-អង្គរ ដែលកំពុងបង្ហាញសម្រស់យ៉ាងត្រកាលក្នុងរដូវនេះលើកទឹកចិត្តឱ្យប្រជាពលរដ្ឋខ្មែរ ជាពិសេសយុវជន និងអ្នករស់នៅតាមបណ្តាខេត្តផ្សេងៗ មកកម្សាន្តនៅខេត្តសៀមរាបក្នុងរដូវកាលបៃតងនេះ ។ទន្ទឹមនឹងនេះការលើកកម្ពស់ទេសចរណ៍ក្នុងរដូវកាលបៃតង បានរួមចំណែកធ្វើឲ្យលំហូរទេសចរណ៍មានភាពប្រក្រតីពេញមួយឆ្នាំ កាត់បន្ថយការប្រមូលផ្តុំក្នុងរដូវកាលខ្ពស់ និងបង្កើនការចែករំលែកផលប្រយោជន៍សេដ្ឋកិច្ចទៅដល់មូលដ្ឋាន។ឯកឧត្តមរដ្ឋមន្ត្រីក្រសួងទេសចរណ៍ ក៍បានថ្លែងអំពាវនាវដល់ប្រតិបត្តិករទេសចរណ៍ទាំងអស់ រក្សាឲ្យបាននូវតម្លៃសមរម្យ មិនដំឡើងថ្លៃហួសហេតុ និងត្រូវពង្រឹងគុណភាពសេវាកម្មឲ្យកាន់តែល្អប្រសើរហើយ ទីក្រុងស្អាត សេវាល្អ គឺ សង្កត់ធ្ងន់លើការរក្សាអនាម័យ បរិស្ថាន និងបដិសណ្ឋារកិច្ចល្អស្របតាមស្តង់ដារទេសចរណ៍ ដើម្បីផ្តល់បទពិសោធន៍មិនអាចបំភ្លេចបានដល់ភ្ញៀវទេសចរផងដែរ ។
លោក ង៉ូវ សេងកាក់ អភិបាលរងខេត្តសៀមរាប បានមានប្រសាសន៍ថាការជំរុញទេសចរណ៍ក្នុងរដូវកាលបៃតង គឺជាការផ្លាស់ប្តូរទស្សនវិស័យដ៏សំខាន់មួយ ដោយចាត់ទុកធម្មជាតិ និងរដូវភ្លៀង ជាឱកាសសម្រាប់បង្កើតតម្លៃបន្ថែម មិនមែនជាឧបសគ្គឡើយ ហើយជាក់ស្តែង រដូវកាលនេះបានបង្ហាញភាពស្រស់បំព្រងនៃធម្មជាតិ បរិយាកាសត្រជាក់ស្រួល និងទេសភាពពណ៌បៃតងដ៏ទាក់ទាញ។ លោកបានបន្តថាសម្រាប់ខេត្តសៀមរាបដែលជាបេះដូងនៃទេសចរណ៍វប្បធម៌ និងបេតិកភណ្ឌពិភពលោក ការអភិវឌ្ឍទេសចរណ៍ក្នុងរដូវកាលបៃតង បានបន្ថែមតម្លៃថ្មីដល់គោលដៅទេសចរណ៍របស់យើង តាមរយៈប្រាសាទបុរាណ ទេសភាពធម្មជាតិ សហគមន៍ទេសចរណ៍ និងជីវភាពប្រជាពលរដ្ឋប្រចាំថ្ងៃ ដែលសុទ្ធសឹងជាបទពិសោធន៍ពិត និងមានអត្ថន័យ។ ការអភិវឌ្ឍនេះ គឺស្របតាមទិសដៅរបស់រាជរដ្ឋាភិបាល ក្នុងការលើកកម្ពស់វិស័យទេសចរណ៍ប្រកបដោយចីរភាព បរិយាបន្ន និងភាពធន់ ដោយធានាតុល្យភាពរវាងការអភិរក្សបេតិកភណ្ឌ ការការពារបរិស្ថាន និងការលើកកម្ពស់ជីវភាពប្រជាសហគមន៍៕

20/06/2026

#ក្រសួងរៀបចំដែនដី នគរូបនីយកម្ម និងសំណង់ ថ្នាក់ដឹកនាំសហគមន៍ឥស្លាមនៅកម្ពុជា ក្រុមហ៊ុនស៊ូកាកូអ៊ីន និងសណ្ឋាគារភ្នំពេញ បានឯកភាពគ្នាលើការបើកតម្រាយផ្លូវពីផ្លូវR4 តភ្ជាប់ពីតំបន់បឹងកក់ មកមហាវិថីព្រះមុនីវង្សដើម្បីសម្រួលដល់ចរាចរណ៍ និងកាត់បន្ថយការកកស្ទះ។

នេះបើយោងទៅតាមកិច្ចពិភាក្សាអំពីការបើកផ្លូវR4 តភ្ជាប់ពីតំបន់បឹងកក់ មកមហាវិថីព្រះមុនីវង្ស នាថ្ងៃទី១៩ ខែមិថុនា ឆ្នាំ២០២៦នេះ

#នគរូបនីយកម្ម #ទីប្រជុំជន #ការរៀបចំក្រុង #អភិបាលកិច្ចទីក្រុង #ផែនការមេរៀបចំនិងអភិវឌ្ឍទីក្រុង #ផែនការកែលម្អទីក្រុងនិងទីប្រជុំជន #ភាពជាដៃគូនិងមូលនិធិ #ប្រព័ន្ធធ្វើដំណើរនិងចរាចរណ៍ #ប្រព័ន្ធដឹកជញ្ជូនសាធារណៈ #ភាពធន់របស់ទីក្រុង #ការរៀបចំផ្ទះ #ទឹកស្អាត_សំណល់_អនាម័យ #មធ្យោបាយធ្វើដំណើរ #កំណើនប្រកបដោយបរិយាប័ន្ននិងសមធម៌ #សុវត្ថិភាពនិងសន្តិសុខ #ការអប់រំ #កអក

19/06/2026

ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តបន្ទាយមានជ័យ ប្រជុំពិនិត្យវឌ្ឍនភាពការកសាងហេដ្ឋារចនាសម្ព័ន្ធ និងពិគ្រោះយោបល់ប្រមូលធាតុចូលលើការងាររៀបចំនគរូបនីយកម្មក្នុងក្រុងសិរីសោភ័ណ្ឌ ខេត្តបន្ទាយមានជ័យ ដើម្បីជំរុញការបង្កើនខឿនសេដ្ឋកិច្ចសម្រាប់ប្រជាពលរដ្ឋ។
—————-
នាថ្ងៃទី១៨ ខែមិថុនា ឆ្នាំ២០២៦
ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តបន្ទាយមានជ័យ បានប្រជុំពិនិត្យវឌ្ឍនភាពការកសាងហេដ្ឋារចនាសម្ព័ន្ធ និងពិគ្រោះយោបល់ប្រមូលធាតុចូលលើការងាររៀបចំនគរូបនីយកម្មក្នុងក្រុងសិរីសោភ័ណ្ឌ ខេត្តបន្ទាយមានជ័យ ដើម្បីជំរុញការបង្កើនខឿនសេដ្ឋកិច្ចសម្រាប់ប្រជាពលរដ្ឋ។

17/06/2026

គ្រូពេទ្យ អេង ពៅ ប្រធានមណ្ឌល សុខភាព អន្លង់ សំណរ រងការចោទប្រកាន់ពី ពលរដ្ឋ ថាចាក់ដីកំពង់ទឹកបុរាណធ្វើអាជីវកម្មឯកជនរបស់ខ្លួន

សៀមរាប÷ បច្ចុប្បន្ននេះការរំលោភយកដីរដ្ឋធ្វើជាកម្មសិទ្ធិឯកជនដោយបំពានច្បាប់ពីសំណាក់អ្នកមានលុយ មានអំណាច និងមានតួនាទីក្នុងក្រខណ្ឌរដ្ឋកើតមានជាច្រើន។ ដែលឡែកស្រុកជីក្រែងថ្មីៗ នេះ កាលពីថ្ងៃអង្គារទី១៦ ខែមិថុនា ឆ្នាំ ២០២៦ មានសេចក្តីរាយការណ៍ពីប្រជាពលរដ្ឋថាកំពង់ទឹកបុរាយមួយកន្លែងជាកំពង់ទឹកដែលប្រជាពលរដ្ឋធ្លាប់ដឹកពូជស្រូវប្រាំងនៅរដូវព្រោះស្រូវ ហើយក៏ជាកំពង់ទឹកដ៏សំខាន់សម្រាប់អ្នកជំងឺមកព្យាបាលជម្ងឺនៅមណ្ឌលសុខភាព មធ្យោបាយធ្វើដំណើរដោយកាណូត ផងដែរ ។ ជាពិសេសអ្នកជម្ងឺដែលមកពីបឹងទន្លេសាប។ ពេលដែលអ្នកសារព័ត៌មានទៅគោលដៅឃើញថាពិតជាមានការចាក់លុបនិងចាក់គ្រឹះក្រវាត់យកដីកំពង់ទឹកបុរាណពិតប្រាកដមែន។ តើរឿងនេះកើតឡើងនៅឯណា? បុគ្គលនោះមានតួនាទីអ្វីទើបហ៊ានធ្វើដូច្នេះ? ករណីនេះកើតឡើងនៅដង ស្ទឹងជីក្រែង ទល់មុខមណ្ឌលសុខភាព អន្លង់សំណរ ស្ថិតក្នុងភូមិអន្លង់ សំណរ ឃុំ អន្លង់ សំណរ ស្រុកជីក្រែង ខេត្ត សៀមរាប។ បើយោងតាមសម្តីប្រជាពលរដ្ឋក្នុងលក្ខខណ្ឌមិនបញ្ចេញឈ្មោះ ថាអ្នកចាក់ដីលុបកំពង់ទឹកបុរាណនេះ គឺ អ្នកគ្រូពេទ្យ អេង ពៅ (ហៅ ពៅ ខ្លី ) បច្ចុប្បន្ន រស់នៅភូមិ អន្លង់សំណរ ឃុំអន្លង់សំណរ ស្រុកជីក្រែង ខេត្តសៀមរាប។ មានតួនាទី ជាប្រធានមណ្ឌលសុខភាពអន្លង់សំណរ។ ពួកគាត់បញ្ជាក់ថា ការចាក់លុប និងចាក់ក្រវាត់គ្រឹះដីកំពង់ទឹកបុរាណនេះគឺមានគោលបំណងទុកជួលឲ្យអ្នកធ្វើអាជីវកម្មលក់ដូរ ព្រោះកន្លែងនេះមានភូមិសាស្ត្រល្អ មានមនុស្សច្រើនកុះករ ។
១ / ទល់មុខមណ្ឌលសុខភាព
២ / ទលមុខជាប់របង អនុវិទ្យាល័យ និងវិទ្យាល័យសាមគ្គី អន្លង់ សំណរ។
ពាក់ព័ន្ធករណីខាងលើនេះ លោក ជន តូ មេភូមិអន្លង់ សំណរ ថា លោក មិនបានដឹងរឿងនេះទេ ព្រោះការចាក់ដីលុប និងចាក់គ្រឹះ រំលោភយកដីកំពង់ទឹកបុរាណនេះគ្មានអ្នកណាម្នាក់បានប្រាប់លោកនោះទេ? លោក អះអាងថាកាលវាស់ចុចប្លង់ចុះបញ្ជីក្បាលដីលោកបានចូលរួមដែរ ។ លោកបញ្ជាក់ថាទីតាំងចំណុចនេះត្រូវបានគណៈកម្មការវិនិច្ឆ័យចុះបញ្ជីក្បាលដីទុកជាសម្បត្តិរដ្ឋ លោកបន្ថែមថា ព្រោះវាគឺជាកំពង់ទឹកដ៏សំខាន់បំផុតសម្រាប់ប្រជាពលរដ្ឋមកព្យាបាលជម្ងឺមធ្យោបាយធ្វើដំណើរដោយកាណូត ជាពិសេសបងប្អូនរស់នៅបឹងទន្លេសាប។ មេឃុំ អន្លង់ សំណរ លោក កង សុីជឿន បកស្រាយប្រាប់អ្នកសារព័ត៌មានថា គ្រូ ពេទ្យ អេង ពៅ បានជម្រាបប្រាប់លោកកាលពីមានមាន ទំនាស់ជាមួយម្ចាស់ព្រំដីថា មណ្ឌលសុខភាព ចាក់ដីធ្វើជាជណ្តើរ ដើម្បីបង្កការងាយស្រួលដល់អ្នកជម្ងឺដែលមកព្យាបាលធ្វើដំណើរដោយកាណូត។ ជុំវិញបញ្ហានេះអ្នកសារព័ត៌មានមិនអាចសុំការបកស្រាយពីអ្នកគ្រូពេទ្យ អេង ពៅ (ហៅ ពៅ ខ្លី ) បានទេព្រោះទូរស័ព្ទចូលជាច្រើនដង ប៉ុន្តែគ្មានការឆ្លើយតប។
ជាចុងក្រោយប្រជាពលរដ្ឋសំណូមពរដល់ អភិបាលស្រុក ជីក្រែង គឺ លោក បូ ម៉េងទ្រី និង មេឃុំ អន្លង់ សំណរ លោក កង សុីជឿន មេត្តាចុះពិនិត្យទីតាំងកំពង់ទឹកបុរាណ នេះផងទាន! ពួកគាត់ព្រមានថាបើ កំពង់នេះក្លាយជាកម្មសិទ្ធិឯកជនមែន! ប្រជាពលរដ្ឋដែលរស់នៅបឹងទន្លេសាបមានផលពិបាកយ៉ាងធ្ងន់ធ្ងរក្នុងការមកព្យាបាលជម្ងឺនៅមណ្ឌល សុខភាពពេទ្យរដ្ឋក្នុងឃុំអន្លង់សំណរ នេះ ហើយក៏ ជាគំរូដ៏អាក្រក់សម្រាប់អ្នកមានលុយ និងមានតួនាទីបំពាន ច្បាប់ រំលោភយកដីរដ្ឋ ។ ពួកគាត់ សុំ ឲ្យ អាជ្ញាធរ ធ្វើ យ៉ាងណាឲ្យអ្នកចាក់ដី រំលោភកយដីកំពង់ទឹកបុរាណនេះកាយដី និងវ៉ៃក្រវាត់គ្រឹះនេះចោលដើម្បីធ្វើជាកំពង់ទឹកដូចដើមវិញ។

អង្កភាពយើងខ្ញុំរងចាំការបកស្រាយពីអ្នកគ្រូពេទ្យពេលក្រោយរៀងរាល់ម៉ោងធ្វើការ។

17/06/2026

រដ្ឋបាលខេត្តបន្ទាយមានជ័យ រៀបចំព្រះរាជពិធីបុណ្យចម្រេីនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ គម្រប់៩០ យាងចូល៩១ព្រះវស្សា
បន្ទាយមានជ័យ ៖ រដ្ឋបាលខេត្តបន្ទាយមានជ័យ រៀបចំព្រះរាជពិធីបុណ្យចម្រេីនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ នឹងជាព្រះប្រធានកិត្តិយសកាកបាទក្រហមកម្ពុជា គម្រប់៩០ យាងចូល៩១ព្រះវស្សា ដែលប្រព្រឹត្តទៅនៅថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦ នាពេលខាងមុខនេះ។
ពិធីនេះក៏មានការអញ្ជេីញចូលរួមឯកឧត្ដម ប្លែក វ៉ារី ប្រធាន ក្រុមប្រឹក្សា ខេត្ត និងលោកជំទាវ នួម សុភ័ណ អនុប្រធាន កត្តិយសសាខាកាកបាទក្រហមកម្ពុជាខេត្ត ឯកឧត្ដម អ៊ុំ រាត្រី អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ និងលោកជំទាវ ជ័យ ណារី អ៊ុំ រាត្រី មានការចូលរួមពីសំណាក់ ឯកឧត្ដម លោកជំទាវ សមាជិក ក្រុម ប្រឹក្សា ខេត្ត មន្ត្រីរាជការ គណៈអភិបាលរងខេត្ត ថ្នាក់ដឹកនាំមន្ទីរ អង្គ ភាព ស្ថាប័ន ពាក់ព័ន្ធ ជុំវិញ គណៈកម្មាធិការសាខា ក្រុមប្រតិបត្តិសាខា អនុសាខា ក្រុមកាកបាទក្រហមឃុំ-សង្កាត់ អ្នកស្ម័គ្រចិត្ត និង យុវជនកាកបាទក្រហមកម្ពុជា យុវជន ស.ស.យ.ក យុវជនកាយរឹទ្ធ សិស្សានុសិស្ស តាជី-យាយជី បានចូលរួមប្រារព្ធធ្វេីឡេីងនៅសាលប្រជុំ ក សាលាខេត្តបន្ទាយមានជ័យ នាព្រឹកថ្ងៃទី១៧ ខែមមិថុនា ឆ្នាំ ២០២៦។
ក្នុងឱកាសដ៏មហាជ័យមង្គលថ្លៃថ្លា ពោរពេញដោយសេចក្តីសោមនស្សនៃព្រះរាជពិធីបុណ្យចម្រើនព្រះនោះដែរថ្នាក់ដឹកនាំមន្ត្រីរាជការ ក៏បានសម្តែងថ្វាយនូវព្រះសព្ទសាធុការពរជ័យ បវរសួស្តី សិរីវឌ្ឍនា វិបុលសុខ មហាប្រសើរគ្រប់ប្រការ ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ប្រកបដោយព្រះរាជសុខភាពល្អបរិបូរណ៍ ព្រះកាយពលរឹងមាំ ព្រះបញ្ញាញាណភ្លឺត្រចះត្រចង់ និងមានព្រះជន្មាយុយឺនយូរ ជាងរយព្រះវស្សាចាកផុតនូវព្រះរោគាព្យាធិនានាតរៀងទៅ។ នឹងបានបួងសួងដល់គុណបុណ្យព្រះរតនត្រ័យកែវទាំងបី តាមជួយបីបាច់ថែរក្សា អភិបាលប្រោះព្រំព្រះសព្ទសាធុការពរ ជ័យគ្រប់ប្រការ ថ្វាយចំពោះសម្តេចព្រះមហាក្សត្រី ព្រះវររាជមាតាជាតិខ្មែរ ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
បន្ទាប់ពីអានសារថ្វាយព្រះពរសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ រួចមកអង្គពិធីក៏បានធ្វើកិច្ចសាសនា និមន្តព្រះសង្ឃសូត្រពុទ្ធជ័យមង្គល ថ្វាយចំពោះហ្លួងម៉ែ ព្រមទាំងបានចែកអំណោយជូនដល់យាយជី -តាជី២០ នាក់ និងគ្រួសារក្រីក្រចំនួន៣៦គ្រួសារផងដែរ៕

16/06/2026

ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម យូ ស៊ាវវិន (You Xiaowen) អគ្គលេខាធិការនៃមជ្ឈមណ្ឌលសហប្រតិបត្តិការសន្តិសុខ និងសមាហរណកម្មអនុវត្តច្បាប់មេគង្គ-ឡានឆាង ចុះហត្ថលេខាលើកិច្ចព្រមព្រៀងរវាងក្រសួងមហាផ្ទៃ នៃព្រះរាជាណាចក្រកម្ពុជា និងមជ្ឈមណ្ឌលសហប្រតិបត្តិការសន្តិសុខ និងសមាហរណកម្មអនុវត្តច្បាប់មេគង្គ-ឡានឆាង (LMLECC) ស្តីពី “គម្រោងអភិវឌ្ឍន៍ប្រព័ន្ធនគរបាលវៃឆ្លាតក្នុងតំបន់មេគង្គ-ឡានឆាង ប្រព័ន្ធដំណើរការ និងវិភាគវីដេអូ នៅរាជធានីភ្នំពេញ” នៅសាលប្រជុំទីស្តីការក្រសួងមហាផ្ទៃ នារសៀលថ្ងៃទី១៦ ខែមិថុនា ឆ្នាំ២០២៦។ ពិធីនេះ ក៏មានការអញ្ជើញចូលរួមពីសំណាក់ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ផងដែរ៕

សារព័ត៌មាន អាណាចក្រខ្មែរ

24/06/2026

24/06/2026

23/06/2026

22/06/2026

21/06/2026

20/06/2026

19/06/2026

17/06/2026

17/06/2026

16/06/2026

Address

Telephone

Website

Alerts

Contact The Business

Shortcuts

Share